بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
«حالىق گازەتىنىڭ» تىلشىلەرى ليۋ چىڭيوۋ، حاۋ يىڭسان
2026.09.17 16:13 كەلۋ قاينارى : حالىق تورابى
9 - اي، لياۋنيڭ ولكەسى شىنياڭ قالاسىندا كۇز سامالى ەسىپ تۇر. شىنياڭ قالاسى دادۇڭ رايونى چاڭ - ان الەۋمەتتىك اۋماعى چاڭ - ان تۇرعىندار رايونىندا سەيىلدەپ جۇرگەندە، بيىك كونە مورجالار جۇرت نازارىن اۋدارادى.
”بۇل ارا بۇرىن پار قازان ءۇيى بولاتىن، كەرەكسىز جاتقالى كوپ جىل بولعان، قازىر الەۋمەتتىك اۋماقتاعى پارتيا مەن بۇقارانىڭ قىزمەت وتەۋ ورتالىعى، ونىڭ ىشىندە قارتتار اسحاناسى، الەۋمەتتىك اۋماق كىتاپ ءۇيى، حاتكەرلىك، سۋرەت ساباقحاناسى دا بار“. 62 جاستاعى تۇرعىن جياڭ شۋچين ىستىق تاماق قالبىرىن ۇستاپ تۇرىپ: ”جاڭا عانا جاسالعان تۇسكى تاعام، ەكەۋى ەتتى ءساي، ەكەۋى ەتسىز ءساي، قورەكتىگىندە ايتار جوق“.
2022 - جىلى 8 - ايدا باس شۋجي شي جينپيڭ شىنياڭدا قىزمەت تەكسەرگەندە بىلاي دەپ باسا دارىپتەدى: ”كونە تۇرعىندار رايوندارىن جاڭالاۋ بۇقارانىڭ تابىس سەزىمىن جوعارىلاتۋداعى ماڭىزدى قىزمەت“. 2025 - جىلى 1 - ايدا باس شۋجي شي جينپيڭ شىنياڭعا تاعى دا كەلىپ قىزمەت تەكسەرگەندە بىلاي دەپ اتاپ كورسەتتى: ”قالانى جاڭالاۋدا جەرگىلىكتى جاعدايعا قاراي ىستەپ، الەۋمەتتىك اۋماق قۇرىلىسىمەن ۇشتاستىرىپ، بارلىق ىستە حالىققا قولايلى، حالىققا پايدالى، حالىقتى الاڭسىز ەتۋدى كوزدە ۇستاۋ، اسىرەسە، قارتتارعا، بالالارعا ءتىپتى دە جاقسى كوڭىل ءبولۋ، قورعاۋ كەرەك“.
باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، شىنياڭ كونە تۇرعىندار رايونىن جاڭالاۋدى قالانى جاڭالاۋ ارەكەتىن ىشكەرىلەي ىلگەرىلەتۋدىڭ، نەگىزگى ساتىنى جونگە سالۋدى وسىزامانداندىرۋدى جۇزەگە اسىرۋدىڭ ماڭىزدى تۇتقاسى ەتىپ، نازاردى ”حالىققا قولايلىلىق جاساۋعا، حالىققا پايدا جەتكىزۋگە، حالىقتى الاڭسىز ەتۋگە“ شوعىرلاندىرىپ، بۇقاراعا جوعارى ساپالى تۇرمىس كەڭىستىگىن كۇش سالا قالىپتاستىردى.
”قازىر كونە مورجالارعا كۇمىس ءتۇستى تاسپا شىراق ورالىپ، الەۋمەتتىك اۋماقتىڭ كورىنىسىنە اينالدى“ دەدى چاڭ - ان الەۋمەتتىك اۋماعى پارتكومىنىڭ شۋجيى ساۋ شۋە. كونە مورجانىڭ وزگەرۋى شىنياڭنىڭ كونە تۇرعىندار رايوندارىن جاڭالاۋدىڭ، الەۋمەتتىك اۋماقتاردىڭ قىزمەت وتەۋ فۋنكتسياسىن ەگجەي - تەگجەيلى ىستەۋدىڭ جاندى بەينەسى.
بايىرعى ونەركاسىپ بازاسى رەتىندە، شىنياڭ ەرتە قالالاسقان، بۇكىل قالاداعى 6500 دەن استام تۇرعىندار رايونىنىڭ ىشىندە كونە تۇرعىندار رايونى 3500 دەن اسىپ، سالىستىرماسى %50 تەن اسادى.
جان - جاقتى جوعارىلاتۋعا تاباندى بولىپ، ”بەت - بەينەنى جارقىراتىپ“، ”ىشكى بولمىستى“ ناقتىلاندىردى _
1999 - جىلى قۇرىلعان شىنحى رايونى شيڭفىڭ الەۋمەتتىك اۋماعى شىنجوۋ حۋايۋان تۇرعىندار رايونىندا ءبىر مەزەت نەگىزدىك قۇرىلعىلار كونەرىپ، باسقارۋى كەمەلسىز ەدى.
”قازىر ەرەجەگە قايشى سالىنعان قۇرىلىستار شاعىلدى، كوگالدار كوبەيدى، جولدار تەگىستەلدى، كورشىلەر اراسىنداعى قايشىلىق ازايدى، ’حۋايۋان تۇرعىندار رايونى‘ اتى زاتىنا ساي بولدى!“ تۇرعىندار رايونىنىڭ تۇرعىنى جاڭ لياڭ تەبىرەنە: ”كوپتەگەن كونە تۇرعىندار قايتا كوشىپ كەلدى“ دەدى.
بەلگىلەمەگە قايشى سالىنعان قۇرىلىستار شاعىلىپ، كونە قۇبىر تورابى، جول سياقتىلار جاڭالانىپ، جاسىل القاپ جاسالىپ، جەرگە كابەل تارتىلىپ، مادەنيەت، دەنە تاربيە قۇرىلعىلارى مەن حاۋىپسىزدىك قۇرىلعىلارى كوبەيتىلدى... شىنياڭ قالالىق قالا - اۋىل قۇرىلىسى مەكەمەسىنىڭ باستىعى شى گوچي بىلاي دەپ تانىستىردى: شىنياڭ ”ءبىردى شاعۋ، بەستى وزگەرتۋ، ءۇشتى ارتتىرۋدى“ تۇتقا ەتىپ، كونە تۇرعىندار رايونىن جاڭالاۋدى زور كۇشپەن ىلگەرىلەتتى.
ادامدى نەگىز ەتۋگە تاباندى بولىپ، تۇرعىنداردىڭ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىردى _
دادۇڭ رايونى بايتا الەۋمەتتىك اۋماعى ۋانشوۋ تۇرعىندار رايونى بۇرىن ءىرى تۇرپاتتى ۋنيۆەرسال قيمىل ورتالىعىن جاڭادان قۇرۋدى جوسپارلاعان بولاتىن. تۇرعىنداردىڭ پىكىرىن تىڭداعاننان كەيىن، جوبالاۋشى جاق چەرتوجعا وزگەرىس ەنگىزىپ، 3 تۇرعىندار قيمىل ءۇيىن بىتىراندى سالۋعا وزگەرتتى ءارى دەنە شىنىقتىرۋ الاڭى مەن سەيىل - سەرۋەن ورنىن سالدى.
شىنياڭ كونە تۇرعىندار رايونىن جاڭالاۋ بارىسىندا باستان - اياق حالىقتان سۇراۋعا، حالىقتان كەڭەس الۋعا، ونىمدىلىكتى حالىقتان سۇراۋعا تاباندى بولدى: وزگەرتۋدەن بۇرىن تۇرعىنداردان تولىق پىكىر الىپ، ”ءبىر رايوندا ءبىر شارا“، ”ءبىر عيماراتتا ءبىر شارا“ بويىنشا وزگەرتۋ جوباسىن دالمە - ءدال جاسادى؛ وزگەرتۋ بارىسىندا تۇرعىنداردى باقىلاۋ گرۋپپاسىن قۇرىپ، وزگەرتۋ اياق الىسىن، ساپاسىن دەر كەزىندە باقىلاپ - باسقاردى؛ وزگەرتىلگەننەن كەيىن، ”حالىق رايىن تەكسەرىپ وتكىزىپ الۋ“ جانە ينجەنەريانى كاسىپتىك جاقتان وتكىزىپ الۋدى قاتار جۇرگىزىپ، تۇرعىنداردىڭ ريزا بولۋ مولشەرى %90 تەن تومەندەردى تەكسەرۋدەن وتكىزبەدى.
قۇرۋ مەن باسقارۋدى ۇشتاستىرۋعا تاباندى بولىپ، وزگەرتۋدە ناقتى ونىمدىلىككە قول جەتكىزۋمەن بىرگە، باسقارۋدا باياندى ونىمدىلىككە قول جەتكىزۋ كەرەك _
عيماراتتارىنىڭ ورتاشا عۇمىرى 30 جىلدان اسقان حىپيڭ رايونى حىپيڭ جاڭا قىستاعى الەۋمەتتىك اۋماعىنا بارعاندا، جول بەتى تەگىس، تازا، اۆتوكولىكتەر رەتتى توقتاتىلىپتى. ”كونە تۇرعىندار رايونىن جاڭالاعاننان كەيىن، ءبىز جاۋاپتى قىزمەتكەر، عيمارات باستىعى، تۇرعىندار ەرىكتىلەرى سياقتىلاردى ءبىر تۇتاس جوسپارلاپ، بىرگە باسقاراتىن قوسىن قۇردىق“ دەدى حىپيڭ جاڭا قىستاعى الەۋمەتتىك اۋماعى پارتكومىنىڭ شۋجيى جاڭ ميڭۋەي.
كونە تۇرعىندار رايونى جاڭاردى، ”30 پايىز ۇلەس قۇرىلىسقا، 70 پايىز ۇلەس باسقارۋعا سۇيەنەدى“. ”ءبىز الەۋمەتتىك اۋماق پارتيا ۇيىمى باستاماشى بولاتىن، تۇرعىندار كوميتەتى، كاسىپتىك كوميتەت، قوجالىق قىزمەت وتەۋ كاسىپورىندارى كوپ جاق بىرلەسىپ قيمىلدايتىن بىرىككەن ءماجىلىس مەحانيزمىن تەرەڭدەتىپ، تۇرعىنداردى تۇرعىندار رايونىنىڭ باسقارۋ - قورعاۋ ۇلگىسىن، ءوزىن - ءوزى باسقارۋ ەرەجەسىن جانە ءىس قاراۋ ەرەجەسىن دەربەس كەڭەسىپ بەلگىلەۋگە جەتەكتەپ، كونە تۇرعىندار رايونىن جاڭالاۋ جەتىستىكتەرىن بىرگە ويداعىداي قورعادىق“ دەدى شىنياڭ قالالىق پارتكوم ۇيىمداستىرۋ ءبولىمىنىڭ قاتىستى جاۋاپتىسى.
”15 - بەسجىلدىق“ كەزىندە شىنياڭ 400 دەن ارتىق كونە تۇرعىندار رايونىن وزگەرتىپ، كەمەلدى الەۋمەتتىك اۋماق قۇرىلىسىن ءبىر تۇتاس ىلگەرىلەتىپ، قالانىڭ ”حالىققا قولايلى، حالىققا پايدالى بولۋىنا، حالىقتى الاڭسىز ەتۋىنە“ مۇمكىندىك جاسادى.
كەلۋ قاينارى: حالىق تورابى
