- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ مەملەكەت حاۋىپسىزدىگىنىڭ جالپىلىق تانىمىن شىنايى دايەكتى تياناقتاندىرىپ، داۋىرمەن جارىسا باسىپ، مەملەكەت حاۋىپسىزدىگى قىزمەتىندە جاڭا جاعداي جاراتۋدى تالاپ ەتتى
2015.05.20 15:31 كەلۋ قاينارى : حالىق تورابى
شينحۋا اگەنتتىگى، بەيجيڭ، مامىردىڭ 19 – كۇنى. بۇكىل مەملەكەتتەگى مەملەكەت حاۋىپسىزدىگى ورگاندارىنىڭ قىزمەتىن قورىتىندىلاۋ جانە ۇزدىكتەردى ماداقتاپ - سيلاۋ جينالىسى 19 – مامىردا بەيجيڭ قالاسىندا اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناسقان ۋاكىلدەرمەن كەزدەستى ءارى ماڭىزدى ءسوز سويلەدى. ول مىنالاردى باسا دارىپتەدى: بۇكىل مەملەكەتتەگى مەملەكەت حاۋىپسىزدىگى ورگاندارى سيلانعان وزات ورىندار مەن ۇلگىلى جەكەلەردى ۇيرەنۋ ۇلگىسى ەتىپ، پارتيانىڭ 18 – قۇرىلتايى مەن پارتيا 18 – كەزەكتى ورتالىق كوميتەتىنىڭ ءۇشىنشى، ءتورتىنشى جالپى ماجىلىستەرىنىڭ رۋحىن مۇقيات ۇيرەنىپ، مەملەكەت حاۋىپسىزدىگىنىڭ جالپىلىق تانىمىن شىنايى دايەكتى تياناقتاندىرىپ، بەرىك سەنىم ورناتىپ، پارتيا ىستەرىنە ادال بولىپ، داۋىرمەن جارىسا العا باسىپ، مەملەكەت حاۋىپسىزدىگى قىزمەتىندە جاڭا جاعداي جاراتىپ، «ەكى 100 جىلدىق» كۇرەس نىساناسىن جۇزەگە اسىرىپ، جۇڭحۋا ۇلتتارىنىڭ ۇلى گۇلدەنۋىن جۇزەگە اسىرۋداي جۇڭگو ارمانىنا ەسەلى ۇلەس قوسۋدى ءۇمىت ەتتى.
تۇستەن بۇرىنعى ساعات 10 دا شي جينپيڭ قاتارلى باسشىلار حالىق سارايىنىڭ سولتۇستىك زالىنا كەلىپ، ۋاكىلدەرمەن ىستىق ىقىلاسپەن قول الىسىپ كەزدەستى ءارى سۋرەتكە ءتۇسىپ ەستەلىك قالدىردى.
قىزۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول الدىمەن پارتيا ورتالىق كوميتەتى، مەملەكەتتىك كەڭەس اتىنان سيلانعان وزات ورىندار مەن ۇلگىلى جەكەلەردى قىزۋ قۇتتىقتادى، مەملەكەت حاۋىپسىزدىگى ورگاندارىنداعى بارلىق جولداسقا ىستىق سالەمىن جولدادى.
شي جينپيڭ مىنالاردى اتاپ كورسەتتى: مەملەكەت حاۋىپسىزدىگى ورگاندارى - مەملەكەتتىڭ يەلىك ۇقىعىن، حاۋىپسىزدىگىن، دامۋىن، قۇرىلىس ىستەرىن جانە جۇڭگوشا سوتسياليزمدى قورعايتىن ەرەكشە كۇش، سوتسياليستىك مەملەكەتتىڭ اكىمياتىن قورعاپ، قوعامنىڭ جاراسىمدىلىعىن، ورنىقتىلىعىن ساقتايدى، حالىق بۇقاراسىنىڭ ءومىرى مەن مال – مۇلىك اماندىعىن قورعاۋدا ماڭىزدى رولىن ساۋلەلەندىرىپ كەلەدى. پارتيانىڭ 18 – قۇرىلتايىنان بەرى پارتيا ورتالىق كوميتەتىنىڭ باسشىلىعىندا، ءار دارەجەلى مەملەكەت حاۋىپسىزدىگى ورگاندارى وزەكتى توڭىرەكتەپ، جالپى جاعدايعا قىزمەت وتەپ، مەملەكەتتىڭ اماندىعى مەن قوعامدىق جالپى جاعدايدىڭ ورنىقتىلىعىن قورعاۋعا ەسەلى ۇلەس قوستى. اماليات مەملەكەت حاۋىپسىزدىگى كادر – ساقشىلارىنىڭ پارتيا مەن حالىقتىڭ سەنىمدى ادال قورعاۋشىلارى بولۋعا، اتسىز قاھارمان بولۋعا لايىق ەكەندىكتەرىن دالەلدەپ بەردى، بۇنى پارتيا مەن حالىق ماڭگى ۇمىتپاق ەمەس.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
