بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

يۇي جىڭشىڭ ج ك پ ورتالىق كوميتەتى تۇراقتى كوميتەتىنىڭ ءماجىلىس رۋحىن جەتكىزدى

2013.06.30 13:57     كەلۋ قاينارى : ورتالىق حالىق راديو ستانسياسى تورابى

  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماۋسىمنىڭ 28-كۇنى كەشتە ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، شينجياڭنىڭ قوعام ورنىقتىلىعىن ساقتاۋ، ءار ۇلت بۇقاراسىنىڭ مۇددەسىن قورعاۋ قىزمەتىن زەرتتەپ ورنالاستىردى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى يۇي جىڭشىڭ قىزمەت گرۋپپاسىن باستاپ ماۋسىمنىڭ 29–كۇنى ۇرىمجى قالاسىنا بارىپ، تۇتاس رايون كولەمىندە پارتيا مەن ۇكىمەت كادرلەرىنىڭ ءماجىلىسىن اشىپ، ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىس رۋحىن جەتكىزىپ، كەزەكتەگى شينجياڭنىڭ قوعام ورنىقتىلىعىن ساقتاۋ، ءار ۇلت بۇقاراسىنىڭ مۇددەسىن قورعاۋدىڭ ناقتىلى شارالارىنا زەرتتەۋ جۇرگىزدى جانە تياناقتاندىردى.

  يۇي جىڭشىڭ بىلاي دەدى: ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە بىلاي دەلىندى: پارتيا ورتالىق كوميتەتى شينجياڭ قىزمەتىنە ەجەلدەن بەرى وسكەلەڭ ءمان بەرىپ كەلەدى، تاياۋ جىلداردان بەرى، شينجياڭ شارۋاشىلىعىنىڭ دامۋ جاعدايى جاقسى بولۋدا، الايدا ەل ءىشى سىرتىنداعى ۇلتتىق بولشەكتەۋشى كۇشتەر جالعاستى ارەكەتكە كەلۋدە، شينجياڭنىڭ قوعامدىق ورنىقتىلىعىنا ىقپال ەتەتىن ىشكى جاقتاعى ماسەلەلەر تۇبەگەيلى شەشىلگەن جوق. جۋىردا از ساندى قىلمىستىق ەلەمەنتتەر جوسپارلاپ اتقارعان تەررورشىلدىق شابۋىلداۋ دەلوسى ارت–ارتىنان تۋىلىپ، سيپاتى سۇركەي، ىقپالى اۋىر بولىپ، شينجياڭداعى ءار ۇلت بۇقاراسىنىڭ ءومىرى مەن مال–مۇلكىنىڭ حاۋىپسىزدىگىنە اۋىر زيان جەتكىزدى. بۇل وقيعا زورلىقتى تەررورشىلدىق قيمىلداردىڭ شينجياڭنىڭ ۇلتتار ىنتىماعى، قوعامىنىڭ ورنىقتىلىعىنا ىقپال ەتەتىن ناقتىلى قاتەر ەكەندىگىن تولىق تۇسىندىردى. شينجياڭداعى ءار ۇلت كادرلارى مەن حالىق بۇقاراسى يدەيانى ورتالىقتىڭ جاعدايعا جاساعان تۇجىرىمىمەن ءسوزجوق بىرلىككە كەلتىرىپ، ارەكەتتى ورتالىقتىڭ شەشىم ورنالاستىرۋىنا سايكەستىرىپ، مەملەكەتتىڭ بىرلىككە كەلۋىن، ۇلتتار ىنتىماعىن، ءار ۇلت بۇقاراسىنىڭ ءتۇبىرلى مۇددەسىن قورعاۋ تۋىن بيىك ۇستاپ، باستان اياق قىراعى بولىپ، تاۋقىمەن تانىمىن شىنايى ارتتىرىپ، الدىمەن ارەكەتكە كەلىپ، زورلىقتى تەررورشىل كۇشتەر مەن زورلىقتى تەررورشىلدىق قيمىلدارعا باتىل قارسى تۇرىپ جانە سوققى بەرىپ، حالىق بۇقاراسىنىڭ ءومىرى مەن مال–مۇلكىنىڭ حاۋىپسىزدىگىن، ۇلتتار ىنتىماعى مەن قوعامنىڭ ورنىقتىلىعىن باتىل قورعاپ، شينجياڭنىڭ دامۋىنا تاماشا جاعداي قالىپتاستىرۋ كەرەك.

  يۇي جىڭشىڭ بىلاي دەدى: زورلىقتى تەررورشىلدىق قىلمىستارعا قاتاڭ سوققى بەرۋ ارىنىن ساقتاپ، سەس كورسەتۋ كۇشىن قالىپتاستىرىپ، جالپى قوعام بولىپ قورعانۋ جاعدايىن كۇشەيتۋ كەرەك. سونىمەن بىرگە ءتۇيىندى رايون، ءتۇيىندى ورىن، ءتۇيىندى تاراۋلاردىڭ حاۋىپسىزدىگىن ساقتاۋدى كۇشەيتىپ، نەگىزگى ساتىلاردىڭ نەگىزدىك قىزمەتىن ارتتىرىپ، نەگىزگى ساتى ۇيىمى مەن قالىڭ پارتيا مۇشە، كادر جانە بۇقارانى اتتانىسقا كەلتىرىپ جانە ولارعا سۇيەنىپ، كولەكتيۆ بولىپ ساقتانىپ، تۇلعالىق قورعانۋ جانە مەڭگەرۋ ورەسىن كۇش سالا جوعارىلاتىپ، حالىقتىڭ وزىندىك قورعانىس قابىلەتىن ارتتىرۋ كەرەك.

  يۇي جىڭشىڭ بىلاي دەدى: زورلىقتى كۇش تەررورشىلدىق قىلمىستىق ارەكەتىنە زاڭ بويىنشا سوققى بەرۋگە تاباندى بولىپ، ۇرىپ-سوعۋ، بۇزىپ-تالاۋ جەنە ورتەۋ قاتارلى قىلمىستى ارەكەتتەر تۋىلادى ەكەن، زاڭ بويىنشا قاتاڭ جازالاۋ كەرەك. زورلىقتى تەررورشىلدىق توپتار مەن ۇشقارى ۇيىمدارعا سوققى بەرۋ ارنالى ارەكەتىن جالعاستى ىشكەرلەي جۇرگىزىپ، قاشىپ جۇرگەن قىلمىستىلاردى قۋعىنداپ قولعا ءتۇسىرۋ تەبىنىن ارتتىرۋ كەرەك. سونىمەن بىرگە جۇرتشىلىق پىكىرى جاقتاعى جەتەكشىلىك قىزمەتىن كۇشەيتىپ، ناقتىلى ينفورماتسيالاردى دەر كەزىندە جاريالاپ، ىنتىماق پەن ورنىقتىلىق باقىت، بولشەكتەۋ مەن بۇلىك زوبالاڭ دەگەن تانىمدى كەڭ كولەمدى ۇگىتتەپ، ءار ۇلت كادىر بۇقاراسىن قىراعىلىقتى ساقتاپ جانە بۇرىس پەن دۇرىستى ايىرۋعا باستاپ، ۇلتتار ىنتىماعىن سانالى تۇردە قورعاپ، ۇلتتىق بولشەكتەۋشىلىك ارەكەتىنە قارسى تۇرىپ، قوعام ورنىقتىلىعىن ساقتاۋدىڭ قۇرىشتاي قامالىن قالىپتاستىرۋ كەرەك.

  يۇي جىڭشىڭ شينجياڭداعى ءار دارەجەلى پارتيا كوميتەتى مەن ۇكىمەتتەردەن ورتالىقتىڭ ءبىرتۇتاس ورنالاستىرۋى مەن تالابى بويىنشا، پارتيا مەن ۇكىمەتتىڭ نەگىزگى باسشى جولداستارى قوعامنىڭ ورنىقتىلىعىن ساقتاۋ سىندى ماڭداي الدى جاۋاپكەرشىلىگىن شىنايى ارقالاپ، جاۋاپكەرشىلىك ءتۇزىمىن قاتاڭ تياناقتاندىرىپ، ءتۇرلى مىندەتتەردى تياناقتاندىرۋعا كەپىلدىك ەتۋدى تالاپ ەتتى.

  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسي زاڭ كوميتەتىنىڭ شۋجيى مىڭ جيانجۋ ماجىلىستە شينجياڭنىڭ تەررورشىلدىققا قارسى تۇرۋ قوعام ورنىقتىلىعىن ساقتاۋ قىزمەتى جونىندە ناقتىلى ورنالاستىرۋ جاساپ: جۋىردا شينجياڭدا ارت-ارتىنان زورلىقتى كۇش تەررورشىلدىق شابۋىلداۋ دەلوسى تۋىلىپ، زورلىقتى كۇش تەررورشىل ەلەمەنتتەرىنىڭ قوعام جانە ادامزاتقا قارسى تۇراتىن ناقتىلى بەينەسىن كورسەتتى، ولار ءار ۇلت حالقىنىڭ ورتاق جاۋى. ءبىز تۋدى ايقىن ۇستاپ، الدىن-الا ساقتانىپ، ىرىقتىلىقتى يگەرىپ، زورلىقتى كۇش تەررورشىلدىق ارەكەتىنە قاتاڭ سوققى بەرىپ، شينجياڭ قوعامىنىڭ تۇلعالىق ورنىقتىلىعىنا كەپىلدىك ەتۋىمىز كەرەك،-دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.