مەملەكەت بويىنشا الاڭسىز تۇتىنۋ تەكشەسى رەسمي ىسكە قوسىلدى 

بازاردى باقىلاۋ – باسقارۋ باس مەڭگەرمەسى بۇكىل ەلىمىز بويىنشا الاڭسىز تۇتىنۋ تەكشەسىن (”تۇتىنۋعا قاتىستى ينفورماتسيالاردى تەكسەرۋ“ شاعىن پروگرامماسى ارقىلى كىرۋگە بولادى) قۇرىپ، 11 – ايدىڭ 3 – كۇنى ينتەرنەتكە رەسمي جالعاعان.

تەكشەگە «مەملەكەت بويىنشا الاڭسىز تۇتىنۋ بولىگى مەن شوعىرلاندىرىلعان رايونداردى جەتىلدىرۋ باعدارناماسىنداعى (سىناق رەتىندە اتقارىلادى)» الاڭسىز تۇتىنۋدى جەتىلدىرۋدىڭ جالپى بارىسى شوعىرلاندىرىلعان. ساۋداگەرلەر تەكشەگە تىركەلىپ، ينتەرنەت ارقىلى ۋادە بەرگەن سوڭ ءارى ونى تەكسەرۋدەن وتكىزۋ جانە جاريالاۋ باسقىشىنان وتكەن سوڭ الاڭسىز تۇتىنۋ جاعىندا ۋادە بەرۋگە قاتىناسۋىنا بولادى.

تەكشە ساۋداگەرلەر ءۇشىن ”ءبىر دۇكەنگە ءبىر كود“ سىندى الاڭسىز تۇتىنۋ كودى مەن بۇكىل ەلىمىز بويىنشا بىرلىككە كەلتىرىلگەن الاڭسىز تۇتىنۋ بەلگىسىن جاساپ بەرىپ، ساۋداگەرلەردىڭ تيجارات ورىندارىندا كەڭىنەن ۇگىتتەۋى ارقىلى اناعۇرلىم تاماشا ۋادە بەرىپ، ءتىپتى دە كوپ تۇتىنۋدى جەبەۋىنە مۇمكىندىك جاسايدى.

تۇتىنۋشىلاردىڭ ”تۇتىنۋعا قاتىستى ينفورماتسيالاردى تەكسەرۋ“ شاعىن پروگرامماسى نەمەسە ينتەرنەتتەن تىس ارنالار ارقىلى تىزىمدىكتى جايمالاپ كىرىپ، تەكشەدەن پايدالانۋىنا بولادى، تەكشە ولاردىڭ ورنىنا قاراي وتىرىپ، ماڭىنداعى سەنىمدى ساۋدا دۇكەندەرىن اۆتوماتتى كورسەتەدى ءارى بولشەك ساتۋ، اس – سۋ، قونالقى، ساياحات قاتارلى 8 ءتۇرلى بولىككە جانە ساۋدا شەڭبەرى، بازار، كورىنىس رايونى قاتارلى 7 ءتۇرلى شوعىرلانعان وڭىرگە ءبولىپ كورسەتەدى.

كەلۋ قاينارى: حالىق تورابى