بازاردى باقىلاۋ ـ باسقارۋ باس مەكەمەسى «قوي ءتۇبىتى ساۋداسىنىڭ تەحنيكالىق ولشەمىنىڭ» توپتىق ولشەمىن زاڭ بويىنشا كۇشىنەن قالدىردى

جۇڭگو اقپارات تورابىنىڭ 11 – ايدىڭ 5 – كۇنى بەيجيڭنەن بەرگەن حابارى. مەملەكەتتىك بازاردى باقىلاۋ - باسقارۋ باس مەكەمەسى تورابىنىڭ حابارىنا قاراعاندا، تاياۋدا بازاردى باقىلاۋ - باسقارۋ باس مەكەمەسى زاڭ بويىنشا جۇڭگو مال شارۋاشىلىق ونىمدەرى اينالىم قوعامىنا توپتىق ولشەمدى كۇشىنەن قالدىرۋ ۇيعارىمناماسىن تۇسىرگەن، بۇگىننەن باستاپ وسى قوعام جاساپ جاريالاعان «قوي ءتۇبىتى ساۋداسىنىڭ تەحنيكالىق ولشەمىنىڭ» (T/CAPMA 9—2025) توپتىق ولشەمى كۇشىنەن قالدىرىلدى، ءارى ولشەمدى ينفورماتسيا الەۋمەتتىك قىزمەت وتەۋ تەكشەسىندە اشىق جاريالاندى.

تەكسەرۋ ارقىلى «قوي ءتۇبىتى ساۋداسىنىڭ تەحنيكالىق ولشەمىندەگى» ”قوي ءتۇبىتى“ اتاۋى مەن انىقتاماسى «قوي ءجۇنى» (GB 1523—2013)، «تابيعي تالشىق اتاۋى» (GB/T 11951—2018) قاتارلى مەملەكەتتىك ولشەمدەردىڭ تالابىنا ۇيلەسپەيتىندىگى، «جۇڭحۋا حالىق رەسپۋبليكاسىنىڭ ولشەمدەندىرۋ زاڭىنداعى» قاتىستى بەلگىلەمەلەرگە قايشى كەلگەندىگى، ولشەم مازمۇنى زاڭعا ۇيلەسپەۋ، بەلگىلەۋ ءتارتىبى، ەرەجەگە ۇيلەسپەۋ قاتارلى كورنەكتى ماسەلەلەردىڭ ورىن تەۋىپ وتىرعاندىعى انىقتالدى. «قوي ءتۇبىتى ساۋداسىنىڭ تەحنيكالىق ولشەمى» جاريالانعاننان كەيىن، ءبىر ءبولىم تيجارات تۇلعالارى جالعان ساۋدا ۇگىتىنەن پايدالانىپ، قوي ءجۇنىن تاراپ العان ونىمدەردى ”قوي ءتۇبىتى“ دەگەن اتپەن ساتىپ، قويدىڭ ءجۇنى مەن ءتۇبىت ۇعىمىن شاتاستىرىپ، تۇتىنۋشىلاردى الجاستىرىپ، كاسىپ سالاسىنىڭ قالىپتى ءتارتىبىن اۋىر دارەجەدە بىلىقتىردى.

كەلەسى قادامدا بازاردى باقىلاۋ - باسقارۋ باس مەكەمەسى توپتىق ولشەمدەگى بىلىقپالىقتى ارناۋلى رەتكە سالۋدى ۇزدىكسىز ىلگەرىلەتىپ، قوعامدىق ۇيىمداردىڭ تۇلعالىق جاۋاپكەرشىلىگىن ناقتىلاندىرىپ، ۋستاۆتا بەلگىلەنگەن كاسىپ كولەمىنەن اسىپ كەتكەن توپتىق ولشەمدى بەلگىلەۋ، قاتىستى زاڭدىق ەرەجەلەر مەن زورلىقتى ولشەم تالابىنا ۇيلەسپەيتىن توپتىق ولشەمدى بەلگىلەۋ، جاساۋ بارىسى ءتارتىپ تالابىنا ۇيلەسپەۋ، توپتىق ولشەمنەن پايدالانىپ الباتى اقى الۋ قاتارلى زاڭعا، بەلگىلەمەگە قايشى ارەكەتتەردى باتىل تەكسەرىپ ءبىر جاقتى ەتەدى، قوعامدىق ۇيىمداردى توپتىق ولشەمدەندىرۋ قيمىلىن زاڭ - ەرەجە بويىنشا ورىستەتۋگە جەتەكتەپ، جوعارى ساپالى توپتىق ولشەم ارقىلى تۇتىنۋ حاۋىپسىزدىگىن قورعاپ، ءبىرتۇتاس ءىرى بازار ءتارتىبىن قورعايدى.