- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ شينجياڭنىڭ گۇما اۋدانىنداعى 6.5 بال جەر سىلكىنگەن ءوڭىردىڭ قالپىنا كەلتىرۋ، قايتا قۇرۋ قىزمەتى جونىندە ماڭىزدى نۇسقاۋ بەردى
اپات تۋىلعان ءوڭىردىڭ ءوندىرىسىن قالپىنا كەلتىرۋىنە، اتا مەكەندى قايتا قۇرۋىنا قولداۋ كورسەتۋدى ماڭىزدى مىندەت رەتىندە يگەرىپ، اپاتقا ۇشىراعان بۇقارانىڭ قىستان امان وتۋىنە كەپىلدىك ەتۋدى تالاپ ەتتى
لي كىچياڭ اپات تۋىلعان ءوڭىردىڭ قايتا قۇرۋ قىزمەتىە بەكىتۋ جازدى
2015.07.24 16:41 كەلۋ قاينارى : حالىق تورابى
شينحۋا اگەنتتىگى، 23 – شىلدە، بەيجيڭ. جۋىقتا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭ ۇيعۇر اۆتونوميالى رايونى حوتان ايماعى گۇما اۋدانىنداعى جەر سىلكىنگەن ءوڭىردىڭ ءوندىرىسىن قالپىنا كەلتىرۋ، اتا مەكەندى قايتا قۇرۋ قىزمەتى جونىندە ماڭىزدى بەكىتۋ جازدى. بەكىتپەدە بىلاي دەپ اتاپ كورسەتىلدى: شينجياڭنىڭ گۇما اۋدانىندا 3 - شىلدەدە جەر سىلكىنگەننەن كەيىن، شينجياڭ ۇيعۇر اۆتونوميالى رايوندىق پارتكوم مەن حالىق ۇكىمەتى ءار ۇلت كادرلارى مەن بۇقارانى جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە بەلسەنە ات سالىسۋعا ۇيىمداستىرىپ، اپات زيانىن بارىنشا ازايتتى. بۇل جولعى جەر سىلكىنىسىندە ءولىم - ءجىتىم بولىپ، نەگىزدىك قۇرىلعىلار جانە تۇرعىن ۇيلەر اۋىر دارەجەدە ءبۇلىنىپ، حالىق بۇقاراسىنىڭ ءوندىرىسى مەن تۇرمىسىنا اۋىر قيىنشىلىقتار تۋدىردى، اسىرەسە، اپات تۋىلعان وڭىردە از ۇلت بۇقاراسى شوعىرلى ورنالاسقان، جاراتىلىستىق شارت - جاعدايى ناشار، كەدەي جان سانى كوپ، ءوندىرىس ارقىلى ءوزىن قۇتقارۋ جانە ءوندىرىستى قالپىنا كەلتىرۋ، اتا مەكەندى قايتا قۇرۋ قابىلەتى ءالسىز. بەكىتۋدە مىنالار تالاپ ەتىلدى: پارتيا ورتالىق كوميتەتى، مەملەكەتتىك كەڭەس جانە قاتىستى تاراۋلار اپات تۋىلعان ءوڭىردىڭ ءوندىرىسىن قالپىنا كەلتىرۋ، اتا مەكەندى قايتا قۇرۋ جۇمىسىنا قولداۋ كورسەتۋ مەن كومەكتەسۋدى ۇلتتار ىنتىماعىن نىعايتۋدىڭ، شەكارا ءوڭىردىڭ ورنىقتىلىعىن قورعاۋدىڭ، از ۇلتتاردىڭ كەدەيلىكتەن قۇتىلۋ قادامىن، جەرگىلىكتى ورىننىڭ ەكونوميكالىق، قوعامدىق دامۋىن جەدەلدەتۋدىڭ ماڭىزدى مىندەتى رەتىندە يگەرۋى كەرەك. ەرەكشە قولداۋ كورسەتۋى، اۋەلى، قىس كىرۋدەن ىلگەرى اپاتقا ۇشىراعان بۇقارانىڭ تۇرعىن ءۇي ماسەلەسىن شەشىپ، ولاردىڭ قىس قىرىنان امان وتۋىنە كەپىلدىك ەتۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، قاتىستى تاراۋلاردان گۇما اۋدانىنداعى اپات تۋىلعان ءوڭىردىڭ ءوندىرىسىن قالپىنا كەلتىرۋىنە، اتا مەكەندى قايتا قۇرۋىنا قولداۋ كورسەتۋگە قاتىستى شارالاردى تەز ارادا اقىلداسىپ، اتقارۋدى، اسىرەسە، اپاتقا ۇشىراعان ءار ۇلت بۇقاراسىن ۋاقىتشا ورنالاستىرۋ جانە قىستان وتەتىن تۇرعىن ءۇي قۇرىلىسى جۇمىسىن ءتۇيىندى، ويداعىداي ىستەۋدى، ءالسىز بۋىندى كۇشەيتۋ ارقىلى شينجياڭنىڭ اپاتتان ساقتانۋ، اپات زيانىن ازايتۋ جانە اپاتقا ۇشىراعانداردى ورنالاستىرۋ قۋاتىن جوعارىلاتۋدى تالاپ ەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
