مەملەكەتتىك ۇكىمەت قىزمەتكەرى ىستەرى مەڭگەرمەسىنىڭ ماڭىزدى ەسكەرتۋى 

ورتالىقتاعى ورگاندار مەن ولارعا توتە قاراستى قۇرىلىمداردىڭ 2027 – جىلى ەمتيحان ارقىلى ۇكىمەت قىزمەتكەرى مىندەتىنە قابىلداۋ بارىسىندا تىزىمگە الۋ – كۋالاندىرۋ، ينتەرنەت ارقىلى تىزىمدەۋ جانە تولىمدىلىعىن تەكسەرۋ قىزمەتى اياقتادى. 10 - ايدىڭ 26 - كۇنى ساعات 18:00 گە دەيىن، ادام ىستەتۋشى ورىنداردىڭ تولىمدىلىقتى تەكسەرۋىنەن وتكەندەردىڭ سانى 3 ميلليون 450 مىڭ ادام بولعان.

مەملەكەتتىك ۇكىمەت قىزمەتكەرى ىستەرى مەڭگەرمەسى مىناداي ماڭىزدى ەسكەرتۋ جاريالادى: ەمتيحان بەرۋشىلەردىڭ تەك تىزىمدەلۋ جانە تۇراقتاندىرۋ باسقىشىنان وتكەن سوڭ عانا ەمتيحانعا قاتىناسۋىنا بولادى. تولىمدىلىعىن تەكسەرۋدەن وتكەن ەمتيحان بەرۋشىلەر 11 – ايدىڭ 1 – كۇنىنەن 11 – ايدىڭ 6 – كۇنىنە دەيىن ”ورتالىقتاعى ورگاندار مەن ولارعا توتە قاراستى قۇرىلىمداردىڭ 2027 – جىلى ەمتيحان ارقىلى ۇكىمەت قىزمەتكەرىن قابىلداۋ ارناۋلى پاراقشاسىنا“ شىعىپ، تىزىمدەلگەنىن تۇراقتاندىرادى جانە اقى تولەيدى، وسىدان سوڭ بەلگىلەمەدەگى ۋاقىت بويىنشا ەمتيحانعا قاتىناسۋ كۋالىگىن باسىپ شىعارادى ءارى ەمتيحانعا قاتىناسادى.

كەلۋ قاينارى: حالىق تورابى