ءۇش تاراۋ قۇجات شىعارىپ، كوز اقاۋسىزدىعىنا ساپالى، جوعارى ءونىمدى قىزمەت وتەۋدى جەدەلدەتتى

ءتىلشىنىڭ 9 – ايدىڭ 8 – كۇنى مەملەكەتتىك دەنساۋلىق ساقتاۋ جانە سالاماتتىق كوميتەتىنەن ۇعىسۋىنشا، مەملەكەتتىك دەنساۋلىق ساقتاۋ جانە سالاماتتىق كوميتەتى، مەملەكەتتىك جۇڭگوشا ەمدەۋ جانە ءدارى – دارمەك مەكەمەسى، مەملەكەتتىك اۋرۋدى تىزگىندەۋ مەكەمەسى تاياۋدا «كوز اقاۋسىزدىعىنا ساپالى، جوعارى ءونىمدى قىزمەت وتەۋدى جەدەلدەتۋ قىزمەت جوباسىن (2026 – جىلدان 2030 – جىلعا دەيىن)» بىرلەسىپ باسىپ تاراتقان.

جوبادا مىنالار تالاپ ەتىلدى: نازاردى ءتۇيىندى ادامدار شوعىرى مەن ءتۇيىندى كوز اۋرۋلارىنا شوعىرلاندىرىپ، ساقتانۋ، دياگنوز قويۋ، ەمدەۋ، ساۋىقتىرۋدىڭ تۇتاس تىزبەكتى قىزمەت وتەۋىن كەمەلدەندىرىپ، تۇتاس تىرشىلىك پەريودىن قامتىعان كوز اقاۋسىزدىعىنا قىزمەت وتەۋ جۇيەسىن اقاۋسىزداندىرىپ، حالىق بۇقاراسىن ءادىل دە قولجەتىمدى، جۇيەلى دە باياندى، ساپالى دا جوعارى ءونىمدى كوز اقاۋسىزدىعى قىزمەت وتەۋىمەن قامداۋ كەرەك.

جوبادا مىنالار ايقىن بەلگىلەندى: 2030 – جىلعا بارعاندا 0 جاستان 6 جاسقا دەيىنگى بالالاردى، ورتا، باستاۋىش مەكتەپ وقۋشىلارىن ساۋلە سىندىرىپ تەكسەرۋ مولشەرى ورنىقتى جوعارىلايدى، بۇكىل ەل بويىنشا ءبىر ميلليون ادامنىڭ كوزىنە اق ءتۇسۋ وپەراتسياسىنىڭ مولشەرى 4000 نان اسادى، %95 تەن استام اۋدان كولەمىندە ۇنەمى كەزىگەتىن كوز اۋرۋلارىن ەمدەۋ دەربەس ورىستەتىلەدى، ءارقايسى اۋدان كولەمىندە كوزىنە اق ءتۇسۋ وپەراتسياسى قىزمەت وتەۋىمەن قامدايدى.

كەلۋ قاينارى: حالىق تورابى