- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەكى جىلدان كەيىن تۇراقتى كەڭ ايالى تور دامىعان ەلدەردىڭ 2015- جىلعى ورتاشا دەڭگەيىنە نەگىزىنەن جەتەدى
جىل سوڭىنان بۇرىن تور اعىنى مەن كەڭ ايالى توردىڭ اقىسى %30 تۇسىرىلەدى (ساياساتتىق تۇسىنىك)
ءوز ءتىلشىمىز ۋاڭ جىڭ
2015.05.21 16:43 كەلۋ قاينارى : حالىق تورابى
مەملەكەتتىك كەڭەستىڭ كەڭسە مەڭگەرمەسى بىرنەشە كۇننىڭ الدىندا «جىلدام كەڭ ايالى تور قۇرىلىسىن تەزدەتىپ، توردىڭ قارقىنىن تەزدەتىپ، اقىسىن تومەندەتۋدى جەبەۋ جونىندەگى جەتەكشى پىكىردى» تاراتتى.
ونەركاسىپ جانە ينفورماتسيالاندىرۋ مينيسترلىگىنىڭ قاتىستى جاۋاپتىسى بىلاي دەدى: «پىكىردە» تور قۇرىلىسىنىڭ ۇسىنىلىمى ارتتىرىلىپ، 2017- جىلعا بارعاندا تور قۇرىلىسىنا قوسىلاتىن جالپى قارجى ءبىر تريلليون 100 ميلليارد يۋاننان كەم بولمايتىنى ءارى تۇتىنۋشىلاردىڭ تور قارقىنىنا ىقپال جەتكىزىپ وتىرعان بۋىندارعا قاراتا مىناداي 7 ۇلكەن ناقتى شارا قولدانىلاتىنى اتاپ كورسەتىلدى: ءبىرىنشى، تولىق وپتيكالىق توراپتى قالا جانە 4 - ءداۋىر جىلجىمالى حابارلاسۋ (4G) تورى قۇرىلىسىن جەبەۋ تەزدەتىلەدى؛ ەكىنشى، جىلدام، زور سيىمدىلىقتاعى وپتيكالىق بايلانىس تاسىمالداۋ جۇيەسى قۇرىلادى؛ ءۇشىنشى، عالامتوردىڭ تىرەكتى تور قۇرىلىمى جاقسارتىلادى؛ ءتورتىنشى، ورتالىقتىڭ مەجە ەسەپ ىشىندە قوساتىن قارجىسى كوبەيتىلىپ، عالامتوردىڭ حالىقارامەن ۇشتاسۋ سيىمدىلىعى كەڭەيتىلەدى؛ بەسىنشى، مازمۇندى ءبولىپ تاراتاتىن توردىڭ دامۋى جەبەلەدى؛ التىنشى، تور پۋنكتىنىڭ قىزمەت وتەۋ قۋاتى جوعارىلاتىلادى؛ جەتىنشى، تەلەگراف نەگىزدىك قۇرىلعىسىن بىرگە قۇرۋ، ودان بىرگە يگىلىكتەنۋ اناعۇرلىم جەبەلىپ، 4G تورى قۇرىلىسىنىڭ اياق الىسى بار كۇشپەن قامتاماسىزداندىرىلادى.ونەركاسىپ جانە ينفورماتسيالاندىرۋ مينيسترلىگىنىڭ ساناعىندا كورسەتىلۋىنشە، 2012- جىلدان قازىرگە دەيىن ەلىمىزدە قولفون تور اعىنىنىڭ اقى دەڭگەيى شامامەن ٪60 تومەندەگەن، تۇراقتى كەڭ ايالى توردىڭ اقى دەڭگەيى شامامەن ٪30 تومەندەگەن. الايدا ەلىمىزدە كىسى باسىنا تۋرا كەلەتىن تور اقى شىعىنىنىڭ كىرىستەگى سالىستىرماسى ءالى دە ءبىرشاما جوعارى ەكەن، قالا مەن اۋىلدىڭ وڭىرلىك دامۋى بىركەلكى ەمەس، قىزمەت وتەۋ ساپاسىن جاقسارتۋ قاجەت بولعان. «17- مامىر» حالىقارالىق تەلەگراف كۇنى مەزگىلىندە، ەل ىشىندەگى ءۇش ۇلكەن اينالىس كاسىپورنى توردىڭ قارقىنىن تەزدەتىپ، اقىسىن تومەندەتۋ جوباسىن جاريالادى، الايدا تۇتىنۋشىلاردىڭ تىلەگىمەن سالىستىرعاندا ءالى دە الشاقتىق بار. الداعى «تور اقىسىن تومەندەتۋدىڭ» كومەسكى قۋاتى قالاي؟
ونەركاسىپ جانە ينفورماتسيالاندىرۋ مينيسترلىگىنىڭ قاتىستى جاۋاپتىسى بىلاي دەدى: تور اقىسىن تومەندەتۋدە كاسىپورىننىڭ بازارداعى تۇلعالىق رولىن تولىق ساۋلەلەندىرۋ، ۇكىمەتتىڭ جەتەكشىلىك ەتۋ، جەبەۋ رولىن ءتىپتى دە ويداعىداي ساۋلەلەندىرۋ كەرەك، «پىكىردە» كاسىپورىن جانە ۇكىمەت سىندى ەكى تۇرعىدان شارا ورتاعا قويىلدى. كاسىپورىن تۇرعىسىنان ايتقاندا، تەلەگراف كاسىپورىندارىنىڭ تەحنيكالىق جاڭالىق جاراتۋدى كۇشەيتۋ، اينالىس ونىمدىلىگىن جوعارىلاتۋ، قىزمەت وتەۋ قۋاتىن كۇشەيتۋ، جان-جاقتى شارا قولدانۋ ارقىلى تور اقىسى ۇيلەسىمدى تومەندەتىلەدى. ۇكىمەت تۇرعىسىنان ايتقاندا، ۇكىمەت قۇرىلىمى ىقشامدالىپ، ۇقىق تومەنگە بەرىلىپ، تەلەگراف بازارىنىڭ اشىق ۇستالۋى تارتىپپەن جەبەلەدى.
بۇدان تىس، اقىنى تومەندەتۋ نىساناسى جاعىندا، «پىكىردە» تور اقىسى كورنەكتى جوعارى بولىپ وتىرعان قالالاردا كەڭ ايالى توردىڭ قارقىنىن اقىسىز تەزدەتۋ جانە باعانى ءتۇسىرۋ قيمىلدارىن ورىستەتۋ ايقىن ورتاعا قويىلدى. وسىنىڭ الدىندا وتكىزىلگەن مەملەكەتتىك كەڭەستىڭ ساياساتتى كەزەكتى حابارلاندىرىپ قويۋ جيىنىندا ونەركاسىپ جانە ينفورماتسيالاندىرۋ مينيسترلىگىنىڭ ورىنباسار مينيسترى شاڭ بيڭ: باسەكەنى جەبەۋ، تەحنيكالىق جاقتان دارەجەسىن جوعارىلاتۋ سياقتى كوپ ءتۇرلى تاسىلمەن تەلەگراف كاسىپورىندارىنىڭ اقىنى تاعى دا ءتۇسىرۋى جەبەلىپ، جىل سوڭىنان بۇرىن قولفون تور اعىنىنىڭ ورتاشا اقى دەڭگەيى مەن تۇراقتى كەڭ ايالى توردىڭ، مەكە-ورىنداردىڭ كەڭ ايالى تورىنىڭ ورتاشا اقى دەڭگەيى وتكەن جىلدىڭ ۇقساس مەزگىلىندەگىدەن ٪30 اينالاسىندا تۇسىرىلەدى، - دەپ ايقىن اتاپ كورسەتكەن بولاتىن.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
