مامان: ءدارى ءىشۋ ۋاقىتى ءدارى ونىمدىلىگىنە تىكەلەي ىقپال جاسايدى

9 – ايدىڭ 7 – كۇنى، مەملەكەتتىك دەنساۋلىق ساقتاۋ جانە سالاماتتىق كوميتەتى ”ماۋسىم، امال جانە سالاماتتىق (بايلۋ)“ جونىندەگى اقپار جاريالاۋ ءماجىلىسىن اشتى. بەيجيڭ داشۋەسى 3 ـ شيپاحاناسىنىڭ مەڭگەرۋشىسى جاۋ رۇڭشىڭ ماجىلىستە بىلاي دەدى: ءدارى ءىشۋ ۋاقىتى ءدارى ونىمدىلىگىنە تىكەلەي ىقپال جاسايدى. اشقارىن دەگەن تاماقتان ءبىر ساعات بۇرىن نەمەسە تاماقتانىپ ەكى ساعات وتكەننەن كەيىنگى ۋاقىتتى كورسەتەدى، اسقازانداعى ازىقتىقتار از بولىپ، ءدارىنىڭ تەز ارادا تولىق سىمىرىلۋىنە ءتيىمدى بولادى، مىسالى، ءبىر ءبولىم قىشقىلدى تەجەيتىن دارىلەر، باكتەرياعا قارسى دارىلەر. تاماقتان بۇرىن دەپ تاماقتان 15 تە 30 مينۋت بۇرىنعى ۋاقىتتى كورسەتەدى، اسقازانعا الدىن الا اسەر ەتىپ، ازىق - تۇلىكتىڭ كەدەرگىسىن ازايتادى، مىسالى، ءبىر ءبولىم اسقازان دارىلەرى. تاماقتان كەيىن دەپ تاماقتانىپ بولعان سوڭ 30 دا ءبىر ساعاتقا دەيىنگى ارالىقتى كورسەتەدى، تاماق تىتىركەندىرۋدى باسەڭدەتەدى، بۇل اسقازان كىلەگەي قابىعىن تىتىركەندىرەتىن دارىلەرگە ۇيلەسەدى، مىسالى، قىزۋدى قايتارىپ، اۋىرعاندى باساتىن دارىلەر، قابىنۋعا قارسى دارىلەر.

كەلۋ قاينارى: حالىق تورابى