قارتتاردى كۇتىمگە الۋ قۇرىلىمدارىنىڭ دارەجەسىن ايىرۋعا قاتىستى حالىق ىستەرى مينيسترلىگى اشىق پىكىر الدى

بىرنەشە كۇننىڭ الدىندا حالىق ىستەرى مينيسترلىگى جاڭادان وزگەرىس ەنگىزىلگەن «قارتتاردى كۇتىمگە الۋ قۇرىلىمدارىنىڭ دارەجەسىن ايىرۋ» (بۇرىنعى ولشەم «قارتتاردى كۇتىمگە الۋ قۇرىلىمدارىنىڭ دارەجەسىن ايىرۋ جانە باعالاۋ») مەملەكەتتىك ولشەمى جونىندە قوعامنان اشىق پىكىر الدى.

جاڭادان وزگەرىس ەنگىزىلگەن «قارتتاردى كۇتىمگە الۋ قۇرىلىمدارىنىڭ دارەجەسىن ايىرۋدا» بىلاي دەپ ايقىن بەلگىلەندى: قارتتاردى كۇتىمگە الۋ قۇرىلىمدارىنىڭ دارەجەسىن باعالاۋدا ”ەرىكتى ءوتىنىش ەتۋ، عىلىمي، ۇيلەسىمدى بولۋ، ساپانى ماڭىزدى ورىنعا قويۋ، ناقتى ونىمدىلىككە ءمان بەرۋ، وبيەكتيۆ، ءادىل بولۋ، ءتارتىپتى ارناعا ءتۇسىرۋ“ پرينسيبىنە بويسۇنۋ كەرەك. قارتتاردى كۇتىمگە الۋ قۇرىلىمدارىنىڭ ورتاسىن، قۇرىلعى - جابدىقتارىن، اينالىمىن باسقارۋدى، قىزمەت وتەۋدى جان - جاقتى تەكسەرۋ نەگىزىندە قارتتاردى كۇتىمگە الۋ قۇرىلىمدارىنىڭ دارەجەسىن ايىرۋ كەرەك.

قارتتاردى كۇتىمگە الۋ قۇرىلىمىنىڭ دارەجەسىنىڭ كۇشكە يە مەرزىمى 3 جىل بولادى (كۋالىك بەرىلگەن كۇننەن باستاپ ەسەپتەلەدى)، كۇشكە يە مەرزىمى تولۋدان 3 اي بۇرىن قارتتاردى كۇتىمگە الۋ قۇرىلىمى كاسىپتىك باسقارۋشى تاراۋدان قايتا باعالاۋدى ءوتىنىش ەتۋى كەرەك. قايتا باعالاۋدى ۋاعىندا ءوتىنىش ەتپەسە، كۇشكە يە مەرزىمى تولعاننان كەيىن بۇرىنعى دارەجەسى وزدىگىنەن كۇشىن جويادى. قايتا باعالاۋ ماقۇلدانعاننان كەيىن، جاڭادان كۋالىك بەرىلگەن كۇننەن باستاپ كۇشكە يە شەكتى مەرزىمى قايتادان ەسەپتەلىنەدى.

كەلۋ قاينارى: حالىق تورابى