2027 - جىلعى كوكتەم مەرەكەسىندە جالعاستى 9 كۇن دەمالۋعا بولادى 

گۋاڭميڭ تورابىنىڭ، شينحۋا اگەنتتىگىنىڭ، حالىق گازەتىنىڭ حابارىنا قاراعاندا، وزگەرىس ەنگىزىلگەننەن كەيىنگى «مەملەكەت بويىنشا مەرەكەلەر مەن ەسكە ءتۇسىرۋ كۇندەرىندە دەمالىسقا تاراتۋ ادىسىنە» ساي، 2025 – جىلى 1 – ايدىڭ 1 – كۇنىنەن باستاپ، بارلىق ازاماتتارعا دەمالىس بەرىلەتىن مەرەكەلەردىڭ سانى 2 كۇن ارتقان، مۇندا، كوكتەم مەرەكەسى مەن ەڭبەكشىلەر مەرەكەسىندە جەكە – جەكە ءبىر كۇن ارتقان. اتاپ ايتقاندا، قازىرگە دەيىن زاڭدا بەلگىلەنگەن مەرەكەلىك دەمالىستاردىڭ جالپى كۇن سانى 13 كۇن بولعان.

وسىعان ساي، دەمالىستى رەتتەۋ پرينسيپى ونان ارى جاقسارتىلىپ، كەمەلدەندىرىلدى، ءىشىنارا ەرەكشە جاعدايلاردان سىرت، كوكتەم مەرەكەسىندە ەگىنشىلىك كالەندارى بويىنشا جاڭا جىلعا قاراعان تۇننەن باستاپ دەمالىس بەرۋ جانە قىزمەت كۇنىمەن اۋىستىرۋ ءتاسىلى بويىنشا 8 كۇن دەمالىس بەرىلەدى، مەملەكەت مەرەكەسىندە 10 – ايدىڭ 1 – كۇنىنەن باستاپ دەمالىس بەرۋ جانە قىزمەت كۇنىمەن اۋىستىرۋ ءتاسىلى بويىنشا 7 كۇن دەمالىس بەرىلەدى، ەڭبەكشىلەر مەرەكەسىندە دەمالىس بەرۋ جانە قىزمەت كۇنىمەن اۋىستىرۋ ءتاسىلى بويىنشا 5 كۇن دەمالىس بەرىلەدى، جاڭا جىل، چيڭميڭ مەرەكەسى، دۋان – ۋ مەرەكەسى، جۇڭچيۋ مەرەكەسى قاتارلى مەرەكەلەردە دەمالىس بەرۋ جانە قىزمەت كۇنىمەن اۋىستىرۋ نەمەسە جالعاستىرىپ دەمالۋ ءتاسىلى بويىنشا جەكە – جەكە 3 كۇن دەمالىس بەرىلەدى (ەگەر سارسەنبى كۇنى تۋرا كەلسە، سارسەنبى كۇنى عانا دەمالىس بەرىلەدى)، مەملەكەت مەرەكەسىندەگى دەمالىس جۇڭچيۋ مەرەكەسىمەن بىرگە كەلسە، جۇڭچيۋ مەرەكەسىمەن بىرلەستىرىلىپ، 8 كۇن دەمالىس بەرىلەدى (مىسالى، 2028 – جىلى).

2027 – جىلعى جاڭا جىلعا قاراعان ءتۇن جۇما كۇنگە تۋرا كەلەدى، اپتانىڭ سوڭىنداعى دەمالىسپەن جالعاۋ ارقىلى 9 كۇن دەمالۋعا بولادى.

كەلۋ قاينارى: حالىق تورابى