- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
فان چاڭلۇڭ باتىس بولىك سوعىستىق رايونىنىڭ شەكارا قورعانىس بولىمدەرىندە تەكسەرۋ - زەرتتەۋ جۇرگىزگەندە
ارميانى قۇدىرەتتەندىرۋ نىساناسىن ىسكە اسىرۋدى نازاردا ۇستاپ، شەكارا قورعانىسى قۇرىلىسىن جاپپاي كۇشەيتىپ، وتاندى قورعاۋ جانە شەكارانى كۇزەتۋ بورىشى مەن
مىندەتىن اتقارۋ قابىلەتىن ءونىمدى تۇردە جوعارىلاتۋدى باسا دارىپتەدى
2016.08.29 11:07 كەلۋ قاينارى : شينجياڭ گازەتى
شينحۋا اگەنتتىگىنىڭ 26 - تامىزدا لحاسادان بەرگەن حابارى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى فان چاڭلۇڭ جۋىقتا شينجياڭداعى، شيزاڭداعى شەكارا قورعانىس بولىمدەرىندە تەكسەرۋ - زەرتتەۋ جۇرگىزگەندە، قارلى ۇستىرتتەن تابان اۋدارماي، وتان كۇزەتىندە تۇرعان بارلىق كوماندير - جاۋىنگەرلەرگە ءتوراعا شي جينپيڭ مەن ورتالىق اسكەري ىستەر كوميتەتى اتىنان وسكەلەڭ قۇرمەت ءبىلدىرىپ، شىن جۇرەكتەن سالەم ايتتى، ءتوراعا شي جينپيڭنىڭ ماڭىزدى شەشىم، نۇسقاۋلارىنىڭ رۋحىن باتىل دايەكتىلەندىرىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ىسكە اسىرۋدى نازاردا ۇستاپ، تاڭداۋلى ءداستۇردى بار كۇشپەن ساۋلەلەندىرىپ، شەكارا قورعانىس بولىمدەرىنىڭ قۇرىلىسى مەن رەفورماسىن جاپپاي كۇشەيتىپ، بورىش پەن مىندەتتى اتقارۋ قابىلەتىن ۇزدىكسىز جوعارىلاتىپ، باتىس بولىكتەگى شەكارانىڭ حاۋىپسىزدىگى مەن ورنىقتىلىعىن باتىل قورعاۋدى باسا دارىپتەدى.
فان چاڭلۇڭ مىنانى باسا دارىپتەدى: شەكارا قورعانىس بولىمدەرىنىڭ ورنى ماڭىزدى، بورىشى داڭقتى، جاۋاپكەرشىلىگى اۋىر، سوندىقتان ارميانى قۇدىرەتتەندىرۋ نىساناسىن بەرىك ارقاۋ ەتىپ، روتا - بولىمشەلەردى نىعايتىپ، ارميانىڭ ساياسي قۇرىلىسىن كۇشەيتۋ، ارميانى رەفورما ارقىلى قۇدىرەتتەندىرۋ، ارميانى زاڭمەن جونگە سالۋدى تىڭعىلىقتى ىلگەرىلەتىپ، اسكەرلەردى جاتتىقتىرۋ مەن سوعىسقا ازىرلەنۋدى كۇشەيتىپ، شولعىنداۋ، كۇزەتۋ جانە جاۋىنگەرلىك جاتتىعۋ سياقتى مىندەتتەردى باتىل ورىنداۋ قاجەت. پارتيانىڭ جاسامپاز نازاريالارىمەن ۇزدىكسىز قارۋلانىپ، ءتوراعا شي جينپيڭنىڭ ماڭىزدى سوزدەرىن، اسىرەسە، قورعانىس پەن ارميا قۇرىلىسى تۋرالى ماڭىزدى بايىمداۋلارىن ويداعىداي ۇيرەنىپ، «ەكىنى ۇيرەنۋ، ءبىر بولۋ» ۇيرەنۋ تاربيەسى مەن ارميانى رەفورما ارقىلى قۇدىرەتتەندىرۋ ارناۋلى تاربيە قيمىلىن ويداعىداي ورىستەتىپ، ساياسي تانىمدى، جالپى جاعداي تانىمىن، ۇيتقىلىق تانىمدى، ساپ تۇزەۋ تانىمىن كۇشەيتىپ، شەكارانى كۇزەتۋ، پارتياعا ادال بولۋ تالابىن باتىل ورىنداۋ قاجەت. شەكارا قورعانىسى قىزمەتىن ساياسي جانە جالپى جاعداي تۇرعىسىنان جاقسى ىستەپ، شەكارا قورعانىسىن باقىلاۋ - باسقارۋ ساياساتتارى مەن بەلگىلەمەلەرىن قاتاڭ تياناقتاندىرىپ، ءتۇرلى جاعدايدى بەلسەندى، بايىپتى تۇردە شەشىپ، تەرريتوريا يەلىك ۇقىعىن جانە شەكارا قورعانىسىنىڭ تۇراقتىلىعىن باتىل قورعاۋ كەرەك. ارميانى رەفورما ارقىلى قۇدىرەتتەندىرۋ ستراتەگيالىق يدەياسىن تەرەڭ ءتۇسىنىپ، قالىڭ كوماندير - جاۋىنگەرلەردى رەفورمانى قورعاۋعا، قولداۋعا، رەفورماعا ات سالىسۋعا جەتەكتەۋ كەرەك. ارميانى زاڭمەن جونگە سالۋ، ارميانى قاتاڭ جونگە سالۋدى كۇشەيتىپ، بۇيرىق، ەرەجە، بەلگىلەمە، تۇزىمدەردى بۇلجىتپاستان اتقارىپ، اسكەري ءبولىمدى قاتاڭ باسقارىپ، ءتارتىپ قۇرىلىسىن كۇشەيتىپ، اسكەري ءبولىمنىڭ رەسمي ءتارتىبىن ساقتاۋ كەرەك. قاي - قاشان دا وسكەلەڭ ۇلەسكەرلىك رۋح پەن قاجىرلىلىقپەن كۇرەس جۇرگىزەتىن ىسىلعان ستيلدى ساقتاپ، اسكەري ءبولىمنىڭ ستيلىن كىرشىكسىزدەندىرىپ، كومانديرلار مەن جاۋىنگەرلەردىڭ قاتىناسىن نىعايتىپ، اسكەري ءبولىمنىڭ ايباتىن اسىرىپ، بەرەكەسىن بەكەمدەپ، ستيلىن دۇرىستاپ، كوماندير - جاۋىنگەرلەردى شەكارا وڭىرگە تامىر تارتۋعا، شەكارا ءوڭىردى قورعاۋعا، شەكارا وڭىرگە ۇلەس قوسۋعا، شەكارا ءوڭىردى گۇلدەندىرۋگە جەتەكتەۋ كەرەك.
فان چاڭلۇڭ مىنالاردى اتاپ كورسەتتى: باتىس بولىك سوعىستىق رايونى شەكارا قورعانىس بولىمدەرى تۇرعان جەرلەردىڭ جاعدايى جاپالى، جاراتىلىستىق ورتاسى ناشار، مىندەتتەر جاپالى دا اۋىر. شەكارا قورعانىسىن بەكەمدەۋ مەن شەكارالىق وڭىرلەردىڭ باياندى تىنىشتىعىنا نازار اۋدارىپ، شەكارا قورعانىسى بويىنشا جاۋىنگەرلىك دايىندىق، جاتتىعۋ، قىزمەت جانە تۇرمىس قۇرىلعىلارى قۇرىلىسىن كۇشەيتىپ، كوماندير - جاۋىنگەرلەردىڭ ماتەريالدىق تۇرمىس جاعدايىن جاقسارتۋ قاجەت. ءار دارەجەلى ورىندار ءبىرىنشى شەپتەگى كوماندير - جاۋىنگەرلەرگە كوڭىل ءبولىپ جانە قامقورلىق جاساپ، ولاردىڭ جاعدايىن ەستەن شىعارماي، شەكارا قورعانىسى ءۇشىن بەلسەندىلىكپەن ناقتى، جاقسى ىستەر ىستەپ جانە قيىنشىلىقتاردى شەشىپ، كوماندير - جاۋىنگەرلەردىڭ وتتەگىمەن تىنىستاۋىنا، جاس كوكونىستەر تۇتىنۋىنا، اۋىرسا دەر كەزىندە ەمدەلۋىنە، وتباسىندا قيىنشىلىق بولسا كومەك - جاردەمگە يە بولۋىنا كەپىلدىك بەرىپ، شەكارا قورعانىس بولىمدەرىنىڭ ساياسيدا تاباندى، يدەيادا تۇراقتى بولۋىن، جاپپاي ىسىلۋىن قامتاماسىز ەتۋ قاجەت.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
