- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
20 ەل توبىنىڭ حاڭجوۋ باسشىلار ءماجىلىسى وتكىزىلدى
مەملەكەت ءتوراعاسى شي جينپيڭ ءماجىلىستى باسقاردى ءارى اشىلۋ سالتىنا ارناپ ءسوز سويلەدى
2016.09.05 16:49 كەلۋ قاينارى : حالىق تورابى
مەملەكەت ءتوراعاسى شي جينپيڭ ءماجىلىستى باسقاردى ءارى اشىلۋ سالتىنا ارناپ ءسوز سويلەدى. سۋرەتتە: 20 ەل توبىنداعى مۇشە ەلدەردىڭ جانە سيلى قوناق ەلدەرىنىڭ، قاتىستى حالىقارالىق ۇيىمداردىڭ جاۋاپتىلارى توپتىق سۋرەتكە تۇسۋدە. سۋرەتتى شينحۋا اگەنتتىگىنىڭ ءتىلشىسى پاڭ شيڭلي تۇسىرگەن.
«حالىق گازەتى»، 4 – قىركۇيەك، حاڭجوۋ (تىلشىلەر ۋ چيمين، ۋاڭ شيپيڭ، جياۋ شياڭ). 20 ەل توبىنا مۇشە ەلدەر باسشىلارىنىڭ 11 – ءماجىلىسى 4 – قىركۇيەكتە حاڭجوۋداعى حالىقارالىق كورمە ورتالىعىندا وتكىزىلدى. مەملەكەت ءتوراعاسى شي جينپيڭ ءماجىلىستى باسقاردى ءارى باستالۋ ءسوزىن سويلەدى. شي جينپيڭ مىنالاردى دارىپتەدى: قازىرگى سايىستارعا قاراتا 20 ەل توبى داۋىرمەن بىرگە العا باسۋى، اقىل – پاراسات پەن ءىس – ارەكەتتى ۇشتاستىرۋى، بىرگە كوركەيتىپ، ورتاق يگىلىكتەنۋى، جاپا – ماشاقاتتا بىرگە بولۋى، دۇنيە ءجۇزى ەكونوميكاسىنىڭ گۇلدەنۋى مەن ورنىقتىلىعى ءۇشىن ۇلى بەتالىستى جاقسى مەڭگەرىپ، دۇنيە ءجۇزى ەكونوميكاسىنىڭ پارمەندى، باياندى، بارابار، قامتىمدى ارتۋ جولىنا ءتۇسۋىن ىلگەرىلەتۋى كەرەك.
تۇستەن كەيىنگى ساعات 3 مولشەرىندە 20 ەل توبىنا مۇشە ەلدەر مەن سيلى قوناق ەلدەرىنىڭ باسشىلارى، قاتىستى حالىقارالىق ۇيىمداردىڭ جاۋاپتىلارى ءماجىلىس زالىنا ىركەس – تىركەس كەلدى، قوناق يەسى شي جينپيڭ ولارمەن ءبىر – بىردەن قول الىسىپ اماندىق سۇراستى، سودان كەيىن كوپشىلىك توپتىق ەستەلىك سۋرەتكە ءتۇستى.
ساعات 3 تەن 30 مينۋت وتكەندە شي جينپيڭ اعاش بالعانى تىق ەتكىزىپ، باسشىلار ءماجىلىسىنىڭ باستالعانىن جاريالادى.
شي جينپيڭ باستالۋ سوزىندە بىلاي دەپ اتاپ كورسەتتى: قازىر دۇنيە ءجۇزى ەكونوميكاسى جالپى جاقتان ءالى دە قالپىنا كەلۋ كۇيىن ساقتاعانىمەن، ارتۋعا قاجەتتى قوزعاۋشى كۇشتىڭ جەتكىلىكسىز بولۋى، سۇرانىستىڭ سەرپىلمەۋى، فينانس بازارىنىڭ اۋمالى – توكپەلى بولۋى، حالىقارالىق ساۋدا مەن قارجى قوسۋدىڭ ۇزدىكسىز توقىراۋى سياقتى كوپ ءتۇرلى قاتەر مەن سىناققا تاپ بولىپ وتىر. حالىقارالىق قوعام 20 ەل توبىنا ۇمىتپەن قاراپ، وسى رەتكى باسشىلار ماجىلىسىنە ۇلكەن تىلەك ارتۋدا. حاڭجوۋ باسشىلار ءماجىلىسىنىڭ دۇنيە ءجۇزى ەكونوميكاسىنا ۇستىنەن وڭاۋ مەن تۇبىرىنەن وڭاۋعا بىردەي ءمان بەرىلگەن جانە جالپىلىق شارالارعا نەگىزدەلگەن ادىستەر ۇسىنىپ، دۇنيە ءجۇزى ەكونوميكاسىنىڭ پارمەندى، باياندى، بارابار، قامتىمدى ارتۋ جولىنا تۇسۋىنە مۇمكىندىك تۋدىرۋىن ءۇمىت ەتەمىز.
شي جينپيڭ دۇنيە ءجۇزى ەكونوميكاسى ءدوپ كەلىپ وتىرعان سىن – سايىسقا توتەپ بەرۋ جونىندە 5 ءتۇرلى قۋاتتاماسىن العا قويدى.
ءبىرىنشى، ءبىز ماكرولىق ەكونوميكالىق ساياساتتاردى سايكەستىرۋدى كۇشەيتىپ، دۇنيە ءجۇزى ەكونوميكاسىنىڭ ارتۋىن جۇمىلا جەبەپ، فينانس ورنىقتىلىعىن قورعاۋعا ءتيىسپىز.
ەكىنشى، ءبىز دامۋ ءتاسىلىن جاڭالاپ، ارتۋدىڭ قوزعاۋشى قۋاتىن اشۋعا ءتيىسپىز. ساياسات جونىندەگى وي جۇلگەسىن رەتتەپ، قىسقا مەرزىمدى ساياسات پەن ورتا، ۇزاق مەرزىمدى ساياساتتارعا بىردەي ءمان بەرۋدى، قاجەتسىنۋ جاعىنداعى باسقارۋ مەن قامداۋ جاعىنداعى رەفورماعا قاتار نازار اۋدارۋدى ىسكە اسىرۋىمىز كەرەك.
ءۇشىنشى، ءبىز دۇنيە ءجۇزى ەكونوميكاسىن جونگە سالۋدى كەمەلدەندىرىپ، تۇزىلىستىك قامتاماسىزداندىرۋدى بەكدەمدەۋگە ءتيىسپىز. حالىقارالىق اقشا – فينانس جۇيەسىن ۇزدىكسىز كەمەلدەندىرىپ، حالىقارالىق فينانس قۇرىلىمدارىنىڭ جونگە سالۋ قۇرىلىمىن جاقسارتىپ، دۇنيە جۇزىلىك فينانستىڭ حاۋىپسىزدىك تورابىن كەمەلدەندىرىپ، دۇنيە ءجۇزى ەكونوميكاسىنىڭ حاۋىپ – قاتەرگە قارسىلىق قۋاتىن جوعارىلاتۋىمىز كەرەك.
ءتورتىنشى، ءبىز اشىق دۇنيە ءجۇزى ەكونوميكاسىن گۇلدەندىرىپ، ساۋدا مەن قارجى قوسۋدىڭ ىرىقتىلىققا يە بولۋى مەن جەڭىلدەنۋىن ۇزدىكسىز ىلگەرىلەتۋگە ءتيىسپىز. جاڭا قورعانىمپازدىق شارالاردى اتقارماۋ تۋراسىنداعى ۋادەنى بەرىك ساقتاپ، قارجى قوسۋ ساياساتىن ۇيلەستىرۋ ماقساتىنداعى سەلبەستىكتى نىعايتىپ، ناقتى ارەكەت قولدانۋ ارقىلى ساۋادنىڭ ارتۋىن ىلگەرىلەتۋىمىز كەرەك.
بەسىنشى، ءبىز 2030 – جىلعا دەيىنگى باياندى دامۋ كۇن تارتىپتەرىن تياناقتاندىرىپ، قامتىمدى دامۋدى جەبەۋگە ءتيىسپىز. بيىل ءبىز دامۋدى 20 ەل توبىنىڭ كەڭەستىك تارتىبىندە كورنەكتى ورىنعا قويىپ، 2030 – جىلعا دەيىنگى باياندى دامۋ كۇن تارتىپتەرىن بەلسەندىلىكپەن تياناقتاندىرۋعا ءبىر اۋىزدان ۋادەلەستىك ءارى ارەكەت جوسپارىن جاسادىق. سونىمەن بىرگە ءبىز افريكا مەن ەڭ دامىماعان ەلدەردىڭ ونەركاسىپتەنۋىنە قولداۋ كورسەتۋ سياقتى تاسىلدەرمەن دۇنيە جۇزىلىك دامۋداعى ادىلەتسىزدىك پەن تەڭسىزدىكتى ازايتىپ، ءار ەلدەگى حالىقتىڭ دۇنيە ءجۇزى ەكونوميكاسىنىڭ ارتۋ تابىسىنان بىرگە يگىلىكتەنۋىنە مۇمكىندىك تۋدىرامىز.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
