بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.10.13 16:18 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 12 - كۇنى، بەيجيڭ. 10 - ايدىڭ 12 - كۇنى مەملەكەت ءتوراعاسى شي جينپيڭ پاپۋا - جاڭا گۆينەياسى تاۋەلسىز ەلىنىڭ گۋبەرناتورى داداەمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: پاپۋا - جاڭا گۆينەياسى جۇڭگونىڭ تىنىق مۇحيتتاعى ارال ەلدەرى وڭىرىندەگى جاقسى دوسى، جاقسى سەرىگى، جاقسى باۋىرلاسى. ەكى ەل ديپلوماتيالىق قاتىناس ورناتقان جارتى عاسىردان بەرى ساياسي ءوزارا سەنىمدىلىگى ۇزدىكسىز تەرەڭدەپ، ءوزارا ءتيىمدى سەلبەستىگى مول تابىسقا قول جەتكىزىپ، گۋمانيتارلىق اۋىس - كۇيىس كۇن سايىن كەڭەيىپ، ەكى جاقتى قاتىناس باياندى دامىپ، ەكى ەل حالقىن باقىتقا كەنەلتىپ قانا قويماي، جۇڭگو مەن تىنىق مۇحيتتاعى ارال ەلدەرىنىڭ تاعدىرلاس ورتاق تۇلعاسىن قۇرۋعا دا قۋاتتى قوزعاۋشى كۇش ۇستەدى.
شي جينپيڭ بىلاي دەپ باسا دارىپتەدى: مەن جۇڭگونىڭ پاپۋا - جاڭا گۆينەياسىمەن قاتىناسىن دامىتۋعا ايرىقشا ءمان بەرەمىن، داداە گۋبەرناتورمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقاندىعىنىڭ 50 جىلدىعىن وراي ەتىپ، ءداستۇرلى دوستىقتى جالعاستىرىپ، ءار سالاداعى اۋىس - كۇيىستى، سەلبەستىكتى كۇشەيتىپ، جۇڭگو مەن پاپۋا - جاڭا گۆينەياسىنىڭ جالپى بەتتىك ستراتەگيالىق سەرىكتەستىك قاتىناسىن تاعى دا تىڭ ساتىعا كوتەرۋگە باستاپ، ەكى ەل حالقىن اناعۇرلىم ويداعىداي يگىلىككە كەنەلتۋدى قالايمىن.
داداە مىنالاردى ءبىلدىردى: ديپلوماتيالىق قاتىناس ورناتقان 50 جىلدان بەرى پاپۋا - جاڭا گۆينەياسىنىڭ جۇڭگومەن قاتىناسى باياندى دامىپ، ەكى ەلگە جانە ەكى ەل حالقىنا تيىمدىلىك جەتكىزدى. پاپۋا - جاڭا گۆينەياسى جۇڭگومەن ۇزاق ۋاقىتتىق دوستىعىن قاستەرلەيدى، ءبىر جۇڭگو پرينسيبىنە تاباندى بولادى، ەكى ەلدىڭ ديپلوماتيالىق قاتىناس ورناتقاندىعىنىڭ 50 جىلدىعىن وراي ەتىپ، ەكى جاقتى قاتىناستىڭ ۇزدىكسىز ىشكەرىلەي دامۋىن ىلگەرىلەتۋدى ءۇمىت ەتەدى.
سول كۇنى مەملەكەتتىك كەڭەستىڭ زۇڭليى لي چياڭ پاپۋا - جاڭا گۆينەياسىنىڭ زۇڭليى ماراپەيمەن ءوزارا قۇتتىقتاۋ تەلەگرامماسىن جولدادى.
لي چياڭ مىنالاردى ءبىلدىردى: جۇڭگو جاق پاپۋا - جاڭا گۆينەياسى جاقپەن بىرگە قۇلشىنىپ، ديپلوماتيالىق قاتىناس ورناتۋدىڭ 50 جىلدىعىن وراي ەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى جەدەل ىلگەرىلەتىپ، جۇڭگو مەن پاپۋا - جاڭا گۆينەياسىنىڭ جان - جاقتى ستراتەگيالىق سەرىكتەستىك قاتىناسىنىڭ ۇزدىكسىز العا دامۋىن ىلگەرىلەتۋدى قالايدى.
ماراپەي مىنالاردى ءبىلدىردى: پاپۋا - جاڭا گۆينەياسى ۇكىمەتى جۇڭگونىڭ پاپۋا - جاڭا گۆينەياسىنىڭ ەكونوميكالىق، قوعامدىق دامۋىنا قوسقان ۇلەسىن ايرىقشا القايدى. پاپۋا - جاڭا گۆينەياسى جاق ۇزاق ۋاقىت تاباندى بولىپ كەلگەن ءبىر جۇڭگو پرينسيبىنە ۇزدىكسىز بويسۇنىپ، جۇڭگو جاقپەن ءار سالاداعى ءوزارا ءتيىمدى سەلبەستىكتى تەرەڭدەتىپ، ەكى جاقتىڭ جان - جاقتى ستراتەگيالىق سەرىكتەستىك قاتىناسىنىڭ ۇزدىكسىز دامۋىن ىلگەرىلەتەدى.
كەلۋ قاينارى: حالىق تورابى
