- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتىنىڭ ساياسي بيۋروسى ءماجىلىس اشىپ «ەكولوگيالىق وركەنيەت قۇرىلىسىن جەدەل ىلگەرىلەتۋ جونىندەگى پىكىردى» قارادى
گۋاڭدۇڭ، تيانجين، فۋجيان، شاڭحاي ەركىن ساۋدا سىناق رايوندارى جونىندەگى جوبالاردى وي ەلەگىنەن وتكىزدى، ءماجىلىستى ج ك پ ورتالىق كوميتەتىنىڭ باس شۋجيى شي جينپيڭ باسقاردى
2015.03.25 13:32 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 24 - ناۋرىزدا بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 24 - ناۋرىز كۇنى ءماجىلىس اشىپ، «ەكولوگيالىق وركەنيەت قۇرىلىسىن جەدەل ىلگەرىلەتۋ جونىندەگى پىكىردى» قاراپ، ماقۇلدادى، گۋاڭدۇڭ، تيانجين، فۋجيان ەركىن ساۋدا سىناق رايوندارى جونىندەگى جالپى جوبانى، شاڭحاي ەركىن ساۋدا سىناق رايونىنىڭ رەفورما جاساۋ، ەسىك اشۋ ىستەرىن ونان سايىن تەرەڭدەتۋ جونىندەگى جوبانى قاراپ، ماقۇلدادى. ءماجىلىستى ج ك پ ورتالىق كوميتەتىنىڭ باس شۋجيى شي جينپيڭ باسقاردى.
ءماجىلىس مىنانى اتاپ كورسەتتى: ەكولوگيالىق وركەنيەت قۇرىلىسى «قوس 100 جىل» كۇرەس نىساناسىن ىسكە اسىرۋمەن، جۇڭحۋا ۇلتىنىڭ ماڭگىلىك دامۋىمەن قاتىستى، كورىكتى جۇڭگو قۇرۋدىڭ تابيعي تالابى، حالىق جۇرتشىلىعىنىڭ جانعا جايلى ەكولوگيالىق ورتا جونىندەگى جاڭا ۇمىتتەرىنىڭ ۇددەسىنەن شىعىپ، وسىزامانداندىرۋ قۇرىلىسىنىڭ ادام مەن تابيعات ۇيلەسە داميتىن جاڭا جۇيەسىن قالىپتاستىرۋدا توتەنشە ماڭىزدى مانگە يە.
ءماجىلىس بىلاي دەپ قارادى: پارتيانىڭ 18 - قۇرىلتايى جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى جالپى ماجىلىستەرىندە ەكولوگيالىق وركەنيەت قۇرىلىسى جونىندە جوعارى دەڭگەيلى جوبا مەن جالپى ورنالاستىرۋ جاسالدى. پارتيانىڭ 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار يدەيانى بىرلىككە كەلتىرىپ، تىڭعىلىقتى جۇمىس جۇرگىزىپ، بەلسەندى ىزدەنىستەر جاساپ، ەكولوگيالىق وركەنيەت قۇرىلىسىندا ۇزدىكسىز تۇردە جاڭا ىلگەرىلەۋشىلىكتەرگە قول جەتكىزدى. كەزەكتە جانە الداعى ءبىر مەزگىلدە، پارتيا ورتالىق كوميتەتىنىڭ شەشىم - ورنالاستىرۋلارى بويىنشا، ەكولوگيالىق وركەنيەت قۇرىلىسىن ەكونوميكا، ساياسي، مادەنيەت، قوعام قۇرىلىستارىنىڭ ءتۇرلى سالاسىمەن جانە جالپى بارىسىمەن ساباقتاستىرىپ، جاڭاشا ونەركاسىپتەندىرۋ، قالا - قالاشىقتاندىرۋ، ينفورماتسيالاندىرۋ، اۋىل شارۋاشىلىعىن وسىزامانداندىرۋ جانە جاسىلداندىرۋ ىستەرىن سايكەستى ىلگەرىلەتىپ، «كوگىلدىر وزەن، كوك تاۋلار − سارقىلماس قازىنا» دەگەن كوزقاراستى بەرىك ۇستانىپ، ۇنەمدەۋ مەن قورعاۋعا باسىمدىلىق بەرىپ، تابيعي قالپىنا كەلتىرۋدى نەگىزگى باعىت ەتۋدەن جازباي، جاسىل دامۋدى، اينالمالى دامۋدى، تومەن كومىرتەكتى دامۋدى نەگىزگى جول، رەفورمانى تەرەڭدەتۋ مەن جاڭالىق اشۋدى نەگىزگى قوزعاۋشى كۇش، ەكولوگيالىق مادەنيەت قالىپتاستىرۋدى ماڭىزدى تىرەك، تۇيىندەردەن قامال الۋ مەن ءبىر تۇتاس ىلگەرىلەتۋدى جۇمىس ءتاسىلى ەتىپ، ەكولوگيالىق وركەنيەت قۇرىلىسىن شىن مانىندە مىقتى، جاقسى يگەرۋ كەرەك.
ءماجىلىس مىنانى باسا دارىپتەدى: جەر كەڭىستىگىن اشۋ - يگەرۋ جۇيەسىن جاقسارتۋ، تەحنيكا جاڭالاۋ مەن قۇرىلىم رەتتەۋدى جەدەلدەتۋ، بايلىقتىڭ ۇنەمدى، اينالمالى، ءونىمدى پايدالانىلۋىن جەبەۋ، جاراتىلىستىق ەكولوگيالىق جۇيە مەن قورشاعان ورتانى قورعاۋعا سەرپىن بەرۋ سەكىلدى ءتۇيىندى قىزمەتتەردى جاپپاي ىلگەرىلەتىپ، ماڭىزدى سالالار مەن شەشۋشى بۋىنداردا كەلەلى جەتىستىكتەرگە جەتۋگە قۇلشىنۋ كەرەك. ءسوز جوق، ءوندىرىس ءتاسىلىنىڭ جاسىلدانۋىن جەدەل ىلگەرىلەتىپ، جوعارى تەحنولوگيالى، بايلىق شىعىنى تومەن، قورشاعان ورتانى از لاستايتىن ءوندىرىس قۇرىلىمى مەن ءوندىرىس تاسىلدەرىن قولدانىسقا ەنگىزىپ، ەكونوميكانىڭ جاسىلدانۋ دەڭگەيىن بارىنشا جوعارىلاتىپ، جاسىل ونەركاسىپتى جەدەل دامىتىپ، ەكونوميكالىق، قوعامدىق دامۋدىڭ جاڭا تۇيىندەرىن قالىپتاستىرۋ كەرەك. ءسوز جوق، تۇرمىس ءتاسىلىنىڭ جاسىلدانۋىن جەدەل ىلگەرىلەتىپ، تۇرمىس ءتاسىلى مەن تۇتىنۋ ۇلگىسىنىڭ ۇقىپتى، ۇنەمدى، جاسىل، تومەن كومىرتەكتى، مادەنيەتتى، اقاۋسىز ارناعا بۇرىلىس جاساۋىن ىسكە اسىرىپ، ءسانقويلىقتان، ىسىراپشىلدىقتان جانە ۇيلەسىمسىز تۇتىنۋدان ساقتانۋ كەرەك. ءسوز جوق، ەكولوگيالىق وركەنيەت جونىندەگى نەگىزگى قۇن كوزقاراسىن دارىپتەپ، ەكولوگيالىق وركەنيەتتى سوتسياليستىك وزەكتى قۇن جۇيەسىنە ەنگىزىپ، بارلىق ادام، بارلىق ىستە، بارلىق ۋاقىتتا ەكولوگيالىق وركەنيەتتى ارداقتايتىن جاڭا قوعامدىق سالت ورناتىپ، ەكولوگيالىق وركەنيەت قۇرىلىسىنا بەرىك قوعامدىق جانە بۇقارالىق نەگىز قالاۋ كەرەك. ءسوز جوق، ءتۇزىم قۇرىلىسىن ەكولوگيالىق وركەنيەت قۇرىلىسىن ىلگەرىلەتۋدىڭ ماڭىزدى ءتۇيىنى ەتىپ، مەملەكەتتىڭ باسقارۋ جۇيەسى مەن باسقارۋ قابىلەتىن وسىزامانداندىرۋ تالابى بويىنشا، ەكولوگيالىق وركەنيەت قۇرىلىسىنا تۇساۋ بولىپ وتىرعان مەحانيزمدىك - تۇزىلىستىك كەدەرگىلەردى كۇش سالا جويىپ، بايلىق پەن قورشاعان ورتانىڭ ەكولوگيالىق قىزىل سىزىعىن قاداعالاۋ، تابيعي بايلىقتار مەن مۇلىكتەردىڭ مەنشىك ۇقىعىن، پايدالانىلۋ ماقساتىن باسقارۋ، تابيعي بايلىقتار مەن مۇلىكتەردىڭ بورىش كەستەسىن دايىنداۋ، قىزمەتتەن كەتەتىن ادامنان تابيعي بايلىقتار مەن مۇلىكتەر بويىنشا قازىنالىق ەسەپ الۋ، ەكولوگيالىق ورتانى بۇلدىرۋگە بايلانىستى تولەم تولەتۋ جانە جاۋاپقا تارتۋ، ەكولوگيالىق وتەماقى بەرۋ سياقتى ماڭىزدى تۇزىمدەردى قامال الۋدىڭ ءتۇيىنى ەتىپ، ەكولوگيالىق وركەنيەت ءتۇزىلىسى رەفورماسىن تەرەڭدەتىپ، جەدەل تۇردە سايكەستى رەفورما جوبالارىن شىعارىپ، كەمەلدى جۇيە ورناتىپ، ەكولوگيالىق وركەنيەت قۇرىلىسىن زاڭمەن جونگە سالۋ، تۇزىمدەنۋ ارناسىنا ءتۇسىرۋى كەرەك. ءسوز جوق، ەكولوگيالىق وركەنيەت قۇرىلىسىن عالامدىق تۇرعىدان جەدەل ىلگەرىلەتىپ، جاسىل دامۋدى جالپىلىق مەملەكەت قۋاتى مەن حالىقارالىق باسەكەلەستىكتىڭ جاڭا ارتىقشىلىعىنا اينالدىرۋ كەرەك. ءتۇرلى شارا قولدانىپ، جابال يگەرىپ، جۇمىلا كۇش سالۋ ارقىلى اسقار تاۋ، ءمولدىر وزەن، تۇنىق اۋانى ساقتاپ قالىپ، حالىق جۇرتشىلىعىنىڭ جانعا جايلى ەكولوگيالىق ورتادا ءوندىرىس جۇرگىزىپ، تۇرمىس كەشىرۋىنە مۇمكىندىك تۋدىرۋ كەرەك.
ءماجىلىس مىنانى تالاپ ەتتى: بۇكىل پارتيا ەكولوگيالىق وركەنيەت قۇرىلىسىن ماڭىزدى ساياسي مىندەت ەتىپ، تاباندى قايسارلىق، تاپجىلماس قايرات كورسەتىپ، شىن يگەرىپ، شىنايى ىستەپ، ناقتى ناتيجەگە ءمان بەرىپ، ەكولوگيالىق وركەنيەت قۇرىلىسىنىڭ ۇلى جوباسىن بىرتىندەپ ىسكە اسىرىپ، سوتسياليستىك وركەنيەت قۇرىلىسىنىڭ جاڭا ءداۋىرىن اشۋعا قۇلشىنىپ، دۇنيە ءجۇزىنىڭ جاسىل دامۋىن ىلگەرىلەتۋگە، عالامدىق ەكولوگيالىق حاۋىپسىزدىكتى قورعاۋعا بەلسەندى ۇلەستەر قوسۋى كەرەك.
ءماجىلىس مىنانى اتاپ كورسەتتى: ەركىن ساۋدا سىناق رايونى قۇرىلىسىن ىلگەرىلەتۋ − ەلىمىزدىڭ ەكونوميكالىق دامۋىنىڭ جاڭا قالىبى ورناعان جاعدايدا، رەفورمانى جاپپاي تەرەڭدەتۋ مەن ەسىكتى ايقارا اشۋدىڭ جاڭا جولىن قاراستىرىپ، جاڭا تاجىريبەلەر جيناقتاۋ ءۇشىن جولعا قويىلعان ماڭىزدى شارا. شاڭحاي ەركىن ساۋدا سىناق رايونى ىسكە قوسىلعان ءبىر جىلدان بەرى، بەلسەندى ىلگەرىلەۋشىلىكتەرگە قول جەتىپ، كوشىرىپ پايدالانۋعا، جالپىلاستىرۋعا بولاتىن تاجىريبەلەر جيناقتالدى. گۋاڭدۇڭ، تيانجين، فۋجيان ەركىن ساۋدا سىناق رايوندارى مەن ىرگە كەڭەيتكەننەن كەيىنگى شاڭحاي ەركىن ساۋدا سىناق رايونى رەفورما جاساۋ مەن ەسىك اشۋدىڭ كوشباسشىسى، جاڭالىق اشۋ مەن دامۋدىڭ سەركەسى بولىپ، ءتۇزىم جاڭالاۋدى وزەك ەتىپ، «ءبىر بەلدەۋ، ءبىر جول» قۇرىلىسى، بەيجيڭ، تيانجين، حىبەيدىڭ سايكەسە دامۋى، چاڭجياڭ ەكونوميكالىق بەلدەۋىنىڭ دامۋى سەكىلدى مەملەكەتتىك ستراتەگيالاردى دايەكتىلەندىرىپ، اشىق ەكونوميكالىق جۇيە ورناتۋ، وڭىرلىك ەكونوميكالىق سەلبەستىكتىڭ جاڭا ۇلگىلەرى جونىندە ىزدەنىس جاساۋ، زاڭمەن جونگە سالىناتىن ساۋدا ورتاسىن ازىرلەۋ سياقتى جاقتاردا رەفورما مۇمكىندىكتەرىن الدىمەن پايدالانىپ، رەفورما قيىندىقتارىن شەشۋى كەرەك.
ءماجىلىس مىنانى باسا دارىپتەدى: شاڭحاي، تيانجين قالالارى مەن گۋاڭدۇڭ، فۋجيان ولكەلەرىنىڭ پارتكومدارى، حالىق ۇكىمەتتەرى جانە ورتالىقتىڭ قاتىستى تاراۋلارى يدەيانى ازات ەتىپ، رەفورما جاساپ، جاڭالىق اشىپ، جۇرەكتىلىكپەن سىناقتان وتكىزىپ، بەلسەندى ىزدەنىستەر جاساپ، ءبىر تۇتاس جوبا - جوسپار دايىنداپ، سايكەستىكتى كۇشەيتىپ، ەركىن ساۋدا سىناق رايوندارىنىڭ الدىن الا اتقارۋىنا، سىناق جۇرگىزۋىنە قولداۋ كورسەتۋى كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
