اۋرۋدى تىزگىندەۋ ماماندارى ءتۇيىندى ادامدارعا جۇقپالى تۇماۋ ۆاكسيناسىن ەرتەرەك ەگۋدى ۇسىنىس ەتتى

شينحۋا اگەنتتىگىنىڭ 9 - ايدىڭ 3 – كۇنى بەيجيڭنەن بەرگەن حابارى. ءتىلشىنىڭ 9 - ايدىڭ 3 - كۇنى وتكىزىلگەن مەملەكەتتىك اۋرۋدى تىزگىندەۋ مەكەمەسىنىڭ اقپار جاريالاۋ ماجىلىسىنەن ۇعىسۋىنشا، 9 - ايدان باستاپ جەر - جەر وسى رەتكى جۇقپالى تۇماۋ ۆاكسيناسىن ەگۋ جۇمىسىن ىركەس - تىركەس باستاماقشى. اۋرۋدى تىزگىندەۋ ماماندارى بىلاي دەدى: ”قارتتار مەن بالالار“ سياقتى ءتۇيىندى ادامدار شوعىرىنا، مەكتەپ، قارتتاردى كۇتىمگە الۋ قۇرىلىمى سياقتى ءتۇيىندى ورىندارداعى قىزمەتكەرلەرگە تارالمالى ماۋسىم كەلەردەن بۇرىن جۇقپالى تۇماۋ ۆاكسيناسىن ەرتەرەك ەگۋدى ۇسىنىس ەتەمىز.

ۇعىسۋعا قاراعاندا، بيىل مەملەكەت ءتۇيىندى ادامدار شوعىرىنا جۇقپالى تۇماۋ ۆاكسيناسىن تەگىن ەگۋ جانە قولداۋ ساياساتىن اتقارىپ، قازىنالىق قارجىدان تولەۋ، جۇمىسشى ـ قىزمەتكەرلەردىڭ ەمدەلۋىن قامسىزداندىرۋداعى جەكە ەسەپ ـ قيسابى ارقىلى تولەۋ، جۇمىسشى ۇيىمىنىڭ قاراجاتىنان تولەۋ قاتارلى تۇتاس تىزبەكتى، كوپ ارنالى قارجى توپتاۋ ارقىلى قامتاماسىز ەتىپ، اۋىل ـ قىستاق رايوندارىنداعى ”قارتتار مەن بالالار“ سياقتى ءتۇيىندى ادامدار شوعىرى، جۇمىسشى ـ قىزمەتكەرلەردىڭ ەمدەلۋىن قامسىزداندىرۋعا قاتىناسۋشىلار جانە قامسىزداندىرۋعا قاتىناسقان جاقىن تۋىستارى، جاڭا جۇمىستانۋ فورماتسياسىنداعى ەڭبەكشىلەر شوعىرى سياقتىلارعا جۇقپالى تۇماۋ ۆاكسيناسىن ەگۋدى قولدايدى.

كەلۋ قاينارى: حالىق تورابى