- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وزەكتى ءوڭىر قۇرىلىسىندا ءوزارا بايلانىس پەن بارىس - كەلىسكە ءمان بەرۋ كەرەك
جاڭ چۇنشيان مەملەكەتتىك ساياسي كەڭەستىڭ تەكسەرۋ - زەرتتەۋ گرۋپپاسىنداعىلارمەن كەزدەستى
2015.05.22 13:33 كەلۋ قاينارى : ءتاڭىرتاۋ تورابى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 20 - مامىر تۇستەن كەيىن ۇرىمجىدە مەملەكەتتىك ساياسي كەڭەستىڭ ورىنباسار ءتوراعاسى ما بياۋدىڭ باسشىلىعىنداعى مەملەكەتتىك ساياسي كەڭەس ۇسىنىس جوبا كوميتەتىنىڭ ءتۇيىندى ۇسىنىس جوبالاردىڭ اتقارىلۋىن قاداعالاۋ جونىندەگى تەكسەرۋ - زەرتتەۋ گرۋپپاسىنداعىلارمەن كەزدەستى.
ما بياۋ تەكسەرۋ - زەرتتەۋ گرۋپپاسىن باستاپ، وڭتۇستىك، سولتۇستىك شينجياڭدا «باتىس بولىكتەگى بايىرعى توڭكەرىستىك رايونداردى، از ۇلت اۆتونوميالى وڭىرلەرىن، شەكارا وڭىرلەردى، كەدەي وڭىرلەردى قولداۋ تەبىنىن كۇشەيتىپ، باتىس تەرىستىكتەگى وڭىرلەردىڭ جوعارى جىلدامدىقتى تەمىر جول قۇرىلىسىن شەشىپ، بۇكىل ەلمەن بىرگە جاپپاي دوڭگەلەك داۋلەتتى قوعام قۇرۋىنا كەپىلدىك ەتۋ» سىندى ءتۇيىندى ۇسىنىس جوبانىڭ اتقارىلۋ جاعدايىن قاداعالاۋ جونىنەن تەكسەرۋ - زەرتتەۋ جۇرگىزىپ، اڭگىمە ءماجىلىس وتكىزەدى.
جاڭ چۇنشيان بىلاي دەدى: مەملەكەتتىك كەڭەستىڭ تەكسەرۋ - زەرتتەۋ گرۋپپاسىنىڭ شينجياڭعا كەلىپ، ۇسىنىس جوبالاردىڭ اتقارىلۋ جاعدايىن قاداعالاۋ جونىندە تەكسەرۋ - زەرتتەۋ جۇرگىزۋى شينجياڭعا كورسەتىلگەن شىنايى قولداۋ، بۇل شينجياڭنىڭ ەكونوميكالىق، قوعامدىق دامۋىن جەبەيدى. بەرتىنگى جىلدارى، پارتيا ورتالىق كوميتەتىنىڭ پارمەندى باسشىلىعىندا، شينجياڭ ورتالىقتىڭ شينجياڭدى باسقارۋ ستراتەگياسىن دەن قويا دايەكتىلەندىرىپ، كەشەندى ساياسات قولدانىپ، كەم - كەتىكتى تولىقتاپ، قيىندىقتاردى شەشىپ، دامۋ − بارلىق ماسەلەنى شەشۋدىڭ نەگىزگى كىلتى، «بايلىقتى باياندى اشۋ، ەكولوگيالىق ورتانى باياندى قورعاۋ» دەگەن پرينسيپتەرگە تاباندى بولدى، حالىقارالىق كۇردەلى جاعدايعا بەلسەندى تۇردە توتەپ بەردى، نەگىزدىك قۇرىلعىلار قۇرىلىسىنا ءمان بەردى، قالا، اۋىل تۇرعىندارىنىڭ كىرىسىنىڭ ارتۋ قارقىنى وڭىرلىك ىشكى جالپى ءونىمنىڭ ارتۋ قارقىنىنان جوعارى بولۋ كەرەك دەگەن دامۋ نىساناسىن ىسكە اسىردى، %70تەن كوبىرەك قازىنالىق شىعىس حالىق تۇرمىسىن جاقسارتۋعا جۇمسالدى، ەكونوميكالىق، قوعامدىق دامۋ مەن حالىق تۇرمىسىنىڭ دەڭگەيى بارىنشا جوعارىلادى. «ءبىر بەلدەۋ، ءبىر جول» قۇرىلىسىنىڭ ماڭىزدى ورايىن مىقتاپ يگەرىپ، جىبەك جولى ەكونوميكالىق بەلدەۋىنىڭ وزەكتى ءوڭىرىن قۇرۋدا ءوزارا بايلانىس جاساسۋعا، ءوزارا بارىس - كەلىسكە نازار اۋدارىپ، شىعىس پەن باتىستى تۇتاستىراتىن، حالىقارالىق جانە ەل ءىشى بازارلارىنا ىقپال جاسايتىن وتكەل قۇرۋ ارقىلى، شينجياڭدى ەلىمىز بەن ورتا، باتىس ازيا ءوڭىرىن تۇتاستىراتىن وزەكتى ءوڭىر ەتىپ قۇرىپ شىعۋ كەرەك. تەكسەرۋ - زەرتتەۋ گرۋپپاسىنىڭ شينجياڭداعى كەزىندە جوعارى جىلدامدىقتى تەمىر جولداردىڭ تۇتاسۋىن كۇش سالا جەدەلدەتىپ، تاسىمال ونىمدىلىگىن جوعارىلاتۋ، كەدەيلەردى سۇيەمەلدەۋ جانە قايتا كەدەيلەسۋ ماسەلەسى، تەمىر جول، ەلەكتر قۋاتى، نەگىزدىك سۋ قۇرىلىستارى، سارالانعان ساياسات قولدانۋ سياقتى مازمۇندار جونىندە تەكسەرۋ - زەرتتەۋ جۇرگىزىپ، حالىقتىڭ تىلەگىن كەڭ كولەمدى ۇعىسىپ، شينجياڭنىڭ ءىس جۇزىندىك جاعدايىن شىعار ءتۇيىن ەتىپ، مەملەكەتكە ۇسىنىس قويۋىن ءۇمىت ەتەمىن.
ما بياۋ بىلاي دەدى: ورتالىقتىڭ رۋحىن تولىق دايەكتى تياناقتاندىرۋ، مەملەكەتتىك كەڭەستىڭ «13 - بەسجىلدىق» جوبانى جاساۋى جونىندە اقىل - كەڭەس بەرۋ، مۇشەلەر قاداعالاي نازار اۋدارىپ وتىرعان ماسەلەلەرگە جاۋاپ قايتارۋ ءۇشىن، ۇسىنىس - جوبالاردىڭ اتقارىلۋ جاعدايىن قاداعالاۋ جونىندەگى وسى رەتكى تەكسەرۋ - زەرتتەۋدى مەملەكەتتىك ساياسي كەڭەستىڭ ۇسىنىس جوبا كوميتەتى باس بولىپ ۇيىمداستىرعان، تەكسەرۋ - زەرتتەۋ ارقىلى، ۇسىنىس جوبالاردىڭ اتقارىلۋى مەن تياناقتانۋىن اناعۇرلىم جەدەلدەتىپ، باتىس بولىكتىڭ 2020 - جىلى بۇكىل ەلىمىزبەن بىرگە جاپپاي دوڭگەلەك داۋلەتتى قوعامعا قادام تاستاۋىنا ۇلەس قوسۋدى ءۇمىت ەتەمىز. باتىس بولىك پەن شىعىس بولىكتىڭ دامۋ ورەسىندە ءالى دە وراسان زور پارىق بار، مەملەكەتتىك ستراتەگيا تۇرعىسىنان، «ءبىر بەلدەۋ، ءبىر جول» قۇرىلىسىنا ۇشتاستىرىپ، باتىس بولىكتىڭ دامۋىن ىلگەرىلەتۋدىڭ كەلەلى ماڭىزى جونىندەگى تانىمدى تەرەڭدەتىپ، شينجياڭنىڭ اتىنان، باتىس بولىكتەگى بايىرعى توڭكەرىستىك رايوندار، از ۇلت اۆتونوميالى وڭىرلەرى، شەكارا وڭىرلەر، كەدەي وڭىرلەر اتىنان ۇندەۋ تاستاپ، باتىس بولىكتىڭ بۇكىل ەلىمىزبەن بىرگە جاپپاي دوڭگەلەك داۋلەتتى قوعامعا قادام تاستاۋىنا كەپىلدىك ەتۋىمىز كەرەك.
اۆتونوميالى رايوننىڭ جانە بيڭتۋاننىڭ باسشىلارىنان شوكىرات زاكىر، نۇرلان ءابىلماجىن ۇلى، چى جۇن، حان يۇڭ، حۋاڭ ۋي، باي جىجيە، عانيبات سابىكەي ۇلى، ەركىن تۇنياز، ليۋ يانلياڭ كەزدەسۋدە بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
