جۇڭگو اۋرۋدان ساقتانۋ جانە ونى تىزگىندەۋ ورتالىعى: جۋىردا جۇقپالى تۇماۋدىڭ تارالۋى از مولشەردە جوعارىلادى، جاڭا تيپتى ايدارشا ۆيرۋستى تەكسەرۋدىڭ بولىمدىلىق مولشەرىندە تومەندەۋ اۋقىمى بايقالدى

جۇڭگو اۋرۋدان ساقتانۋ جانە ونى تىزگىندەۋ ورتالىعى جاريالاعان مەملەكەت بويىنشا شۇعىل تىنىس جولى جۇقپالى اۋرۋلارىنىڭ جاعدايىن باقىلاۋ – تەكسەرۋ تۇيىندەرىنىڭ 35 – اپتاداعى تەكسەرۋ جاعدايىنا قاراعاندا، 2026 - جىلى 8 - ايدىڭ 24 - كۇنىنەن 8 - ايدىڭ 30 - كۇنىنە دەيىن، ەلىمىز بويىنشا باقىلاۋ ءتۇيىنى سانالاتىن ەمحانالاردىڭ امبۋلاتوريا جانە شۇعىل ەمدەۋ بولىمىندەگى جۇقپالى تۇماۋعا ۇقساس اۋرۋ بەلگىلەرى بايقالعان ناۋقاستاردىڭ تىنىس جولى ۇلگىلەرىن تەكسەرۋ ناتيجەسىندە بولىمدىلىق مولشەرى الدىڭعى ءۇش ورىنداعى اۋرۋ قوزدىرعىشتار جۇقپالى تۇماۋ ۆيرۋسى (%17.7)، جاڭا تيپتى ايدارشا ۆيرۋس (%15.8)، مۇرىن ۆيرۋسى (%2.8) بولعان.

مۇنىڭ ىشىندە، جاڭا تيپتى ايدارشا ۆيرۋستى تەكسەرۋ ناتيجەسىنىڭ بولىمدىلىق مولشەرىندە تومەندەۋ اۋقىمى بايقالىپ، جالپى جاعدايى ورتاشا تارالۋ دەڭگەيىندە بولعان. جۇقپالى تۇماۋدىڭ تارالۋى جۋىردا از مولشەردە جوعارىلاپ، نەگىزىنەن B (ۆيكتوريا) جۇيەسى مەن A (H3N2) تارماق تيپتى جۇقپالى تۇماۋ ۆيرۋسى بولعان، A (H3N2) تارماق تيپىنىڭ سالىستىرماسى ارتتى. وڭتۇستىكتەگى ولكەلەردەگى تەكسەرۋ ناتيجەسىنىڭ بولىمدىلىق مولشەرى ورتاشا تارالۋ دەڭگەيىندە تولقىدى، سولتۇستىكتەگى ولكەلەردە تارالۋى ارالىق مەزگىل دەڭگەيىندە بولىپ، 15 - 59 جاس ارالىعىنداعى ناۋقاستار گرۋپپاسىندا تەكسەرۋدىڭ بولىمدىلىق مولشەرى ەڭ جوعارى بولدى.

مەملەكەت بويىنشا امبۋلاتوريا جانە شۇعىل ەمدەۋ بولىمىندەگى قىزۋى ورلەگەن ناۋقاستاردى تەكسەرۋ جاعدايى، باقىلاۋ ءتۇيىنى بولعان ەمحانالاردىڭ امبۋلاتوريا جانە شۇعىل ەمدەۋ بولىمىندەگى جۇقپالى تۇماۋعا ۇقساس اۋرۋ بەلگىسى بايقالعان ناۋقاستاردىڭ ەمدەلۋگە كەلۋ جاعدايى، كوپ ءتۇرلى اۋرۋ قوزدىرعىشتاردى تەكسەرۋ قاتارلى تەكسەرۋ ناتيجەلەرىن تالداۋ جاعدايىمەن ۇشتاستىرعاندا، تەكسەرىپ انىقتالعانداردىڭ بارلىعى بەلگىلى، ءجيى كەزدەسەتىن اۋرۋ قوزدىرعىشتار بولىپ، بەلگىسىز اۋرۋ قوزدىرعىشتار جانە ونىڭ سالدارىنان تۋىنداعان جاڭادان تارالعان جۇقپالى اۋرۋلار بايقالماعان. (ورتالىق تەلەۆيزياسى اقپارات تورابىنىڭ كلەنتى، ورتالىق تەلەۆيزياسىنىڭ ءتىلشىسى ياڭ ياڭ، لي حان)

كەلۋ قاينارى: حالىق تورابى