ەلىمىز بويىنشا 5 ميلليون 200 مىڭنان استام لايىقتى جاستاعى قىز بالا HPV ۆاكسياسىنىڭ العاشقى دوزاسىن ەكتىردى 

شينحۋا اگەنتتىگىنىڭ 9 - ايدىڭ 3 - كۇنى بەيجيڭنەن بەرگەن حابارى (ءتىلشى گۋ تيانچىڭ، لي حىڭ). ءتىلشىنىڭ 9 - ايدىڭ 3 - كۇنى مەملەكەتتىك اۋرۋدىڭ الدىن الۋ جانە ونى تىزگىندەۋ مەڭگەرمەسى وتكىزگەن اقپارات جاريالاۋ ماجىلىسىنەن ۇعىسۋىنشا، بيىل 2 - ايدا HPV ۆاكسيناسىن ەگۋ قىزمەتىن باستاعاننان بەرى، جەر - جەر بەلسەندىلىكپەن ىزدەنىس جاساپ، جەرگىلىكتى جاعدايعا قاراي شارا قولدانىپ، ناقتىلى احۋالعا ساي ءبىر قاتار شارالاردى ورتاعا قويىپ، حالىق ءۇشىن قىزمەت ىستەيتىن بۇل ءىستى ناقتىلى، ويداعىداي ورىندادى. قازىرگە دەيىن، مەملەكەت بويىنشا 5 ميلليون 200 مىڭنان استام لايىقتى جاستاعى قىز بالا ۆاكسينانىڭ العاشقى دوزاسىن ەكتىرىپ بولدى، بۇل ءىس جالپى جاقتان ءساتتى ىلگەرىلەتىلدى.

مەملەكەتتىك اۋرۋدىڭ الدىن الۋ جانە ونى تىزگىندەۋ مەڭگەرمەسىنىڭ قاتىستى جاۋاپتىسى مىنانى ءبىلدىردى: اتا - انالار مەن بالالار كوڭىل ءبولىپ وتىرعان ۆاكسينا ەگۋگە قاتىستى ماسەلەلەر جونىندە، جۋىردا مەملەكەتتىك اۋرۋدىڭ الدىن الۋ جانە ونى تىزگىندەۋ مەڭگەرمەسى مەن جۇڭگو اۋرۋدان ساقتانۋ جانە ونى تىزگىندەۋ ورتالىعىنىڭ رەسمي تورابى، رەسمي ۋيشين تەكشەسى قاتارلى ارنالار ارقىلى ساياساتتى ءتۇسىندىرۋ جانە ۇگىت جۇرگىزۋ، جەتەكشىلىك ەتۋ قىزمەتى ورىستەتىلدى. اتا - انالاردىڭ دا قىراعىلىقتى ارتتىرىپ، ينتەرنەتتەگى شىندىققا ساي كەلمەيتىن ينفورماتسيالارعا الدانىپ قالماۋىن، لايىقتى جاستاعى بالالاردى ۋاعىندا ۆاكسينا ەكتىرۋگە اكەلۋىن وتىنەمىز.

كەلۋ قاينارى: حالىق تورابى