- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ اۆتونوميالى رايوندىق 9 - قۇرىلتايىنا قاتىناسقان وبلىسقا توتە قاراستى ورىنداردىڭ ۋاكىلدەر ۇيىرمەسىندەگىلەر گرۋپپاعا ءبولىنىپ تالقى جۇرگىزدى، كوپشىلىك ءبىر اۋىزدان بىلاي دەپ قارادى: بايانداما - شينجياڭنىڭ ءىس جۇزىندىگىنە ۇيلەسەتىن، ادامعا شابىت بەرىپ، العا باسۋعا جەبەيتىن بايانداما بولدى
2016.11.01 13:46
ءتىلشىمىز لي شين - ان ۇرىمجىدەن حابارلايدى. قازاننىڭ 29 - كۇنى تۇستەن كەيىن ج ك پ اۆتونوميالى رايوندىق 9 - قۇرىلتايىنىڭ ءماجىلىس كۇن تارتىبىنە ساي، ءارقايسى ۋاكىلدەر ۇيىرمەسى چىن چۋانگونىڭ «شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىتپاي دايەكتى تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ جولىندا ىنتىماقتاسا كۇرەس جاسايىق» دەگەن تاقىرىپتا جاساعان قىزمەت بايانداماسىن گرۋپپالارعا ءبولىنىپ تالقىلادى.
وبلىسقا توتە قاراستى ورىنداردىڭ ۋاكىلدەر ۇيىرمەسى تالقىدا ءبىر اۋىزدان بىلاي دەپ قارادى: چىن چۋانگونىڭ قىزمەت بايانداماسى شينجياڭنىڭ ءىس جۇزىندىگىنە ۇيلەسەدى، ول - جان - جاقتى، ناقتى، ادامعا شابىت بەرەتىن، العا باسۋعا جەبەيتىن بايانداما، بايانداماعا بۇكىلدەي قوسىلامىز ءارى ونى قولدايمىز.
مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى ۇلتتىق ىستەر كوميتەتىنىڭ ورىنباسار مەڭگەرۋشى مۇشەسى، ج ك پ اۆتونوميالى رايوندىق 9 - قۇرىلتايىنا قاتىناسقان وبلىسقا توتە قاراستى ورىنداردىڭ ۋاكىلى اسحات كەرىمباي ۇلى وبلىسقا توتە قاراستى ورىنداردىڭ ۋاكىلدەر تالقىسىنا قاتىناسقاندا بىلاي دەدى: پارتيا قۇرىلتايىنىڭ بايانداماسى قوعام ورنىقتىلىعى مەن باياندى تىنىشتىق باس نىساناسىن جەتەكشى ەتۋدە تاباندى بولىپ، شينجياڭنىڭ الداعى بەس جىلداعى ءتۇرلى قىزمەتىنە ورنالاستىرۋ جاسادى. باياندامادا كوپتەگەن جاڭا يدەيا، جاڭا كوزقاراس، جاڭا شارالار العا قويىلدى، مۇنىڭ باعىتتامالىلىعى مەن قولدانۋ سيپاتى كۇشتى، بۇل شينجياڭنىڭ ورنىقتىلىعى مەن دامۋىنا قوزعاۋشى كۇش باعىشتايدى.
ج ك پ اۆتونوميالى رايوندىق 9 - قۇرىلتايىنا قاتىناسقان وبلىسقا توتە قاراستى ورىنداردىڭ ۋاكىلى، اۆتونوميالى رايوندىق ساياسي كەڭەس پارتگرۋپپاسىنىڭ شۋجيى، ءتوراعاسى نۇرلان ءابىلماجىن ۇلى بىلاي دەدى: پارتيا قۇرىلتايىنىڭ بايانداماسى ورتالىقتىڭ ءبىرقىدىرۋ ماجىلىستەرىنىڭ رۋحىن، باس شۋجي شي جينپيڭنىڭ جەلىلەس سوزدەرىنىڭ رۋحىن، پارتيا ورتالىق كوميتەتىنىڭ شينجياڭ قىزمەتى جونىندەگى ماڭىزدى ورنالاستىرۋلارىن دايەكتى تياناقتاندىردى. بايانداما شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جاعىنداعى ورنالاستىرۋلارىنىڭ ماڭىزدى ءمانىن تولىق ايگىلەدى. باياندامانىڭ تاقىرىبى ايقىن، شينجياڭنىڭ ءىس جۇزىندىگىنە جانە شينجياڭداعى ءار ۇلت بۇقاراسىنىڭ تىلەگىنە ۇيلەسەدى، بۇل ورتالىقتىڭ شينجياڭدى جونگە سالۋ جالپى جوباسىنىڭ داۋسىز دۇرىس ەكەندىگىن تولىق دالەلدەدى.
نۇرلان ءابىلماجىن ۇلى بىلاي دەپ اتاپ كورسەتتى: ءبىز پارتيا قۇرىلتايىنىڭ بايانداماسىن ويداعىداي ۇعىنىپ، ج ك پ اۆتونوميالى رايوندىق 9 - قۇرىلتايىنىڭ رۋحىن تياناقتاندىرۋعا بەرىك نەگىز قالاۋىمىز كەرەك. باس نىسانانىڭ تالابى بويىنشا يدەيانى، تانىمدى، اياق الىستى بىرلىككە كەلتىرىپ، شينجياڭدى جونگە سالۋ جالپى جوباسى مەن ج ك پ اۆتونوميالى رايوندىق 9 - قۇرىلتايىنىڭ ءتۇرلى ورنالاستىرۋلارىن ويداعىداي تياناقتاندىرۋىمىز كەرەك.
ورتالىق العا قويعان شينجياڭ قىزمەتىنىڭ باس نىساناسى _ قوعام ورنىقتىلىعى مەن باياندى تىنىشتىق دەگەندى قايتالاي جەتە تانىپ، قايتالاي ءتۇسىنىپ، شينجياڭنىڭ بارلىق قىزمەتىندە باس نىساناعا بويسۇنۋعا جانە وعان قىزمەت وتەۋگە كەپىلدىك ەتۋىمىز؛ باس نىسانانى جۇزەگە اسىرۋدىڭ نەگىزگى تالابىن ءدال يگەرىپ، باس نىسانانى توڭىرەكتەپ، باس نىسانادان كوز الماي، باس نىسانانى قۇلشىنا امالياتتا ايگىلەۋىمىز؛ اۆتونوميالى رايوندىق پارتكوم العا قويعان قوعام ورنىقتىلىعى مەن باياندى تىنىشتىقتى جۇزەگە اسىرۋ ماڭىزدى شاراسىن ىشكەرىلەي دايەكتى تياناقتاندىرىپ، ورتالىقتىڭ، اۆتونوميالى رايوننىڭ ساياسات - تالاپتارىنىڭ بۇكىلدەي تياناقتانۋىنا كەپىلدىك ەتۋىمىز كەرەك.
ج ك پ اۆتونوميالى رايوندىق 9 - قۇرىلتايىنا قاتىناسقان وبلىسقا توتە قاراستى ورىنداردىڭ ۋاكىلى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى مانەن زەينەل ۇلى بىلاي دەدى: قوعام ورنىقتىلىعى مەن باياندى تىنىشتىق باس نىساناسى پارتيا قۇرىلتايى بايانداماسىنىڭ تۇتاس مازمۇنىمەن ساباقتاسىپ، شينجياڭ قىزمەتىن اناعۇرلىم ويداعىداي ىستەۋ جونىندە رەال جانە تەرەڭ مانگە يە ايقىن باعدار، نەگىز كورسەتتى. كەلەسى باسقىشتا باياندامانىڭ رۋحي ءمانىن مۇقيات ۇيرەنىپ، ىشكەرىلەي ۇعىنىپ، يدەيانى ونان ارى ازات ەتىپ، يدەيانى ورتالىقتىڭ، اۆتونوميالى رايوننىڭ شەشىم - ورنالاستىرۋلارىمەن بىرلىككە كەلتىرىپ، ءىس جۇزىندىكپەن بىرلەستىرە وتىرىپ، مۇقيات دايەكتى تياناقتاندىرۋ كەرەك.
ج ك پ اۆتونوميالى رايوندىق 9 - قۇرىلتايىنا قاتىناسقان وبلىسقا توتە قاراستى ورىنداردىڭ ۋاكىلى، اۆتونوميالى رايوندىق ساياسي كەڭەستىڭ ورىنباسار ءتوراعاسى لي شياڭلين بىلاي دەدى: پارتيا قۇرىلتايىنىڭ بايانداماسىندا قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى توڭىرەكتەي وتىرىپ العا قويىلعان شارالار توتەنشە ناقتى، لاڭكەستىككە قارسى تۇرىپ، ورنىقتىلىقتى قورعاۋدىڭ باياندى مەحانيزمىن ورناتۋ ورتالىقتىڭ شينجياڭ قىزمەتى جونىندەگى ۇلكەن باعىت - ساياساتى بولىپ تابىلادى. ورنىقتىلىق پەن دامۋ ءبىر - ءبىرىن دەمەيدى، ءبىر - بىرىنەن ايىرىلا المايدى، مۇنى بۇلجىتپاي مىقتى تياناقتاندىرعاندا عانا باس نىسانانى جۇزەگە اسىرۋعا بولادى.
ج ك پ اۆتونوميالى رايوندىق 9 – قۇرىلتايىنا قاتىناسقان وبلىسقا توتە قاراستى ورىنداردىڭ ۋاكىلى، اۆتونوميالى وبلىستىق پارتكومنىڭ شۋجيى حۋاڭ سانپيڭ سوزىندە بىلاي دەدى: قۇرىلتاي بايانداماسىندا شي جينپيڭ جولداستى ۇيىتقى ەتكەن پارتيا ورتالىق كوميتەتى بەلگىلەگەن شينجياڭ قىزمەتىنىڭ باس نىساناسى قوعام ورنىقتىلىعى مەن باياندى تىنىشتىق سىندى شينجياڭدى جونگە سالۋ جالپى جوباسى باتىل قۇپتالاتىندىعى جانە ورتالىقتىڭ تالابىن اناعۇرلىم جاپپاي تياناقتاندىرىپ، شينجياڭ قىزمەتىن ويداعىداي ىستەۋ جونىندەگى جۇمىلدىرۋ بۇيرىعى مەن ۇندەۋ حاتى تولىق ايگىلەندى. مەن مۇنى بۇكىلدەي قۇپتايمىن، باتىل قولدايمىن ءارى بۇدان كەيىنگى قىزمەت بارىسىندا مۇقيات تياناقتاندىرامىن.
بايانداما شينجياڭنىڭ ءىس جۇزىندىگىنە ۇيلەسەدى، ادامعا شابىت بەرىپ، العا باسۋعا جەبەيتىن بايانداما بولدى
حۋاڭ سانپيڭ بىلاي دەدى: باياندامادا وتكەن بەس جىلداعى قىزمەتتەر تىڭعىلىقتى، ناقتى قورىتىندىلانىپ، وتكەن بەس جىلداعى شينجياڭ قىزمەتىنىڭ امالياتى قورىتىندىلاندى. باياندامانىڭ بولاشاقتىق جوبا جاساۋ جاعىنداعى جەتەكشىلىك سيپاتى، مەڭگەرۋ سيپاتى كۇشتى، وندا شينجياڭداعى ءار ۇلت حالقى مەن ءار دارەجەلى ۇيىمداردىڭ بەرىك ساياسي جىگەرى مەن كۇشتى سەنىمى ايگىلەندى.
باياندامانى ۇيرەنۋ بارىسىندا ءبىز قوعام ورنىقتىلىعى مەن باياندى تىنىشتىق باس نىساناسى نەگىزىندە ءتۇرلى قىزمەتتى اناعۇرلىم ءبىر تۇتاس جوسپارلاۋىمىز جانە ىلگەرىلەتۋىمىز كەرەك. ىلەنىڭ ءىس جۇزىندىگىمەن بىرلەستىرىپ، باياندامانى ءتۇسىنۋ، باياندامانىڭ رۋحىن تياناقتاندىرۋ جاعىنا كۇش سالىپ، ساياسات ورايىن، دامۋ ورايىن مىقتى يگەرىپ، ىلەنىڭ قىزمەتىن ءتىپتى دە ويداعىداي ىستەپ، ورنىقتىلىقتى جۇزەگە اسىرۋدىڭ شەشۋشى ءتۇيىنىن ويداعىداي مىقتى يگەرۋىمىز؛ ىلەنىڭ دامۋ مىندەتى ءالى دە توتەنشە اۋىر، ءبىز تاريحي جاۋاپكەرلىك تانىمى مەن كوكەيتەستىلىك تانىمدى ارتتىرىپ، ءار ۇلت بۇقاراسىنا ءتىپتى دە كوپ باقىت تانىمىن، يگىلىككە كەنەلۋ تانىمىن ورناتىپ، زور قۇلشىنىس كورسەتۋىمىز؛ باياندامانىڭ رۋحىن ويداعىداي تياناقتاندىرىپ، حالىق تۇرمىسىنداعى ولقىلىقتاردى تولىقتاۋىمىز؛ پارتيا ستيلى، پاكتىك قۇرىلىسىن اناعۇرلىم كۇشەيتىپ، كىرشىكسىز، دۇرىس ساياسي ەكولوگيالىق ورتا قالىپتاستىرۋىمىز كەرەك.
حۋاڭ سانپيڭ مىنانى ءبىلدىردى: ىلە – بولشەكتەۋشىلىككە قارسى تۇرۋ كۇرەسىنىڭ الدىڭعى شەپ بازاسى. شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدا ىلە توتەنشە ماڭىزدى ورىندا تۇرادى، بىزدە بۇل نىسانانى جۇزەگە اسىرۋ بەكىمىمىز بەن سەنىمىمىز بار. ءبىز باياندامادا بەلگىلەنگەن شينجياڭ قىزمەتىنىڭ باس نىساناسىن، قىزمەت مىندەتىن، قىزمەت تالابىن ىلەدە ويداعىداي تياناقتاندىرىپ، شينجياڭنىڭ دامۋىنا شىنايى ۇلەستەر قوسۋىمىز كەرەك.
ج ك پ اۆتونوميالى رايوندىق 9 – قۇرىلتايىنا قاتىناسقان وبلىسقا توتە قاراستى ورىنداردىڭ ۋاكىلى، اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى سوزىندە بىلاي دەدى: قۇرىلتاي بايانداماسىندا پارتيا ورتالىق كوميتەتىنىڭ قالتقىسىز ادال بولۋ، ورتالىقتىڭ شينجياڭدى جونگە سالۋ ستراتەگياسىن باتىل اتقارۋ بەرىك سەنىمى ايگىلەندى. باياندامادا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى ماڭىزدى ساياسي باعىتى باستان - اياق دايەكتىلەندىرىلدى. ءبىز وسى رەتكى ءماجىلىستىڭ تالابىن ۇيرەنۋدى ىلەنىڭ ءىس جۇزىندىگىمەن ۇشتاستىرىپ، ۇيرەنۋ ناتيجەلەرىمىزدى قىزمەتتى جەبەۋدىڭ پارمەندى قوزعاۋشى كۇشىنە شىنايى اينالدىرۋىمىز كەرەك.
ج ك پ اۆتونوميالى رايوندىق 9 – قۇرىلتايىنا قاتىناسقان وبلىسقا توتە قاراستى ورىنداردىڭ ۋاكىلى، اۆتونوميالى وبلىستىق ساياسي كەڭەس پارتگرۋپپاسىنىڭ شۋجيى يان گوسان سوزىندە بىلاي دەدى: قۇرىلتاي بايانداماسىندا پارتيا 18 – قۇرىلتايىنان بەرى پارتيا ورتالىق كوميتەتىنىڭ شينجياڭ قىزمەتى جونىندەگى ورنالاستىرۋلارى تولىق ايگىلەندى. ءبىز ءوز نۇسقاسى بويىنشا ۇيرەنىپ، ءار دارەجەلى پارتيا ۇيىمدارىن، بارشا پارتيا مۇشەلەرىن مۇقيات، ىشكەرىلەي ۇيرەنۋگە جۇمىلدىرىپ، العا قويىلعان جوسپاردى ادامدارعا تياناقتاندىرۋىمىز كەرەك.
ج ك پ اۆتونوميالى رايوندىق 9 – قۇرىلتايىنا قاتىناسقان وبلىسقا توتە قاراستى ورىنداردىڭ ۋاكىلى، اۆتونوميالى رايوندىق پارتكوم بىرلىكساپ ءبولىمىنىڭ ورىنباسار باستىعى، ساۋدا – ونەركاسىپشىلەر بىرلەستىگى پارتگرۋپپاسىنىڭ شۋجيى ۋان شۇي سوزىندە بىلاي دەدى: قۇرىلتاي بايانداماسىندا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى بەكىتۋى مەن تالاپتارى جاپپاي ايگىلەندى ءارى ءبىزدىڭ بۇدان كەيىنگى قىزمەتىمىز جونىندە تىڭ تالاپتار العا قويىلدى. بۇدان كەيىنگى قىزمەت بارىسىندا ءبىز باياندامانىڭ رۋحىن ىشكەرىلەي دايەكتىلەندىرىپ، ۇعىنىپ، باس نىسانانى جۇزگە اسىرۋ ءۇشىن ۇلەستەر قوسۋىمىز كەرەك.
ج ك پ اۆتونوميالى رايوندىق 9 – قۇرىلتايىنا قاتىناسقان وبلىسقا توتە قاراستى ورىنداردىڭ ۋاكىلى، اۆتونوميالى وبلىستىق پارتكومنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى ءانۋار ابدۇشكۇر سوزىندە بىلاي دەدى: قۇرىلتاي بايانداماسىندا ءبىزدىڭ بۇدان كەيىنگى 5 جىلداعى قىزمەتىمىزگە باعدار كورسەتىلدى. ءبىز ءتۇرلى قىزمەتتە باس نىسانانى توڭىرەكتەۋ يدەياسىن جانە ورنىقتىلىقپەن قاتىسىز ادام دا، ورىن دا، ءىس تە بولماۋ كوزقاراسىن بەرىك ورناتىپ، ورنىقتىلىقتى ءبىرىنشى ورىنعا قويىپ، تۇرلى قىزمەتتى ىلگەرىلەتۋىمىز كەرەك.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
