- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان ايماق، وبلىس، قالالاردىڭ جانە تاراۋلاردىڭ نەگىزگى جاۋاپتى جولداستارىنىڭ اۆتونوميالى رايوندىق ماجىلىسىندە شينجياڭ ەرەكشەلىگىنە يە جاقسى كادر بولۋدى تالاپ ەتتى
2015.05.22 13:28 كەلۋ قاينارى : ءتاڭىرتاۋ تورابى
21 - مامىر تۇستەن كەيىن، اۆتونوميالى رايون ايماق، وبلىس، قالالارداعى جانە تاراۋلارداعى نەگىزگى جاۋاپتى جولداستاردىڭ ءماجىلىسىن اشتى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى جاڭ چۇنشيان ماجىلىسكە قاتىناستى، سونداي - اق پارتيا ورتالىق كوميتەتىنىڭ قامقورلىعىن سان سالالى قىزمەتتى جاقسى ىستەۋدىڭ قوزعاۋشى كۇشىنە اينالدىرىپ، كادرلار قوسىنىنىڭ قۇرىلىسىن ونان ارى نىعايتۋ كەرەك، ءار ۇلت كادرلارى شينجياڭ ەرەكشەلىگىنە يە جاقسى كادر بولۋى قاجەت دەپ باسا دارىپتەدى.
پارتيا ورتالىق كوميتەتىنىڭ قامقورلىعىنا العىس ايتىپ، شينجياڭ رۋحىن بارىنشا ساۋلەلەندىرۋ كەرەك
جاڭ چۇنشيان بىلاي دەدى: پارتيا ورتالىق كوميتەتى پارتيا مەن مەملەكەت ىستەرىنىڭ جالپى ستراتەگياسى تۇرعىسىنان، ورتالىقتىڭ شينجياڭ قىزمەتى جونىندەگى 2 رەتكى اڭگىمە ماجىلىسىندە شينجياڭنىڭ ستراتەگيالىق ورنى مەن توتەنشە ماڭىزدىلىعىن بۇرىندى - سوڭدى بولماعان دەڭگەيگە كوتەرىپ، شينجياڭدى اسىرەسە، وڭتۇستىك شينجياڭدى ايرىقشا قولداۋ جونىندە ءبىرسىپىرا ساياسات شىعاردى. باس شۋجي شي جينپيڭ «شينجياڭ قىزمەتىنىڭ ەڭ مىزعىماس تىرەگى نەگىزگى ساتىدا» دەپ اتاپ كورسەتىپ، نەگىزگى ساتى مەن ءبىرىنشى شەپتە ۇزاق ۋاقىت قىزمەت اتقارىپ، ءومىرىنىڭ جالىندى شاقتارىن شينجياڭعا ارناعان ءار ۇلت كادرلارىنا ايرىقشا كوڭىل ءبولدى. سوڭعى جىلدارى، اۆتونوميالى رايون پارتيا ورتالىق كوميتەتىنىڭ ورنالاستىرۋى بويىنشا، نەگىزگى ساتىعا ءمان بەرۋگە، نەگىزگى ساتىنى نىعايتۋعا، نەگىزگى ساتىعا قىزمەت ەتۋگە تاباندى بولدى، شينجياڭنىڭ ەگىنشى - مالشىلارى مەن قالا - قالاشىق تۇرعىندارىنىڭ كىرىسىنىڭ ارتۋ قارقىنى ءۇرتىس 5 جىل بويى وڭىرلىك ىشكى جالپى ءونىمنىڭ ارتۋ كولەمىنەن جوعارى بولدى، اۋىل جانە قىستاق دارەجەلى شەپتەر قۇرىلىسىندا توتەنشە زور وزگەرىستەر جارىققا شىقتى، وسىنىڭ ءبارى وڭتۇستىك شينجياڭ مەن نەگىزگى ساتىنى، ءبىرىنشى شەپتى كۇشەيتۋدىڭ بەتالىسىن ونان ارى كورنەكتىلەندىردى. تۇتاس شينجياڭداعى ءار ۇلت كادرلارى پارتيا ورتالىق كوميتەتىنىڭ قامقورلىعىنا العىس ايتىپ، ونىڭ قادىرىنە جەتىپ، شينجياڭ رۋحىن بارىنشا ساۋلەلەندىرىپ، ورتالىقتىڭ قامقورلىعىن شينجياڭ قىزمەتىن جاقسى ىستەۋدىڭ سارقىلماس قوزعاۋشى كۇشىنە اينالدىرىپ، تالىقپاي تالپىنىپ، شينجياڭنىڭ سان سالالى قىزمەتتەرىن ونان ارى قۇلشىنا جاقسى ىستەۋى كەرەك.
پارتيا مەن حالىقتىڭ قالاۋلى جاقسى كادرى بولۋ كەرەك
جاڭ چۇنشيان مىنانى اتاپ كورسەتتى: كادرلار − شينجياڭ قىزمەتىن جاقسى ىستەۋدىڭ تەتىگى. كادرلار باستاماشىلدىق، ۇلگىلىك رولدارىن ويداعىداي ساۋلەلەندىرىپ، حالىقتى سۇيەتىن، حالىقتىڭ قامىن ويلايتىن شىنايى پەيىل، مىندەتتى باتىلدىقپەن ارقالاي بىلەتىن جاۋاپكەرلىك سەزىممەن، پارتيا مەن حالىقتىڭ قالاۋلى جاقسى كادرى بولۋ كەرەك. باس شۋجي شي جينپيڭ: جاقسى كادردىڭ ولشەمى، جالپىلاي ايتقاندا، ءمورالدى دا قابىلەتتى بولۋ، ونىڭ ناقتى تالاپتارى: ساياسيدا سەنىمدى، قىزمەتتە ىسكەر، ستيلدە قاتاڭ بولۋ، حالىق بۇقاراسىنىڭ سەنىمىن الۋ، جيناقتاپ ايتقاندا، جاقسى كادر بولۋ ءۇشىن «سەنىمى بەرىك بولۋ، حالىق ءۇشىن قىزمەت ەتۋ، جۇمىسقا شوگەل، مۇقيات بولۋ، مىندەتتى باتىلدىقپەن ارقالاۋ، ەلگەزەك، پاك بولۋ» كەرەك، - دەپ ايقىن اتاپ كورسەتتى. اتاپ ايتقاندا، باس شۋجيدىڭ تالابى بويىنشا، ءوزىن قاتاڭ تاربيەلەپ، بيلىكتى قاتاڭ اتقارىپ، تارتىپكە قاتاڭ بويسۇنىپ، جۇمىس ىستەۋدە، شارۋاشىلىق قۇرۋدا، ادام بولۋدا شىنايى بولۋ كەرەك.
شينجياڭ ەرەكشەلىگىنە يە جاقسى كادر بولۋ كەرەك
جاڭ چۇنشيان مىنانى باسا دارىپتەدى: شينجياڭداعى ءار ۇلت كادرلارى شينجياڭ ەرەكشەلىگىنە يە جاقسى كادرلار بولۋى، ساياسيدا تاباندى، قابىلەتى كۇشتى، ستيلدە ىسىلعان، كوڭىل كۇيى ورنىقتى كادر بولۋعا قۇلشىنۋ كەرەك.
ساياسيدا تاباندى بولۋ دەگەنىمىز، اتاپ ايتقاندا، پارتياعا ادال، تۇرعىسى بەرىك، ساياسيدا سەزگىر بولۋ، مىندەتتى باتىلدىقپەن ارقالاۋ، پارتيا ورتالىق كوميتەتىنىڭ بەت - بەدەلىن سانالىلىقپەن قورعاۋ، بولشەكتەۋشىلىككە قارسى تۇرىپ، قوعام ورنىقتىلىعىن قورعاۋ سياقتى كەلەلى ماسەلەلەردە پارتيانىڭ ساياسي تارتىبىنە قاتاڭ بويسۇنىپ، تانىمى ايقىن، پوزيتسياسى ىمىراسىز، ارەكەتى تۇرلاۋلى بولۋ، «ءۇش ءتۇرلى كۇشكە» قارسى تۇرۋ كۇرەسىندە اتويلاپ الدا ءجۇرىپ، ۇلگى - ونەگە بولۋ، استە «ەكى بەتكەي»، «ماقۇلباي»، تۇرلاۋسىز بولماۋ، مىزعىماس پارتيالىلىقتى تىرەك ەتىپ، ورتالىق كوميتەتتىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىن باتىل تياناقتاندىرۋ؛
قابىلەتى كۇشتى بولۋ دەگەنىمىز، اتاپ ايتقاندا، ساياساتتى ۇيرەنۋ، يگەرۋ قابىلەتى، كۇردەلى جاعدايدى مەڭگەرۋ قابىلەتى ءبىرشاما كۇشتى بولۋ، جۇمىسقا باتىل كىرىسىپ، تابىسپەن اياقتاتۋ، ىسكەر بولۋ، جۇمىستى ناتيجەلى جۇرگىزۋ، اسىرەسە، ماسەلەلەردى زەرتتەۋگە، شەشۋگە شەبەر بولۋ، كۇردەلى، قيىن ماسەلەلەرگە تاپ بولعاندا باتىل بولۋ، جۇيەلى وي، ۇتىمدى ءتاسىل تابا ءبىلۋ، اۋىزبەن وراق ورۋدان اۋلاق بولۋ؛
ستيلدە جاقسى بولۋ دەگەنىمىز، اتاپ ايتقاندا، «ۇشتە قاتاڭ، ۇشتە شىنايى بولۋ» تالابى بويىنشا، ءوزىنىڭ ءىس - ارەكەتىن قاتاڭ ارناعا ءتۇسىرۋ، جياۋ يۇيلۋ رۋحىن ساۋلەلەندىرىپ، فورماشىلدىققا، تورەشىلدىككە، راقاتقۇمارلىققا، ءىسىراپشىلدىققا سانالى تۇردە قارسى تۇرۋ؛
كوڭىل كۇيى ورنىقتى بولۋ دەگەنىمىز، اتاپ ايتقاندا، ۇيرەنۋگە جوعارى ولشەم قويۋ، قىزمەتتە قارا تالاسپاۋ، تۇرمىستا قاتاڭ تالاپ قويۋ، اسىرەسە، كۇردەلى جاعداي، اۋىر قىزمەت، ءتۇرلى قاۋەسەتتەرگە كەز كەلگەندە، بايسالدى، بايىپتى، سابىرلى بولۋ، ساسقالاقتاماۋ، دەگبىرسىزدەنبەۋ، بوس شابىلماۋ، شىدامدى بولۋ، يدەيالىق جاقتان سالعىرتتانباۋ، پسيحيكالىق جاقتان تاباندى بولۋ.
ءتۇسىنۋ، اتقارۋ، تياناقتاندىرۋ قابىلەتىن جوعارىلاتىپ، «ۇستا رۋحى» ارقىلى كاسىپكە قۇنتتى بولۋعا ۇمتىلۋ كەرەك
جاڭ چۇنشيان بىلاي دەپ باسا دارىپتەدى: ءتۇسىنۋ، اتقارۋ، تياناقتاندىرۋ قابىلەتىن قۇلشىنا جوعارىلاتۋ كەرەك. قازىر تياناقتاندىرۋدىڭ قيىندىعى ءتۇرلى قىزمەتتە ورىن تەپكەن كورنەۋ ماسەلە ەسەپتەلەدى. ورتالىق پەن اۆتونوميالى رايوندىق پارتكومنىڭ شەشىم - ورنالاستىرۋلارىن دۇرىس ۇيرەنىپ، باعامداپ، تەرەڭ ۇيرەنۋگە، تولىق تۇسىنۋگە، ويعا سىڭىرۋگە شىنايى كەپىلدىك ەتۋ، شالا - شارپى ۇعىنۋدان، بۇرمالاۋدان، قالپىن قۇراتپاي كوشىرىپ قولدانۋدان ساقتانۋ كەرەك. ساياسي تانىم مەن ءتارتىپ تانىمىن كۇشەيتىپ، اتقارۋ قابىلەتىن كۇش سالا جوعارىلاتىپ، ءوز جەرىنىڭ جاعدايىن، ارتىقشىلىعىن جانە ولقىلىعىن قانىق ءبىلۋ، باستىسى، جەرگىلىكتى ورىننىڭ ءىس جۇزىندىك جاعدايىمەن ۇشتاستىرۋعا كۇش سالىپ، ورتالىق پەن اۆتونوميالى رايوندىق پارتكومنىڭ ورنالاستىرۋى مەن تالاپتارىن ناقتى قىزمەت امالياتىنا اينالدىرۋ كەرەك. قىزمەتتى تياناقتاندىرۋدى شەگەلىك رۋحپەن العا ىلگەرىلەتىپ، ونىمدىلىكتى ماڭداي الدى ورىنعا قويۋدان جازباۋ، فورماشىلدىق، كوزبوياۋشىلىق ىستەمەۋ، ناقتى ونىمدىلىك ارقىلى ىستەرىمىزدىڭ ومىرشەڭدىك كۇشكە، تىرشىلىك تىنىسىنا باي بولۋىنا شىنايى كەپىلدىك ەتۋىمىز ءتيىس. جەر - جەر، تاراۋلار «جۇمىسقا تومەن ولشەم بەلگىلەۋ، تياناقتاندىرۋدى فورماشىلدىققا اينالدىرۋ، رۋحى تۇسىڭكى بولۋ» جايتتەرىن جەڭىپ، جوعارى ولشەم بەلگىلەپ، ماماندىق پەن ۇقىپتىلىققا ءمان بەرىپ، «ۇستا رۋحىن» دارىپتەپ، قىزمەتتەردى مۇمكىندىكتىڭ بارىنشا تىڭعىلىقتى جاقسى ىستەۋى كەرەك.
ساياسي تارتىپكە، ساياسي قاعيداعا قاتاڭ بويسۇنۋ كەرەك
جاڭ چۇنشيان بىلاي دەپ باسا دارىپتەدى: پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنۋ كەرەك. ءتارتىپ قۇرىلىسىن ەڭ ۇلكەن سانالىلىقپەن، ەڭ قاتاڭ تالاپپەن، ەڭ جوعارى ولشەممەن، ەڭ پارمەندى شارامەن كۇشەيتىپ، ءتارتىبى قاتاڭ، ستيلى جاقسى، مىندەتتى باتىلدىقپەن ارقالايتىن، ءورىس اشا العا ىلگەرىلەپ، ناتيجەلى جۇمىس جۇرگىزەتىن جوعارى ساپالى كادرلار قوسىنىن قۇرۋعا قۇلشىنۋ كەرەك.
ۇلتتار ىنتىماعىنىڭ ۇلگىسى بولۋ كەرەك
جاڭ چۇنشيان مىنالاردى تالاپ ەتتى: شينجياڭداعى ءار ۇلت كادرلارى ۇلتتار ىنتىماعىنىڭ ۇلگىسى بولا ءبىلۋى كەرەك. پارتيانىڭ ۇلت، ءدىن ساياساتىن ۇزبەي ۇيرەنۋ، ءتۇسىنۋ، اتقارۋ كەرەك. شينجياڭداعى ءار دارەجەلى باسشىلىق القالاردىڭ بارلىعى ءار ۇلت كادرلارىنان ۇيىمداسقان، كوپشىلىك سىر ساندىعىن اقتارىپ، كوڭىلدەگى تۇيىنشەكتى شەشىپ، بۇكپەسىز اڭگىمەلەسىپ، ورىن تەپكەن ماسەلەنى بەتكە ايتىپ، اعا - باۋىرداي ىقىلاستى بولۋى، وزدەرى باستاماشى بولىپ، بۇكىل شينجياڭعا ۇلگى كورسەتۋى ءتيىس. ءار دارەجەلى باسشى كادرلار وزگە ۇلتتان شىققان كادر - جۇرتشىلىقپەن باستاماشىلدىقپەن دوستاسىپ، سەلبەسىپ، ارالاس - قۇرالاس بولىپ، سۇيىسپەنشىلىكتەرىن توعىستىرۋى، ۇساق - تۇيەك ىستەر ارقىلى ءار ۇلت جۇرتشىلىعىنىڭ بارىس - كەلىس، اۋىس - كۇيىس، ارالاس - قۇرالاسىن جەبەيتىن اۋقىمدى وڭ ەنەرگيا توپتاۋى قاجەت. كادرلار قىزمەتىنىڭ دۇرىس بەتالىسى ارقىلى ۇلتتار ىنتىماعىن جەبەۋدەن جازباي، ءمورال مەن قابىلەتكە بىردەي ءمان بەرۋگە تاباندى بولىپ، ساياسي تاباندىلىقتى كورنەكتىلەندىرۋ كەرەك.
قوعام ورنىقتىلىعىن قورعاۋدا باستاماشىلدىق رول اتقارۋ كەرەك
جاڭ چۇنشيان مىنالاردى تالاپ ەتتى: شينجياڭداعى ءار ۇلت كادرلارى ورنىقتىلىقتى قورعاۋدا باستاماشىلدىق رول اتقارۋى كەرەك. ءاربىر ادام ۇلگىلىك، باستاماشىلدىق رولىن ساۋلەلەندىرىپ، ءوزىنىڭ ءىس - ارەكەتى ارقىلى وتباسىنداعىلارعا، تۋىس - تۋعان، دوس - جاراندارىنا، كاسىپتەستەرىنە ىقپال جاسايتىن بولسا، قۇدىرەتتى وڭ ەنەرگيا قالىپتاسىپ، ورنىقتىلىقتى جەبەۋ جاعدايى جاقسى بەتالىسقا قاراي داميتىن بولادى. قاتاڭ سوققى بەرۋ ارناۋلى ارەكەتىن ىشكەرىلەي جۇرگىزىپ، جىلجىمالى تۇرعىندارعا قىزمەت وتەۋدى، ولاردى باسقارۋدى كۇشەيتىپ، «ۇشقارىلىقتى الاستاۋ» سياقتى قىزمەتتەردى ىشكەرىلەي ىلگەرىلەتۋ كەرەك.
ەكونوميكانىڭ ورنىقتى ارتۋىنا شىنايى كەپىلدىك ەتۋ كەرەك
جاڭ چۇنشيان بىلاي دەپ اتاپ كورسەتتى: شينجياڭ ەكونوميكاسىنىڭ ورنىقتى ارتۋىنا شىنايى كەپىلدىك ەتۋ كەرەك. اۆتونوميالى رايوندىق پارتكومنىڭ ەكونوميكالىق قىزمەت ءماجىلىسى مەن 1 - توقسانداعى ەكونوميكالىق جاعدايعا تالداۋ جاساۋ ماجىلىسىندەگى ورنالاستىرۋلارعا ساي، ورنىقتى ارتتىرۋدى ەكونوميكالىق قىزمەتتىڭ ماڭىزدى مىندەتى ەتىپ، ەكونوميكالىق باسەڭدەۋگە توتەپ بەرۋگە ارنالعان 20 جاقتاعى 50 شارانى تىڭعىلىقتى تياناقتاندىرىپ، جىل باسىندا ورنالاستىرىلعان شارالاردى مىقتاپ يگەرۋ كەرەك. قازىر ەگىن، مال شارۋاشىلىق ءوندىرىسىن مىقتى ۇستاۋمەن بىرگە، توقىماشىلىق، كيىم - كەشەك ونەركاسىبىن، «تەز ءونىم بەرەتىن» نىساندار مەن وڭتۇستىك شينجياڭنىڭ ارتىق ەڭبەككۇشتەرىن باسقا سالادا كاسىپتەندىرۋ سياقتىلاردى كورنەكتى مىقتى يگەرۋ كەرەك.
قاتاڭ باسقارۋ، پارتيا ۇيىمىنىڭ رولىن ساۋلەلەندىرۋ كەرەك
جاڭ چۇنشيان بىلاي دەپ باسا دارىپتەدى: قاتاڭ باسقارۋ، پارتيا ۇيىمىنىڭ رولىن ساۋلەلەندىرۋ كەرەك. كادرلاردى باسقارۋدى كۇشەيتۋ، ياعني «1 - باسشىنىڭ» باستاماشىلدىق، ۇلگىلىك رولىن ساۋلەلەندىرۋمەن بىرگە، ونان دا ماڭىزدىسى، پارتيا ۇيىمىنىڭ رولىن ساۋلەلەندىرۋ كەرەك. ءار دارەجەلى كادرلاردىڭ ۇيىمدىق تانىمىن، ءتارتىپ تانىمىن كۇشەيتىپ، كادرلاردى قاتاڭ باسقارۋ، باتىل باسقارۋ كەرەك. ءار دارەجەلى پارتيا ۇيىمى پارتيالى كادرلارعا باعىتتالعان ءتالىم - تاربيەنى كۇشەيتىپ، قاتاڭ باسقارۋ ارقىلى كادرلاردىڭ مىنەز - قۇلقىن شىڭداپ، كۇرەس جىگەرىن جانىپ، جالىنداعان ىسكەرلىك ىنتا، قالتقىسىز رۋح، تايسالماس قايرات - جىگەردى جۇمىلدىرىپ، «قۇلشىنعاندا عانا وزگەرىس بولادى، قۇلشىنساق بولعانى وزگەرتە الامىز» دەگەنگە تاباندى بولىپ، سۋبيەكتتىك رولدى مۇمكىندىكتىڭ بارىنشا تىڭعىلىقتى ساۋلەلەندىرىپ، باتىلدىقپەن مىقتى يگەرىپ، جاقسى باستاپ تابىسپەن اياقتاتىپ، ءداۋىر جۇكتەگەن بورىشتى ويداعىداي وتەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى ءارى جاڭ چۇنشيان شۋجيدىڭ ماڭىزدى ءسوزىنىڭ رۋحىن دايەكتى تياناقتاندىرۋ جونىندە تالاپتار قويدى. ول بىلاي دەدى: ءبىز پارتيا ورتالىق كوميتەتىنىڭ شينجياڭداعى ءار ۇلت كادر - جۇرتشىلىعىنا دەگەن ىستىق ىقىلاسى مەن قالتقىسىز قامقورلىعىن تەرەڭ ءتۇيسىنىپ، اۆتونوميالى رايوندىق پارتكومنىڭ حالىقشىل پەيىلىن تەرەڭ ءتۇسىنىپ، ورتالىق پەن اۆتونوميالى رايوندىق پارتكومنىڭ وڭتۇستىك شينجياڭنىڭ 3 ايماق، ءبىر وبلىسى مەن نەگىزگى ساتىعا دەگەن ايرىقشا قامقورلىعىن شىنايى سەزىنىپ، پارتيا ورتالىق كوميتەتىنىڭ قامقورلىعىن قىزمەتتى تىڭعىلىقتى جاقسى ىستەۋدىڭ قۇدىرەتتى قوزعاۋشى كۇشىنە اينالدىرۋىمىز كەرەك. اۆتونوميالى رايوندىق پارتكومنىڭ قىزمەت ورنالاستىرۋلارىن باتىل دايەكتى تياناقتاندىرىپ، لاڭكەستىككە قارسى تۇرىپ، ورنىقتىلىقتى قورعاۋ قىزمەتىن ۇزدىكسىز نىعايتۋىمىز، ورتالىق پەن اۆتونوميالى رايوندىق پارتكومنىڭ ۇلت قىزمەتى جونىندەگى ورنالاستىرۋلارىن مۇقيات تياناقتاندىرىپ، ۇلتتار ىنتىماعى قىزمەتىن ونان ارى جاقسى ىستەۋىمىز كەرەك؛ دامۋدى تاباندىلىقپەن جەدەلدەتىپ، ەكونوميكانىڭ ورنىقتى ارتۋىنا شىنايى كەپىلدىك ەتۋىمىز كەرەك؛ حالىق تۇرمىسى قۇرىلىسىن تىڭعىلىقتى جەبەپ، حالىققا تيىمدىلىك جاساۋ ساياساتتارىن شىنايى دايەكتى تياناقتاندىرىپ، قازىرگى ءتۇيىندى قىزمەتتەردى كۇش سالا مىقتى يگەرۋىمىز كەرەك.
نايىم ياسىن، چى جۇن، حان يۇڭ، حۋاڭ ۋي، جۋ حايلۇن، باي جىجيە، ەركىنجان تۇراحۇن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، ءوندىرىس - قۇرىلىس بيڭتۋانىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ باسشىلارى ماجىلىسكە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
