ەل ىشىندەگى اۋە لەنياسىنىڭ جانار ماي قوسىمشا اقىسى بۇگىننەن باستاپ جوعارىلايدى

بۇگىننەن باستاپ (11 – ايدىڭ 5 – كۇنى) ەل ىشىندەگى اۋە لەنياسى جولاۋشى تاسىمالىنىڭ جانار ماي قوسىمشا اقىسىن الۋ ولشەمى رەتتەلەدى. 800 كيلومەتردەن جاقىن اۋە لەنياسىندا ءاربىر ەرەسەك جولاۋشىدان 80 يۋان، 800 كيلومەتردەن ۇزاق اۋە لەنياسىندا ءاربىر ەرەسەك جولاۋشىدان 140 يۋان جانار ماي اقىسىن الادى، بۇل بۇرىنعىدان جەكە - جەكە 30 يۋان جانە 50 يۋان جوعارىلادى.

ناقتى جاعدايى تومەندەگىدەي:

ءبىرىنشى، ەل ىشىندەگى اۋە لەنياسى جولاۋشى تاسىمالىندا جانار ماي قوسىمشا اقىسىن الۋ ولشەمى، 800 كيلومەتردەن جاقىن جول بولەگىندە ءاربىر جولاۋشىدان 80 يۋان؛ 800 كيلومەتردەن ۇزاق جول بولەگىندە ءاربىر جولاۋشىدان 140 يۋان الىنادى.

ەكىنشى، بەلگىلەمە بويىنشا ەل ىشىندەگى حالىقتىق اۆياتسياداعى ەرەسەكتەردىڭ ادەتتەگى بەلەت باعاسىنىڭ %10 ىنەن يگىلىكتەنەتىن نارەستەلەردەن جانار ماي قوسىمشا اقىسى الىنبايدى.

ءۇشىنشى، بەلگىلەمە بويىنشا ەل ىشىندەگى حالىقتىق اۆياتسياداعى ەرەسەكتەردىڭ ادەتتەگى بەلەت باعاسىنىڭ %50 ىن ساتىپ العان بالالاردان (ەرەسەكتەر سەرىك بولماعان بالالاردى قامتيدى)، توڭكەرىستىك مۇگەدەك اسكەريلەردەن، ۇكىمەت قىزمەتى سەبەبىنەن مۇگەدەك بولعان حالىق ساقشىلارىنان جانە مۇگەدەك ءورت ءسوندىرۋ جانە ورتتەن ساقتانۋ قۇتقارۋ ـ كومەكتەسۋ قىزمەتكەرلەرىنەن جولاۋشى تاسىمالىنداعى جانار ماي قوسىمشا اقىسىنىڭ ولشەمى 800 كيلومەتردەن (قامتيدى) جاقىن قاتىناۋ بولەگىندە ءاربىر جولاۋشىدان 40 يۋان الىنادى؛ 800 كيلومەتردەن ۇزاق جول بولەگىندە ءاربىر جولاۋشىدان 70 يۋان الىنادى.

كەلۋ قاينارى: حالىق تورابى