بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ءبىر جولدا 3 قىلمىستىق توپتى تالقاندادى! لياۋنيڭ تەڭىز ساقشىسى تەڭىز الابىنداعى قارا، سۇرقيا كۇشتەرگە قاتىستى جەلىلەس قىلمىستىق دەلولاردى انىقتادى 

2026.11.16 16:27     كەلۋ قاينارى : حالىق تورابى

ورتالىق تەلەۆيزيا تورابىنىڭ حابارى: ”جۇڭگو تەڭىز ساقشىلارى“ ۋيشين الەۋمەتتىك تەكشەسىنىڭ حابارلاۋىنشا، جۋىردا لياۋنيڭ ولكەلىك تەڭىز ساقشىلارى مەكەمەسى تەڭىز الابىنداعى قارا كۇشتەر مەن سۇرقيا كۇشتەرگە قاتىستى جەلىلەس قىلمىستىق دەلولاردى ءساتتى انىقتاپ، بوحاي تەڭىزى الابىنا جاسىرىنعان 3 قىلمىستىق توپتى ءبىر جولدا تالقانداعان.

بيىل 8 – ايدا، لياۋنيڭ تەڭىز ساقشىلارى مەكەمەسىنىڭ زاڭ اتقارۋشى قىزمەتكەرلەرى ءبىر - بىرلەپ تەكسەرۋ بارىسىندا ولكە كولەمىندەگى قارا، سۇرقيا كۇشتەردەن ۇيىمداسقان توپتاردىڭ ”تور – جەر اقىسى“ دەگەن جەلەۋمەن تەڭىزدەگى ءوندىرىس ءتارتىبىن بۇلدىرگەنىن بايقاعان. اتالعان مەكەمە دەرەۋ ارناۋلى تەكسەرۋ گرۋپپاسىن قۇرىپ، تەكسەرۋ جۇرگىزگەن. تەكسەرۋگە قاراعاندا، سۇن X دۇڭ، ياڭ X، چاي X دۇڭ اتاماندىعىنداعى 3 قىلمىستىق توپ جالعان تور جايۋ، زورلاۋ – مازالاۋ قاتارلى تاسىلدەر ارقىلى ساپالى تەڭىز الابىن يەمدەنىپ العان ءارى كوپتەگەن كەمەلەردى جالعا الىپ، تەڭىز الابىندا زاڭسىز باسقارۋ – مەڭگەرۋ شاراسىن اتقارىپ، قالىپتى جۇمىس اتقارىپ جۇرگەن بالىقشىلار كەمەسىندەگىلەردىڭ مال – مۇلكىن قورقىتىپ تارتىپ العان، تەڭىزدەگى بالىق شارۋاشىلىعىنىڭ ءوندىرىس ءتارتىبىن اۋىر دارەجەدە بۇلدىرگەن، بالىقشىلاردىڭ زاڭدى ۇقىق – مۇددەسىنە سۇعاناقتىق جاساعان.

دالەل - ىسپاتتار تۇراقتاندىرىلعان سوڭ، لياۋنيڭ ولكەلىك تەڭىز ساقشىلارى مەكەمەسى شوعىرلى تور جايۋ ارەكەتىن ورىستەتىپ، قىلمىس كۇماندىلارىنان 23 ادامدى تۇتقىنداپ، دەلوعا شاتىلعان 8 كەمەنى تەكسەرىپ قولعا تۇسىرگەن، دەلوعا قاتىستى سوما 6 ميلليون يۋاننان اسقان.

قازىر دەلو ىشكەرىلەي تەكسەرىلۋدە.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى