- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيانى جاپپاي قاتاڭ جونگە سالۋ پارمەندى باسشىلىق قۋاتىن قالىپتاستىرۋدىڭ تابيعي تالابى
2016.11.02 10:48 كەلۋ قاينارى : شينجياڭ گازەتى
− ج ك پ 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ تۋرالى (1)
مەملەكەتتى جونگە سالۋدا، الدىمەن پارتيانى جونگە سالۋ، پارتيانى جونگە سالۋدا، ءسوز جوق، قاتاڭ بولۋ كەرەك. پارتيانى جاپپاي قاتاڭ جونگە سالۋ − پارتيا 18 - قۇرىلتايىنان بەرى پارتيا ورتالىق كوميتەتىنىڭ پارتيا قۇرىلىسىن مىقتى يگەرۋدەگى ايقىن تاقىرىبى.
جاقىندا عانا جابىلعان پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانى جاپپاي قاتاڭ جونگە سالۋدا ءدوپ كەلگەن جاعداي مەن مىندەتكە جان - جاقتى تالداۋ جاساپ، سوڭعى جىلداردان، اسىرەسە، پارتيا 18 - قۇرىلتايىنان بەرگى پارتيانى جاپپاي قاتاڭ جونگە سالۋ نازارياسى مەن امالياتىن جۇيەلى قورىتىندىلاپ، «جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەر» مەن «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسىن» قاراپ، ماقۇلداپ، جاڭا جاعدايدا پارتيا قۇرىلىسىن كۇشەيتۋ جونىندە تىڭ كەلەلى ورنالاستىرۋ جاسادى. مىنە بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋدى بۇلجىتپاي ىلگەرىلەتۋدەگى بەرىك بەكىمى مەن تاريحي جاۋاپكەرلىگىن، بۇكىل پارتيانىڭ ورتاق ءۇنىن ايگىلەدى. التىنشى جالپى ءماجىلىستىڭ رۋحىن ۇيرەنۋدە، دايەكتىلەندىرۋدە، پارتيانى جاپپاي قاتاڭ جونگە سالۋدى، ءسوز جوق، اناعۇرلىم ىشكەرىلەي تانىپ جانە يگەرىپ، پارتيانى جاپپاي قاتاڭ جونگە سالۋدى بۇلجىتپاي ىلگەرىلەتۋ كەرەك.
پارتيا 18 - قۇرىلتايىنان بەرگى پارتيانى جاپپاي قاتاڭ جونگە سالۋ امالياتىنان الىپ قاراعاندا، تەتىك «قاتاڭ بولۋدا». مۇنى، باستىسى، مىناداي 6 جاقتان جيناقتاۋعا بولادى: يدەيانى يگەرۋدە قاتاڭ بولۋ، بۇكىل پارتيادا مۇرات - سەنىمدە بەرىك بولۋ تاربيەسىن جۇرگىزۋگە، جەتەكشىلىك ەتۋگە كۇش سالىپ، «4 سەنىمدى» كۇشەيتۋ. پارتيانى باسقارۋدى يگەرۋدە قاتاڭ بولۋ، بۇكىل پارتيانىڭ ساياسي تانىمدى، جالپى جاعداي تانىمىن، ۇيتقىلىق تانىمدى، ساپ تۇزەۋ تانىمىن كۇشەيتۋىنە جەتەكشىلىك ەتىپ، ءار دارەجەلى پارتيا ۇيىمدارىنىڭ پارتيانى باسقارۋ، پارتيانى جونگە سالۋ تانىمى مەن قابىلەتىن ۇزدىكسىز كۇشەيتۋ. ءتارتىپتى اتقارۋدى يگەرۋدە قاتاڭ بولۋ، ءتارتىپتى الدىڭعى ورىنعا قويۋدان جازباي، پارتيانىڭ ساياسي ءتارتىبى مەن ساياسي قاعيداسىن ايقىنداپ، بۇكىل پارتيانىڭ ىنتىماقتى بىرلىگى مەن اياق الىسىنىڭ بىركەلكىلىگىنە كەپىلدىك ەتۋ. قىزمەتكەرلەردى جونگە سالۋدى يگەرۋدە قاتاڭ بولۋ، ادام ىستەتۋ جاعىنداعى بۇرىس ستيلدى بارىنشا وڭاپ، ادام تاڭداۋ، ادام ىستەتۋ ورتاسىن ساپالىلاندىرۋ. ستيلدى يگەرۋدە قاتاڭ بولۋ، بۇرىن شەشىلمەيدى دەپ كەلگەن ماسەلەلەردى بارىنشا شەشىپ، پارتيا ستيلى مەن ۇكىمەت ستيلىنىڭ ۇزدىكسىز جاقسارۋىن جەبەۋ. جەمقورلىققا قارسى تۇرۋدى يگەرۋدە قاتاڭ بولۋ، «جولبارىس» پەن «شىبىندى» قاتار سوعۋدان جازباي، ءتۇزىم قاپاسىن بارىنشا بەرىكتەۋ. 3 جىلدان استام ۋاقىتتان بەرى، پارتيانى جاپپاي قاتاڭ جونگە سالۋدا وراسان زور وزگەرىستەر تۋىلدى، پارتيا ستيلىندە، ۇكىمەت ستيلىندە، الەۋمەتتىك ستيلدە جارىققا شىققان جاڭا سالت پارتيا مەن حالىقتىڭ سەنىمىنە يە بولىپ، پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋ ستراتەگيالىق شەشىمىنىڭ مۇلدە دۇرىس ەكەندىگىن تولىق ايگىلەپ، پارتيا مەن مەملەكەت ىستەرىنىڭ دامۋىنا قۇدىرەتتى كۇش - قۋات توپتادى، پارتيا مەن مەملەكەت ىستەرىندە جاڭا جاعداي اشۋعا پارمەندى كەپىلدىك ەتتى.
«جۇڭگونىڭ ىستەرىن تىندىرىمدى ىستەۋدىڭ تەتىگى پارتيادا، پارتيانى پارتيا باسقارۋدا، پارتيانى قاتاڭ جونگە سالۋدا». بۇكىل پارتيا مىنانى، ءسوز جوق، جەتە تانۋى كەرەك: پارتيانى باسقارۋ تەبىنى جەتەرسىز، پارتيانى جونگە سالۋ قاتاڭ بولمايدى ەكەن، حالىق بۇقاراسىنىڭ اڭىسى كۇشتى بولعان كورنەكتى قايشىلىقتار مەن ماسەلەلەر دەر كەزىندە شەشىلمەيدى، پارتيامىزدىڭ بيلىك جۇرگىزۋى قاتاڭ سىن - سايىسقا ءدوپ كەلەدى. سول سياقتى ەگەر ءبىز العاشقى قادامدا شەشىلگەن ماسەلەلەردى قايتادان تۋدىرىپ، ءورشىتىپ الساق، وندا حالىقتىڭ سەنىمىنەن ايرىلامىز، پارتيامىز ءتىپتى دە زور قاتەرگە ءدوپ كەلەدى. پارتيانى جاپپاي قاتاڭ باسقارۋ جان - جاقتى كۇش شىعارۋعا ءارى ءتۇيىندى تۇردە كۇش سالۋعا مۇقتاج. پارتيانىڭ ىشكى ساياسي تۇرمىسىن كۇشەيتۋ جانە جۇيەلىلەندىرۋ، پارتيا ىشىندەگى باقىلاۋدى كۇشەيتۋ − جاڭا جاعدايدا پارتيا قۇرىلىسىن كۇشەيتۋدەگى ماڭىزدى تاقىرىپ ءارى پارتيانى جاپپاي قاتاڭ جونگە سالۋدى ىلگەرىلەتۋدەگى ماڭىزدى ءتۇيىن. جالپى ءماجىلىس قاراپ ماقۇلداعان پارتيانىڭ ىشكى ساياسي تۇرمىسى جونىندەگى ولشەمدەردە، پارتيانى باسقارۋ، پارتيانى جونگە سالۋ جاعىنداعى كەڭ، بوس، جۇمساق بولۋ قۇبىلىستارىن تۇزەپ، پارتيا باسشىلىعىنىڭ پارمەندى بولۋىن قامتاماسىز ەتۋ ءۇشىن، جاڭا جاعدايداعى پارتيا قۇرىلىسىنداعى تىڭ ەرەكشەلىكتەر نەگىزىندە، اتقارۋعا توتەنشە يكەمدى ساياسي پرينسيپتەر مەن ساياسي قاعيدالار تۇراقتاندىرىلىپ، 12 جاقتان ناقتى بەلگىلەمەلەر شىعارىلدى. پارتيانىڭ بيلىك جۇرگىزۋ ورنى پارتيا ىشىندەگى باقىلاۋدىڭ پارتيا مەن مەملەكەتتىڭ ءتۇرلى باقىلاۋ فورماسىندا ەڭ نەگىزگى، ماڭداي الدى ورىندى يەلەۋىن بەلگىلەگەن. جالپى ءماجىلىس قاراپ ماقۇلداعان پارتيا ىشىندەگى باقىلاۋ ەرەجەسى − جاڭا جاعدايدا پارتيا ىشىندەگى باقىلاۋدى كۇشەيتۋدىڭ جوعارى دەڭگەيدەگى جوباسى، ونىڭ دايەكتى اتقارىلۋىن، ءسوز جوق، مىقتى يگەرىپ، ءار دارەجەلى پارتيا ۇيىمدارى مەن پارتيا مۇشەلەرىنىڭ، كادرلاردىڭ ءىس - ارەكەتىن ارناعا تۇسىرۋدەگى قاتاڭ ەرەجەگە اينالدىرۋ كەرەك. ولشەم مەن ەرەجەنىڭ مازمۇن جاعىنداعى بىرلىگى، ءبىر - بىرىنە ساي كەلۋى پارتيانى جاپپاي قاتاڭ جونگە سالۋدى ىلگەرىلەتۋدىڭ ءتۇزىم، زاڭ - ەرەجە جاعىنداعى ماڭىزدى كەپىلى.
كەزەكتە ەلىمىز جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنە ءوتتى، جۇڭحۋا ۇلتى ۇلى گۇلدەنۋدەي شەشۋشى كەزەڭدە تۇر، ءار الۋان قايشىلىقتار قاباتتاسىپ، كومەسكى قاتەرلەر كوبەيدى، العا باسۋ جولىمىزدا سان قيلى كەدەرگىلەر جاتىر. پارتيانى اناعۇرلىم مىعىم كۇشكە يە ەتكەندە عانا، پارتيامىز حالىققا باسشىلىق ەتىپ، ماڭىزدى سىن - سايىستارعا، اۋىر حاۋىپ - قاتەرلەرگە توتەپ بەرىپ، ەلەۋلى كەدەرگىلەردى جەڭىپ، كۇردەلى قايشىلىقتاردى شەشىپ، ابزالدىلىققا، ىرىقتىلىققا، بولاشاققا قول جەتكىزەدى. پارتيانى جاپپاي قاتاڭ باسقارۋدى «4 تى جاپپاي ورىنداۋ» ستراتەگيالىق ورنالاستىرۋىنا ەنگىزۋ − تىڭ تاريحي شارت - جاعدايدا پارتيامىزدىڭ دۇنيە ءجۇزى جاعدايىنداعى، مەملەكەت جاعدايىنداعى، پارتيا جاعدايىنداعى وزگەرىستەرگە توتەپ بەرۋىنىڭ تابيعي تالعامى؛ پارتيانى جاپپاي قاتاڭ جونگە سالۋدى تاباندىلىقپەن ىشكەرىلەي ىلگەرىلەتۋ − پارتيامىزدىڭ جۇڭگوشا سوتسياليزم ىسىنە جەتەكشىلىك ەتەتىن پارمەندى كۇشكە اينالۋىنىڭ تابيعي تالابى. بۇكىل پارتياداعى جولداستار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جان - جاقتى ىشكەرىلەي دايەكتىلەندىرىپ، ساياسي تانىمدى، جالپى جاعداي تانىمىن، ۇيتقىلىق تانىمدى، ساپ تۇزەۋ تانىمىن مىقتاپ ورناتىپ، پارتيا ورتالىق كوميتەتىنىڭ بەت - بەدەلى مەن پارتيا ورتالىق كوميتەتىنىڭ ءبىر تۇتاس باسشىلىعىن مىزعىماي قورعاپ، پارتيانى جاپپاي قاتاڭ جونگە سالۋدى بارىنشا تەرەڭدەتەتىن بولسا، پارتيامىز حالىقتى ىنتىماقتاستىرا باستاپ، جۇڭگوشا سوتسياليزم ىسىندە، ءسوز جوق، جاڭا جاعداي اشىپ، تاريحقا، حالىققا تىڭ تاماشا جاۋاپ بەرەتىن بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
