11 – ايدىڭ 5 – كۇنىنەن باستاپ، ەل ىشىندەگى اۋە جولدارىندا جانارماي قوسىمشا اقىسى جوعارىلاتىلادى 

ءتىلشىنىڭ اۆياتسيا سەرىكتەستىكتەرىنەن ۇعىسۋىنشا، 2026 – جىلى 11 – ايدىڭ 5 – كۇنىنەن باستاپ، ەل ىشىندەگى اۋە جولدارىندا جولاۋشى تاسىمالى جانارماي قوسىمشا اقىسىن الۋ ولشەمى رەتتەلگەن. 800 كيلومەتردەن (800 كيلومەتردى قامتيدى) تومەن ارالىقتاعى اۋە جولدارىندا ءاربىر ەرەسەك جولاۋشىدان جانارماي اقىسى رەتىندە 80 يۋان الىنادى، 800 كيلومەتردەن اساتىن ارالىقتاعى اۋە جولدارىندا ءاربىر ەرەسەك جولاۋشىدان جانارماي اقىسى رەتىندە 140 يۋان الىنادى، بۇرىنعىمەن سالىستىرعاندا جەكە – جەكە 30 يۋان جانە 50 يۋان جوعارىلاتىلعان.

ناقتى مازمۇنى مىناداي:

ءبىرىنشى، ەل ىشىندەگى اۋە جولدارىندا جولاۋشى تاسىمالى جانارماي قوسىمشا اقىسىن الۋ ولشەمى: 800 كيلومەتردەن (800 كيلومەتردى قامتيدى) تومەن ارالىقتاعى جول بولىگى بويىنشا ءاربىر جولاۋشىدان حالىق اقشاسى بويىنشا 80 يۋان الىنادى؛ 800 كيلومەتردەن اساتىن ارالىقتاعى جول بولىگى بويىنشا ءاربىر جولاۋشىدان حالىق اقشاسى بويىنشا 140 يۋان الىنادى.

ەكىنشى، بەلگىلەمە بويىنشا ەلىمىزدەگى حالىقتىق اۆياتسيانىڭ ەرەسەكتەرگە ارنالعان جاي بەلەت باعاسىنىڭ %10 ى بويىنشا تيىمدىلىكتەن يگىلىكتەنەتىن نارەستەلەردەن جانارماي قوسىمشا اقىسى الىنبايدى.

ءۇشىنشى، بەلگىلەمە بويىنشا ەلىمىزدەگى حالىقتىق اۆياتسيانىڭ ەرەسەكتەرگە ارنالعان جاي بەلەت باعاسىنىڭ %50 ى بويىنشا ارزانداتىلعان بەلەت ساتىپ العان بالالاردان (ەرەسەكتەر ەرتىپ جۇرمەگەن بالالاردى قامتيدى)، توڭكەرىس بارىسىندا مۇگەدەك بولعان اسكەريلەردەن، ۇكىمەت قىزمەتى سەبەبىنەن مۇگەدەك بولعان حالىق ساقشىلارى جانە مۇگەدەك بولعان ءورت ءوشىرۋ – قۇتقارۋ قىزمەتكەرلەرىنەن الىناتىن جولاۋشى تاسىمالداۋ بارىسىنداعى جانارماي قوسىمشا اقىسىنىڭ ولشەمى: 800 كيلومەتردەن تومەن (800 كيلومەتردى قامتيدى) ارالىقتاعى اۋە جولى بويىنشا، ءاربىر جولاۋشىدان حالىق اقشاسى بويىنشا 40 يۋان الىنادى؛ 800 كيلومەتردەن اساتىن ارالىقتاعى اۋە جولى بولىگى بويىنشا ءاربىر جولاۋشىدان حالىق اقشاسى بويىنشا 70 يۋان الىنادى.

كەلۋ قاينارى: حالىق تورابى