بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.11.02 16:18 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى مىڭ فانيۇي 11 - ايدىڭ 1 - كۇنى ۆەنادان حابارلايدى. مۇناي ەكسپورت ەتەتىن مەملەكەتتەر ۇيىمى (OPEC) 11 - ايدىڭ 1 - كۇنى مالىمدەمە جاريالاپ، ”+OPEC“ ۇيىمىنا مۇشە مۇناي وندىرەتىن نەگىزگى 7 ەل 12 - ايدا تابيعي مۇنايدىڭ قازىرگى ءوندىرۋ مولشەرىن وزگەرتپەي جالعاستىرۋدى ۇيعارعان.
مالىمدەمەگە قاراعاندا، ساۋد ارابياسى، رەسەي، يراق، كۆەيت، قازاقستان، الجيريا جانە وماننىڭ ۋاكىلدەرى سول كۇنى ينتەرنەت ارقىلى ءماجىلىس وتكىزىپ، دۇنيە جۇزىلىك مۇناي بازارىنىڭ قازىرگى جاعدايى مەن بولاشاعى جونىندە تۇجىرىم جاساعان. ماجىلىستە 12 - ايدا مۇناي ءوندىرۋ مولشەرى وزگەرتىلمەيدى، 9 - ايداعى ورەمەن بىردەي ۇستالادى دەگەن ۇيعارىم جاساعان.
”+OPEC“ ۇيىمى OPEC ۇيىمى مۇشەلەرىنەن جانە رەسەي قاتارلى OPEC ۇيىمىندا جوق مۇناي وندىرەتىن مەملەكەتتەردەن ۇيىمداسقان. بيىل 4 – ايدان 9 – ايعا دەيىن، مۇناي وندىرەتىن نەگىزگى مەملەكەتتەر اي سايىن ءوندىرۋ مولشەرىن ارتتىرىپ وتىرعان، 10 – ايدان باستاپ ءوندىرۋ مولشەرىن ارتتىرۋدى ۋاقىتشا توقتاتقان.
مالىمدەمەدە ءوندىرۋ مولشەرىن وزگەرتپەۋدىڭ سەبەبى تۋرالى ايتىلماعان، الايدا، اقپارات قۇرالدارىنىڭ حابارلاۋىنشا، ”+OPEC“ ۇيىمىنا مۇشە مۇناي وندىرەتىن ەلدەر ءالى دە ورتا شىعىس وڭىرىندەگى قاقتىعىس سەبەبىنەن ەكسپورتتىڭ توقتاۋىنا توتەپ بەرۋگە كۇش سالىپ جاتقاندىقتان، كەلەر جىلدان بۇرىن اناعۇرلىم كوپ ساياساتتىق رەتتەۋ جۇرگىزبەيدى. مۇناي وندىرەتىن ءار ەل ءتورتىنشى توقساندا ءوندىرىس قۋاتىن ساراپتاۋدى ورىنداپ، 2027 – جىلعى مۇناي ءوندىرۋ مولشەرىن تۇراقتاندىرۋى كەرەك.
كەلۋ قاينارى: حالىق تورابى
