دامىپ جاتقان جۇڭگو | بەيجي قىستاعىنداعى ”جانعا جايلى دەمالىس“ 

”3، 2، 1، ءبىز باعدارىمىزدى تاپتىق!“ جازدىڭ سوڭى، كۇزدىڭ باسى، بەيجي قىستاعىنىڭ چيشيڭ الاڭى دۋمانعا بولەنىپ، ساياحاتشىلار الاۋلاعان وتتى اينالا ۇيىسىپ، قيمىل جۇرگىزۋشىسىمەن بىرگە ريتمگە ساي بيگە باستى، شات - شادىمان كۇلكىلەرى كەشكى سالقىن سامالمەن بىرگە حيلۇڭجياڭ وزەنىنىڭ جاعاسىندا جاڭعىردى.

حيلۇڭجياڭ ولكەسى ۇلكەن شيڭ - انليڭ رايونى موحى قالاسىنا ورنالاسقان بۇل شاعىن قىستاق، پوليارلىق جارقىل، قار - مۇز، قالىڭ ورمان قاتارلى ەرەكشە بايلىقتارى ارقىلى قالىڭ ساياحاتشىلارعا تانىس. بيىل جازعى دەمالىس مەزگىلىندە، بەيجي قىستاعى باي مادەنيەت - ساياحات كاسىپ كۇيى مەن تازا، سالقىن، جايلى اۋا رايىنا سۇيەنىپ، بارعان سايىن كوپتەگەن ساياحاتشىنى وسى ارادا سالقىنداپ دەمالۋعا باۋرادى.

بەيجي قىستاعىنا قادام تاستاعان سوڭ، ساياحاتشىلار كەيدە وزەن جاعاسىمەن سەيىلدەپ، كەيدە توقتاي قالىپ، ”شىنجوۋدىڭ سولتۇستىك ۇيەگى“ اتتى تاس ەسكەرتكىش، ەڭ سولتۇستىكتەگى تاقىرىپتىق پوشتا، ”التىن تاۋىق ءتاجى“ قاتارلى سۋرەتكە تۇسۋگە لايىقتى ورىنداردا ەستەلىك سۋرەتكە تۇسەدى. وزگەشە تابيعات پەن جاعراپيالىق ابزالدىلىققا يە بەيجي قىستاعى الۋان ءتۇرلى دەمالۋ جانە باستان كەشىرۋ نىساندارىن قالىپتاستىرىپ، ءاربىر ساياحاتشىنىڭ سولتۇستىك ەندىك 53 گرادۋستاعى شەكاراداعى شاعىن قىستاقتا دەمالىسىن جايلى دا الاڭسىز وتكىزۋىنە مۇمكىندىك جاسادى.

”جۋىرداعى جىلداردان بەرى، ءبىز التىن تاۋىق تاجىندە تۇرىپ جۇلدىزدى اسپاندى تاماشالاۋ بازاسى، بەيجي شاجوۋ ءبىر كەسە شاي ۇلتتىق سالت – ءداستۇردى باستان كەشىرۋ رايونى قاتارلى جاڭا كاسىپ كۇيىن قالىپتاستىرىپ، جاز، كۇز ماۋسىمىنداعى مادەنيەت - ساياحات كاسىپ تىزبەگىن كەڭەيتتىك، ساياحاتشىلاردىڭ تابيعي كورىنىستەردى تاماشالاۋمەن بىرگە، اناعۇرلىم ويداعىداي ويىن – ساۋىق قۇرۋىنا، بەيجي قىستاعىنا عانا ءتان جايلى تابيعاتتان ءلاززاتتانۋىنا مۇمكىندىك جاسادىق“، - دەپ تانىستىردى موحى بەيجي ساياحاتتى گۇلدەندىرۋ شەكتى سەرىكتەستىگىنىڭ ورىنباسار ديرەكتورى شى چيڭحۋا. ”قازىر بەيجي قىستاعىنا ”باعدارىن تابۋعا“ كەلەتىن ساياحاتشىلار بارعان سايىن كوبەيدى، ءبىز ساياحات قوسىمشا قۇرىلعىلارىنىڭ دارەجەسىن جوعارىلاتۋ، كورىنىس رايونىنىڭ قىزمەت وتەۋىن ساپالىلاندىرۋ، ويىن – ساۋىق قويىلىمدارى مەن ءوزارا ىقپالداستىقتى كەمەلدەندىرۋ قاتارلى تاسىلدەر ارقىلى ساياحاتشىلاردىڭ ويىن – تاماشا قۇرۋ لەنياسىن ۇزارتىپ، كوپشىلىكتىڭ وسى ارادا ايالداۋىنا، ويناپ - كۇلۋىنە مۇمكىندىك جاساپ، بەيجي قىستاعىنىڭ ’باعدار ىزدەۋ‘ دەگەن التىن ماركاسىن ۇزدىكسىز جارقىراتامىز“.

مادەنيەت - ساياحات كاسىپ كۇيىنىڭ ۇزدىكسىز بايىتىلۋىنا بايلانىستى، بەيجي قىستاعىنداعى ءار وتباسى ساياحاتتان يگىلىككە كەنەلىپ، كوپتەگەن قىستاق تۇرعىندارى قوناق ءۇي، اسحانا اشىپ، ەسىك الدىندا كىرىستەرىن ارتتىرىپ، بايۋدى جۇزەگە اسىردى. ءتۇن جارىمى بولعاندا، چيشيڭ الاڭىنداعى مازداعان وت بارعان سايىن جالىنداپ، لاۋلاعان جالىن تەك بەيجي قىستاعىنا ”باعدارىن تابۋعا“ كەلگەن ساياحاتشىلاردىڭ اجارىن عانا نۇرلاندىرىپ قالماستان، ساياحات سالاسىنداعىلار مەن قىستاق تۇرعىندارىنىڭ دا جۇرەگىن جىلىتتى. ۇزدىكسىز كەلىپ جاتقان ساياحاتشىلار مەن مەن ۇزىلمەگەن شات – شادىمان ۇندەر جاندى بەينەلەۋگە اينالىپ، وتاننىڭ ەڭ سولتۇستىك شەتىندە شەكارانى گۇلدەندىرىپ، حالىقتى بايىتۋ حيكاياسىن ۇزدىكسىز جازۋدا.

حالىق تورابىنىڭ ءتىلشىسى جاڭ جىشين، شاڭ چىڭ فوتوسى

كەلۋ قاينارى: حالىق تورابى