جۇڭگو كوممۋنيستىك پارتياسى ورتالىق كوميتەتىنىڭ پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدەگى ءبىرقانشا كەلەلى ماسەلە تۋرالى قاۋلىسى

جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ بەسىنشى جالپى ءماجىلىسى جاڭا داۋىردە پارتيانى جاپپاي قاتاڭ باسقارۋدىڭ ۇلى تابىستارى مەن قۇندى تاجىريبەلەرىن قورىتىندىلاپ، كەزەكتەگى جانە بۇدان بىلايعى ءبىر مەزگىلدەگى پارتيانى باسقارۋدا، پارتيانى جونگە سالۋدا، پارتيانى گۇلدەندىرۋدە، پارتيانى قۇدىرەتتەندىرۋدە ءدوپ كەلگەن جاعدايلار مەن مىندەتتەرگە تالداۋ جاساپ، پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدەگى ءبىرقانشا كەلەلى ماسەلە تۋرالى مىناداي قاۋلى شىعاردى.

ءبىرىنشى، پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدىڭ ماڭىزدىلىعى، كوكەي كەستىلىگى جانە جالپى تۇلعالىق تالابى

(1) حالىق ءۇشىن دۇنيەگە كەلگەن، حالىقتىڭ ارقاسىندا گۇلدەنگەن، جۇڭحۋا ۇلتىنا جويىلۋ حاۋپى تونگەن جاعدايدا قۇرىلعان، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كۇرەسىنىڭ تاريحي ۇدەرىسىندە دامىپ زورايعان جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا دەموكراتيالىق توڭكەرىستىڭ، سوتسياليستىك توڭكەرىس پەن قۇرىلىستىڭ، رەفورما جۇرگىزۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتى، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي داستاندى جازدى، دۇنيە جۇزىنە سەنىمى بەكەم، قۇدىرەتتى دە پارمەندى ماركسيزمدىك ساياسي پارتيانىڭ وبرازىن ايگىلەدى.

جۇڭگو كوممۋنيستىك پارتياسى كوممۋنيزم ۇلى مۇراتىن كوكەيگە ۇيالاتىپ، جۇڭحۋا ۇلتىنىڭ ماڭگىلىك ۇلى ءىسىن ءوز مۇراتى ەتىپ، جۇڭگو حالقىنىڭ باقىتىن كوزدەۋگە، جۇڭحۋا ۇلتىنىڭ گۇلدەنۋىن كوزدەۋگە تاباندى بولىپ، ءارقايسى تاريحي ءداۋىردىڭ بارىندە پارتيانى باسقارۋعا، پارتيانى جونگە سالۋعا ايرىقشا باسا ءمان بەرىپ، اقيقاتتان جازباۋعا، قاتەلىكتى تۇزەتۋگە باتىل بولىپ، ءوز ماسەلەسىن ءوز كۇشىنە جانە حالىقتىڭ قولداۋىنا سۇيەنىپ شەشۋ بارىسىندا ۇزدىكسىز كۇشەيىپ، پارتيا مەن حالىق ىستەرىنىڭ پارمەندى باسشىلىق ۇيتقىسىنا اينالعاندىقتان جەڭىستەن - جەڭىسكە جەتتى. توڭكەرىس، قۇرىلىس، رەفورما بارىسىندا پارتيا قۇرىلىسىن ىلگەرىندى - كەيىندى ۇلى ينجەنەريا، جاڭا ۇلى ينجەنەريا ەتتى، پارتيا 18 - قۇرىلتايىنان بەرى، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتىپ، تىنىشتىق، بىلىقپالىق، كوركەيۋ، قۇلدىراۋداي تاريح پەريودىنان اتتاپ ءوتۋدىڭ ”ۇكىمەتتى حالىق باقىلاۋ“ جانە ”وزىنە - ءوزى توڭكەرىس جاساۋ“ سىندى ەكى جاۋابىن تاپتى، جۇڭگو كوممۋنيستىك پارتياسىنىڭ بۇل دارا جاسامپازدىعى ماركسيزمدىك ساياسي پارتيا قۇرىلىسى تاريحىنا ماڭگى جازىلادى.

(2) پارتيا 18 - قۇرىلتايىنان كەيىن، شي جينپيڭ جولداستى ۇيتقى ەتكەن پارتيا ورتالىق كوميتەتى وراسان زور ساياسي باتىلدىق كورسەتۋ جانە اسا كۇشتى جاۋاپكەرشىلىك ارقالاۋ ارقىلى ءبىر مەزەت بەلەڭ بەرگەن پارتيا باسشىلىعى السىرەۋ، قۇر فورماعا اينالۋ، سولعىنداۋ، پارتيانى باسقارۋدا، پارتيانى جونگە سالۋدا قاتاڭ بولماۋ، شىنايى بولماۋ، پارمەندى بولماۋ، پارتيا ىشىندە كەيبىر ماسەلەلەر جان تۇرشىگەرلىك بولۋ سىندى قاتاڭ رەالدىققا بەتپە - بەت كەلىپ، مىزعىماس تاباندىلىقپەن پارتيانى جاپپاي قاتاڭ باسقارىپ، پىشاقتىڭ ءدۇزىن ىشكە قاراتىپ، بىلىقپالىقتى قاتاڭ زاڭمەن جونگە سالىپ، كورنەكتى ماسەلەلەردى ۇزدىكسىز شەشىپ، پارتيانى باسقارۋداعى، پارتيانى جونگە سالۋداعى كەڭ بولۋ، بوس بولۋ، ءالسىز بولۋ جاعدايىن تۇبىرىنەن وڭادى، ۇزاق ۋاقىت تەجەلمەي كەلگەن كەيبىر بۇرىس ستيلدەردى تەجەدى، كوپ جىلدان بەرى ايىقپاي كەلگەن كەيبىر ەسكىلىكتى دەرتتەن ايىقتىردى، پارتيانىڭ، مەملەكەتتىڭ، ارميانىڭ ىشكى جاعىندا ساقتالعان اۋىر كومەسكى حاۋىپتەردى جويدى، پارتيا توڭكەرىستىك شىڭدالۋ بارىسىندا اناعۇرلىم باتىل دا پارمەندى بولدى. پارتيانىڭ جالپى بەتتىك باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى كورنەكتى كۇشەيىپ، پارتيانىڭ ىنتىماعى مەن بىرلىگى اناعۇرلىم بەكەمدەلىپ، پارتيانىڭ تىلەگى، ارميانىڭ تىلەگى، حالىقتىڭ تىلەگى ايرىقشا ۇيىستى؛ ماركسيزمدى جۇڭگوشالاندىرۋدا، زامانالاندىرۋدا تىڭ سەكىرىس جۇزەگە اسىپ، پارتيانىڭ نازاريامەن قارۋلانۋى ۇزدىكسىز تەرەڭدەپ، بۇكىل پارتيانىڭ ماركسيزمدىك دەڭگەيى ونان ارى جوعارىلادى؛ جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋ پارمەندى بولىپ، پارتيانىڭ ءار دارەجەلى ۇيىمدارىنىڭ فۋنكتسياسى مەن پارتيا مۇشەلەرى، كادرلار قوسىنىنىڭ ساپاسى تۇتاس تۇلعالىق جاقتان جوعارىلاپ، پارتيانىڭ ۇيىمدىق ارتىقشىلىعى تولىق ايگىلەندى؛ ورتالىقتىڭ سەگىز ءتۇرلى بەلگىلەمەسى تەمىردەي ءتارتىپ ايبارىن ايگىلەپ، ”ءتورت بۇرىس ستيلدى“ تۇزەتىپ، جاڭا ستيل ورناتۋ بارعان سايىن تەرەڭدەپ، پارتيا ستيلى، ۇكىمەت ستيلى جانە قوعامدىق سالت شىت جاڭا بەينەگە ەندى؛ پارتيانىڭ ءتارتىپ قۇرىلىسى تىڭعىلىقتى ىلگەرىلەپ، ءتارتىپ - ەرەجە اناعۇرلىم قاتايىپ، تاربيەلەۋ - تەجەۋ، قامتاماسىز ەتۋ - ىنتالاندىرۋ رولى كۇن سايىن كۇشەيدى؛ شىرىكتەسۋگە قارسى تۇرۋ كۇرەسى بۇرىن بولماعان تەبىنمەن جۇرگىزىلىپ، ونىمدىلىگى كورنەكتى بولىپ، شىرىكتەسۋگە قارسى تۇرۋدىڭ جۇڭگوشا جولىمەن ءساتتى ءجۇردى؛ پارتيا ىشىندەگى زاڭدىق ەرەجە مەن ءتۇزىم جۇيەسى اناعۇرلىم كەمەلدەنىپ، ءتۇزىمنىڭ بەدەلى جانە ونى اتقارۋ قابىلەتى شىنايى كۇشەيىپ، پارتيانى باسقارۋدىڭ، پارتيانى جونگە سالۋدىڭ عىلميلانۋ، تۇزىمدەنۋ، جۇيەلىلەنۋ دەڭگەيى كورنەكتى جوعارىلادى؛ پارتيانىڭ ءار دارەجەلى ۇيىمدارىنىڭ پارتيانى باسقارۋ، پارتيانى جونگە سالۋ تانىمى ۇزدىكسىز كۇشەيىپ، جاۋاپكەرشىلىكتى تياناقتاندىرۋ ارەكەتتە ايگىلەنىپ، ونىمدىلىگىن كورسەتىپ، جوعارى مەن تومەن بىرلەسىپ ارەكەتتەنەتىن، تەڭ يگەرىپ، بىرگە باسقاراتىن بىرىككەن كۇش قالىپتاستى. جاڭا داۋىردە پارتيانى جاپپاي قاتاڭ باسقارۋ 100 جىلدىق ءىرى پارتيانىڭ وزىنە - ءوزى توڭكەرىس جاساۋىنىڭ تىڭ ءورىسىن اشىپ، پارتيا مەن مەملەكەت ىستەرىندە تاريحي تابىسقا قول جەتكىزۋگە، تاريحي وزگەرىستەر تۋىلۋعا قوزعاۋشىلىق ەتتى، پارتيا مەن حالىق پارتيانى كۇشەيتۋدىڭ، مەملەكەتتى قۇدىرەتتەندىرۋدىڭ تاريحي ىرىقتىلىعىنا قول جەتكىزدى.

جاڭا داۋىردە پارتيانى باسقارۋدا، پارتيانى جونگە سالۋدا، پارتيانى گۇلدەندىرۋدە، پارتيانى قۇدىرەتتەندىرۋدە قول جەتكىزگەن ۇلى تابىس، جۇڭگوشا سوتسياليزم ىستەرىندە جارىققا شىققان شىت جاڭا جاعداي، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جول باستاپ، تىزگىن ۇستاعاندىعىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى. شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرۋ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرۋ − پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، ول جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋ تاريحي ۇدەرىسىن ىلگەرىلەتۋدە شەشۋشى ءمان الادى.

جاڭا داۋىردە پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋ ۇلى امالياتى بارىسىندا شي جينپيڭ جولداستى ۇيتقى ەتكەن پارتيا ورتالىق كوميتەتى ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سىندى كەلەلى داۋىرلىك تاقىرىپتى ارقاۋ ەتىپ، ءبىر قىدىرۋ جاڭا ۇستانىمدى، جاڭا يدەيانى، جاڭا ستراتەگيانى العا قويىپ، شي جينپيڭ پارتيا قۇرىلىسى يدەياسىن قالىپتاستىردى. ماركسيزمدىك پارتيا قۇرۋ ءىلىمىن بايىتقان جانە دامىتقان بۇل يدەيا − ماركسيزمنىڭ نەگىزگى قاعيداسىن جۇڭگونىڭ ناقتى ءىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، پارتيانىڭ نازاريادا جاڭالىق اشۋىن ىلگەرىلەتۋدىڭ كەلەلى جەتىستىگى، پارتيا مەن حالىقتىڭ امالياتتىق تاجىريبەلەرى مەن كوللەكتيۆ اقىل - پاراساتىنىڭ جاۋھارى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى بولىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋگە ءتۇبىرلى بويسۇنۋ ولشەمىن جانە ارەكەت باعدارناماسىن ازىرلەدى.

(3) پارتيانى جاپپاي قاتاڭ باسقارۋ ماڭگى جالعاسادى. ۇزاق ۋاقىت قۇلشىنۋ، اسىرەسە، جاڭا داۋىردە قايسارلىقپەن كۇرەس جۇرگىزۋ ارقىلى ەلىمىزدىڭ ەكونوميكالىق قۋاتى، عىلىم - تەحنولوگيالىق قۋاتى، مەملەكەت قورعانىسى قۋاتى، مەملەكەتتىڭ جالپىلىق قۋاتى جانە حالىقارالىق ىقپال كۇشى كورنەكتى ارتتى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيى كورنەكتى جوعارىلادى، بۇكىل ەلدەگى ءار ۇلت حالقى ءتىپتى دە وزىنە سەنىپ، ءوز كۇشىنە سۇيەنىپ، ءوزىن الۋەتتەندىردى، سوتسياليستىك وسىزاماندانعان قۇدىرەتتى مەملەكەت قۇرىلىسى اناعۇرلىم بەرىك ماتەريالدىق نەگىزگە، اناعۇرلىم كەمەلدى تۇزىمدىك كەپىلگە، اناعۇرلىم ىرىقتى رۋحاني كۇشكە يە بولدى، پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى كۇشەيتۋ قۇدىرەتتى وڭ ەنەرگيا ۇيىستىردى، پارتيانى جاپپاي قاتاڭ باسقارۋعا كوپتەگەن ءتيىمدى شارت - جاعداي ازىرلەندى. سونىمەن بىرگە دۇنيە ءجۇزى جاعدايىندا، مەملەكەت جاعدايىندا، پارتيا جاعدايىندا تەرەڭ وزگەرىستەردىڭ تۋىلۋىنا ىلەسە، پارتيانى جاپپاي قاتاڭ باسقارۋ كوپتەگەن جاڭا جاعدايعا، جاڭا ماسەلەگە ءدوپ كەلەتىنىن دە سەرگەكتىكپەن كورە ءبىلۋ كەرەك.

حالىقارادان الىپ قاراعاندا، دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، جاڭا كەزەكتى عىلىم - تەحنولوگيا توڭكەرىسى مەن شارۋاشىلىق وزگەرىسىندە تابىستار جەدەل جارىققا شىعىپ، الەمدىك وڭتۇستىك توپتىق ەڭسە كوتەرىپ، حالىقارالىق كۇشتەردىڭ سالىستىرماسى ىشكەرىلەي رەتتەلىپ، سىڭار جاقتىلىق، قورعانىمپازدىق ۇدەپ، زورەكەرلىك پەن وكتەمدىك ساياسي قۇقايى كۇشەيىپ، وڭىرلىك قاقتىعىس پەن ءىشىنارالىق سوعىس تولاستامادى، دۇنيە ءجۇزى ەكونوميكاسىنىڭ ارتۋ قوزعاۋشى قۋاتى جەتكىلىكسىز بولىپ، الەمدىك سىن - سايىستار ءۇستى - ۇستىنە قاباتتاسىپ، دۇنيە ءجۇزى جاڭا اۋمالى - توكپەلى وزگەرىس مەزگىلىنە ءوتتى، سىرتقى ورتادا تۇراقسىز، مەجەلەۋ قيىن فاكتورلار كوبەيدى. پارتيانىڭ حالىقتى ىنتىماقتاستىرىپ جانە باستاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ مىندەتى اناعۇرلىم جاپالى بولا ءتۇستى.

ەل ىشىنەن الىپ قاراعاندا، ەلىمىزدىڭ دامۋى سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ نەگىزدى بەكەمدەۋ، جاپپاي كۇش سالۋ شەشۋشى كەزەڭىنە ءوتتى، دامۋدىڭ بىركەلكى بولماۋ، تولىق بولماۋ ماسەلەسى ءالى دە كورنەكتى، حالىق سانى قۇرىلىمى، قوعامدىق توپتار، مۇددە جۇيەسى سياقتىلار ۇزدىكسىز وزگەردى، سيفرلانۋ، جەلىلەنۋ، زەردەلىلەنۋ تەز قارقىنمەن دامىپ، قوعامدىق ءوندىرىس - تۇرمىس ءتاسىلى جانە ۇيىمدىق فورماسى اناعۇرلىم الۋان ءتۇرلى بولدى، ءتۇرلى يدەيا مەن قۇن كوزقاراسى ارالاسىپ، سوقتىعىسىپ، رەفورمانى ونان ارى جاپپاي تەرەڭدەتۋ، جوعارى ساپالى دامۋعا قوزعاۋشىلىق ەتۋ، قوعامدىق قۇرىلىس پەن باسقارۋدى كۇشەيتۋ، دامۋ مەن حاۋىپسىزدىكتى ءبىر تۇتاس ەسكەرۋ، قوعامدىق ومىرشەڭدىكتى قاۋلاتۋ جانە كۇشەيتۋ سياقتىلار كوپتەگەن تىڭ تاقىرىپتارعا تاپ بولدى. پارتيانىڭ حالىقتى ىنتىماقتاستىرىپ جانە باستاپ، رەفورما مەن دامۋعا قوزعاۋشىلىق ەتۋ، قوعامنىڭ جاراسىمدىلىعى مەن ورنىقتىلىعىن قورعاۋ مىندەتى اناعۇرلىم جاپالى بولا ءتۇستى.

پارتيا ىشىنەن الىپ قاراعاندا، پارتيا قوسىنىندا قۇرىلىمدىق وزگەرىس تۋىلىپ، رەفورما جۇرگىزىپ، ەسىك اشقاننان كەيىن تۋىلعان پارتيا مۇشەلەرىنىڭ، كادرلاردىڭ سالىستىرماسى بارعان سايىن زورايىپ، تاربيەلەۋگە، باسقارۋعا تىڭ تالاپتار قويدى. پارتيا قوسىنىنىڭ نەگىزگى اعىمى جاقسى بولعانىمەن، يدەيا كىرشىكسىز بولماۋ، ۇيىم كىرشىكسىز بولماۋ، ستيل كىرشىكسىز بولماۋ ماسەلەسى ءالى تۇبىرىنەن شەشىلگەن جوق. ءىشىنارا پارتيا مۇشەلەرىنىڭ، كادرلاردىڭ ساپاسى مەن قابىلەتى ءداۋىردىڭ دامۋ تالابىنا ۇيلەسپەي وتىر. از ساندى پارتيا مۇشەلەرىنىڭ، كادرلاردىڭ، جۇيەدەن، جوعارى دارەجەلى كادرلاردىڭ پارتيالىلىعى كۇشتى بولمادى، مۇرات - سەنىمنەن اۋىتقىدى، ءتىپتى، ودان ايرىلدى، بۇقاراعا سۇيىسپەنشىلىگى سولعىندادى، ناتيجە كوزقاراسىندا اۋىتقۋشىلىق جارىققا شىعىپ، فورماشىلدىق، تورەشىلدىك، راقاتقۇمارلىق جانە استا - توك ىسىراپشىلدىق نىسايى اۋىرلادى، كۇرەس جۇرگىزۋ رۋحى جەتكىلىكسىز بولىپ، جاۋاپكەرشىلىك ارقالامادى، ءىس تىندىرمادى، ءتارتىپ - ەرەجەگە بويسۇنبادى، ءتىپتى، ۇقىعىنان پايدالانىپ قارا باسىنىڭ قامىن كۇيتتەپ، شىرىكتەسىپ، ازعىندادى. كەيبىر نەگىزگى ساتى پارتيا ۇيىمدارىنىڭ ساياسي فۋنكتسياسى مەن ۇيىمدىق فۋنكتسياسى كۇشەيگەننىڭ ورنىنا، ءتىپتى، السىرەپ، بىتىرادى، كەيبىر سالالاردا، اسىرەسە، جاڭادان گۇلدەنگەن سالالاردا پارتيا ۇيىمىنىڭ قامتىمى مەن قىزمەتىنىڭ قامتىمى جان - جاقتى، ۇتىمدى بولمادى. كەيبىر پارتيا ۇيىمدارى مەن باسشى كادرلاردىڭ پارتيانى باسقارۋ، پارتيانى جونگە سالۋ تانىمى تياناقتى بولمادى، جاۋاپكەرشىلىكتى تياناقتاندىرمادى، قىزمەتىنە كۇش سالمادى، ءتۇزىمدى قاتاڭ اتقارمادى. كورنەكتى ماسەلەلەردى دەر كەزىندە بايقامادى جانە ۇتىمدى شەشپەدى، ءتىپتى، بۇرىس ستيل مەن تەرىس پيعىلدىڭ ورشۋىنە ىرىق بەردى. پارتيانىڭ العاباسارلىعى مەن كىرشىكسىزدىگىن ساقتاۋ مىندەتى اناعۇرلىم جاپالى بولا ءتۇستى.

بۇل جاڭا جاعدايلار، جاڭا ماسەلەلەر پارتيانىڭ جاڭا جاعدايداعى بيلىك جۇرگىزۋ قابىلەتىنە، باسشىلىق دەڭگەيىنە، قوسىن ساپاسىنا، شىرىكتەسۋدى تويتارۋعا، ازعىنداۋدان ساقتانۋعا اۋىر سىن - سايىستار الا كەلدى، پارتيامىز ءدوپ كەلگەن بيلىك جۇرگىزۋ سىناعى، رەفورما جۇرگىزۋ، ەسىك اشۋ سىناعى، بازار ەكونوميكاسى سىناعى، سىرتقى ورتا سىناعى جانە رۋحاني بويكۇيەزدىك قاتەرى، قابىلەت جەتكىلىكسىزدىگى قاتەرى، بۇقارادان الشاقتاۋ قاتەرى، كەرەناۋلىق، شىرىكتەسۋ قاتەرى ۇزاق ۋاقىتقا جالعاسادى، كۇردەلى بولادى، اۋىر بولادى، ءىرى پارتيادا عانا بولاتىن قيىن ماسەلەلەردى شەشۋ ءۇشىن، ءتىپتى دە جاپالى ۇمتىلىس جاساۋعا تۋرا كەلەدى. نەعۇرلىم ۇزاق ۋاقىت بيلىك جۇرگىزگەن سايىن، نەعۇرلىم تىنىشتىق كۇندەر ۇزارعان سايىن، نەعۇرلىم ورتا كۇردەلى بولعان سايىن سولعۇرلىم تاۋقىمەت تانىمدى كۇشەيتىپ، سولعۇرلىم زەينەتتى كۇندە بەينەتتى كۇننىڭ بولارىن ويلاپ، پارتيانى ويداعىداي قۇرۋ، قۇدىرەتتى ەتىپ قۇرۋ كەرەك.

بۇكىل پارتيا، ءسوز جوق، پارتيانىڭ ۇزاق ۋاقىت بيلىك جۇرگىزۋ ورنىن بەكەمدەۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ستراتەگيالىق تۇرعىسىنان پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدىڭ كەلەلى ءمانىن جەتە تانىپ، سەنىمدى بەكەمدەپ، ۇستامدىلىقتى ساقتاپ، اناعۇرلىم جوعارى ولشەم، اناعۇرلىم ناقتى شارا ارقىلى جاڭا داۋىردە پارتيانى جاپپاي قاتاڭ باسقارۋدىڭ قۇندى تاجىريبەلەرىنە ويداعىداي تاباندى بولىپ، ودان ويداعىداي پايدالانىپ، پارتيا قۇرىلىسىندا ءدوپ كەلگەن كورنەكتى ماسەلەلەردى ويداعىداي وڭاپ، ويداعىداي شەشىپ، پارتيانى باسقارۋدا، پارتيانى جونگە سالۋدا قالىپتاسقان تاماشا ساياسي جاعدايدى ويداعىداي بەكەمدەۋ، ويداعىداي دامىتۋ كەرەك.

(4) پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدەگى جەتەكشى يدەيا: ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ بورىشى مەن مىندەتىن جۇزەگە اسىرۋدى ارقاۋ ەتىپ، جاڭا داۋىردەگى پارتيا قۇرىلىسىنىڭ جالپى تالابىن تياناقتاندىرىپ، پارتيا ۋستاۆىن ءتۇبىرلى نەگىز ەتىپ، پارتيانىڭ ۇزدىك قوسىندىق سيپاتىنا تاباندى بولىپ، پارتيانىڭ جالپى بەتتىك باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيانىڭ ۇزاق ۋاقىت بيلىك جۇرگىزۋ قابىلەتىن جوعارىلاتۋدى، پارتيانىڭ العاباسارلىعى مەن كىرشىكسىزدىگىن ساقتاۋدى، پارتيانىڭ حالىق بۇقاراسىمەن ەتەنە بايلانىسىن ساقتاۋدى كوزدەپ، قاتاڭ بولۋ نەگىزگى ارناسىنان اۋىتقىماۋعا تاباندى بولىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانىڭ ءار جاقتاعى قۇرىلىسىن جاپپاي ىلگەرىلەتىپ، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن تولىق تاسقىنداتىپ، پارتيانىڭ ءوزىن - ءوزى كىرشىكسىزدەندىرۋىن، ءوزىن - ءوزى كەمەلدەندىرۋىن، ءوزىن - ءوزى جاڭارتۋىن، ءوزىن - ءوزى جوعارىلاتۋىن ۇزدىكسىز جۇزەگە اسىرىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدى ۇندەۋ قابىلەتىن ۇزدىكسىز كۇشەيتىپ، پارتيانىڭ باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، داۋىلدى تولقىنداردىڭ سىناعىنان وتە الاتىن، جالىندى دا ارىندى ماركسيزمدىك بيلىك باسىنداعى پارتيا بولۋىنا، جۇڭگوشا سوتسياليزم ىستەرىنىڭ باستان - اياق پارمەندى باسشىلىق ۇيتقىسى بولۋىنا شىنايى كەپىلدىك ەتۋ كەرەك.

(5) پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدە مىناداي پرينسيپتەرگە بويسۇنۋ كەرەك:

− بورىش پەن مىندەتكە قىزمەت وتەۋگە تاباندى بولۋ. اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋ جانە ونى دامىتۋ جالپى جاعدايى تۇرعىسىنان پارتيانى جاپپاي قاتاڭ باسقارۋدى جوسپارلاپ جانە ىلگەرىلەتىپ، پارتيا قۇرىلىسىن پارتيا مەن مەملەكەت ىستەرىمەن تىعىز ۇشتاستىرىپ، باستان - اياق وزەكتى ارقاۋ ەتۋگە، كەلەلى جاعدايعا قىزمەت وتەۋگە شىنايى كەپىلدىك ەتۋ.

− پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولۋ. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ جانە ونى كۇشەيتىپ، پارتيانىڭ ءار جاقتاعى قۇرىلىسىنا قوزعاۋشىلىق ەتۋدە ساياسي بەتالىستى ءدال يگەرۋ، ساياسي تالاپتى تياناقتاندىرۋ، پارتيانىڭ ءار دارەجەلى ۇيىمدارىنىڭ جانە پارتيا مۇشەلەرىنىڭ، كادرلاردىڭ ساياسي قابىلەتىن جوعارىلاتىپ، بۇكىل پارتيانىڭ پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا شىنايى كەپىلدىك ەتۋ، پارتيانىڭ ىنتىماعى مەن بىرلىگىن بەكەمدەۋ.

− جاپپاي قاتاڭ بولۋعا تاباندى بولۋ. جۇيە كوزقاراسىن كۇشەيتىپ، قاتاڭ نەگىزگى ارنانى، قاتاڭ شارانى، قاتاڭ رايدى پارتيا قۇرىلىسىنىڭ ءارقايسى جاعىندا، تۇتاس بارىسىندا بەينەلەپ، شىنايى باسقارۋ، شىنايى قاتاڭ بولۋ، باتىل باسقارۋ، باتىل قاتاڭ بولۋ، ۇزاق ۋاقىت باسقارۋ، ۇزاق ۋاقىت قاتاڭ بولۋ.

− ماسەلەنى باعدار ەتۋگە تاباندى بولۋ. پارتيا ىشىندەگى كورنەكتى ماسەلەلەردى شەشۋدى كۇش سالۋ ءتۇيىنى ەتىپ، قايشىلىقتان تايساقتاماۋ، اۋرۋدى جاسىرماۋ، ەمدەۋدەن قاشپاۋ، اعاتتىقتى تۇزەتىپ بىلىقپالىقتى وڭاۋ، بوتانانى تۇندىرىپ تۇنىعىن تولقىنداتۋ بارىسىندا قىزمەت دەڭگەيىن جوعارىلاتۋ.

− تۋراشىلدىقتان اينىماي جاڭالىق اشۋعا تاباندى بولۋ. پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، ماركسيزمدىك بيلىك باسىنداعى پارتيا قۇرىلىسى زاڭدىلىعىنا بويسۇنىپ، پارتيا قۇرىلىسىنىڭ تاريحي تاجىريبەلەرىنەن پايدالانىپ، جاعدايدىڭ، مىندەتتىڭ، دامۋدىڭ وزگەرىسىنە ساي، جاڭا شارالاردى، جاڭا ادىستەردى ۇزدىكسىز العا قويۋ.

− جوعارى ارقىلى تومەنگە ۇلگى بولۋعا تاباندى بولۋ. پارتيا ورتالىق كوميتەتىنەن باستاپ، باسشىلىق ورگاندار مەن باسشى كادرلاردان باستاپ قاتاڭ بولۋ، ءبىر دارەجە ءبىر دارەجەگە ۇلگى بولۋ، ءبىر دارەجە ءبىر دارەجەنى جەتەكتەۋ، ”شەشۋشى از ساندىلار“ ۇلگى بولۋ ارقىلى ”باسىم كوپ ساندىلاردى“ جەتەكتەۋ.

− پارتيانى ەرەجە ارقىلى باسقارۋعا تاباندى بولۋ. ءتۇزىم قۇرىلىسىن وعان ءسىڭىرىپ، بيلىكتى تۇزىممەن باسقارۋعا، ءىستى تۇزىممەن باسقارۋعا، ادامدى تۇزىممەن باسقارۋعا باسا ءمان بەرىپ، پارتيا ۋستاۆىن، پارتيا ەرەجەسىن، پارتيا ءتارتىبىن قاتاڭ اتقارىپ، جۇيەسى كەمەلدى، عىلمي ءارى ارناعا تۇسكەن، اينالىمى ۇتىمدى پارتيا ىشىندەگى زاڭدىق ەرەجە مەن ءتۇزىم جۇيەسى ارقىلى قىزمەت ونىمدىلىگىن ارتتىرۋ.

بۇل پرينسيپتەر جاڭا داۋىردە پارتيانى جاپپاي قاتاڭ باسقارۋ تاجىريبەلەرىنىڭ عىلمي قورىتىندىسى، وعان، ءسوز جوق، ۇزاق ۋاقىت تاباندى بولۋ جانە ونى ۇزدىكسىز بايىتۋ، دامىتۋ كەرەك.

ەكىنشى، كوممۋنيستەردىڭ پارتيالىلىعىن كۇشەيتۋ

پارتيالىلىقتى كۇشەيتۋ − پارتيانى جاپپاي قاتاڭ باسقارۋدىڭ ءتۇبىرلى مىندەتى. ءسوز جوق، بارلىق پارتيا مۇشەسىنىڭ، كادردىڭ پارتيانىڭ سيپاتى مەن باس ماقساتىنا تاباندى بولۋىنا قوزعاۋشىلىق ەتىپ، پارتيا تانىمىن، پارتيا مۇشەسى تانىمىن، ۇزدىك قوسىن تانىمىن كۇشەيتىپ، پارتيالىلىق جەتىلىمدى كۇشەيتۋدى ومىرلىك تاقىرىپ ەتىپ، مۇرات - سەنىمدى نىعايتۋ، پارتياعا ادالدىقتى بەكەمدەۋ، حالىققا سۇيىسپەنشىلىكتى تەرەڭدەتۋ، شىندىقتى ءىس جۇزىنەن ىزدەۋگە تاباندى بولۋ، ءمورالدىق قاسيەتتى كىرشىكسىزدەندىرۋ، تۋراشىلدىقتى، پاكتىكتى ساقتاۋ سياقتى جاقتارعا كۇش سالىپ، ادال، كىرشىكسىز بولىپ، جاۋاپكەرشىلىك ارقالاپ، كوممۋنيستەردىڭ ساياسي قاسيەتىن باستان - اياق ساقتاۋ.

(1) پارتياعا ادالدىق تاربيەسىن كۇشەيتۋ. پارتياعا ادالدىقتى پارتيالىلىق جەتىلىمدە كورنەكتى ورىنعا قويۋعا تاباندى بولۋ. پارتيا مۇشەلەرىن، كادرلاردى ”ەكىنى تۇراقتاندىرۋدىڭ“ شەشۋشى ءمانىن تەرەڭ تۇسىنۋگە، ساياسي تانىمىن، جالپى جاعداي تانىمىن، ۇيتقى تانىمىن، قاتار تۇزەۋ تانىمىن كۇشەيتۋگە، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەۋگە، شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن باتىل قورعاۋعا، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋعا، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋعا تاربيەلەۋ جانە جەتەكتەۋ. پارتيا مۇشەلەرىن، كادرلاردى ماركسيزم نانىمىن، كوممۋنيزم سەنىمىن، جۇڭگوشا سوتسياليزم بەكىمىن نىعايتۋعا، شىنايى دا ادال بولۋعا جانە بار ىنتامەن بەرىلۋگە، بۇكىلدەي سەنۋگە تاربيەلەۋ جانە جەتەكتەۋ. پارتيا مۇشەلەرىن، كادرلاردى ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتۋعا، يدەيانى پارتيا ورتالىق كوميتەتىنىڭ جاعداي، مىندەت جونىندەگى تالداۋىمەن، تۇجىرىمىمەن سانالىلىقپەن بىرلىككە كەلتىرۋگە، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن بۇلجىتپاي دايەكتىلەندىرۋگە، تياناقتاندىرۋعا، پارتيا باسشىلىعى مەن جۇڭگوشا سوتسياليستىك ءتۇزىمدى تەرىسكە شىعاراتىن بارلىق ءسوز - ارەكەتپەن، پارتيانىڭ نازارياسى مەن لۋشيان، باعىت - ساياساتىنا قايشى كەلگەن بارلىق ءسوز - ارەكەتپەن، مەملەكەتتىڭ تۇتاستىعى مەن ۇلتتار ىنتىماعىنا زالال جەتكىزەتىن بارلىق ءسوز - ارەكەتپەن باتىل كۇرەسۋگە تاربيەلەۋ جانە جەتەكتەۋ. پارتيا مۇشەلەرىن، كادرلاردى پارتيادا پارتيانى سۇيۋگە، پارتيادا پارتيانىڭ ءسوزىن سويلەۋگە، پارتيادا پارتيانىڭ قامىن جەۋگە، پارتيادا پارتيا ءۇشىن قىزمەت وتەۋگە، ۇيىمعا سەنۋگە، ۇيىمعا ارقا سۇيەۋگە، ۇيىمعا بويسۇنۋعا، ۇيىمنىڭ باسقارۋ - باقىلاۋىن سانالىلىقپەن قابىلداۋعا، شىن سويلەۋگە، ءىستى ادال ىستەۋگە، ادال ادام بولۋعا، كوكىرەگى داڭعىل، اشىق - جارقىن بولۋعا، ءسوزى مەن ارەكەتى بىردەي بولۋعا تاربيەلەۋ جانە جەتەكتەۋ. پارتيا مۇشەلەرىن، كادرلاردى حالىقتى بارىنەن جوعارى قويۋعا، ءىستى ءبىرىنشى ورىنعا قويۋعا تاباندى بولىپ، پارتيا مەن حالىق ءۇشىن بەلسەنە قىزمەت ىستەۋگە، قىزمەت ورنىن ءسۇيىپ، كاسىبىن قادىرلەۋگە، ۇلەس قوسۋعا پەيىل بولۋعا تاربيەلەۋ جانە جەتەكتەۋ.

پارتيانىڭ ساياسي ءتارتىبى مەن ساياسي قاعيداسىن قاتايتىپ، پارتيانىڭ ىشكى ساياسي ەكولوگياسىن تازارتۋ. جاقىندارىن عانا قىزمەتكە قويىپ، وزىنە جاقپاعانداردى قاقپايلاۋ، توپتاسىپ الىپ امپەي - جامپەي بولىپ، سىبايلاس جيىپ، توپ قۇرۋ، باسقالارعا جاسىرىن جالا جاۋىپ، وسەك - اياڭ تاراتۋ، ەلدى وزىنە تارتىپ، داۋىس جيىپ، ءمانساپ بەرەمىن دەپ ۋادە بەرۋ، بىرەۋى ءمانساپتى بولسا، سىبايلاستارى مارە - سارە بولۋ، وزىنىكىن عانا ءجون ساناپ، كورىنىستە بويسۇنعانسىپ، كومەسكىدە قايشىلىق جاساۋ، قۇرىلىمداعى شۇبالشاڭدىقتان پايدالانىپ، ورتالىقتى مىنەپ - سىناۋ سياقتى ”جەتى ءتۇرلى نىسايعا“ مۇلدە جول بەرمەۋ. يدەيالىق جاقتاعى ەركىنسۋشىلىككە، ساياسي جاقتاعى ورايشىلدىققا، ۇيىمدىق جاقتاعى جىكشىلدىككە، قىزمەت جاعىنداعى ورىنشىلدىققا، جاۋاپكەرشىلىگىن وتەۋ جاعىنداعى جاقساتتانۋشىلىققا باتىل قارسى تۇرۋ. ەكى بەتكەيلەردى ءداپ باسىپ تاۋىپ، باتىل جويۋ.

(2) پارتيانىڭ جاڭالىق اشۋ نازارياسىمەن جۇرت تىلەگىن ۇيىستىرۋعا، رۋحتى سومداۋعا تاباندى بولۋ. ۇيرەنۋگە قۇلىقتى ماركسيزمدىك ساياسي پارتيا قۇرىلىسىن كۇشەيتىپ، پارتيانىڭ جاڭالىق اشۋ نازارياسىن ۇيرەنۋدى، ءتۇسىنۋدى، قولدانۋدى پارتيالىلىق جەتىلىمدى كۇشەيتۋدىڭ ءتۇبىرلى جولى ەتىپ، بۇكىل پارتيانىڭ شي جينپيڭ جاڭا ءداۋىر جۇڭگوشا سوتسياليزم يدەياسىمەن يدەيانى بىرلىككە كەلتىرۋىنە، ەرىك - جىگەردى بىرلىككە كەلتىرۋىنە، ارەكەتتى بىرلىككە كەلتىرۋىنە قوزعاۋشىلىق ەتۋ. شي جينپيڭ پارتيا قۇرىلىسى يدەياسىن ىشكەرىلەي ۇيرەنۋ، دايەكتىلەندىرۋ. نازاريا ۇيرەنۋ - تاربيەلەۋ ءتاسىلىن بايىتىپ، پارتيانىڭ جاڭالىق اشۋ نازارياسىنىڭ پارتيا مۇشەلەرىن، كادرلاردى تاربيەلەۋ، باۋلۋ بارىسىنداعى نەگىزگى ساباقتىق ورنىن كورنەكتىلەندىرىپ، پارتيا مۇشەلەرىن، كادرلاردى ءتول شىعارمانى وقۋعا، ءتول نۇسقانى ۇيرەنۋگە، قاعيداسىن ۇعىنۋعا، وعان سىڭىرىلگەن تۇرعىنى، كوزقاراستى، ءادىستى يگەرىپ، وندا قامتىلعان اسقاقتىق پەن پەيىلدى ۇعىنىپ، وبيەكتيۆ دۇنيەنى وزگەرتۋمەن بىرگە، سۋبيەكتيۆ دۇنيەنى دە وزگەرتىپ، مۇرات نەگىزىن بەكەمدەپ، ساياسي قاسيەتتى شىڭداپ، دۇنيەگە كوزقاراس، ومىرگە كوزقاراس، قۇن كوزقاراسى سىندى باس تەتىك ماسەلەسىن ويداعىداي شەشۋگە جەتەكتەۋ. ماركسيزمدىك ۇيرەنۋ ستيلىن اسقاقتاتىپ، پارتيا مۇشەلەرىنىڭ، كادرلاردىڭ ءوز ءوڭىرىنىڭ، ءوز تاراۋىنىڭ، ءوز ورنىنىڭ ءىس جۇزىندىگىمەن جانە جەكە يدەيالىق قىزمەتىنىڭ ءىس جۇزىندىگىمەن بايلانىستىرىپ، نازاريا ۇيرەنۋدى سانالىلىقپەن ىشكەرىلەتىپ، پارتيانىڭ جاڭالىق اشۋ نازارياسىن قولدانىپ ءىس جۇزىندىك ماسەلەلەرگە تالداۋ جاساپ جانە ونى شەشىپ، ۇيرەنۋدى، وي جۇگىرتۋدى، قولدانۋدى ساباقتاستىرىپ، تانىمدى، سەنىمدى، ارەكەتتى بىرلىككە كەلتىرۋگە قوزعاۋشىلىق ەتۋ. پارتيانىڭ جوعارى دارەجەلى كادرلارى ماركسيزم ساياساتكەرى ولشەمى بويىنشا وزىنە تالاپ قويىپ، پارتيانىڭ جاڭالىق اشۋ نازارياسىنا ءومىر بويى شىنايى سەنىپ، ونى جەتىك يگەرىپ، شەبەرلىكپەن قولدانۋ. ”ءبىرىنشى كەڭەستىك تاقىرىپ“ تۇزىمىنە تاباندى بولۋ جانە ونى كەمەلدەندىرۋ. پارتكومنىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ ۇيرەنۋى مەن نەگىزگى ساتى پارتيا ۇيىمىنىڭ نازاريا ۇيرەنۋىنىڭ ساپاسىن جوعارىلاتۋ. ماركسيزمدىك نازاريانى زەرتتەۋ جانە دامىتۋ ينجەنەرياسىن اتقارۋدا جاڭالىق اشۋ، پارتيانىڭ جاڭالىق اشۋ نازارياسىنىڭ جۇيەلىلەنۋىن، عىلمي قاعيدالانۋىن زەرتتەۋدى جانە ءتۇسىندىرۋدى تەرەڭدەتۋ. پارتيا تاريحىنىڭ، پارتيا قۇرىلىسىنىڭ ءپان قۇرىلىسىن كۇشەيتۋ.

(3) پارتيانىڭ تاڭداۋلى ءداستۇرى مەن جۇڭحۋانىڭ تاڭداۋلى ءداستۇرلى مادەنيەتى ارقىلى پارتيالىلىقتى سومداۋ. پارتيا تاريحى، جاڭا جۇڭگو تاريحى، رەفورما جۇرگىزۋ، ەسىك اشۋ تاريحى، سوتسياليزمنىڭ دامۋ تاريحى تاربيەسىن تەرەڭدەتىپ، پارتيا قۇرۋ ۇلى رۋحىن قاينار ەتكەن جۇڭگو كوممۋنيستەرىنىڭ رۋحاني شەجىرەسىن اسقاقتاتىپ، پارتيا مۇشەلەرىن، كادرلاردى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن تەرەڭ تۇسىنۋگە، پارتيانىڭ تاڭداۋلى ستيلىن ساۋلەلەندىرۋگە، قىزىل گەنگە مۇراگەرلىك ەتۋگە، كوممۋنيستەردىڭ رۋحاني تامىرىن جالعاستىرۋعا، كوممۋنيستەردىڭ قۇن كوزقاراسىنا تاباندى بولۋعا جەتەكتەۋ. جۇڭحۋانىڭ تاڭداۋلى ءداستۇرلى مادەنيەتىندەگى ادالدىقتى دارىپتەۋ، ۇجداندى ۇلىقتاۋ، نامىستى ءبىلۋ، ساق ءجۇرۋ، ءوزىن باعامداي ءبىلۋ سياقتى ءمورالدىق كوزقاراستاردى ساۋلەلەندىرىپ جانە ودان ويداعىداي پايدالانىپ، ساياسي ءمورال تاربيەسىن تەرەڭدەتۋ، پارتيا مۇشەلەرىن، كادرلاردى اسقاق ءمورالدى ايگىلەۋگە، الەۋمەتتىك ءمورالدى ساقتاۋعا، جەكە ءمورال جاعىندا قاتاڭ بولۋعا، وتباسى جانە وتانعا دەگەن سۇيىسپەنشىلىگىن جەتىلدىرۋگە، ادالدىققا، تۋراشىلدىققا تاربيەلەۋگە، بيلىك، اقشا، سىلقىم سىناعىنان وتۋگە جەتەكتەۋ. پارتيا مۇشەلەرىن، كادرلاردى باستاماشىلدىقپەن كىتاپ وقۋعا، ۇيرەنۋگە جەتەكتەۋ. جاڭا جاعدايداعى يدەيالىق ساياسي قىزمەتتى كۇشەيتىپ جانە جاقسارتىپ، باعىتتامالىلىقتى، ناقتى ونىمدىلىكتى كۇشەيتۋ. پارتيالىلىق ۇگىت تاربيەنى كۇشەيتۋ. پارتيا مەكتەبىنىڭ (اكىمشىلىك شۋەيۋان)، كادرلار شۋەيۋانىنىڭ پارتيالىلىق تاربيەسىندەگى ماڭىزدى رولىن ساۋلەلەندىرىپ، ساباق جۇيەسىن كەمەلدەندىرۋ.

(4) اماليات بارىسىندا پارتيالىلىقتى شىڭداۋ. پارتيا مۇشەلەرىنىڭ، كادرلاردىڭ پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرۋ، تياناقتاندىرۋ، شۇعىل، قيىن، قاتەرلى، اۋىر مىندەتتەردى ورىنداۋ، اۋىر سىناقتار مەن سىن - سايىستارعا توتەپ بەرۋ بارىسىندا پارتيالىلىقتى شىڭداۋىنا، دۇرىس پەن بۇرىس، جالپى مەن جەكە، پايدا مەن زيان سياقتىلاردىڭ قاتىناسىن ءبىر جاقتى ەتۋ بارىسىندا پارتيالىلىقتى شىڭاۋىنا قوزعاۋشىلىق ەتۋ. پارتيا ىشىندەگى ساياسي تۇرمىستىڭ پارتيالىلىقتى شىڭدايتىن ”ۇلكەن دومنا پەشتىك“ رولىن ساۋلەلەندىرىپ، پارتيا ىشىندەگى ساياسي تۇرمىس ولشەمىن تياناقتاندىرىپ، سىن جانە ءوز - وزىنە سىن قارۋىنان ويداعىداي پايدالانىپ، پارتيا ىشىندەگى ساياسي تۇرمىستىڭ ساياسي سيپاتىن، داۋىرلىك سيپاتىن، پرينسيپتىك سيپاتىن، جاۋىنگەرلىك سيپاتىن كۇشەيتۋ. پارتيانىڭ ۇيىمدىق تۇرمىسىنىڭ مازمۇنى مەن فورماسىن بايىتىپ، دەموكراتيالىق تۇرمىس جيىنى مەن ۇيىمدىق تۇرمىس جيىنى، پارتيا ياچەيكاسىنىڭ پارتيا مۇشەلەرى جيىنى، پارتيا ياچەيكاسى القالارى جيىنى، پارتيا گرۋپپاسى جيىنى، پارتيا ساباعى، نەگىزگى تاقىرىپتىق پارتيا كۇنى سياقتىلاردىڭ ساپاسىن جوعارىلاتۋ. پارتيالى باسشى كادرلاردىڭ قوس ۇيىمدىق تۇرمىسقا قاتىناسۋ بەلگىلەمەسىن قاتاڭ اتقارۋ. كەمشىلىكتەر مەن قاتەلىكتەردى اشكەرەلەۋگە جانە تۇزەتۋگە باتىل بولىپ، بارلىق ناشار جايتپەن كۇرەسۋگە باتىل بولىپ، قارا باسىنىڭ قامىن جەۋگە، ”موماقانسۋعا“ قارسى تۇرۋ. پارتيالىلىق پرينسيپ نەگىزىندەگى ىنتىماققا تاباندى بولىپ، پرينسيپتى دارىپتەمەيتىن ىمىرالاستىقتان ساقتانۋ. ۇزدىك تيپتەردىڭ ۇلگىلىك رولىن ساۋلەلەندىرىپ، پارتيا مۇشەلەرىن، كادرلاردى قابىلەتتىلەردى ونەگە ەتۋگە، وزات بولۋعا، ۇزدىك بولۋعا جەتەكتەۋ. پارتيا مۇشەلەرىنىڭ، كادرلاردىڭ پارتيالىلىق جونىندە تالداۋ جاساۋدى كۇشەيتۋىنە، ولاردىڭ پارتيا ۋستاۆىنا، پارتيا ەرەجەسىنە، پارتيا تارتىبىنە جانە پارتياعا كىرۋ سەرتىنە سالىستىرىپ، ۇنەمى بورشالاۋىنا، تولعانۋىنا، ۇزدىكسىز شاڭ - توزاڭداردى قاعىپ، ارالاسپادان ارىلىپ، ۆيرۋستى جويىپ، يممۋنيتەتىن ارتتىرۋىنا قوزعاۋشىلىق ەتۋ. شوعىرلى تاربيەلەۋ مەن ۇنەمىلىك تاربيەلەۋدى ۇشتاستىرۋعا تاباندى بولىپ، پارتيالىلىق جاقتاعى ساقتالعان كورنەكتى ماسەلەلەردى كۇش سالا شەشۋ.

(5) پارتيالىلىقتى ساراپتاۋدى كۇشەيتۋ. پارتيالىلىقتى كادرلاردى تەكسەرۋ مەن پارتيا مۇشەلەرىن دەموكراتيالىق جولمەن كەڭەسىپ باعالاۋدىڭ ماڭىزدى مازمۇنى ەتىپ، پارتيا مۇشەلەرىنىڭ، كادرلاردىڭ دەڭگەيى مەن ءورىسىن جانە ادالدىعى مەن پاكتىگىن ءتۇيىندى تۇردە ۇعىسۋ جانە كەڭەسىپ باعالاۋ. ۇيىمداستىرۋ تاراۋىنىڭ ءتارتىپ تەكسەرۋ، باقىلاۋ - تەكسەرۋ ورگاندارىمەن جانە ارالاپ تەكسەرۋ، شارلاپ تەكسەرۋ، قازىنالىق تەكسەرۋ، ارىز حاتتار مەن ارىزدانۋشىلار قىزمەت تاراۋلارى سياقتى تاراۋلارمەن بايلانىس جاساۋ مەحانيزمىن اقاۋسىزداندىرىپ، باسشىلىق القاسىنىڭ مۇشەلەرى، وسىرىلەتىن كادر، جاس كادر قاتارلىلارعا پارتيالىلىق جاعىنان جان - جاقتى تالداۋ جاساۋ، زەرتتەپ تۇجىرىم جاساۋ. سىن - سايىسقا توتەپ بەرۋ، حاۋىپ - قاتەرگە قارسى تۇرۋ، قيىنشىلىقتى ەڭسەرۋ، قايشىلىقتى شەشۋ بەينەسىنە قاراپ پارتيالىلىعىن تانۋعا ءمان بەرىپ، كۇندەلىكتى قىزمەتتەن، جەكە باسىنىڭ ءسوز - ارەكەتىنەن، قوعامدىق بارىس - كەلىسىنەن، وتباسى تاربيەسىنەن، وتباسى سالتىنان پارتيالىلىعىنا زەرتتەپ تۇجىرىم جاساپ، جوعارىنىڭ باعاسىن تىڭداۋ، دارەجەلەس ورىنداردىڭ ءوزارا باعالاۋى، تومەننىڭ اڭىسى، بۇقارانىڭ باعاسى ارقىلى پارتيالىلىعىن ءتۇسىنۋ. كادرلاردى تاڭداپ ءوسىرۋ، مىندەتكە تاعايىنداۋ جانە ۇزدىكتەردى، وزاتتاردى باعالاۋ بارىسىندا پارتيالىلىعىن ساراپتاۋدىڭ ناتيجەسىنەن ويداعىداي پايدالانۋ.

ءۇشىنشى، دەموكراتيالىق ورتالىقتاندىرۋ ءتۇزىمىن قاتاڭ دايەكتىلەندىرۋ، قاتاڭ اتقارۋ

دەموكراتيالىق ورتالىقتاندىرۋ ءتۇزىمى − پارتيانىڭ ءتۇبىرلى ۇيىمدىق پرينسيبى جانە باسشىلىق ءتۇزىمى، دەموكراتيالىق ورتالىقتاندىرۋ ءتۇزىمىن دايەكتىلەندىرۋ جانە اتقارۋ − پارتيانى جاپپاي قاتاڭ باسقارۋدىڭ ىشكى تالابى. دەموكراتيالىق ورتالىقتاندىرۋ ءتۇزىمىنىڭ ءتۇرلى تۇزىمدەرىن، ءسوز جوق، كەمەلدەندىرىپ جانە تياناقتاندىرىپ، پارتيا ىشىندە دەموكراتيانى تولىق ساۋلەلەندىرىپ، دۇرىس ورتالىقتاندىرۋدى ءونىمدى جۇرگىزىپ، دەموكراتيالىق ورتالىقتاندىرۋ ءتۇزىمىنىڭ ساياسي ارتىقشىلىعىن، ۇيىمدىق ارتىقشىلىعىن، تۇزىمدىك ارتىقشىلىعىن، قىزمەتتىك ارتىقشىلىعىن اناعۇرلىم ويداعىداي ساۋلەلەندىرۋ كەرەك.

(1) پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ جانە ونى كۇشەيتۋ. پارتيا مۇشەسى پارتيا ۇيىمىنا بويسۇنۋ، ازشىلىق كوپشىلىككە بويسۇنۋ، تومەن دارەجەلى ۇيىمدار جوعارى دارەجەلى ۇيىمدارعا بويسۇنۋ، بۇكىل پارتياداعى ءارقايسى ۇيىمدار جانە بارلىق پارتيا مۇشەلەرى پارتيانىڭ مەملەكەتتىك قۇرىلتايى مەن ورتالىق كوميتەتىنە بويسۇنۋ پرينسيبىنە تاباندى بولۋ. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىق ءتۇزىلىس - مەحانيزمىن كەمەلدەندىرىپ، بۇكىل پارتيانىڭ بۇيرىقتى اتقارۋىنا، تيىم سالىنعاننان تيىلۋىنا شىنايى كەپىلدىك ەتۋ. پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن تياناقتاندىرۋ مەحانيزمىن كەمەلدەندىرىپ، ىزىنە ءتۇسىپ قاداعالاۋدى جانە ساپاسى مەن ونىمدىلىگىن باعالاۋدى كۇشەيتۋ. پارتيا ورتالىق كوميتەتىنەن نۇسقاۋ سۇراۋ، وعان مالىمەت بەرۋ ءتۇزىمىن قاتاڭ اتقارۋ. ساياسي باقىلاۋدىڭ ناقتىلانۋىن، دالمە - ءدال بولۋىن، ۇدايىلانۋىن ىلگەرىلەتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ تياناقتانۋ احۋالىن باقىلاۋدىڭ ءتۇيىنى ەتىپ، تياناقتاندىرۋدا پارمەندى بولماۋ، بۇرمالاۋ، وزگەرۋ ماسەلەلەرىن دەر كەزىندە بايقاپ جانە شەشىپ، ”تۇرپايى قىزىلدىڭ“، ”اسىرە قارانىڭ“ الدىن الۋ جانە ونى تۇزەتۋ.

(2) پارتيا ىشىندەگى دەموكراتيا ساپاسىن جوعارىلاتۋ. پارتيا ىشىندەگى دەموكراتيالىق تۇزىمگە تاباندى بولىپ جانە ونى كەمەلدەندىرىپ، پارتيا مۇشەلەرىنىڭ نەگىزگى تۇلعالىق ورنىنا قۇرمەت ەتىپ، پارتيا مۇشەلەرىنىڭ دەموكراتيالىق ۇقىعىن قامتاماسىز ەتۋ. پارتيانىڭ ءار دارەجەلى قۇرىلتايى ۋاكىلدەرىنىڭ رولىن ساۋلەلەندىرۋ ءتۇزىمىن تياناقتاندىرۋ. پارتيا كوميتەتىنىڭ، پارتكوم تۇراقتى كوميتەتىنىڭ، پارتيا باسشىلىق گرۋپپاسى ءماجىلىسىنىڭ ساپاسىن جوعارىلاتۋ. پارتيا ۋستاۆى مەن پارتيا ەرەجەسىندە بەلگىلەنگەن دەموكراتيالىق پرينسيپ پەن ءتارتىپ - رەتى بويىنشا پارتيا قىزمەتىن ورىستەتۋ، باسشى كادرلار ءوزى جاۋاپتى بولعان قىزمەتتى، ءوزى جاۋاپتى بولعان سالانى جانە جەردى ”جەكە مەنشىك جەرى“ ەتۋىنە بولمايدى، ءوزىن ۇيىمنان جوعارى قويۋىنا بولمايدى. پارتيا مۇشەلەرىنىڭ پارتيا ىشىندەگى ىستەردى تالقىلاۋعا قاتىسۋ جولىن ىركىلىسسىز ەتىپ، پارتيا مۇشەلەرىنىڭ پىكىر ءبىلدىرۋ ارناسىن كەڭەيتۋ. پارتيا ىشىندەگى جاعدايدى حابارلاندىرۋ ءتۇزىمىن، جاعدايدى اڭىس ەتۋ ءتۇزىمىن اقاۋسىزداندىرۋ. پارتيا ىشىندەگى دەموكراتيالى، تەڭ جولداستىق قاتىناسقا تاباندى بولىپ، پارتيا ىشىندە دەموكراتيالىق تالقى جۇرگىزۋگە تاماشا راي قالىپتاستىرىپ، شىن سويلەۋگە، تۋراسىن ايتۋعا، جۇرەك ءسوزىن ايتۋعا ىنتالاندىرۋ جانە قولداۋ، باسقاشا پىكىردەگى جولداستارعا قىسىم جاساۋعا، قاقپاي كورسەتۋگە، سوققى بەرۋگە بولمايدى.

(3) باسشىلىق القانىڭ شەشىم جاساۋ، ءىس قاراۋ ەرەجەسىن قاتاڭ اتقارۋ. كوللەكتيۆ باسشىلىق ەتۋ مەن جەكەلەردىڭ جۇمىس ءبولىسى بويىنشا جاۋاپتى بولۋدى ۇشتاستىرۋعا تاباندى بولىپ، عىلمي شەشىم جاساۋعا، دەموكراتيالى شەشىم جاساۋعا، زاڭ بويىنشا شەشىم جاساۋعا تاباندى بولىپ، كەلەلى ماسەلەلەردىڭ بارلىعىندا، ءسوز جوق، كوللەكتيۆ باسشىلىق ەتۋ، دەموكراتيالىق ورتالىقتاندىرۋ، ايىرىم اقىلداسۋ، ءماجىلىس ۇيعارىم جاساۋ پرينسيبىنە ساي، كوللەكتيۆ تالقىلاۋ ارقىلى ۇيعارىم جاساۋ. پارتكومنىڭ (پارتيا باسشىلىق گرۋپپاسى) ءىس قاراۋ ەرەجەسى مەن شەشىم جاساۋ ءتارتىپ - رەتىن كەمەلدەندىرىپ، كەلەلى شەشىمدەر جونىندەگى تەكسەرىپ - زەرتتەۋدى، عىلمي دالەلدەۋدى، حاۋىپ - قاتەردى مەجەلەۋدى كۇشەيتىپ، ماڭىزدى كەڭەس تاقىرىبىندا ءبىرشاما زور پىكىر تالاسى تۋىلعان كەزدە، ءماجبۇرلى تۇردە شەشىم جاساۋعا بولمايدى. كەلەلى شەشىمدەردىڭ ەرەجەگە سيىمدىلىعىن، زاڭعا سيىمدىلىعىن تەكسەرۋدى كۇشەيتىپ، كەلەلى شەشىم جاساۋ، كادرلاردى ماڭىزدى مىندەتكە تاعايىنداۋ - قالدىرۋ، ءىرى نىسانداردى ورنالاستىرۋ، قوماقتى قارجىنى جۇمساۋ ىستەرىن باقىلاۋ مەحانيزمىن اقاۋسىزداندىرۋ. باسشى كادرلار ۇيىمنىڭ ۇيعارىمىنا جانە ۇيىمنىڭ جۇمىس بولىسىنە بويسۇنۋ، پارتيا ورتالىق كوميتەتىنىڭ رۋحى مەن كوللەكتيۆتىڭ شەشىمى بويىنشا مىندەت - جاۋاپكەرشىلىك كولەمىندە مىندەتىن وتەۋ، جاۋاپكەرشىلىگىن اتقارۋ، قىزمەتتى زەرتتەگەندە پىكىرىن تولىق ءبىلدىرۋ، شەشىم جاسالعاننان كەيىن، سوڭىنا دەيىن مىقتى ۇستاۋ كەرەك. ءوزى بيلەپ، ءوزى توستەۋگە نەمەسە اركىم ءوز بىلگەنىنشە بيلىك جۇرگىزۋگە باتىل قارسى تۇرۋ جانە ودان ساقتانۋ، كەڭەسكەنىمەن شەشىم جاساماۋعا، شەشىم جاساعانىمەن اتقارماۋعا، اتقارعانىمەن تياناقتاندىرماۋعا باتىل قارسى تۇرۋ جانە ودان ساقتانۋ، پارتكومنىڭ (پارتيا باسشىلىق گرۋپپاسى) كوللەكتيۆ شەشىمى اتىنان بەلگىلەمەگە كوللەكتيۆتىك قايشىلىق جاساۋعا نەمەسە جاۋاپكەرشىلىكتەن قاشقالاقتاۋعا باتىل قارسى تۇرۋ جانە ودان ساقتانۋ. جوعارى دارەجەلى پارتيا ۇيىمى تومەن دارەجەلى پارتيا ۇيىمىنا قاتىستى ماڭىزدى ۇيعارىم شىعارعاندا، ادەتتە تومەن دارەجەلى پارتيا ۇيىمىنان الدىن الا پىكىر الۋى ءتيىس. باسشى كادرلاردىڭ كەلەلى شەشىمدەرى جونىنەن ءومىر بويى جاۋاپكەرشىلىك ارقالاۋ ءتۇزىمىن اقاۋسىزداندىرۋ.

(4) ”ءبىرىنشى باسشىنىڭ“ مىندەت وتەۋىن، بيلىك جۇرگىزۋىن ارناعا ءتۇسىرۋ. ”ءبىرىنشى باسشىنى“ جانە باسشىلىق القانى باقىلاۋدى كۇشەيتۋ جونىندەگى ءتۇزىم - بەلگىلەمەلەردى تياناقتاندىرۋ. ”ءبىرىنشى باسشىنى“ تاڭداپ ءوسىرۋ، مىندەتكە تاعايىنداۋدا دەموكراتيالىق ورتالىقتاندىرۋ ءتۇزىمىن دايەكتىلەندىرۋ، اتقارۋ بىلىكتىلىگى مەن قابىلەتىن تەكسەرۋگە باسا ءمان بەرۋ. باسشىلىق القانىڭ بيلىك اينالىمىن تەجەۋ مەحانيزمىن اقاۋسىزداندىرىپ، ”ءبىرىنشى باسشىنىڭ“ مىندەت - جاۋاپكەرشىلىگىن، بيلىك شەگىن ارناعا ءتۇسىرىپ، ”ءبىرىنشى باسشى“ سوڭىندا پوزيتسيا ءبىلدىرۋ ءتۇزىمىن اتقارۋ. شۋجيلەر ارناۋلى تاقىرىپتىق ءماجىلىسى پارتكوم تۇراقتى كوميتەتىنىڭ ءماجىلىسى اتىنان شەشىم جاساۋعا بولمايدى. پارتكومنىڭ (پارتيا باسشىلىق گرۋپپاسى) شۋجيى، ءسوز جوق، دەموكراتيانى ساۋلەلەندىرىپ، تۇرلىشە پىكىردى مۇقيات تىڭداپ، از ساندى ادامداردىڭ پىكىرىنە دۇرىس مامىلە جاساۋى كەرەك، ”ءسوز تورەشىلدىك“، ”وتاعاسىلىق“ ىستەۋىنە بولمايدى، كوللەكتيۆتىك اقىلداسۋعا تيىستىلەرىنە ءوز بەتىمەن پوزيتسيا بىلدىرۋىنە بولمايدى، جەكە پىكىرىن القانىڭ كوللەكتيۆ ۇيعارىمى ەتۋىنە، كوللەكتيۆ ۇيعارىمىن ءوز بەتىمەن وزگەرتۋىنە، ”ءبىرىنشى باسشىنىڭ“ جەكە بەدەلىن ساتىلار بويىنشا قورعاۋدى تالاپ ەتۋىنە بولمايدى. ”ءبىرىنشى باسشى“ قىزمەتىنەن ەسەپ بەرگەندە تومەن دارەجەلى ”ءبىرىنشى باسشىنى“ باسقارۋ - باقىلاۋ احۋالى جونىندە ارناۋلى مالىمەت بەرۋ ءتۇزىمىن تياناقتاندىرۋ. پارتكومنىڭ (پارتيا باسشىلىق گرۋپپاسى) تومەن دارەجەلى پارتيا ۇيىمدارىنىڭ ”ءبىرىنشى باسشىلارىنا“ باقىلاۋ جۇرگىزۋ، اڭگىمەلەسۋ ءتۇزىمىن تياناقتاندىرۋ. دارەجەلەس باقىلاۋدىڭ ءتۇزىم - مەحانيزمىن كەمەلدەندىرىپ، باسشىلىق القا مۇشەلەرى دەموكراتيالىق ورتالىقتاندىرۋ ءتۇزىمىن قورعاۋ ساياسي جاۋاپكەرشىلىگىن وتەۋى، ءوزارا باقىلاۋدى كۇشەيتۋى، ”ءبىرىنشى باسشىدا“ ماسەلە بارىن بايقاسا، بۇكپەسىز ايتۋى، ماڭىزدى ماسەلە بارىن بايقاسا، جوعارى دارەجەلى پارتيا ۇيىمىنا مالىمدەۋى كەرەك.

ءتورتىنشى، ۇلتتى گۇلدەندىرۋ اۋىر مىندەتىن ارقالايتىن جوعارى ساپالى كادرلار قوسىنىن شىڭداۋ

پارتيانى جاپپاي قاتاڭ باسقارۋدىڭ تەتىگى كادرلاردى قاتاڭ باسقارۋدا. جاڭا داۋىردە پارتيانىڭ ۇيىمدىق لۋشيانىن، ءسوز جوق، دايەكتىلەندىرىپ، كادرلاردى تاربيەلەۋدى، جەتىلدىرۋدى، تاڭداپ ءوسىرۋدى، مىندەتكە تاعايىنداۋدى، باسقارۋ - باقىلاۋدى قاتايتىپ، ساياسيدا ىسىلعان، قابىلەتى مىعىم، ستيلى تاماشا، ءتارتىبى قاتاڭ جوعارى ساپالى كادرلار قوسىنىن قۇرۋ.

(1) ادام ىستەتۋدىڭ دۇرىس بەتالىسىنا تاباندى بولۋ. پارتيا كادرلاردى باسقارۋ پرينسيبىنە تاباندى بولۋ، ءمورالدى دا قابىلەتتى بولۋعا، ءمورالدى الدىڭعى ورىنعا قويۋعا تاباندى بولۋ، توڭىرەكتىڭ ءتورت بۇرىشىنان بولۋعا، قابىلەتتىلەرىن عانا تاڭداپ مىندەتكە تاعايىنداۋعا، كاسىپتى باستى ورىنعا قويۋعا، ءادىل دە تۋراشىل بولۋعا تاباندى بولۋ. جاڭا داۋىردەگى جاقسى كادر ولشەمىن تياناقتاندىرىپ، پارتياعا ادال، ءىشى - سىرتى بىردەي، جاۋاپكەرشىلىك ارقالاپ بورىشىن وتەيتىن، ناقتى قىزمەت ناتيجەسى كورنەكتى، كىرشىكسىز، پاك كادرلاردى كۇش سالا تاڭداپ ءوسىرۋ، مىندەتكە تاعايىنداۋ، قيىن ىستەن قاشاتىنداردى، بويكۇيەزدىك ىستەپ بورىشىن وتەمەيتىندەردى، ستيلدە تۇرلاۋسىزداردى مۇلدەم ىستەتپەۋ، پارتياعا ادال بولماعانداردى، كورىنىستە بويسۇنعانسىپ، كومەسكىدە قاسارىساتىنداردى، ۇقىعىنان پايدالانىپ قارا باسىنىڭ قامىن كۇيتتەيتىندەردى باتىل تازالاۋ.

(2) ادامدى دالمە - ءدال، عىلمي تاڭداۋ، ىستەتۋ. كادرلاردى تاڭداپ ءوسىرۋ، مىندەتكە تاعايىنداۋ پرينسيبى مەن ءتارتىپ - رەتىن قاتاڭ اتقارىپ، ۇيىم ادام تاڭداۋعا، ادىلدىكپەن ادام ىستەتۋگە، ىسكە قاراي ادام تاڭداۋعا تاباندى بولىپ، پارتيا ۇيىمىنىڭ باسشىلىق ەتۋ مەن تەتىكتى مەڭگەرۋ رولىن ساۋلەلەندىرۋ. كادرلاردى تەكسەرۋ ساپاسىن جوعارىلاتىپ، جايشىلىقتاعى باعالاۋدى كۇشەيتىپ، كادرلاردىڭ ساياسي ساپاسىن ىشكەرىلەي، شىنايى تەكسەرىپ، كادرلاردى داعدىلى بەينەسىنە قاراي باعالاۋعا، كادرلاردى كەلەلى كەزەڭدە، شەشۋشى ساتتە تەكسەرۋگە، كادرلاردى كۇرەس - سىناققا، قايشىلىق - قيىنشىلىققا، بۇرىس ستيل - تەرىس نىسايعا، مۇددە - ازدىرۋعا، وسۋگە، شەگىنۋگە، ورنىندا قالۋعا، اۋىسۋعا ءدوپ كەلگەندەگى بەينەسىنە قاراي تانۋعا، كادرلاردى جۇمىستىڭ سالماعىن ءبىلىپ اۋىر جۇمىس ارقالاۋ، جۇمىستى ۇستىنە الىپ ءىس تىندىرۋ سياقتى جاعدايلارىنا قاراي بايقاۋعا باسا ءمان بەرۋ. كەڭەيتىپ تەكسەرۋدى كۇشەيتىپ، كادرلاردىڭ بۇرىنعى قىزمەت ىستەگەن جەرىنە نەمەسە ورنىنا بارىپ تەكسەرۋ جۇرگىزۋگە باسا ءمان بەرىپ، كادرلاردىڭ تۇرمىس شەڭبەرىن، قوعامدىق قارىم - قاتىناس شەڭبەرىن تۇسىنۋگە باسا ءمان بەرىپ، ارالاپ تەكسەرۋ، شارلاپ تەكسەرۋ، قازىنالىق باقىلاۋ، قاداعالاۋ - تەكسەرۋ سياقتىلاردىڭ ناتيجەلەرىنەن ويداعىداي پايدالانۋ. كادرلاردى قىزمەت ورنىنىڭ مىندەت - جاۋاپكەرشىلىك تالابى بويىنشا قاتاڭ تاڭداپ ىستەتىپ، سايكەس كەلۋ دەڭگەيىن ارتتىرۋ. جەكە تۇلعا الۋەتتى، جالپى تۇلعا ساپالى بولۋعا، قۇرىلىم فۋنكتسياعا بويسۇنۋعا تاباندى بولىپ، ءار دارەجەلى باسشىلىق القاسىنا، اسىرەسە، ”ءبىرىنشى باسشىعا“ ۇزدىگىن تاڭداپ، مىقتىسىن قويۋ. قارت، ورتا جاس، جاس كادرلاردى ساتى بويىنشا ازىرلەپ ورنالاستىرۋعا، ءارقايسى جاس كەزەڭىندەگى كادرلاردى ويداعىداي ىستەتۋدى ءبىر تۇتاس جوسپارلاۋعا تاباندى بولىپ، ايەل كادرلاردى، از ۇلت كادرلارىن جانە پارتيا سىرتىنداعى كادرلاردى ويداعىداي باۋلىپ، ويداعىداي ىستەتۋ، جاسىنا، ماعۇلماتىنا، ستاجىنا جارماسىپ الماۋ، تەك باسشىلىق القا قۇرىلىمىنا عانا ءمان بەرىپ، جەكە ساپاسىنا نەمقۇرايدى قاراۋدان، ماعلۇماتىنا، ستاجىنا عانا ءمان بەرىپ، ءىس جۇزىندىك قابىلەتىنە نەمقۇرايدى قاراۋدان ساقتانۋ، كۇشتەپ ورنالاستىرۋدان، ولشەمىن تومەندەتىپ تاڭداۋدان ساقتانۋ. نەگىزگى ساتىدان ۇزدىك كادرلاردى بايقاۋعا جانە تاڭداپ وسىرۋگە باسا ءمان بەرۋ. كادرلاردى مىندەتكە تاعايىنداۋدا تايساپ تۇرۋ، مەرزىم بويىنشا جۇمىس ورنىن اۋىستىرۋ جانە اۋىس - ءتۇيىس جاساۋ ءتۇزىمىن اقاۋسىزداندىرۋ. باسشى كادرلاردىڭ مىندەتكە تاعايىندالۋ مەرزىمى ءتۇزىمىن كەمەلدەندىرىپ جانە تياناقتاندىرىپ، مىندەتكە تاعايىندالۋ مەرزىمىنىڭ تۇراقتىلىعىن ساقتاۋعا قاتىستى ساياساتتاردى قاتاڭ اتقارىپ، ءبىر قىزمەت ورنىندا كادرلاردى قايتا - قايتا رەتتەۋدەن، ءبىر كادردىڭ قىزمەت ورنىن قايتا - قايتا رەتتەۋدەن ساقتانۋ. باسشىلىق القاسى مەن باسشى كادرلارعا تالداۋ جاساۋدى، تۇجىرىم جاساۋدى كۇشەيتىپ، باسشى كادرلاردى ءوسىرۋدى دە، ءتۇسىرۋدى دە ۇدايىلاندىرۋدى ىلگەرىلەتىپ، قازىرگى مىندەتىنىڭ قاجەتىنەن شىعا المايتىن كادرلاردى رەتتەۋ تەبىنىن ارتتىرۋ.

كادردى وسىرەتىن بولسا، ارحيۆىن، ءسوز جوق، تەكسەرۋگە، وسىرەتىن بولسا، جەكە باسىنا قاتىستى ىستەرىنەن بەرگەن مالىمەتتى، ءسوز جوق، انىقتاۋعا، وسىرەتىن بولسا، ءتارتىپ تەكسەرۋ، باقىلاۋ - تەكسەرۋ ورگانىنىڭ پىكىرىن، ءسوز جوق، ەسكەرۋگە، وسىرەتىن بولسا، ەرەجەگە، تارتىپكە قايشىلىق جاساعاندىعى اڭىس ەتىلگەن دەرەگى ناقتى، تەكسەرۋگە كەلەتىن ارىز حاتتار مەن ارىزدانۋشىلاردى، اشكەرەلەۋدى، ءسوز جوق، تەكسەرۋگە تاباندى بولۋ. پاكتىك جونىندەگى پىكىردى پارتكوم (پارتيا باسشىلىق گرۋپپاسى) شۋجيى مەن ءتارتىپ تەكسەرۋ كوميتەتىنىڭ شۋجيى (وكىلەتتى ءتارتىپ تەكسەرۋ، باقىلاۋ - تەكسەرۋ گرۋپپاسىنىڭ باستىعى) بىرگە قول قويىپ تۇراقتاندىرۋ بەلگىلەمەسىن تياناقتاندىرۋ. كادرلاردى مىندەتكە تاعايىنداۋدان بۇرىن ىستەرىنەن مالىمەت بەرۋ، تاڭداپ ءوسىرۋ، مىندەتكە تاعايىنداۋ جالپى بارىسىن ناقتى ەستەلىككە الۋ، ”ءبىر مالىمەت، ەكى باعالاۋ“ ءتۇزىمىن كەمەلدەندىرۋ جانە تياناقتاندىرۋ. ادام تاڭداۋ، ادام ىستەتۋ جونىندەگى ارناۋلى تەكسەرۋدى تەرەڭدەتىپ، كادرلاردى ”كىناراتى بولا تۇرا ءوسىرۋ“ جاۋاپكەرشىلىگىن قۋزاستىرۋ مەحانيزمىن اقاۋسىزداندىرۋ. ادام ىستەتۋدەگى بۇرىس ستيلدى باتىل وڭاپ، جاسىرىن الىم - بەرىم جاساۋعا، جاقىندارىن عانا قىزمەتكە قويۋعا قاتاڭ تيىم سالىپ، ”شاعىن شەڭبەردى“ باتىل تالقانداپ، ءمانساپ سۇراۋ، ءمانساپتىڭ سوڭىنا ءتۇسۋ، ءمانساپ ساتۋ، ءمانساپ ساتىپ الۋ، پارا بەرىپ داۋىس جيناۋ سياقتى ارەكەتتەردى قاتاڭ تەكسەرىپ ءبىر جاقتى ەتۋ.

(3) كادرلاردىڭ دۇرىس ناتيجە كوزقاراسىن ورناتۋىنا جانە ونى امالياتتا ايگىلەۋىنە قوزعاۋشىلىق ەتۋ. ناتيجە كوزقاراسى تاربيەسىن تەرەڭدەتىپ، كادرلاردى جالپى ءۇشىن پارتيا قۇرۋعا، حالىقتى باقىتقا كەنەلتۋگە، عىلمي شەشىم جاساۋعا، شىنايى يگەرىپ ناقتى ىستەۋگە تاباندى بولىپ، امالياتتىڭ، حالىقتىڭ، تاريحتىڭ سىناعىنان وتە الاتىن ناقتى ناتيجە جاراتۋعا جەتەكتەۋ. جاڭا دامۋ ۇستانىمىن تولىق، ءدال، جان - جاقتى دايەكتىلەندىرىپ، جوعارى ساپالى دامۋعا قوزعاۋشىلىق ەتۋ ناتيجەسىن باعالاۋدى جاقسارتىپ، ادامدى باعالاۋ مەن ءىستى باعالاۋدى، بۇرىننان بار باعالاۋ جەتىستىكتەرىنەن پايدالانۋ مەن مىندەتكە تاعايىندالۋدان بۇرىن تەكسەرۋدى ۇشتاستىرۋعا تاباندى بولىپ، رەفورمانى يگەرىپ، دامۋدى جەبەۋ مەن حالىقتى يگىلىككە كەنەلتىپ، حاۋىپسىزدىككە كەپىلدىك ەتۋ، قازىرگى قىزمەتكە قوزعاۋشىلىق ەتۋ مەن تاريحتان قالعان ماسەلەلەردى ءبىر جاقتى ەتۋ، كورنەكتى ناتيجە جاراتۋ مەن كومەسكى ناتيجەگە ءمان بەرۋ سياقتى جاعدايلاردى ىشكەرىلەي ۇعىسۋ، وعان تالداۋ جاساۋ. ناتيجە كوزقاراسىنداعى اۋىتقۋشىلىق باستى ماسەلەلەرى ءتىزىمىن يكەمدى رەتتەپ، ناتيجە كوزقاراسىنداعى اۋىتقۋشىلىقتان ۇتىمدى ساقتانۋ جانە ونى تۇزەتۋ قىزمەت مەحانيزمىن اقاۋسىزداندىرۋ. جاڭا باستىق كونە ەسەپتى مويىنداماۋ، تاباندا تابىسقا جەتۋگە اسىعۋ، كوز بوياۋشىلدىق ىستەۋ، كوزسىزدىكپەن قارا ءدۇرسىن ىستەۋ، بۇقارانىڭ تىلەگىنە قايشى، ءىس جۇزىندىككە ۇيلەسپەيتىن شەشىم جاساۋ، ”وبراز ينجەنەرياسى“ مەن ”ناتيجە ينجەنەرياسىن“ جۇرگىزۋ، ساياسات - پلاندا ”قارما اۋدارۋ“، بەلگىلەمەگە قايشىلىق جاساپ، جەرگىلىكتى ۇكىمەتتىڭ كومەسكى قارىزىن تىڭنان ارتتىرۋ، دامۋدى عانا دارىپتەپ، حاۋىپسىزدىكتى ەسكەرمەۋ سياقتى ماسەلەلەردى ىشكەرىلەي وڭاۋ. ءىس تىندىرماۋ، ءىستى بەتالدى ىستەۋ ماسەلەلەرىن وڭاۋدى تەرەڭدەتۋ. باسشىلىق القاسى نەگىزگى جاۋاپتىسىنىڭ جۇمىسى اۋىسقانداعى وتكىزىپ بەرۋ - وتكىزىپ الۋ ءتۇزىمىن اقاۋسىزداندىرۋ.

(4) كادرلاردىڭ ءىس تىندىرىپ ناتيجە جاراتۋ قابىلەتىن كۇشەيتۋ. كادرلاردىڭ يدەيالىق شىڭدالۋىن، ساياسي ىسىلۋىن، امالياتتىق شىنىعۋىن، كاسىپتىك توسەلۋىن كۇشەيتىپ، جوعارى ساپالى دامۋعا قوزعاۋشىلىق ەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەردەن ساقتانۋ جانە ونى جويۋ قابىلەتىن، زاڭمەن باسقارۋ ويلامى مەن زاڭمەن باسقارۋ ءتاسىلىن قولدانىپ قىزمەتتى ورىستەتۋ قابىلەتىن نىعايتىپ، كۇرەس جۇرگىزۋ رۋحى مەن كۇرەس جۇرگىزۋ قابىلەتىن جەتىلدىرۋدى كۇشەيتۋ. كادرلاردىڭ، اسىرەسە، باسشى كادرلاردىڭ ىشكەرىلەي تەكسەرىپ - زەرتتەۋ جۇرگىزۋىنە، ءىس جۇزىندىكپەن ۇشتاستىرىپ وي جەلى قاراستىرۋىنا، ماسەلەلەردى شەشۋىنە، قىزمەتتى جاقسارتۋىنا قوزعاۋشىلىق ەتۋ. كادرلاردىڭ بىلىمدەرىن جەدەل جاڭالاپ، كاسىپتىك بىلىكتىلىگىن جوعارىلاتىپ، قابىلەت ولقىلىعىن تولىقتاپ، ءوز قىزمەتىنىڭ مايتالمانى بولۋىنا قوزعاۋشىلىق ەتۋ. كادرلاردىڭ اماليات بارىسىندا تاجىريبەلەردى قورىتىندىلاپ، زاڭدىلىقتى يگەرىپ، قىزمەتىندەگى پرينسيپتىلىكتى، جۇيەلىلىكتى، كورەگەندىكتى، جاسامپازدىقتى كۇشەيتۋىنە قوزعاۋشىلىق ەتۋ.

(5) ۇزدىك جاس كادرلاردى باۋلۋ، تاڭداپ ءوسىرۋ ساپاسىن جوعارىلاتۋ. ۇزدىك جاس كادرلاردى باۋلۋدىڭ، تاڭداپ ءوسىرۋدىڭ ۇدايىلانعان قىزمەت مەحانيزمىن اقاۋسىزداندىرۋ. ساياسي جاقتان باۋلۋ مەن ساياسي جاقتان ىسىلدىرۋدى كۇشەيتىپ، جاس كادرلاردى سەنىم نەگىزىن بەكەمدەۋگە، رۋحاني كالتسي تولىقتاۋعا، يدەيا تىزگىنىن مىقتى ۇستاۋعا جەتەكتەۋ. نەگىزگى ساتىنىڭ ءبىرىنشى شەبىن جاس كادرلاردى جەتىلدىرۋدىڭ نەگىزدىك شەبى ەتىپ، جاس كادرلاردىڭ جاپالى وڭىردە، كۇردەلى ورتادا، مىندەت اۋىر قىزمەت ورنىندا شىڭدالىپ شىنىعۋىنا، كىسىلىك قاسيەتىن شىڭداپ، ستيلىن جاقسارتىپ، ىسكەرلىگىن ارتتىرۋىنا قوزعاۋشىلىق ەتۋ. باۋلۋ مەن باسقارۋعا بىردەي ءمان بەرۋگە تاباندى بولىپ، جاس كادرلاردى اقاۋسىز جەتىلۋ جولىمەن جۇرۋگە، ۇيىمنىڭ ورنالاستىرۋىنا بويسۇنىپ، تىڭعىلىقتى، قاجىرلىلىقپەن جۇمىس ىستەۋگە پەيىل بولۋعا، ۇشقالاقتىققا سالىنباۋعا، قول جەتپەسكە قول سوزباۋعا، ءوز جوباسىن قۇرماۋعا، ۇرىمتال جولمەن جۇرمەۋگە جەتەكتەۋ. جاس كادرلاردىڭ نازاريا ۇيرەنۋ، پارتيا ىشىندەگى ساياسي تۇرمىسقا قاتىناسۋ، جاۋاپكەرشىلىك ارقالاپ ىسكەرلىك كورسەتۋ، قىسىمعا شىداپ، قىسىمعا توتەپ بەرۋ، ەرەجەگە، تارتىپكە بويسۇنۋ سياقتى احۋالدارىن قاداعالاپ ۇعىسىپ، ولاردىڭ جەتىلۋىنە جەتەكشىلىك ەتۋدى كۇشەيتۋ. ”مايسانى سوزىپ ءوسىرۋ“ سياقتى قىلىقتاردىڭ الدىن الۋ جانە ونى تۇزەتۋ.

(6) كادرلاردى باسقارۋ - باقىلاۋدى كۇشەيتۋ. جوعارى دارەجەلى كادرلاردان باستاپ مىقتى ۇستاۋعا تاباندى بولىپ، كادرلاردى جان - جاقتى باسقارۋ مەن ۇنەمىلىك باقىلاۋدى كۇشەيتىپ، قاتاڭ بولۋ تالابىن كادرلاردىڭ ەسەيىپ - ەرجەتۋ جالپى پەريودىنا، تاربيەلەۋدىڭ، باسقارۋدىڭ، باقىلاۋدىڭ تۇتاس بارىسىنا ءسىڭىرىپ، تاڭداۋعا عانا ءمان بەرىپ، باسقارۋعا ءمان بەرمەۋدەن ساقتانۋ. باسشى كادرلاردىڭ جەكە باسىنا قاتىستى ىستەردەن مالىمەت بەرۋ ءتۇزىمىن كەمەلدەندىرىپ، وتباسىنىڭ مال - مۇلكى مەن شىعىسى قالىپتى كىرىستەن كورنەكتى اسىپ كەتكەندەردى تەكسەرىپ انىقتاۋ، دالەلدەۋ. باسشى كادرلاردىڭ جۇبايى، پەرزەنتى جانە ولاردىڭ جۇبايىنىڭ ساۋدامەن اينالىسۋىن، كاسىپورىن قۇرۋ ارەكەتىن ۇدايىلاندىرىپ باسقارۋدى كۇشەيتۋ. ”جاقىن تۋىستارىن ءوربىتۋ“ ماسەلەسىن ارناۋلى وڭاۋدى تەرەڭدەتۋ. كادرلار ىسىندەگى قابىلداۋ - ىستەتۋ قىزمەتىن باسقارۋدى، باقىلاۋدى كۇشەيتۋ. كادرلاردىڭ قوسىمشا مىندەت وتەۋ، مىندەتكە ءىلۋ، مىندەتىنەن شەگىنىپ كاسىپپەن شۇعىلدانۋ ارەكەتىن ارناعا ءتۇسىرىپ، ”قاشقالاقتاۋ سيپاتىنداعى مىندەتىنەن بوساۋدان“ ساقتانۋ جانە ونى وڭاۋ. زەينەتكە شىققان كادرلاردى باسقارۋدى، باقىلاۋدى كۇشەيتۋ. پارتيانىڭ ءار دارەجەلى ۇيىمدارى مەن باسشى كادرلارى، ءسوز جوق، باتىلدىقپەن يگەرىپ، باتىلدىقپەن باسقارۋى، قاتاڭ باسقارىپ، قاتاڭ جونگە سالۋى كەرەك، كادرلاردىڭ قاتە ءسوز - ارەكەتىن ەركىنە جىبەرۋگە، جاماندىعىن جاسىرىپ، كەمشىلىگىن بۇركەمەلەۋگە بولمايدى. كادر باسقارۋ - باقىلاۋ قىزمەت ەرەجەسىن بەلگىلەۋ.

قاتاڭ باسقارۋ مەن قامقورلىق جاساۋدى ۇشتاستىرۋعا، ىنتالاندىرۋ مەن تەجەۋگە بىردەي ءمان بەرۋگە تاباندى بولىپ، كادرلاردى جاۋاپكەرشىلىك ارقالاۋعا، ىسكەرلىك كورسەتۋگە ىنتالاندىرۋ جانە قورعاۋ مەحانيزمىن اقاۋسىزداندىرىپ، مىندەت ارقالاعاندار ءۇشىن مىندەت ارقالاۋ، جاۋاپكەرشىلىك ارقالاعاندار ءۇشىن جاۋاپكەرشىلىك ارقالاۋ، جۇمىس تىندىرعاندارعا ارقا تىرەك بولۋ. سىرلاسۋ - اڭگىمەلەسۋ ءتۇزىمىن تياناقتاندىرىپ، كادرلاردىڭ يدەيالىق اۋقىمى، قىزمەت جاعدايى، ءتان ساۋلىعى مەن جان ساۋلىعى احۋالى، وتباسى جاعدايى سياقتىلاردى دەر كەزىندە ۇعىسىپ، باعىتتامالى تۇردە تاربيەلەۋدى، جەتەكتەۋدى كۇشەيتۋ. ۇكىمەت قىزمەتكەرلەرى قىزمەتىن كۇشەيتىپ جانە جاقسارتىپ، مىندەت جانە مىندەت دارەجەسىن قاتار قولدانۋ سياقتى تۇزىمدىك ىنتالاندىرۋ اسەرىن ساۋلەلەندىرىپ، ماداقتاۋ، سيلاۋ مەحانيزمىن اقاۋسىزداندىرۋ. نەگىزگى ساتى كادرلارىنا كوڭىل بولەتىن، قامقورلىق جاسايتىن ساياساتتاردى تياناقتاندىرۋ.

پارتيا دارىندىلاردى باسقارۋ پرينسيبىنە تاباندى بولىپ، دارىندىلاردى ساياسي جاقتان جەتەكتەۋ مەن ساياسي جاقتان باۋراۋدى كۇشەيتىپ، دارىندىلاردى دامىتۋ ءتۇزىلىس - مەحانيزمى رەفورماسىن تەرەڭدەتىپ، وقۋ - اعارتۋدى، عىلىم - تەحنولوگيانى، دارىندىلاردى دامىتۋدى ءبىر تۇلعادا ىلگەرىلەتىپ، دارىندىلاردى جان - جاقتى باۋلىپ، ەنگىزىپ، ويداعىداي ىستەتىپ، دارىندىلارعا قولداۋ كورسەتۋدى جانە قىزمەت وتەۋدى، ولاردى قامتاماسىز ەتۋدى كۇشەيتىپ، بارشا دارىندىنى پارتيانى ءسۇيىپ، وتاننىڭ ءۇمىتىن اقتاۋعا، كاسىبىن ءسۇيىپ، ۇلەس قوسۋعا، حالىققا قىزمەت ەتۋگە ىنتالاندىرۋ، ءارقايسى جاقتاعى ۇزدىك دارىندىلاردى پارتيا مەن حالىق ىستەرىنە شوعىرلاندىرۋ. پارتكوم ماماندارمەن بايلانىس جاساۋ جانە ولارعا قىزمەت وتەۋ ءتۇزىمىن تياناقتاندىرۋ، باسشى كادرلاردىڭ ماماندارمەن تىكەلەي بايلانىس جاساۋ جانە ولارعا قىزمەت وتەۋ قىزمەت مەحانيزمىن اقاۋسىزداندىرۋ. دارىندىلار قوسىنىنداعى پارتيا مۇشەلەرىن عىلىمي زەرتتەۋدە قامال الۋ، جاس بۋىن وقىمىستىلاردى باۋلۋ، ىنتىماقتاسۋ، سەلبەسۋ، ىلىمگە ادال بولۋ، عىلىم - تەحنولوگيا ەتيكاسى سياقتى جاقتارداعى ۇلگىلىك رولىن ساۋلەلەندىرۋگە جەتەكتەپ، ىلىمدە جالعاندىق ىستەۋ، كوشىرىپ قولدانۋ، ۇرلاپ الۋ سياقتى ىلىمدەگى ناشار ارەكەتتەرگە قارسى تۇرۋ، تاباندا تابىسقا جەتۋگە اسىعۋ، ۇشقالاقتىق ىستەۋ، كوپىرمەلىككە سالىنۋ سياقتى ناشار ادەتتەردى تەجەۋ. دارىندىلاردىڭ ”قالپاق“ ماسەلەسىن وڭاپ، ستاجىنا قاراپ قاتارعا تۇرعىزۋدى، شەڭبەر مادەنيەتىن، ءىلىم شونجارلىق ستيلدى جويۋ.

بەسىنشى، جوعارى مەن تومەندى ساباقتاستىراتىن، اتقارۋى پارمەندى مىقتى ۇيىمدىق جۇيە ورناتۋ

پارتيانىڭ ءار دارەجەلى ۇيىمدارى − پارتيانى جاپپاي قاتاڭ باسقارۋدىڭ نەگىزگى تۇلعاسى. ءسوز جوق، ءار دارەجەلى، ءار سالا پارتيا ۇيىمى قۇرىلىسىن جۇيەلىلەندىرۋ جانە ىلگەرىلەتۋدە، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتۋدە، پارتيانىڭ لۋشيان، باعىت - ساياساتتارىن جانە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرۋدە، تياناقتاندىرۋدا جوعارى مەن تومەننىڭ سايكەسۋىنە، دالمە - ءدال، جوعارى ءونىمدى بولۋىنا شىنايى كەپىلدىك ەتۋ كەرەك.

(1) ورتالىق پەن مەملەكەت ورگاندارى پارتيا ۇيىمىنىڭ ونەگەلىك رولىن ساۋلەلەندىرۋ. ساياسي ورگان قۇرىلىسىن تەرەڭدەتىپ، ورتالىق پەن مەملەكەت ورگاندارىنداعى ءار دارەجەلى پارتيا ۇيىمدارى مەن پارتيا مۇشەلەرى، كادرلار ءبىرىنشى لەكتە ويداعىداي جۇرۋىنە، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ جاعىندا ونەگە بولۋعا، شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ جاعىندا ونەگە بولۋعا، پارتيا ورتالىق كوميتەتىنىڭ ءتۇرلى شەشىمى مەن ورنالاستىرۋىن باتىل دايەكتىلەندىرۋ، تياناقتاندىرۋ جاعىندا ونەگە بولۋعا، ورتالىق پەن مەملەكەت ورگاندارىن ساياسيدى دارىپتەيتىن، تارتىپكە بويسۇناتىن، جاۋاپكەرشىلىك ارقالايتىن، جۇمىسى ءونىمدى ۇلگىلى ورگان ەتىپ قۇرىپ شىعۋعا قوزعاۋشىلىق ەتۋ. ورگاندى مىقتى ۇستاپ، جۇيەگە جەتەكشىلىك ەتۋگە، كاسىپ سالاسىن باسقارۋعا، پارتيا قۇرىلىسىن باسقارۋعا تاباندى بولىپ، ورگانداردىڭ، توتە قاراستى كاسىپورىنداردىڭ، ءىسورىنداردىڭ، ۋاكىلدىك قۇرىلىمداردىڭ پارتيا قۇرىلىسى قىزمەتىن قاتار ىلگەرىلەتۋ مەحانيزمىن اقاۋسىزداندىرىپ، ساياسي فۋنكتسياسى كۇشتى، ياچەيكا القاسى كۇشتى، پارتيا مۇشەلەرى قوسىنى كۇشتى، رولىن ساۋلەلەندىرۋى كۇشتى پارتيا ياچەيكا قۇرىلىسىن تەرەڭدەتۋ. پارتيا قۇرىلىسى مەن كاسىپتىك جۇمىستىڭ ىشكەرىلەي توعىسۋىنا قوزعاۋشىلىق ەتىپ، ”ەكى بولەك قالۋ ماسەلەسىن“ ۇزدىكسىز جويۋ. ”ورگان اۋرۋىنا“ جانە ”جامبىلدىق ستيلگە“ تيىم سالىپ، ”شامنىڭ ءتۇبى قاراڭعى بولۋدان“ ساقتانۋ.

(2) جەرگىلىكتى پارتكومداردىڭ فۋنكتسياسىن كۇشەيتۋ. جەرگىلىكتى پارتكومنىڭ ءوز وڭىرىندە جالپى جاعدايدى مەڭگەرەتىن، ءارقايسى جاقتى سايكەستىرەتىن باسشىلىق رولىن ساۋلەلەندىرۋىنە تاباندى بولىپ، بەتالىستى يگەرۋ، كەلەلى جاعدايدى باسقارۋ، شەشىم جاساۋ، تياناقتاندىرۋعا كەپىلدىك ەتۋ مىندەت - جاۋاپكەرشىلىگىن اتقارىپ، جەرگىلىكتى پارتكومداردى پارتيا ورتالىق كوميتەتىنىڭ قولباسشىلىعىنا باتىل بويسۇناتىن، اتقارۋى پارمەندى، باسقارۋى قاتاڭ، القاسى ىنتىماقتى، ستيلى كىرشىكسىز پارمەندى ۇيىمدار ەتىپ قۇرىپ شىعۋ. جەرگىلىكتى پارتكومداردىڭ پارتيا ورتالىق كوميتەتىنىڭ رۋحىن ءىس جۇزىندىكپەن ۇشتاستىرىپ دايەكتىلەندىرۋىنە، تياناقتاندىرۋىنا، قىزمەتتى جاسامپازدىقپەن ورىستەتۋگە شابىت بەرۋ جانە قولداۋ كورسەتۋ. جەرگىلىكتى پارتكوم تۇراقتى كوميتەتىنىڭ القانى كۇشەيتىپ قۇرۋىنا، قوسىندى قاتاڭ باسقارۋىنا، ساياسي جاقتان تەكسەرىلۋدى ۇنەمى ورىستەتىپ، ءوز ماسەلەسىن بايقاۋ جانە شەشۋ قابىلەتىن جوعارىلاتۋىنا قوزعاۋشىلىق ەتۋ. جەرگىلىكتى پارتكومداردىڭ قىزمەت ەرەجەسىنە وزگەرتۋ ەنگىزۋ. جەرگىلىكتى پارتكومداردىڭ ءىس قاراۋ، سايكەستىرۋ قۇرىلىمدارىن ارناعا ءتۇسىرۋ.

(3) ءارقايسى سالاداعى نەگىزگى ساتى پارتيا ۇيىمدارى قۇرىلىسىن ءبىر تۇتاس جوسپارلاپ ىلگەرىلەتۋ. نەگىزگى ساتىنى مىقتاپ يگەرۋدىڭ ايقىن بەتالىسىن كۇشەيتىپ، ولقىلىقتاردى تولىقتاۋ، بوستىقتى تولتىرۋ مەن ساپانى جوعارىلاتۋ، فۋنكتسيانى كۇشەيتۋدى قاتار جۇرگىزۋگە تاباندى بولىپ، نەگىزگى ساتى پارتيا ۇيىمدارىن پارتيا باسشىلىعىن ءونىمدى جۇزەگە اسىراتىن بەرىك جاۋىنگەرلىك قورعان ەتىپ قۇرىپ شىعۋ. پارتيا قۇرىلىسىن يگەرىپ، اۋىل - قىستاقتىڭ جاپپاي كوركەيۋىن جەبەۋدى ىشكەرىلەي ىلگەرىلەتىپ، اۋىل - قالاشىق پارتكومدارى مەن قىستاق پارتيا ۇيىمى قۇرىلىسىن كۇشەيتىپ، قىستاق كادرلارىن تاربيەلەۋ، باسقارۋ دەڭگەيىن جوعارىلاتىپ، قىستاقتا تۇراتىن ءبىرىنشى شۋجي مەن قىزمەت اترەتىن تاڭداپ جىبەرۋدى، باسقارۋدى ساپالىلاندىرۋ. ”كەۋەك قىستاقتاردىڭ“ پارتيا قۇرىلىسى قىزمەتىن شىنايى ىستەۋ. قالا مالىلەرىنىڭ، الەۋمەتتىك اۋماقتاردىڭ پارتيا قۇرىلىسى قىزمەتىن كۇشەيتىپ، تۇرعىندار شاعىن اۋماعىنداعى پارتيا ۇيىمدارىن ويداعىداي قۇرىپ، كۇشەيتىپ قۇرىپ، الەۋمەتتىك اۋماق پارتيا ۇيىمىنىڭ باسشىلىعىنداعى تۇرعىندار كوميتەتىنىڭ، مۇلىك يەلەر القاسىنىڭ، قوجالىق قىزمەت وتەۋ كاسىپورىندارىنىڭ سايكەسە جۇمىس جۇرگىزۋىنىڭ جاڭا ۇلگىسى جونىندە ىزدەنىس جاساۋ. ”اسا ۇلكەن الەۋمەتتىك اۋماقتاردىڭ“ پارتيا ۇيىمى قۇرىلىسىن كۇشەيتۋ. اشۋ رايونىنىڭ (باقشا رايونى) پارتيا قۇرىلىسىن ىلگەرىلەتۋ. شەكارا وڭىرلەردەگى نەگىزگى ساتى پارتيا قۇرىلىسى قىزمەتىن كۇشەيتۋ. پارتيا قۇرىلىسى ارقىلى نەگىزگى ساتىنى باسقارۋعا جانە نەگىزگى ساتى بيلىك قۇرىلىسىنا جەتەكشىلىك ەتۋدى تەرەڭدەتىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، پارتيا ۇيىمى باسشىلىق ەتكەن ءوزىن - ءوزى باسقارۋ، زاڭمەن باسقارۋ، مورالمەن باسقارۋ ۇشتاستىرىلعان قالا - اۋىل نەگىزگى ساتىلارىن باسقارۋ جۇيەسىن اقاۋسىزداندىرۋ. توركوزدەندىرىپ باسقارۋدى، قىزمەت وتەۋدى بىرىكتىرىپ جانە ساپالىلاندىرىپ، پارتيا مۇشەلەرى مەن بۇقاراعا قىزمەت وتەۋ ورتالىعىنىڭ رولىن ساۋلەلەندىرىپ، نەگىزگى ساتى ۇيىمدارى مەن بۇقارانىڭ نەگىزگى ساتىنى باسقارۋعا زاڭ بويىنشا تارتىپپەن ات سالىسۋ ارناسىن كەڭەيتۋ. ورگان پارتيا قۇرىلىسىنىڭ ساپاسىن جاپپاي جوعارىلاتىپ، قاراستى ورىنداردىڭ، كاسىپ سالاسىنىڭ پارتيا قۇرىلىسى قىزمەتىن ويداعىداي يگەرۋ. ءىسورىنداردىڭ پارتيا باسشىلىق ءتۇزىلىس - مەحانيزمىن كەمەلدەندىرىپ، مەكتەپ، شيپاحانا، عىلمي زەرتتەۋ اكادەمياسى مەن ورنى سياقتىلاردىڭ پارتيا قۇرىلىسى قىزمەتىن ىلگەرىلەتۋ. مەملەكەت مەنشىگىندەگى كاسىپورىندارعا، مەملەكەت مەنشىگىندەگى فينانس كاسىپورىندارىنا پارتيانىڭ باسشىلىعىن كۇشەيتىپ، پارتكومداردىڭ (پارتيا باسشىلىق گرۋپپاسى) تيجارات ەتۋ - باسقارۋداعى كەلەلى ىستەردى الدىن الا زەرتتەۋدى، تالقىلاۋدى ماندىك جاقتان يگەرۋىن كۇشەيتىپ، سەرىكتەستىكتى باسقارۋدى كەمەلدەندىرىپ، پارتيا قۇرىلىسى قىزمەتىنىڭ ساپاسى - ونىمدىلىگىن جوعارىلاتۋ. شوعىرلاندىرۋ مەن ۇدايىلاندىرۋدى ۇشتاستىرۋعا تاباندى بولىپ، ءالسىز، بىتىراڭقى نەگىزگى ساتى پارتيا ۇيىمدارىن رەتكە سالۋ. نەگىزگى ساتى پارتيا ۇيىمدارىنىڭ جاۋاپتىلارىن باۋلۋدى، تاڭداپ ءوسىرۋدى جانە تاربيەلەۋدى، كۋرستان وتكىزۋدى كۇشەيتۋ. بايلىقتى، قىزمەت وتەۋدى، باسقارۋدى تومەنگە تۇسىرۋگە، ساياساتتى نەگىزگى ساتىعا بەيىمدەۋگە، نەگىزگى ساتىنىڭ قىزمەت شارت - جاعدايىن جاقسارتۋعا قوزعاۋشىلىق ەتۋ. پارتيا قۇرىلىسى ارقىلى بۇقارالىق ۇيىمدار قۇرىلىسىن جەتەكتەۋگە تاباندى بولىپ، بۇقارالىق توپتار مەن ۇيىمداردىڭ كوپىرلىك، دانەكەرلىك رولىن ساۋلەلەندىرۋ.

(4) جاڭادان گۇلدەنگەن سالالارداعى پارتيا قۇرىلىسىن كورنەكتى تۇردە ويداعىداي يگەرۋ. جاڭادان گۇلدەنگەن سالالارداعى پارتيا قۇرىلىسىن باسقارۋ ءتۇزىلىسى مەن جاۋاپكەرشىلىك جۇيەسىن تۇرگە ءبولىپ كەمەلدەندىرىپ، كاسىپ سالاسىن باسقارۋ جانە كاسىپتىك جۇمىستى باقىلاۋ - باسقارۋ تاراۋلارى، كاسىپتىك جۇمىستى باسقارۋشى ورىندار جانە قاراستى جەرلەر سياقتىلاردىڭ جاۋاپكەرشىلىگىن ناقتىلاندىرىپ، پارتيانىڭ جاڭادان گۇلدەنگەن سالالارداعى ۇندەۋ قۋاتىن، ۇيىستىرۋ قۋاتىن، ىقپال قۋاتىن كۇشەيتۋ. جاڭا ەكونوميكالىق ۇيىمداردا، جاڭا قوعامدىق ۇيىمداردا، جاڭا جۇمىستانعان قاۋىمداردا پارتيا ۇيىمىنىڭ قامتىمى مەن قىزمەتىنىڭ قامتىمىن تەرەڭدەتىپ جانە كەڭەيتىپ، پارتيا ۇيىمىنىڭ شۋجيلىگىنە ۇزدىگىن تاڭداپ، مىقتىسىن قويۋ، پارتيا قۇرىلىسى قىزمەتىنە جەتەكشىلىك ەتۋشىلەردى تاڭداپ جىبەرۋدى جاقسارتىپ، پارتيا قۇرىلىسى قىزمەتىنىڭ ءوندىرىس - تيجارات، جاڭالىق اشۋ، شارۋاشىلىق قۇرۋ، قوعامدىق قىزمەت وتەۋ، نەگىزگى ساتىنى باسقارۋ سياقتىلارمەن ورگانيكالى ۇشتاسۋىن ىلگەرىلەتۋ. جالپىلىق مەنشىككە جاتپايتىن كاسىپورىنداردىڭ پارتيا قۇرىلىسى قىزمەتىن بەكەمدەپ جانە دەڭگەيىن جوعارىلاتىپ، ارالاس مەنشىكتەگى كاسىپورىنداردىڭ پارتيا قۇرىلىسى قىزمەتىن تۇرگە ءبولىپ ىلگەرىلەتىپ، تەكشە كاسىپورىندارى، عىلىم - تەحنولوگيادا جاڭالىق اشۋ تيبىندەگى كاسىپورىندارى سياقتىلاردىڭ پارتيا قۇرىلىسى قىزمەتىن كۇشەيتىپ، ينتەرنەت كاسىپورىندارىنىڭ پارتيا ۇيىمىن باسقارۋدىڭ دارەجەسىن جوعارىلاتۋدى يكەمدى رەتتەۋ مەحانيزمىن ورناتىپ، پارتيا قۇرىلىسىنداعى جاۋاپكەرشىلىگىن تياناقتاندىرۋعا قوزعاۋشىلىق ەتۋ. جاڭا قوعامدىق ۇيىمداردىڭ پارتيا قۇرىلىسى قىزمەتىنە تۇرگە ءبولىپ جەتەكشىلىك ەتىپ، كاسىپ سالاسى قوعامدارىنىڭ، ءىلىمي قوعامداردىڭ، ساۋدا قوعامدارىنىڭ باسقارۋ ءتۇزىمى مەن اينالىم مەحانيزمىن كەمەلدەندىرىپ، پارتيا قۇرىلىسىنىڭ قىزمەت تالابىن ۋستاۆقا ەنگىزۋدى جاپپاي تياناقتاندىرىپ، پارتيا قۇرىلىسى ارقىلى كاسىپ سالاسىنىڭ ءوزىن - ءوزى تەجەۋىنە جەتەكشىلىك ەتۋدى كۇشەيتۋ. حالىق باسقارۋىنداعى مەكتەپ، حالىقتىق شيپاحانا سياقتىلاردىڭ پارتيا قۇرىلىسى قىزمەتىن ويداعىداي ىستەۋ. جاڭا جۇمىستانعان قاۋىمنىڭ پارتيا قۇرىلىسى قىزمەتىن كۇشەيتىپ، يدەيالىق ساياسي جەتەكشىلىكتى كۇشەيتىپ، قىزمەت وتەۋدى، باسقارۋدى ويداعىداي ىستەپ، زاڭدى ۇقىق - مۇددەنى قامتاماسىز ەتىپ، جاڭا جۇمىستانعان قاۋىمدى پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋ.

(5) پارتيا مۇشەلەرى قوسىنى قۇرىلىسىن كۇشەيتۋ. ساياسي ولشەمدى ماڭداي الدى ورىنعا قويۋعا تاباندى بولىپ، ءتارتىپ - رەتىن قاتايتىپ، وتكەلدى يگەرۋدى قاتايتىپ، ءتارتىپتى قاتاڭداستىرىپ، پارتياعا مۇشە قابىلداۋدىڭ ساپاسىن جوعارىلاتىپ، بوتەن نيەتتەگىلەردىڭ پارتياعا كىرۋىنەن ساقتانۋ. جاستار مەن شارۋاشىلىق جۇمىسشىلارىنىڭ، ديقانداردىڭ، زيالىلاردىڭ اراسىنان پارتياعا مۇشە قابىلداۋعا ءمان بەرىپ، جاڭادان گۇلدەنگەن سالالاردان پارتياعا مۇشە قابىلداۋ قىزمەتىن ويداعىداي ىستەپ، پارتيا مۇشەلەرى قوسىنىنىڭ قۇرىلىمىن ساپالىلاندىرۋ. پارتيا مۇشەلەرىن تاربيەلەۋدى، باسقارۋدى كۇشەيتىپ، پارتيا مۇشەلەرىن ۇدايىلاندىرىپ كۋرستان وتكىزۋدى ورىستەتۋ، اسىرەسە، نەگىزگى كۋرستان وتكىزۋدى ورىستەتۋ. پارتيا ياچەيكاسىنىڭ پارتيا مۇشەلەرىن تىكەلەي تاربيەلەۋ، باسقارۋ، باقىلاۋ مىندەت - جاۋاپكەرشىلىگىن تياناقتاندىرۋ. پارتيا مۇشەلەرىنىڭ ينتەرنەتتەگى ارەكەتىن باسقارۋدى كۇشەيتۋ. جىلجىمالى پارتيا مۇشەلەرىن تىزىمگە الۋ، قابىلداۋ قىزمەتىن ۇدايىلاندىرىپ ورىستەتىپ، وتكىزىپ بەرگەن جەر مەن وتكىزىپ العان جەردەگى پارتيا ۇيىمدارىنىڭ سەلبەسىپ بىرگە باسقارۋ، جەلىدە، جەلىدەن تىس ۇشتاسۋ ءتۇزىمىن اقاۋسىزداندىرۋ. قىزمەت ورىندارىن قۇرىپ، جاۋاپكەرشىلىكتى تۇراقتاندىرۋ، ۋادە بەرۋ، ۋادەنى ورىنداۋ، ەكپىندىلەر قوسىنىن قۇرۋ، سالاۋاتىن كورسەتىپ اتويشى بولۋ سياقتى ادىستەردى اتقارىپ، پارتيا مۇشەلەرىنىڭ جەلىدەن تىس جانە جەلىدەگى، جۇمىستاعى جانە جۇمىس ورنىنان كەتكەندەگى، جاي جاعدايداعى جانە شۇعىل جاعدايداعى رولىن ساۋلەلەندىرۋ مەحانيزمىن كەمەلدەندىرۋ جانە تياناقتاندىرۋ. پارتيا ىشىندەگى ىنتالاندىرۋ، قامقورلىق جاساۋ، سۇيەمەلدەۋ مەحانيزمىن كەمەلدەندىرۋ. تولىمسىز پارتيا مۇشەلەرىن قاتاڭ، بايىپپەن ءبىر جاقتى ەتۋ.

(6) پارتيانىڭ ءار دارەجەلى ۇيىمدارىنىڭ ساباقتاسۋ مەحانيزمىن كەمەلدەندىرۋ. جوعارىنىڭ ورنالاستىرۋىن جەتكىزۋ جانە ونى تياناقتاندىرۋ، نەگىزگى ساتىنىڭ احۋالىن جوعارىعا اڭىس ەتۋ، قايشىلىقتاردى، ماسەلەلەردى سەلبەسىپ شەشۋ قىزمەت مەحانيزمىن اقاۋسىزداندىرۋ. قاراستى جەردىڭ باسقارۋىنداعى جانە تىكە باسقارۋداعى پارتيا قۇرىلىسى قىزمەتى جۇيەسىن كەمەلدەندىرىپ، تارماقتار مەن بولىكتەردى ۇشتاستىرۋعا، ءارقايسىسىنىڭ ءوز جاۋاپكەرشىلىگىن ارقالاۋىنا، تىعىز ۇشتاستىرۋىنا قوزعاۋشىلىق ەتۋ. جوعارى دارەجەلى ۇيىمداردىڭ تومەن دارەجەلى ۇيىمدار پارتيا قۇرىلىسى قىزمەتىنە جەتەكشىلىك ەتۋ تەبىنىن ارتتىرىپ، تاجىريبەلەردى قورىتىندىلاپ، جالپىلاستىرۋ. پارتكوم (پارتيا باسشىلىق گرۋپپاسى) شۋجيىنىڭ نەگىزگى ساتى پارتيا قۇرىلىسى قىزمەتىن يگەرۋ جونىندە مىندەتىنەن ەسەپ بەرۋىن باعالاۋ - تەكسەرۋدى تىڭعىلىقتى ىستەۋ. پارتيا ىستەرى قىزمەتكەرلەر قوسىنى قۇرىلىسىن كۇشەيتىپ، كۇشىن تولىقتاپ، قۋاتتاندىرىپ، قاجەتتى قامتاماسىزدىق ازىرلەۋ. ءوز دارەجەسىن ويداعىداي يگەرىپ، تومەن دارەجەنى جەتەكتەۋگە، ساتىلار بويىنشا تياناقتاندىرۋدى يگەرۋگە تاباندى بولىپ، پارتيانىڭ ءار دارەجەلى ۇيىمدارىنىڭ جاپپاي العا باسۋىنا، جاپپاي شىڭدالۋىنا قوزعاۋشىلىق ەتىپ، جاۋاپكەرشىلىكتى تياناقسىز قالدىرۋدان جانە جاۋاپكەرشىلىكتى جوعارىعا يتەرىپ، تومەنگە سىلتەۋدەن ساقتانۋ.

التىنشى، تالىقپاس ارىنمەن ستيلدى دۇرىستاپ، ءتارتىپتى قاتايتۋ

ستيلدى دۇرىستاپ، ءتارتىپتى قاتايتۋ − پارتيانى جاپپاي قاتاڭ باسقارۋدىڭ پارمەندى شاراسى. پارتيالىلىقتى، پارتيا ستيلىن، پارتيا ءتارتىبىن بىرگە يگەرۋگە، ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ساباقتاستىرۋعا، ءسوز جوق، تاباندى بولىپ، ستيلدى يگەرۋدەن باستاپ كىرىسىپ، پارتيانى جاپپاي قاتاڭ باسقارۋدى ىلگەرىلەتۋ تاجىريبەسىن ىشكەرىلەي قولدانىپ، ستيلدى ۇزدىكسىز جاقسارتىپ، قاتاڭ تارتىپپەن پارتيانى باسقارىپ، پارتيانى جونگە سالىپ، تاماشا وبراز ارقىلى زەيىن - زەردەنى، كۇش - قۋاتتى ۇيىستىرۋ.

(1) جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرۋ. ماركسيزمدىك بۇقارالىق كوزقاراس پەن پارتيانىڭ بۇقارالىق لۋشيان تاربيەسىن تەرەڭدەتىپ، پارتيا مۇشەلەرىن، كادرلاردى تۇپكى ماقسات تانىمىن، حالىقتىڭ قىزمەتشىسى تانىمىن كۇشەيتۋگە، حالىقتىق تۇرعىدا بەرىك تۇرۋعا، بۇقارامەن بولعان سۇيىسپەنشىلىكتى ارتتىرۋعا، ءوزىن جوعارى ۇستاۋدان، بۇقارادان قول ۇزۋدەن ساقتانۋعا جەتەكتەۋ. پارتيا مۇشەلەرىن، كادرلاردى جاڭا داۋىردەگى پارتيانىڭ بۇقارالىق قىزمەتىنىڭ ەرەكشەلىگى مەن زاڭدىلىعىن يگەرۋگە، بۇقارامەن ۇنەمى ىشكەرىلەي ارالاسىپ، كىشى پەيىلدىكپەن پىكىرىن تىڭداۋعا، شۇعىل، قيىن، الاڭداۋلى، ءزارۋ ماسەلەلەرىن مۇقيات شەشۋگە، بۇقارانىڭ كۇشىنە سۇيەنىپ قىزمەتتى ويداعىداي ىستەۋگە، قايشىلىقتاردى شەشۋگە شەبەر بولۋعا، بۇقاراعا قىزمەت وتەۋ بارىسىندا بۇقارانى تاربيەلەۋگە، جەتەكتەۋگە، بۇقارانى العا باستاۋعا، بۇيرىقشىلدىقتان، ”قۇيرىقشىلدىقتان“ ساقتانۋعا جانە ونى جويۋعا جەتەكتەۋ. حالىق تۇرمىسىنا ساياتىن كەلەلى شەشىمدەر تۋرالى بۇقارادان پىكىر الۋ ءتۇزىمىن تياناقتاندىرۋ. باسشى كادرلار نەگىزگى ساتىعا ءتۇسىپ پارتيانىڭ لۋشيان، باعىت - ساياساتتارىن ۇگىتتەۋ، نەگىزگى ساتىعا ءتۇسىپ تەكسەرىپ - زەرتتەۋ جۇرگىزۋ، نەگىزگى ساتىعا ءتۇسىپ ارىز حاتتار مەن ارىزدانۋشىلاردى قابىلداۋ، نەگىزگى ساتىعا ءتۇسىپ ناق مايداندا جۇمىس جۇرگىزۋ ءتۇزىمىن تياناقتاندىرىپ، پارتيا مۇشەلەرى، كادرلار بۇقارامەن تىكەلەي بايلانىس جاساۋ جانە ولارعا قىزمەت وتەۋ ءتۇزىمىن تياناقتاندىرۋ. پارتيا مۇشەلەرىنىڭ، كادرلاردىڭ ەرىكتى قىزمەت وتەۋگە باستاماشىلدىقپەن ات سالىسىپ، جۇپ قۇراپ سۇيەمەلدەۋدى ورىستەتۋىنە قوزعاۋشىلىق ەتۋ. حالىق تۇرمىسى سالاسىنداعى ارىز حاتتار مەن ارىزدانۋشىلار ماسەلەسىن شەشۋدى ۇزدىكسىز ويداعىداي يگەرۋ. ينتەرنەت جەلىسىندەگى بۇقارالىق لۋشيانمەن ويداعىداي ءجۇرىپ، پارتيا ۇيىمىنىڭ ينتەرنەت ارقىلى بۇقارانى ۇيىمداستىرۋ، بۇقاراعا ۇگىت جۇرگىزۋ، بۇقارانى ۇيىستىرۋ، بۇقاراعا قىزمەت وتەۋ قابىلەتىن كۇشەيتىپ، پارتيا مۇشەلەرىنىڭ، كادرلاردىڭ ينتەرنەت جەلىسىندە بۇقارالىق قىزمەت ىستەۋ قابىلەتىن جوعارىلاتۋ.

(2) ورتالىقتىڭ سەگىز تارماقتى بەلگىلەمەسىنىڭ رۋحىن بۇلجىماس تاباندىلىقپەن تياناقتاندىرۋ. ورتالىقتىڭ سەگىز تارماقتى بەلگىلەمەسىن، ءسوز جوق، ۇزاق ۋاقىت تاباندى بولاتىن قاتاڭ قاعيدا، بۇلجىماس ولشەم ەتىپ، ورتالىقتىڭ سەگىز تارماقتى بەلگىلەمەسىنىڭ رۋحىن ىشكەرىلەي دايەكتىلەندىرۋ جونىندەگى ۇيرەنۋ، تاربيەلەۋ جەتىستىكتەرىن بەكەمدەپ جانە كەڭەيتىپ، ورتالىقتىڭ سەگىز تارماقتى بەلگىلەمەسىن اتقارۋدىڭ ەگجەي - تەگجەيلى ەرەجەسىن كەمەلدەندىرىپ جانە تياناقتاندىرىپ، فورماشىلدىق، تورەشىلدىك دەرتىن ىشكەرىلەي وڭاپ، راقاتقۇمارلىق پەن استا - توك ىسىراپشىلدىق نىسايىنىڭ قايتا بەلەڭ بەرۋىنەن باتىل ساقتانىپ، ەرەكشە ۇقىق يدەياسى مەن ەرەكشە ۇقىق ارەكەتىن باتىل جويۋ. ءماجىلىس، حۇجات، جولداناتىن ماتەريالداردى ىقشامداپ، ”قىسقا، ناقتى، جاڭا“ بولۋ تالابىن تياناقتاندىرىپ، ءماجىلىس ستيلىن، جازۋ ستيلىن جاقسارتۋ. پارتيا مەن ۇكىمەت باسشى كادرلارىنىڭ ۇيىمنىڭ بەكىتۋىنسىز جەكە شىعارمالارىن باسپادان اشىق باسىپ شىعارۋىنا بولمايدى. باسشى كادرلاردىڭ ساپارلاي شىعۋ بەلگىلەمەلەرىن قاتاڭ اتقارۋ كەرەك، قامقورلىق ساپار ورنالاستىرۋعا بولمايدى. فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋدى ىلگەرىلەتىپ، باقىلاۋدى، تەكسەرۋدى، باعالاۋدى ءبىر تۇتاس جوسپارلاپ جانە ارناعا ءتۇسىرىپ، ۇلگىلەردى جارىققا شىعارۋ، ولشەمگە جەتكىزۋ جانە سالىستىرىپ - ماداقتاۋ قيمىلدارىن ارناعا ءتۇسىرىپ، مەرەكە، كورمە، تالقى مىنبەرى قيمىلدارىن اداقتاپ جانە ارناعا ءتۇسىرىپ، ”ساۋساق ۇشىنداعى فورماشىلدىقتى“ وڭاپ، اۋىل - قالاشىقتىڭ (ءمالى) مىندەت - جاۋاپكەرشىلىگىن وتەۋ ىستەرى ءتىزىمىن تياناقتاندىرىپ، قىستاق (الەۋمەتتىك اۋماق) قىزمەت ىستەرىنە رۇقسات ەتۋ ءتۇزىمىن اقاۋسىزداندىرۋ. بەلگىلەمەگە قايشىلىق جاساپ ءىشىپ - جەۋ، بەلگىلەمەگە قايشىلىق جاساپ تارتۋ - تارالعى، سي، اقشا الۋ - بەرۋ، بۇقارانىڭ مۇددەسىنە زالال جەتكىزۋ سياقتى كورنەكتى ماسەلەلەردى تىنباي وڭاۋ. ۇنەمشىل بولىپ، ىسىراپشىلدىققا قارسى تۇرىپ، پارتيا، ۇكىمەت ورگاندارىنىڭ ۇنەمشىل تۇرمىس كەشىرۋىنە تاباندى بولىپ، ”ءۇش ءتۇرلى ۇكىمەتتىك“ قاراجاتتى قاتاڭ تەجەپ، جاڭادان قوناق ۇيلەر، سارايلار سالۋدى قاتاڭ تىزگىندەۋ. بۇرىس ستيلدىڭ جاڭا بەتالىسىن، جاڭا بەينەسىن ءجىتى قاداعالاپ، جاسىرىن وزگەرۋ ماسەلەسىنەن ساقتانۋ جانە ونى تۇزەتۋ.

(3) ستيل قۇرىلىسىنىڭ ۇدايىلانۋىن، ۇزاق ءونىمدى بولۋىن ىلگەرىلەتۋ. ستيل قۇرىلىسىن كۇندەلىكتى تۇرمىسپەن توعىستىرىپ، ۇنەمى مىقتى ۇستاپ، سالعىرتتانىپ ەپتەي تۇرۋدان جانە قالجىراپ جالىعۋدان ساقتانىپ، ستيل ماسەلەسىندەگى ”بولماشىلاندىرۋدى“، ”ەرەكشەلەندىرۋدى“ تۇزەتۋ. ستيل ماسەلەلەرىن ۇنەمىلىك بايقاۋ جانە شەشۋ مەحانيزمىن كەمەلدەندىرىپ، ”ءتورت بۇرىس ستيل“ كورنەكتى ماسەلەلەرىنە تالداۋ جۇرگىزىپ، زەرتتەپ تۇجىرىم جاساۋدى جانە نىسانالى وڭاۋدى كۇشەيتۋ. وڭىرلىك، سالالىق، كەزەڭدىك ەرەكشەلىكتەردى يگەرىپ، جالپى بەتتىك تۋىلاتىن، قايتا - قايتا جارىققا شىعاتىن ستيل ماسەلەلەرىن وڭاۋ. ماڭىزدى تۇيىندەردى قاداعالاپ، باقىلاۋ - تەكسەرۋدى كۇشەيتىپ، تارتىپكە قاسارىسا قايشىلىق جاساۋ ارەكەتتەرىن قاتاڭ تەكسەرىپ ءبىر جاقتى ەتىپ، تيپتىك دەلولاردى حابارلاندىرۋ، جاريا ەتۋ. كاسىپ سالاسىن باسقارۋشى تاراۋلاردىڭ كاسىپ سالاسى ستيلىن باسقارۋ جاۋاپكەرشىلىگىن تياناقتاندىرىپ، كاسىپ سالاسى ستيلىنە اۋقىمدىق تالداۋ جۇرگىزۋدى جانە ونى ۇتىمدى باقىلاۋ - باسقارۋدى كۇشەيتىپ، ۇستازدىق ءمورال، ۇستازدىق ستيل، شيپاگەرلىك ءمورال، شيپاگەرلىك ستيل، كوركەمونەرلىك ءمورال، كوركەمونەرلىك ستيل قۇرىلىسىن ويداعىداي مىقتى ۇستاپ، مەملەكەت مەنشىگىندەگى كاسىپورىنداردىڭ، مەملەكەت مەنشىگىندەگى فينانس كاسىپورىندارىنىڭ جانە تىكە باسقاراتىن ورىنداردىڭ جەرگىلىكتى بولىمشە، تارماق قۇرىلىمدارى سياقتىلاردىڭ ”ءتورت بۇرىس ستيل“ ماسەلەسىن جونگە سالۋ تەبىنىن ارتتىرۋ. كاسىپورىندارعا ساياتىن زاڭ اتقارۋ، ءادىليا جۇرگىزۋ ارەكەتىن ارناعا ءتۇسىرۋ. ستيل مەن شىرىكتەسۋدى بىرگە تەكسەرۋدى، بىرگە جونگە سالۋدى تەرەڭدەتىپ، ”ءتورت بۇرىس ستيلدىڭ“ قالتارىسىنداعى توپقا ءبولىنۋ، اراعا كىسى سالىپ ءىس ءبىتىرۋ، مۇددەلىك الىم - بەرىم سياقتى ماسەلەلەردى ىشكەرىلەي تاۋىپ، شىرىكتەسۋ دەلولارىنداعى ستيل ماسەلەلەرىن انىقتاپ تەكسەرۋ. ”ءتورت بۇرىس ستيلدى“ تۇزەتۋ مەن جاڭا ستيلدەردى ورناتۋدى قاتار جۇرگىزۋگە تاباندى بولىپ، پارتيانىڭ تاماشا ستيلى، ۇكىمەتتىڭ تاماشا ستيلى ارقىلى قوعامدىق سالتتى اسقاقتىققا، ىزگىلىككە باستاۋ.

(4)ءتارتىپتى قاتاڭ اتقارۋدى كۇشەيتۋ. قاتاڭ بولۋ تالابىن پارتيا ەرەجەسىن بەلگىلەۋدىڭ، پارتيا ءتارتىبى تاربيەسىنىڭ، ءتارتىپتى اتقارۋدىڭ، باقىلاۋدىڭ تۇتاس بارىسىنا ءسىڭىرۋ. تارتىپكە، ءسوز جوق، بويسۇنۋعا، ءتارتىپ اتقارۋدا، ءسوز جوق، قاتاڭ بولۋعا، تارتىپكە قايشىلىق جاساعانداردى، ءسوز جوق، قۋزاستىرۋعا تاباندى بولىپ، تارتىپكە قايشىلىق جاساعان ماسەلەلەردەن بىرەۋى بايقالسا، بىرەۋىن تەكسەرىپ ءبىر جاقتى ەتۋ، استە ءوز بەتىمەن كەتىرمەۋ، ىرقىنا جىبەرمەۋ. پارتيانىڭ ساياسي ءتارتىبى مەن ساياسي قاعيداسىن قاتاڭ اتقارىپ، ۇيىمدىق ءتارتىپتى، پاكتىك ءتارتىپتى، بۇقارالىق ءتارتىپتى، قىزمەت ءتارتىبىن، تۇرمىس ءتارتىبىن جاپپاي قاتايتۋعا باستاماشىلدىق ەتۋ. نازاردى ءتۇيىندى سالالارعا، ءالسىز بۋىندارعا، كۇڭگىرت وڭىرلەرگە شوعىرلاندىرىپ، ءتارتىپتىڭ ارناعا ءتۇسۋىن كەمەلدەندىرۋ. ءتارتىپ زاڭنان قاتاڭ بولۋعا، ءتارتىپ زاڭنىڭ الدىندا تۇرۋعا تاباندى بولىپ، ءتارتىپ اتقارۋدى زاڭ اتقارۋمەن ساباقتاستىرۋ، ادىليامەن ۇتىمدى ۇشتاستىرۋ. ەرتە باستان ۇستاۋعا، كىشكەنتايىنان ۇستاۋعا، قىلت ەتكەندى قيىپ تاستاۋعا، وركەندىك، نىسايلىق ماسەلەلەردى دەر كەزىندە ەسكەرتىپ، تۇزەتۋگە تاباندى بولىپ، بولماشى كىناراتتىڭ اسقىنىپ ۇلكەن ماسەلەگە اينالۋىنان ساقتانۋ. ءتارتىپتىڭ اتقارىلۋ احۋالىن باقىلاۋ - تەكسەرۋدى كۇشەيتىپ، پارتيانىڭ ءار دارەجەلى ۇيىمدارىنىڭ ءتارتىپتى قاتاڭ اتقارۋىنا جانە قورعاۋىنا قوزعاۋشىلىق ەتىپ، ءتارتىپ اتقارۋدا قاتاڭ بولماعانداردىڭ، باسقارماي ىرقىنا جىبەرگەندەردىڭ جاۋاپكەرشىلىگىن قاتاڭ قۋزاستىرۋ.

(5) ءتارتىپتىڭ تاربيەلەۋ، تەجەۋ، قامتاماسىز ەتۋ، ىنتالاندىرۋ رولىن جان - جاقتى ساۋلەلەندىرۋ. تارتىپتىك تاربيەنىڭ ۇدايىلانعان، ۇزاق ءونىمدى مەحانيزمىن ورناتىپ جانە اقاۋسىزداندىرىپ، پارتيا ۋستاۆىن، پارتيا ەرەجەسىن، پارتيا ءتارتىبىن پارتيا مۇشەلەرى مەن كادرلاردى كۋرستان وتكىزۋدىڭ مىندەتتى ساباعى ەتىپ، پارتيا مۇشەلەرىن، كادرلاردى ءتارتىپتى ۇيرەنىپ، ءتارتىپتى ءتۇسىنىپ، تارتىپكە بويسۇنىپ، باقىلاناتىن جانە تەجەلەتىن ورتادا قىزمەت ىستەۋ، تۇرمىس كەشىرۋ داعدىسىن قالىپتاستىرۋعا جەتەكتەۋ. تۇتاس پەريودتىق تارتىپتىك تاربيەنى كۇشەيتىپ، پارتياعا كىرۋ، قىزمەتكە قابىلدانۋ، قىزمەتىندە وزگەرىس بولۋ، وتباسىندا وزگەرىس بولۋ، قىزمەتتەن شەگىنۋ، زەينەتكە شىعۋ سياقتى ماڭىزدى تۇيىندەردى مىقتى يگەرىپ، ءتارتىپ جونىندەگى ەسكەرتۋدى كۇشەيتۋ. تۇرلىشە مىندەتتەگى، مىندەت دارەجەسىندەگى جانە تۇرلىشە كاسىپ سالاسىنداعى پارتيا مۇشەلەرىنىڭ، كادرلاردىڭ مىندەت وتەۋ تالابىنا ساي، بىلۋگە ءتيىستى، ۇعۋعا قاجەتتى تارتىپتەر مەن زاڭدىق ەرەجەلەردى ايقىنداۋ. جاڭادان وسىرىلگەن كادرلار، شەشۋشى قىزمەت ورىندارىنداعى كادرلار، جاس كادرلار سياقتى ءتۇيىندى وبيەكتىلەردى ءتارتىپ جاعىنان كۋرستان وتكىزۋدى ويداعىداي يگەرۋ. ىلگەرگى اعاتتىقتى سوڭعىعا ساباق قىلۋعا، اۋرۋدى ەمدەپ ادامدى قۇتقارۋعا تاباندى بولىپ، باقىلاۋداعى، ءتارتىپتى اتقارۋداعى ”ءتورت ءتۇرلى فورماتسيادان“ ىشكەرىلەي پايدالانىپ، ”ءبىرىنشى ءتۇرلى فورماتسيادان“ ويداعىداي پايدالانۋعا باسا نازار اۋدارىپ، ساتىلار سايىن قورعانىپ، پارتيا مۇشەلەرىن، كادرلاردى ەڭ جوعارى شەكتە تاربيەلەۋ، قۇتقارۋ. شىندىقتى ءىس جۇزىنەن ىزدەۋگە، ەرەجەگە، تارتىپكە، زاڭعا بويسۇنۋعا تاباندى بولىپ، يدەيالىق ساياسي قىزمەتتى باستان - اياق ءسىڭىرىپ، ءتارتىپتى اتقارۋدىڭ، جاۋاپكەرشىلىگىن تەكتەۋدىڭ جۇيەلىلىگىن، دالدىگىن كۇشەيتىپ، ساياسي ونىمدىلىكتىڭ، ءتارتىپ زاڭ ونىمدىلىگىنىڭ، قوعامدىق ونىمدىلىكتىڭ ورگانيكالى بىرلىگىن جۇزەگە اسىرۋ. ءتارتىپتى قاتايتۋ مەن قامقورلىق جاساۋدىڭ، ايالاۋدىڭ ءوزارا بىرلىگىنە تاباندى بولىپ، پارتيا مۇشەلەرىنىڭ، كادرلاردىڭ ەرەجەگە بويسۇنۋ، تارتىپكە بويسۇنۋ بارىسىندا رەفورما جۇرگىزىپ، جاڭالىق اشۋىنا، ءىس تىندىرىپ ناتيجە شىعارۋىنا قوزعاۋشىلىق ەتۋ. جالا جابۋ، قاستىق قىلۋ ارەكەتتەرىن قاتاڭ تەكسەرىپ ءبىر جاقتى ەتىپ، انىق - قانىعىنا جەتىپ، اتاق - ابىرويىن قالپىنا كەلتىرۋ قىزمەتىن دەر كەزىندە ورىستەتۋ. ءبىر جاقتى ەتىلىپ، شارا قولدانىلعان پارتيا مۇشەلەرىن، كادرلاردى قاداعالاپ جاعدايىن ۇعىسۋ جانە ولاردى تاربيەلەۋ، باسقارۋ قىزمەتىن ويداعىداي ىستەۋ.

جەتىنشى، شىرىكتەسۋگە باتىنباۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى مىزعىماس تاباندىلىقپەن ءبىر تۇلعادا ىلگەرىلەتۋ

شىرىكتەسۋگە باتىنباۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ − پارتيانى جاپپاي قاتاڭ باسقارۋدىڭ ماڭىزدى جالپى جوباسى جانە شىرىكتەسۋگە قارسى تۇرۋ كۇرەسىندەگى نەگىزگى باعىتى. پارتيانىڭ جۇمىسشى تابى مەن قالىڭ حالىق بۇقاراسىنىڭ مۇددەسىنەن وزگە ءوزىنىڭ ەرەكشە مۇددەسى جوق ەكەندىگىن، پارتيانىڭ شىرىكتەسۋمەن مۇلدە وتاسپايتىندىعىن، ءسوز جوق، ەستە بەرىك ساقتاپ، شىرىكتەسۋگە قارسى تۇرۋدىڭ جۇڭگوشا جولىمەن بۇلجىماي ويداعىداي ءجۇرىپ، پارتيا ورتالىق كوميتەتىنىڭ شىرىكتەسۋگە قارسى تۇرۋ قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، ۇستىنەن وڭاۋ مەن تۇبىرىنەن وڭاۋعا، جۇيەلى باسقارۋعا اناعۇرلىم ءمان بەرىپ، قاتاڭ جازالاۋعا، دالمە - ءدال باسقارۋعا، ۇتىمدى ساقتانۋعا، ءبىر تۇلعادا يگەرۋگە تاباندى بولىپ، شىرىكتەسۋگە قارسى تۇرۋ كۇرەسىن سوڭىنا دەيىن جۇرگىزۋ.

(1) شىرىكتەسۋدى جازالاۋدىڭ تەگەۋرىندى كۇيىن ساقتاۋ. شىرىكتەسۋگە قارسى تۇرۋ كۇرەسىنىڭ جاعدايى ءالى دە قاتاڭ دا كۇردەلى ەكەندىگىن، شىرىكتەسۋدىڭ ءوربۋ ورتاسى مەن شارت - جاعدايىن جويۋ مىندەتى ءالى دە جاپالى دا اۋىر ەكەندىگىن جەتە تانىپ، شىرىكتەسۋگە، ءسوز جوق، قارسى تۇرۋعا، قياناتشىلدىقتى، ءسوز جوق، قۇرتۋعا، سۇرقيالىقتى ادا - كۇدە جويۋعا تاباندى بولىپ، باتىلدىقپەن ”جولبارىس سوعىپ“، ”شىبىن قاعىپ“، ”تۇلكى اۋلاپ“، ستراتەگيالىق ۇستامدىلىق پەن جاۋىنگەرلىك قايسارلىقتى باستان - اياق ساقتاپ، ءبىر ءسات تە تىنباي، تيتتەي دە جول بەرمەي، سانىنىڭ ارتۋىن اناعۇرلىم پارمەندى تەجەپ، قالدىقتارىن اناعۇرلىم ءونىمدى تازالاپ، شىرىكتەسكەن ەلەمەنتتەرگە استە بوي تاسالايتىن ورىن قالدىرماۋ، ”تەمىر قالپاقتى تورەلەردىڭ“ بولۋىنا، ”قىزىل حاتتى تەمىر تاقتايشا“ بولۋىنا استە جول بەرمەۋ. ءتۇيىندى سالالاردى، ءتۇيىندى ماسەلەلەردى، ءتۇيىندى وبيەكتىلەردى كورنەكتىلەندىرىپ، بيلىك شوعىرلانعان، قارجى توپتالعان، بايلىق جينالعان سالالارداعى شىرىكتەسۋ ماسەلەلەرىن وڭاۋدى ىشكەرىلەتىپ، ساياسي ماسەلە مەن ەكونوميكالىق ماسەلە قاباتتاسۋ، اكىمشىلىك پەن ساۋدا استاسۋ، كاپيتال ساياسي سالاعا سىنالاپ كىرۋ سياقتى ماسەلەلەردى ءتۇيىندى تەكسەرىپ ءبىر جاقتى ەتىپ، حاۋىپ - قاتەرلەردىڭ استارىنداعى ءتۇرلى شىرىكتەسۋ ماسەلەلەرىن تەكسەرىپ ءبىر جاقتى ەتۋگە باسا ءمان بەرىپ، ”شەشۋشى از ساندىلاردىڭ“، وتە - موتە، ”ءبىرىنشى باسشىنىڭ“ شىرىكتەسۋىن، جاس كادرلاردىڭ شىرىكتەسۋىن كۇش سالا تەكسەرىپ ءبىر جاقتى ەتىپ، باسشى كادرلاردىڭ اۋلەتىمەن شىرىكتەسۋىن، اينالاسىنداعى ادامداردىڭ شىرىكتەسۋىن قاتاڭ تەكسەرىپ ءبىر جاقتى ەتىپ، ايىلىن جيماعان، تىزگىنىن تارتپاعان، ءوز بەتىمەن ويىنا كەلگەنىن ىستەگەن شىرىكتەسكەن ەلەمەنتتەردى باتىل جويۋ. مەجەلى پايدا الۋ، ۋادەلەسىپ باسقالاردىڭ اتىندا تىركەۋ، ”اق قولعاپ“، اكىمشىلىك پەن ساۋدا ”اينالمالى ەسىگى“ سياقتى جاڭاشا شىرىكتەسۋ مەن كومەسكى شىرىكتەسۋدى تەرەڭ قازىپ، ەگجەي - تەگجەيلى تەكسەرىپ، ينتەرنەت، ۆيرتۋالدى اقشا، شەكارا ارالىق قارجى، بلوكچەين سياقتىلاردى پايدالانىپ جۇرگىزىلگەن شىرىكتەسۋ ارەكەتتەرىنە باتىل سوققى بەرۋ. بۇقارانىڭ ماڭايىنداعى بۇرىس ستيل مەن شىرىكتەسۋ ماسەلەلەرىن ۇدايىلاندىرا وڭاپ، جۇمىستانۋ، قارتتاردى كۇتىمدەۋ، قوعامدىق قامتاماسىزداندىرۋ، تۇرعىن ءۇي، وقۋ - اعارتۋ، ەمدەۋ، اۋىل شارۋاشىلىعى، اۋىل - قىستاق، ديقاندار سياقتى سالالارداعى ماسەلەلەردى ارقاۋ ەتىپ ىشكەرىلەي جونگە سالىپ، قياناتشىلدىق ىستەپ يەمدەنىپ الۋ، جول ورتادان جىرىمداپ باسقاعا جۇمساۋ، جالعان مالىمدەپ الداپ الۋ، ءىشىپ - جەۋ، پايدا الۋ، جولسىزدىق ىستەۋ، اقى سۇراۋ سياقتى ماسەلەلەردى قاتاڭ تەكسەرىپ ءبىر جاقتى ەتىپ، ”شىبىنشا وبىرلىق، قۇمىرىسقاشا جەبىرلىكتى“ قاتاڭ جازالاپ، قارا كۇشتەر مەن سۇرقيا كۇشتەردىڭ ”قالقانىن قيراتۋدى، تورىن تالقانداۋدى“ ۇزدىكسىز ىلگەرىلەتۋ. شىرىكتەسۋگە قارسى حالىقارالىق سەلبەستىكتى تەرەڭدەتىپ، قاشقانداردى قۋعىنداۋدى، قاشىپ كەتۋدىڭ الدىن الۋدى، زاڭسىز تاپقان اقشانى قايتارىپ اكەلۋدى كۇشەيتىپ، شەكارا ارالىق شىرىكتەسۋ دەلولارىن تەكسەرىپ ءبىر جاقتى ەتۋ تەبىنىن ارتتىرۋ. پارا الۋ مەن پارا بەرۋدى بىرگە تەكسەرۋدى تەرەڭدەتىپ، پارا بەرۋ ارەكەتىن ەرەجە بويىنشا، ءتارتىپ بويىنشا، زاڭ بويىنشا تەكسەرىپ ءبىر جاقتى ەتىپ، ءتۇيىندى پارا بەرۋشىلەردى بىرلەسىپ جازالاۋدى كۇشەيتىپ، ”قورشاپ اۋلاۋ“ ارەكەتىنەن ساقتانۋ جانە وعان سوققى بەرۋ. پاكتىككە تونەتىن حاۋىپ - قاتەردى، كومەسكى حاۋىپتى يكەمدى باقىلاۋ - تەكسەرۋدى كۇشەيتىپ، شىرىكتەسۋدەن ساقتاندىرۋدىڭ، ونى جازالاۋدىڭ بىرلەسىپ ارەكەتتەنۋ مەحانيزمىن ورناتۋ. اۋىر شىرىكتەسۋ دەلوسى تۋىلعان جەرلەردىڭ، تاراۋلاردىڭ جانە ورىنداردىڭ زارداپتى تۇبەگەيلى ارىلتۋىنا، ساياسي ەكولوگيانى قالپىنا كەلتىرۋىنە قوزعاۋشىلىق ەتۋ.

(2) بيلىك اينالىمىن تەجەۋدى جانە باقىلاۋدى كۇشەيتۋ. بيلىكتى ءادىل جۇرگىزۋگە، بيلىكتى زاڭ بويىنشا جۇرگىزۋگە، بيلىكتى پاك جۇرگىزۋگە، بيلىكتى حالىق ءۇشىن جۇرگىزۋگە تاباندى بولۋ، ءوز بەتىمەن بيلەپ ويىنا كەلگەنىن ىستەۋ، بيلىگىنەن الباتى پايدالانۋ، مىندەتىنە نەمقۇرايدى قاراۋ سياقتى ارەكەتتەردەن ساقتانۋ جانە ونى تۇزەتۋ. بيلىكتىڭ مىندەتتەلۋى، بيلىكتىڭ ىستەتىلۋى، بيلىكتىڭ تەجەلۋى بىرلىككە كەلگەن، ايقىن، جاريا، تەكتەۋگە بولاتىن ءتۇزىم - مەحانيزمدى اقاۋسىزداندىرىپ، بيلىك ورنالاسىمىن، اينالىمىن ارناعا ءتۇسىرۋدى جانە باقىلاۋدى كۇشەيتىپ، ماسەلەنى دەر كەزىندە بايقاپ، اۋىتقۋشىلىقتى دەر كەزىندە دۇرىستاپ، بيلىكتى اناعۇرلىم عىلمي، ءونىمدى تۇردە ءتۇزىم قاپاسىنا قاماۋ. ساياسات بەلگىلەۋ، كەڭەسۋ - شەشىم جاساۋ، تەكسەرىپ بەكىتۋ - باقىلاپ باسقارۋ، زاڭ اتقارۋ - ءادىليا جۇرگىزۋ سياقتى شەشۋشى بۋىنداردى مىقتى ۇستاپ، مىندەت - جاۋاپكەرشىلىگىندەگى بيلىك شەگىن، بيلىك جۇرگىزۋ شەگىن، قىزمەت ءتارتىپ - رەتىن ارناعا ءتۇسىرىپ، ەركىن كەسىم جاساۋ ۇقىعىن ارناعا ءتۇسىرىپ، بيلىكتەن ماياقى ورايلاستىرۋ، قاراستىرۋ ارقىلى پايدا تابۋىنىڭ الدىن الۋ. ءتۇيىندى سالادا، جاڭا سالادا بيلىك اينالىمىن ارناعا ءتۇسىرۋ مەن تەجەۋ مەحانيزمى قۇرىلىسىن جەدەلدەتۋ. ءتۇيىندى كاسىپ سالاسىنداعى بيلىك ءتىزىمىن، نەگىزگى ساتىداعى شاعىن، ۇساق بيلىك ءتىزىمىن جاساۋ. باسشى كادرلاردىڭ ءادىليالىق قيمىلدارعا كيلىگۋىن، ناقتى دەلونى ءبىر جاقتى ەتۋگە ارالاسۋىن ەستەلىككە الۋ، حابارلاندىرۋ ءتۇزىمىن تياناقتاندىرۋ.

(3) پاكتىكتى دارىپتەپ، شىرىكتەسۋدى تويتارۋ يدەيالىق نەگىزىن بەكەمدەۋ. جاڭا داۋىردەگى پاكتىك مادەنيەتى قۇرىلىسىن كۇشەيتىپ، مازمۇنى مەن دانەكەرىن بايىتىپ، پارتيا مۇشەلەرىن، كادرلاردى ءوزىن - ءوزى باعامداۋعا، ۇستامدى بولۋعا، شىرىكتەسۋدى سانالىلىقپەن تويتارۋعا، ازعىنداۋدان ساقتانۋعا تاربيەلەۋ جانە جەتەكتەۋ. پارتيا ىشىندەگى بەلسەندى، اقاۋسىز ساياسي مادەنيەتتى دامىتىپ، پارتيانىڭ جاڭالىق اشۋ نازارياسىندا قامتىلعان مۇرات - سەنىمدى، قۇن ۇستانىمىن، ءمورالدىق كوزقاراستى، ءتارتىپ - زاڭ ساناسىن قولدانىپ، پارتيا مۇشەلەرىندە، كادرلاردا پاكتىك قۇلىق جەتىلدىرۋ. پاكتىك مادەنيەتتى سوتسياليستىك وزەكتى قۇن كوزقاراسى قۇرىلىسىنا ءسىڭىرىپ، پاكتىك تاربيەنى حالىقتىق وقۋ - اعارتۋ جۇيەسىنە ءسىڭىرىپ، پاكتىك − داڭق، قياناتشىلدىق − نامىس دەيتىن قوعامدىق راي قالىپتاستىرۋ. پاكتىك ۇگىت تاربيە مەحانيزمىندە جاڭالىق اشىپ، جەلىدە، جەلىدەن تىس بىرلەسىپ ارەكەتتەنىپ، مازمۇنى مەن ءتاسىلىن ساتىعا، تۇرگە ءبولىپ بەلگىلەپ، باعىتتامالىلىعىن، ونىمدىلىگىن كۇشەيتۋ. قاجىرلىلىق، پاكتىك تيپتەرىنىڭ ونەگەلىك - جەتەكشىلىك رولىن جانە تارتىپكە، زاڭعا قايشىلىق جاساعان دەلو مىسالدارىنىڭ ساقتاندىرۋ، تىكسىندىرۋ رولىن ساۋلەلەندىرۋ. باسشى كادرلاردى اكىمشىلىك پەن ساۋدانىڭ ەتەنە، پاك قاتىناسىن باستاماشىلدىقپەن ورناتۋعا قۋزاپ، وتباسى، وتباسى تاربيەسى، وتباسى سالتى قۇرىلىسىن كۇشەيتىپ، تۋىس - تۋعاندارى مەن جانىنداعى قىزمەتكەرلەردى قاتاڭ تاربيەلەۋ جانە باسقارۋ.

(4) شىرىكتەسۋگە باتىنباۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدىڭ جالپىلىق ونىمدىلىگىن ارتتىرۋ. سوتسياليستىك بازار ەكونوميكاسى شارت - جاعدايىندا، شىرىكتەسۋگە قارسى تۇرۋ زاڭدىلىعىن ىشكەرىلەي زەرتتەپ، يگەرىپ، شىرىكتەسۋگە قارسى تۇرۋ زاڭىن، زاڭدىق ەرەجەلەرىن اقاۋسىزداندىرۋ، شىرىكتەسۋگە باتىنباۋ، شىرىكتەسۋگە مۇمكىندىك بەرمەۋ، شىرىكتەسۋدى ويىنا الماۋ جاعىندا ءبىر ۋاقىتتا كۇش سالۋعا، ءبىر باعىتتا كۇش سالۋعا، جان - جاقتى كۇش سالۋعا تاباندى بولىپ، شىرىكتەسۋدىڭ ءوربۋ ورتاسى مەن شارت - جاعدايىن كۇش سالا جويۋ. پارتكومنىڭ ءبىر تۇتاس باسشىلىعىندا ءتارتىپ تەكسەرۋ، باقىلاۋ - تەكسەرۋ ورگاندارىنىڭ قاتىستى تاراۋلارمەن سەلبەسۋ، سايكەسۋ مەحانيزمىن اقاۋسىزداندىرىپ، تۇتاس تىزبەك بويىنشا سەلبەسۋ ارقىلى ءبىر تۇلعالاندىرىپ باسقارۋدى جەبەۋ. دەلو ارقىلى تۇزەتۋدى جەبەۋدى، دەلو ارقىلى جونگە سالۋدى جەبەۋدى شىنايى يگەرىپ، ءىرى دەلولاردا بايقالعان كاسىپ سالالىق، جۇيەلىك شىرىكتەسۋ ماسەلەلەرىن ارناۋلى جونگە سالىپ، دەلونى تەكسەرىپ ءبىر جاقتى ەتۋ ارقىلى ءتۇزىم - مەحانيزمدى كەمەلدەندىرىپ، بيلىك اينالىمىنداعى ساڭلاۋلاردى، باقىلاۋ - باسقارۋداعى قالتارىستاردى، تۇزىمدەگى بوستىقتاردى جويىپ، باقىلاۋدىڭ، دەلو باسقارۋدىڭ، وڭاۋدىڭ، جونگە سالۋدىڭ تۇيىق اينالىمىن قالىپتاستىرۋ. شىرىكتەسۋدىڭ جاڭا بەتالىسىن، جاڭا ەرەكشەلىگىن يگەرىپ، سيفرلىق ءتارتىپ تەكسەرۋ، باقىلاۋ - تەكسەرۋ جۇيەسى قۇرىلىسىن تەرەڭدەتىپ، الەۋمەتتىك بيلىك ءىرى دەرەك باقىلاۋ تەكشەسى قۇرىلىسىن ىلگەرىلەتىپ، شىرىكتەسۋگە قارسى تۇرۋدىڭ وتىمدىلىك كۇشىن جوعارىلاتۋ.

سەگىزىنشى، پارتيانى ءتۇزىم ارقىلى باسقارۋعا، پارتيانى ەرەجە ارقىلى باسقارۋعا تاباندى بولۋ

پارتيا ىشىندەگى زاڭدىق ەرەجە مەن ءتۇزىم قۇرىلىسىن كۇشەيتۋ − پارتيانى جاپپاي قاتاڭ باسقارۋدىڭ ۇزاق ۋاقىتتىق شاراسى ءارى ءتۇبىرلى شاراسى. پارتيا ۋستاۆىن بۇكىل پارتيانىڭ ءتۇبىرلى ارەكەت ولشەمى ەتۋگە، ءسوز جوق، تاباندى بولىپ، پارتيا قۇرىلىسى ءتۇزىمى رەفورماسىن تەرەڭدەتىپ، مەملەكەتتى زاڭمەن باسقارۋ مەن پارتيانى ەرەجەمەن باسقارۋدى ورگانيكالى بىرلىككە كەلتىرۋگە قوزعاۋشىلىق ەتىپ، پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋگە پارمەندى تۇزىمدىك قامتاماسىزدىق ازىرلەۋ كەرەك.

(1) پارتيا ىشىندەگى زاڭدىق ەرەجە مەن ءتۇزىم جۇيەسىن كەمەلدەندىرۋ. پارتيا ىشىندەگى زاڭدىق ەرەجە بەلگىلەۋ قىزمەتىنىڭ پلان - جوسپارىن عىلىمي جاساۋ. پارتيا ىشىندەگى زاڭدىق ەرەجە جاساۋدى، وزگەرىس ەنگىزۋدى، كۇشىنەن قالدىرۋدى، ءتۇسىندىرۋدى ءبىر تۇتاس جوسپارلاپ، ونىڭ جۇيەلى دە شوعىرلى بولۋىنا ءمان بەرۋ، سايكەسىمدىلىگىن، ۇشتاسىمدىلىعىن كۇشەيتۋ. پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدىڭ ءىس جۇزىندىك قاجەتىنە ساي، پارتيا ىشىندەگى زاڭدىق ەرەجە مەن ءتۇزىمدى جاساپ جانە كەمەلدەندىرىپ، تۇزىمدەگى ولقىلىقتاردى دەر كەزىندە تولىقتاۋ. ەرەجە مەن ءتۇزىم جاساۋدا كورنەكتى ماسەلەلەردى كوزدەپ، قولايلى، جارامدى بولۋىنا شىنايى كەپىلدىك ەتۋ. پارتيا ىشىندەگى زاڭدىق ەرەجەنى ءتۇسىندىرۋ مەحانيزمىن كەمەلدەندىرۋ. پارتيا ىشىندەگى زاڭدىق ەرەجەنى مەملەكەتتىڭ زاڭدارىمەن جانە زاڭدىق ەرەجەلەرىمەن ۇشتاستىرۋ، سايكەستىرۋ مەحانيزمىن اقاۋسىزداندىرۋ.

(2) ءتۇزىمدى اتقارۋ قابىلەتىن كۇشەيتۋ. ءتۇزىمنىڭ بۇلجىماس تەجەمىن كۇشەيتىپ، ءتۇزىم الدىندا بارلىق ادامنىڭ تەرەزەسى تەڭ بولۋىنا، تۇزىمگە بويسۇنۋدا ەرەكشەلەندىرمەۋگە، ءتۇزىمدى اتقارۋدا قاعىس قالدىرماۋعا تاباندى بولۋ. پارتيا مۇشەلەرىنىڭ، كادرلاردىڭ پارتيا ۋستاۆىن سانالىلىقپەن ۇيرەنۋىنە، پارتيا ۋستاۆىنا بويسۇنۋىنا، پارتيا ۋستاۆىن دايەكتىلەندىرۋىنە، پارتيا ۋستاۆىن قورعاۋىنا قوزعاۋشىلىق ەتۋ. پارتيا ىشىندەگى زاڭدىق ەرەجەنى جاريا ۇستاۋ تەبىنىن ارتتىرۋ. پارتيا ىشىندەگى زاڭدىق ەرەجە مەن ءتۇزىمدى ۇيرەنۋدى، كۋرستان وتكىزۋدى كۇشەيتۋ. ءتۇزىمدى اتقارۋ مەن باقىلاۋدى پارتيا ۇيىمى مەن پارتيا مۇشەلەرىنىڭ، كادرلاردىڭ مىندەت وتەۋ جالپى بارىسىنا ءسىڭىرۋ جانە وڭىرلەردى باسقارۋدىڭ، تاراۋلاردى باسقارۋدىڭ، كاسىپ سالاسىن باسقارۋدىڭ، نەگىزگى ساتىنى باسقارۋدىڭ، ورىنداردى باسقارۋدىڭ ءارقايسى جاقتارىنا ءسىڭىرۋ، ءتۇزىمنىڭ ءار ۋاقىت ايبارىن كورسەتۋگە، بارلىق جەردە ءونىمدى بولۋىنا شىنايى كەپىلدىك ەتۋ. بۇيرىق بەرىلسە دە اتقارماۋدى، تيىم سالىنسا دا تيىلماۋدى باتىل تۇزەتىپ، ءتۇزىمدى اتقارۋدا تاڭداۋ جاساۋدىڭ، تولىق اتقارماۋدىڭ، قۇبىلتۋدىڭ الدىن الىپ، ءتۇزىمنىڭ قۇر اينالۋىنان ساقتانۋ.

(3) كومەسكى ەرەجەلەردى بار كۇشپەن تالقانداۋ. ايقىن قاعيدا ورناتۋعا تاباندى بولىپ، پارتيا ىستەرىن، ۇكىمەت ىستەرىن جاريا ۇستاۋدى ىلگەرىلەتۋ. پارتيا مۇشەلەرىن، كادرلاردى پرينسيپتى دارىپتەپ، زاڭ - تارتىپكە بويسۇنىپ، تۋرا جولدان جازباي، بيلىك جۇرگىزۋ، ساياساتتى اتقارۋ، نىسانعا قول جەتكىزۋ، كادرلاردى تاڭداپ ىستەتۋ، ۇزدىكتەر مەن وزاتتاردى باعالاۋ سياقتى جاقتاردا كومەسكى ەرەجەلەرگە سانالى تۇردە قارسى تۇرۋعا جانە ونى تەجەۋگە تاربيەلەۋ جانە جەتەكتەۋ. ”جوعارىعا جول ءجۇرۋ، ارقا تىرەك تابۋ“، ”پرينسيپ بايلانىس قۇرلى بولماۋ“، ”تاڭبا بۇرىشتاما قۇرلى بولماۋ“، قارىمجى بەرمەسە ءىس بىتىرمەۋ، جەڭ ۇشىنان جالعاسۋ سياقتى بىلىقپالىقتاردى باتىل تۇزەتىپ، تاۋار ايىرباسى پرينسيبى مەن باعىنىشتىلىق قاتىناستىڭ پارتيانىڭ ىشكى تۇرمىسىن ءشىرىتۋىن باتىل تەجەۋ. اشكەرەلەۋ مەحانيزمىن اقاۋسىزداندىرىپ، ساياسي دەلدالدارمەن، ساياسي الاياقتارمەن ىمىرالاسۋ نەمەسە ءوزى ساياسي دەلدالعا، ساياسي الاياققا اينالۋ ارەكەتتەرىن قاتاڭ تەكسەرىپ ءبىر جاقتى ەتۋ. وسى تەكتەس دەلو مىسالدارىنا تالداۋ جاساۋ، تەگىن تەكتەۋ، رەتتەۋ - تۇزەتۋ، حابارلاندىرۋ ءتۇزىمىن ورناتىپ، ساياسي ەكولوگيانى يكەمدى باقىلاۋ - تەكسەرۋ، زەرتتەپ تۇجىرىمداۋ، باسقارۋ مەحانيزمىن كەمەلدەندىرۋ.

پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدە، ءسوز جوق، پارتيا مەن مەملەكەتتىڭ باقىلاۋ جۇيەسىن ونان ارى كەمەلدەندىرۋ كەرەك. پارتكوم (پارتيا باسشىلىق گرۋپپاسى) جان - جاقتى باقىلاۋدى تىڭعىلىقتى ىستەپ، ءتۇرلى باقىلاۋ سۋبيەكتىلەرىنە باسشىلىقتى كۇشەيتۋ. پارتيا ىشىندەگى باقىلاۋ ەرەجەسىنە وزگەرتۋ ەنگىزۋ. ءتارتىپ تەكسەرۋ، باقىلاۋ - تەكسەرۋ قىزمەتىنىڭ قوس باسشىلىق ءتۇزىلىسىن كەمەلدەندىرىپ، باقىلاۋ - تەكسەرۋدە جانە شىرىكتەسۋ دەلولارىن تەكسەرىپ ءبىر جاقتى ەتۋدە جوعارى دارەجەلى ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ باسشىلىعىن نەگىز ەتۋدى تىڭعىلىقتى ىستەپ، كۇشتەردى سايكەستىرۋگە جانە ساپالىلاندىرۋعا باسا ءمان بەرىپ، تارتىپتىك باقىلاۋدى، باقىلاۋ - تەكسەرۋ باقىلاۋىن، وكىلەتتىك باقىلاۋدى، ارالاپ تەكسەرۋ باقىلاۋىن ءبىر تۇتاس ۇشتاستىرۋدى كۇشەيتۋ. اۋداننىڭ، اۋىلدىڭ، قىستاقتىڭ باقىلاۋ بايلىعى مەن كۇشىنەن ويداعىداي پايدالانىپ، نەگىزگى ساتىنىڭ باقىلاۋ جۇيەسىن اقاۋسىزداندىرىپ، دارەجەسىن جوعارىلاتىپ باقىلاۋ، ايقاسپالى باقىلاۋ سياقتى مەحانيزمدەردى اقاۋسىزداندىرىپ، بۇقارانىڭ باقىلاۋ ارناسىن ىركىلىسسىزدەندىرىپ، نەگىزگى ساتى باقىلاۋى مەن نەگىزگى ساتى باسقارۋدىڭ ورگانيكالى ساباقتاسۋىن جەبەۋ. پارتيا ىشىندەگى باقىلاۋدىڭ حالىق قۇرىلتايىنىڭ باقىلاۋىمەن، دەموكراتيالىق باقىلاۋمەن، اكىمشىلىك باقىلاۋمەن، ءادىليالىق باقىلاۋمەن، قازىنالىق باقىلاۋمەن، قازىنا - بۇعالتىرلىق باقىلاۋمەن، ستاتيستيكالىق باقىلاۋمەن، بۇقارا باقىلاۋىمەن، قوعامدىق پىكىر باقىلاۋىمەن ىشكەرىلەي توعىسۋىنا، جوعارى ونىمدىلىكپەن بىرلەسىپ ارەكەتتەنۋىنە قوزعاۋشىلىق ەتىپ، باقىلاۋدىڭ بىرىككەن كۇشىن قالىپتاستىرۋ. پارتيانىڭ ارالاپ تەكسەرۋ قىزمەت باعىتىن جاپپاي دايەكتىلەندىرىپ، ارالاپ تەكسەرۋ قىزمەت ەرەجەسىن تياناقتاندىرىپ، داعدىلى ارالاپ تەكسەرۋ، ارناۋلى ارالاپ تەكسەرۋ، يكەمدى ارالاپ تەكسەرۋ، دارەجەسىن جوعارىلاتىپ ارالاپ تەكسەرۋ سياقتى تاسىلدەردەن ويداعىداي پايدالانىپ، ارالاپ تەكسەرۋ ادىسىندە جاڭالىق اشىپ، ارالاپ تەكسەرۋدىڭ ”قايىرىلا قاراۋ“ تەبىنىن ارتتىرىپ، ارالاپ تەكسەرۋدەگى رەتتەۋ - تۇزەتۋدى جانە ونىڭ جەتىستىكتەرىن پايدالانۋدى كۇشەيتىپ، ارالاپ تەكسەرۋ مەن شارلاپ تەكسەرۋدەگى جوعارى مەن تومەننىڭ بىرلەسىپ ارەكەتتەنۋىن تەرەڭدەتىپ، قىستاقتاردى شارلاپ تەكسەرۋدىڭ ساپاسى مەن ونىمدىلىگىن جوعارىلاتىپ، ارالاپ تەكسەرۋدىڭ جان - جاقتى باقىلاۋداعى وتكىر سەمسەرلىك رولىن ساۋلەلەندىرۋ.

پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋ − بۇكىل پارتيانىڭ ورتاق ساياسي جاۋاپكەرشىلىگى. پارتيانى باسقارۋ، پارتيانى جونگە سالۋ جاۋاپكەرشىلىك ءتۇزىمى سىندى وسى ”بۇيدانى“، ءسوز جوق، مىقتى ۇستاپ، پارتكومنىڭ (پارتيا باسشىلىق گرۋپپاسى) نەگىزگى تۇلعالىق جاۋاپكەرشىلىگىن، ءتارتىپ تەكسەرۋ كوميتەتىنىڭ باقىلاۋ جاۋاپكەرشىلىگىن، پارتكوم (پارتيا باسشىلىق گرۋپپاسى) شۋجيىنىڭ ءبىرىنشى جاۋاپتى ادامدىق جاۋاپكەرشىلىگىن، باسشىلىق القاداعى باسقا مۇشەلەردىڭ ”ءبىر ورىنداعى قوس جاۋاپكەرشىلىگىن“ جانە پارتيا مۇشەلەرىنىڭ، كادرلاردىڭ ناقتى جاۋاپكەرشىلىگىن قاتايتىپ جانە ناقتىلاندىرىپ، اركىم ءوز جاۋاپكەرشىلىگىن ارقالايتىن، ءبىر تۇتاس سايكەسەتىن جاۋاپكەرشىلىك جۇيەسىن اقاۋسىزداندىرۋ. ءار دارەجەلى پارتكومدار (پارتيا باسشىلىق گرۋپپاسى) ىرىقتىلىقپەن يگەرىپ، زەيىن سالا باسقارىپ، جاۋاپكەرشىلىك تىزبەگىن مىقتى ۇستاپ، ساتىلار بويىنشا قىسىم ءتۇسىرۋ كەرەك. اۋدان دارەجەلىدەن جوعارى پارتكومدار (پارتيا باسشىلىق گرۋپپاسى) كەمىندە جىلىنا ءبىر رەت باسشىلىق القا مۇشەلەرىنىڭ پارتيانى باسقارۋ، پارتيانى جونگە سالۋ جاۋاپكەرشىلىگىن اتقارۋ احۋالى جونىندەگى مالىمەتىن تىڭداپ، قۋزاۋدى، جەتەكشىلىك ەتۋدى كۇشەيتۋ. ءار دارەجەلى ءتارتىپ تەكسەرۋ كوميتەتتەرى (وكىلەتتى ءتارتىپ تەكسەرۋ، باقىلاۋ - تەكسەرۋ گرۋپپاسى) باقىلاۋ جاۋاپكەرشىلىگىن ويداعىداي اتقارىپ، تومەن دارەجەلى ءتارتىپ تەكسەرۋ كوميتەتتەرى (وكىلەتتى ءتارتىپ تەكسەرۋ، باقىلاۋ - تەكسەرۋ گرۋپپاسى) كەمىندە جارىم جىلدا ءبىر رەت جوعارى دارەجەلى ءتارتىپ تەكسەرۋ كوميتەتتەرىنە (ۋاكىلدىك ورگان) پارتكوم (پارتيا باسشىلىق گرۋپپاسى) باسشىلىق القا مۇشەلەرىنىڭ، اسىرەسە، ”ءبىرىنشى باسشىنىڭ“ مىندەت - جاۋاپكەرشىلىگىن وتەۋ، بيلىك جۇرگىزۋ احۋالى مەن ءوزىنىڭ باقىلاۋ جاۋاپكەرشىلىگىن اتقارۋ احۋالىنان مالىمەت بەرۋى كەرەك. پارتكومنىڭ ءارقايسى تاراۋلارى مىندەتىن وتەپ، جاۋاپكەرشىلىگىن اتقارىپ، تەڭ يگەرىپ، بىرگە باسقارۋ كەرەك. باسشى كادرلار، اسىرەسە، جوعارى دارەجەلى كادرلار ءوزىن قاتاڭ تارتىپكە سالىپ، ءوز جاۋاپكەرشىلىگىن قاتاڭ ارقالاپ، ءوز قاراستىلىعىن قاتاڭ باسقارىپ، پارتيانى باسقارۋ، پارتيانى جونگە سالۋ جاۋاپكەرشىلىگىن اتقارۋ جاعىندا ۇلگى كورسەتۋى كەرەك. ءار ساتىنىڭ، ءار سالانىڭ پارتيا قۇرىلىسى قىزمەتىن ىلگەرىلەتۋدە شىندىقتى ءىس جۇزىنەن ىزدەۋ، شىندىققا ۇمتىلىپ ناقتى ونىمدىلىككە جەتكىزۋ، فورماشىلدىقتان بارىنشا ساقتانۋ كەرەك. جاۋاپكەرشىلىكتى تياناقتاندىرۋدى باعالاۋ مەحانيزمىن ساپالىلاندىرىپ، پارتيانى باسقارۋى، پارتيانى جونگە سالۋى پارمەندى بولماعانداردىڭ، اۋىر ماسەلە بايقالعانداردىڭ جاۋاپكەرشىلىگىن قاتاڭ قۋزاستىرىپ، جاۋاپكەرشىلىگىن تەكتەۋ.

تاريح بولاشاقتى ايقىن اڭعارتادى، كۇرەس ۇلى ءىستى تابىسقا جەتكىزەدى. جۇڭگو كوممۋنيستىك پارتياسى ايبىنى كۇشتى ۇلى جورىقتا اقيقاتقا العان بەتىنەن قايتپاي تالپىنۋ، العا باسۋ بەتالىسىن باستان - اياق دۇرىس يگەرۋ، حالىققا تەرەڭ تامىر تارتىپ، باستان - اياق مىعىم نەگىزگە يە بولۋ، تاريحي بورىشتى باتىلدىقپەن ارقالاپ، ستراتەگيالىق ىرىقتىلىقتى باستان - اياق يگەرۋ، دامۋ اعىمىنا ۇيلەسىپ، قاشاندا ءداۋىردىڭ الدىڭعى لەگىندە ءجۇرۋ، كۇرەس جۇرگىزۋگە باتىل، كۇرەس جۇرگىزۋگە شەبەر بولىپ، ءسوز جوق، جەڭىسكە جەتۋ سەنىمىن باستان - اياق ساقتاۋ، ءوزىن الۋەتتەندىرۋگە باسا ءمان بەرىپ، قاشاندا ومىرشەڭ كۇشكە تولى بولۋ سياقتى تاڭداۋلى قاسيەتتەرىن سومدادى. ءجۇز نەشە جىلدان بەرى، جۇڭحۋانىڭ بايتاق دالاسىندا تۋىلعان سان قيلى عالامات زور وزگەرىس پارتيانىڭ تاريحتىڭ ءۇمىتىن، حالىقتىڭ ءۇمىتىن اقتاپ، جۇڭگو جۇمىسشى تابىنىڭ ايتسا ايتقانداي ۇزدىك قوسىنى بولعاندىعىن، جۇڭگو حالقى مەن جۇڭحۋا ۇلتىنىڭ ايتسا ايتقانداي ۇزدىك قوسىنى بولعاندىعىن تولىق دالەلدەدى. بوران - شاشىندى باستان وتكەرسە دە، اۋەلگى ماقساتىنان اينىماعان، نىساناسىن بەكەمدەگەن ءارى ەرلىكپەن العا تارتقان ۇلى، داڭقتى، دۇرىس جۇڭگو كوممۋنيستىك پارتياسى ”ءۇش ءسوز جوقتى“ ەستە بەرىك ساقتاپ، ەمتيحان تاپسىرۋ سىندى سەرگەكتىك پەن تاباندىلىقتى ماڭگى ساقتاپ، كوپتەگەن جاڭا تاريحي ەرەكشەلىككە يە ۇلى كۇرەس جۇرگىزۋگە باتىل بولىپ، العا باسۋ جولىنداعى جاپا - ماشاقات، حاۋىپ - قاتەر اتاۋلىنىڭ ءبارىن باتىلدىقپەن جەڭىپ، اناعۇرلىم كوركەم بولاشاقتى تىنباي جاراتادى!

بۇكىل پارتيا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، مەملەكەتتى كوركەيتۋ جولىندا قۇلشىنىپ، قۇدىرەتتەنۋ جولىندا جىگەر كورسەتىپ، پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتىپ، جاڭا داۋىردە پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى كۇشەيتۋدىڭ جاڭا جاعدايىن ۇزدىكسىز جارىققا شىعارىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋى كەرەك!

(شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى)