ورتالىقتىڭ ءوندىرىس حاۋىپسىزدىگىن باعالاۋ، شارلاپ تەكسەرۋ، ماسەلە كومەسكى قاتەرى دەرەكتەرىن قابىلداۋ قىزمەتى باستالدى

جۇڭگو اقپارات تورابىنىڭ 11 – ايدىڭ 3 – كۇنى بەيجيڭنەن بەرگەن حابارى. شۇعىل جاعدايعا توتەپ بەرۋدى باسقارۋ مينيسترلىگى تورابىنىڭ حابارىنا قاراعاندا، 2026 – جىلعى ورتالىقتىڭ ءوندىرىس حاۋىپسىزدىگىن باعالاۋ، شارلاپ تەكسەرۋ قىزمەت ورنالاستىرۋى بويىنشا، 11 – ايدىڭ ورتا شەنىنەن باستاپ ورتالىقتىڭ 24 ءوندىرىس حاۋىپسىزدىگىن باعالاۋ، شارلاپ تەكسەرۋ گرۋپپاسى 31 ولكە، اۆتونوميالى رايون، توتە قاراستى قالاعا جانە شينجياڭ ءوندىرىس – قۇرىلىس بيڭتۋانىنا بارىپ، 2026 – جىلعى ولكە دارەجەلى پارتكومدار مەن ۇكىمەتتەردىڭ ءوندىرىس حاۋىپسىزدىگىن شارلاپ تەكسەرۋ قىزمەتىن ورىستەتەدى.

11 – ايدىڭ 3 – كۇنىنەن 11 –ايدىڭ 12 - كۇنىنە دەيىن مەملەكەتتىك كەڭەستىڭ ءوندىرىس حاۋىپسىزدىگى كوميتەتى كەڭسەسى ينتەرنەت، تەلەفون، حات – قاتىناس قاتارلى 3 ءتۇرلى جولمەن بۇقارانىڭ اڭىسى مەن جۇمىسشى - قىزمەتكەرلەردىڭ ماسەلە كومەسكى قاتەرى جونىندەگى دەرەگىن قابىلدايدى. قابىلداۋ كولەمى نەگىزىنەن مىنالاردى قامتيدى: 1. ءوندىرىس - تيجارات ورىندارىنىڭ حاۋىپسىز وندىرىسىندەگى اۋىر كومەسكى شىرعالاڭ حاۋپى، زاڭعا قايشى زاڭسىز ارەكەتتەر؛ 2. ءوندىرىس حاۋىپسىزدىگى شىرعالاڭىن جالعان مالىمدەۋ، جاسىرۋ؛ 3. ءوندىرىس حاۋىپسىزدىگى مىندەتىن تياناقتاندىرۋ، ءتۇيىندى مىندەتتەردى ىلگەرىلەتۋ بارىسىندا ستيلى شىنايى بولماۋ، ءبىر - بىرىنە يتەرمەلەۋ، جاۋاپكەرسىزدىك ىستەۋ ارەكەتى.

قالىڭ كادرلار مەن بۇقارانىڭ ءوز رايونىنىڭ ءوندىرىس حاۋىپسىزدىگىنە قاتىستى ماسەلەلەر مەن كومەسكى كىناراتتار جونىندەگى دەرەكتەرمەن بەلسەنە قامداۋىن، قاتىستى جاعدايلاردى وبيەكتيۆ، شىنايى اڭىس ەتۋىن قارسى الامىز.

قابىلداۋ تورابىنىڭ ادرەسى مەن ەكىلىك ءنومىرى: https://khxc.mh.mem.gov.cn

ەسكەرتۋ: توراپ ادرەسى مەن ەكىلىكتى اشۋ ۋاقىتى 11 –ايدىڭ 3 – كۇنى ساعات 8:00 دەن 11 – ايدىڭ 12 – كۇنى ساعات 18:00 گە دەيىن.

اقىسىز قابىلداۋ تەلەفونى: 4000004470

ەسكەرتۋ: تەلەفون قابىلداۋ ۋاقىتى 11 – ايدىڭ 3 – كۇنىنەن 11 –ايدىڭ 12 – كۇنىنە دەيىن، ءار كۇنى ساعات 8:00 دەن ساعات 12:00 گە دەيىن، ساعات 14:00 تەن ساعات 18:00 گە دەيىن.

حات ساندىعى

پوشتا ارقىلى جىبەرىلەتىن حاتتاردى قابىلدايتىن حات ساندىق ادرەسى: ”بەيجيڭ قالاسى دۇڭچىڭ رايونى A01302 پوشتا حات ساندىعى تاپسىرىپ الادى“.

ەسكەرتۋ: حاتتاردى پوشتا ارقىلى قابىلداۋدا حات سالعان ۋاقىت 11 – ايدىڭ 3 – كۇنىنەن 11 – ايدىڭ 12 – كۇنىنە دەيىنگى ارالىقتا بولۋى كەرەك.