- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بەرەكە بار جەردە مەرەكە بار
2015.02.25 13:18
«التاي گازەتىنىڭ»ءتىلشىسى ءنازيعا ماحمۇت قىزى حابارلايدى.
بەرەكەلى قوعام قۇرۋدى كوزدە ۇستاعان كوكتوعاي اۋدانى قارابۇلعىن اۋىلى تۇڭعىش رەتكى ەگىنشى ـ مالشىلاردىڭ دەنەتاربيە قيمىلىن وتكىزدى.
بۇل رەتكى قيمىل اۋىلدىق پارتكوم مەن ۇكىمەتتىڭ قولداپ ـ قۋاتتاۋىندا، كوكتوعاي اۋدانىنان 160 كيلومەتر شالعايعا ورنالاسقان قارابۇلعىن اۋىلى جەبەتى قىستاعىندا باي مازمۇندى كوركەمونەر ويىن نومىرلەرى مەن ءتۇرلى دەنەتاربيە قيمىلدارى وزدىرىلىپ، كوپ كوڭىلىنەن شىقتى.
وسى رەتكى قيمىلدا، قازاقشا كۇرەس، جورعا سالۋجانە ارقان تارتۋ، بۇقاشا تارتىس قاتارلى جارىس تۇرلەرى وزدىرىلىپ، كورەرمەندەردىڭ قىزۋ القاۋىنا بولەندى. اسىرەسە، قازاقشا كۇرەستە 90، 80، 70 كيلوگرامدىق سالماق بويىنشا 18 بالۋان باق سىنادى. سوڭىندا، 70 كيلوگرامدىق سالماقتا ەركىنبەك ماعزان ۇلى، 80 كيلوگرامدىق سالماقتا تىلەك قوسىن ۇلى، 90 كيلوگرامدىق سالماقتا دۇيسەن كاسىپقان ۇلى جۇلدەلى بولدى.
كوكتوعاي اۋداندىق قازاقشا كۇرەس قوعامىنىڭ جاتتىقتىرۋشى ارعىنبەك قوسىن ۇلى بىلاي دەدى: «جۋىق جىلداردان بەرى، ءار دارەجەلى ورىندار قازاق كۇرەسىنە ەرەكشە ءمان بەرگەندىكتەن، قازىر اۋدان، اۋىل ـ قىستاقتاردا ۇزبەي وتكىزىلىپ كەلەدى. كۇرەسكە دەگەن حالىقتىڭ باعاسى دا جاقسى، جالعاستى دامىتا بەرسە دەگەن تىلەكتەمىن».
دەنەتاربيە قيمىلىنداعى جورعا سالۋ جارىسى دا وتە تاماشا بولىپ، ۇستىنەن سۋ توگىلمەس جورعالار اپپاق قاردى بۇرقىراتا تايپالعاندا، كورەرمەندەر الاقايلاپ شاپالاق سوعىپ، مالاقايلارىن اسپانعا اتتى. جارىس سوڭىندا اۋكەن شايماردان ۇلىنىڭ جورعاسى باس جۇلدەنى ەنشىلەدى.
جەبەتى قىستاعىنىڭ مالشىسى اۋكەن شايماردان ۇلى بىلاي دەدى: «پارتيا مەن ۇكىمەتتىڭ ءمان بەرۋىندە مالشىلاردىڭ تۇرمىستارى كۇننەن ـ كۇنگە جاقسارىپ كەلەدى. جىلقى تۇلىگىنىڭ ساپاسى مەن سانىنا ەرەكشە ءمان بەرگەن جەبەتى قىستاعىنداعى ءىشىنارا وتباسىلار قىس كۇندەرى بايگە اتتارى مەن جورعا اتتارىن جاراتىپ، ءتۇرلى قيمىلدارعا قاتىناسىپ كەلەدى. بۇدان بىلاي دا بەلسەنە قاتىناسامىن».
قارابۇلعىن اۋىلدىق ۇكىمەت قىزمەتكەرى توقتار زاڭبەك ۇلى تىلشىگە: «وسى رەتكى قيمىلدا بارلىق ونەرپازدار ءوز ونەرلەرىن ايگىلەپ، جاقسى ناتيجە جاراتتى. قيمىلدىڭ ءساتتى باستالىپ، ءساتتى اقىرلاسقانىنا وتە قۋانىشتامىز. اۋىل ازاماتتارىنىڭ وسىنداي ونەرلەرىن دامىتا ءتۇسۋ ءۇشىن، مۇنداي قيمىلداردى وتكىزىپ تۇرۋدىڭ پايداسى وتە زور دەپ ويلايمىن» ـ دەدى.
قارابۇلعىن اۋىلدىق حالىق قۇرىلتاي ءتوراعالار القاسىنىڭ ءتوراعاسى مۇباراك ماقىمەت ۇلى تىلشىگە: «وسى رەتكى قيمىلدى ۇيىمداستىرۋداعى ماقساتىمىز الداعى شاعان مەرەكەسىن قارسى الۋ بايلانىسىمەن، ەگىنشى ـ مالشىلاردى رۋحاني جاقتان جەبەپ قالماستان، كادرلار مەن بۇقارا اراسىنداعى بەرەكە ـ بىرلىكتى نىعايتىپ، ولاردىڭ ومىرگە، ونەرگە دەگەن قىزعىندىلىعىن ارتتىرۋ. بۇل دەنەتاربيە قيمىلى جەبەتى قىستاعىندا تۇڭعىش كەزەكتى وتكىزىلىپ وتىر. سوندىقتان دا، باستابىندا قالاي بولار دەگەن الاڭداۋشىلىق بولدى. ءبىراق، قيمىلىمىز ءبىز ويلاعاننان دا تاماشا بولدى. بارلىق ونەرپازدار مەن كورەرمەندەر قيمىلعا بەلسەنە قاتىناسىپ، ءتارتىپ ـ تۇزىمگە قاتاڭ بويسىنىپ، مەرەكەنىڭ مەرەيىن اسىرا ءتۇستى. وسىنداي جۇرت كوڭىلىنەن شىعاتىن دابىرالى قيمىلداردى كوبىرەك وتكىزىپ تۇرۋعا كۇش سالامىز» ـ دەدى.
ءيا، «بەرەكە بار جەردە مەرەكە بار» دەگەندەي، قارا ءنوپىر قالىڭ ادام جينالعان قارابۇلعىن اۋىلى جەبەتى قىستاعىنداعى تۇڭعىش رەتكى دەنەتاربيە قيمىلى دۋماندى ءوتىپ ،ءوز مارەسىنە جەتتى.
كەلۋ قاينارى: التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
