- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ اۆتونوميالى رايوندىق 9 - قۇرىلتايى دايىندىق جيىنىن جانە ءتوراعالار القاسىنىڭ 1 - رەتكى جيىنىن وتكىزدى
چىن چۋانگو دايىندىق جيىندى باسقاردى جانە ءسوز سويلەدى، جيىن قۇرىلتاي ءتوراعالار القاسىنىڭ، باس حاتشىسىنىڭ، ۋاكىلدەردىڭتولىمدىلىعىن تەكسەرۋ القاسىنىڭ ەسىمدىگىن جانە قۇرىلتايدىڭ كەڭەستىك ءتارتىبىن ماقۇلدادى
2016.11.01 10:27 كەلۋ قاينارى : شينجياڭ گازەتى
ءتىلشىمىز ياۋ تۇڭ 28 - قازاندا ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - قۇرىلتايى 28 - قازان تۇستەن كەيىن شينجياڭ حالىق سارايىندا دايىندىق جيىنىن وتكىزدى.
چىن چۋانگو جولداس جيىندى باسقاردى.
ج ك پ اۆتونوميالى رايوندىق 9 - قۇرىلتايىنا قاتىناسۋعا ءتيىستى ۋاكىل، ۇسىنىس ەتىلگەن ۋاكىل 725. دايىندىق جيىنعا 709 ۋاكىل قاتىستى، بۇل بەلگىلەنگەن ادام سانىنا ۇيلەسەدى.
جيىن قول كوتەرىپ داۋىسقا سالۋ تاسىلىمەن قۇرىلتايدىڭ 122 ادامنان قۇرالعان ءتوراعالار القاسىنىڭ ەسىمدىگىن ماقۇلدادى، لي پىڭشيننىڭ قۇرىلتايدىڭ باس حاتشىسى بولۋىن ماقۇلدادى، قۇرىلتايدىڭ 13 ادامنان قۇرالعان ۋاكىلدەردىڭ تولىمدىلىعىن تەكسەرۋ القاسىنىڭ ەسىمدىگىن ماقۇلدادى.
ءماجىلىس تاعى ج ك پ اۆتونوميالى رايوندىق 9 - قۇرىلتايىنىڭ كەڭەستىك ءتارتىبىن ماقۇلدادى. قۇرىلتايدىڭ كەڭەستىك ءتارتىبى: جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 8 - كەزەكتى كوميتەتىنىڭ قىزمەتىنەن باياندامانى تىڭداۋ جانە تەكسەرۋ؛ جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 8 - كەزەكتى ءتارتىپ تەكسەرۋ كوميتەتىنىڭ قىزمەتىنەن باياندامانى تىڭداۋ جانە تەكسەرۋ؛ جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىن سايلاۋ؛ جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىن سايلاۋ. چىن چۋانگو سوزىندە مىنالاردى اتاپ كورسەتتى: ج ك پ اۆتونوميالى رايوندىق 9 - قۇرىلتايى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورنالاستىرۋى بويىنشا، اۆتونوميالى رايونىمىزدا پارتيا ورتالىق كوميتەتى ايقىن تۇراقتاندىرعان قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرۋدىڭ، تياناقتاندىرۋدىڭ، جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندە اشىلعان اسا ماڭىزدى قۇرىلتاي بولادى، بۇل بۇكىل رايونىمىزداعى ءار دارەجەلى پارتيا ۇيىمدارى مەن قالىڭ پارتيالى كادرلاردىڭ، ءار ۇلت حالقىنىڭ ساياسي ومىرىندەگى ءىرى ءىس. يدەيا مەن ارەكەتتى پارتيا ورتالىق كوميتەتىنىڭ ورنالاستىرۋلارى، تالاپتارى بويىنشا بىرلىككە كەلتىرىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن شىنايى كۇشەيتىپ، كۇشتى جاۋاپكەرشىلىك سەزىمدە، بورىشتىلىق سەزىمدە جانە كوكەي تەستىلىك سەزىمدە بولا وتىرىپ، وسكەلەڭ جاۋاپتى بولىپ، دەن قويا ۇيىمداستىرىپ، قۇرىلتايدىڭ ءتۇرلى قىزمەتتەرىن بار كۇشپەن جاقسى ىستەپ، قۇرىلتايدىڭ جەڭىسپەن، تابىسپەن اشىلۋىنا كەپىلدىك ەتۋ، جاقسى باياندامانى ماقۇلداۋ كەرەك.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورنالاستىرۋلارى مەن تالاپتارىن مۇقيات دايەكتىلەندىرىپ، تياناقتاندىرىپ، شينجياڭنىڭ ءىس جۇزىندىك جاعدايىمەن تىعىز بىرلەستىرىپ، ىشكەرىلەي ۇيرەنىپ، تالقى جۇرگىزىپ، بەلسەنە اقىل - كەڭەس بەرىپ، پىكىر بەرىپ، ۇسىنىس قويىپ، باياندامانى بۇكىل رايونداعى ءار دارەجەلى پارتيا ۇيىمدارىن، قالىڭ پارتيالى كادرلاردى جانە ءار ۇلت حالقىن ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتكەن سوتسياليستىك شينجياڭ قۇرۋعا جىگەرلەندىرەتىن، ىنتالاندىراتىن جانە جەتەكتەيتىن قيمىل باعدارلاماسىنا اينالدىرۋ كەرەك. جاقسى القا سايلاپ شىعۋ كەرەك. سايلاۋ قىزمەتىن دەن قويا جاقسى ىستەپ، بۇكىل رايونداعى ءار ۇلت حالقىن ىنتىماقتاستىرىپ، باستاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تياناقتاندىراتىن، قۇرىلتاي ورتاعا قويعان نىسانا مەن مىندەتتەردى ورىندايتىن پارمەندى دە تەبىندى باسشىلىق القا سايلاپ شىعۋعا شىنايى كەپىلدىك ەتۋ كەرەك. تاماشا سالتتى ساۋلەلەندىرۋ كەرەك. ساياسي ءتارتىپ پەن ساياسي قاعيداعا، ۇيىمدىق ءتارتىپ پەن قۇرىلتاي تارتىبىنە
قاتاڭ بويسۇنىپ، قۇرىلتايدىڭ ستيلى پاك، سالتى دۇرىس، ءىسى ناقتى، ءونىمى جوعارى قۇرىلتاي بولۋىنا شىنايى كەپىلدىك ەتىپ، ۇزدىك ناتيجە ارقىلى پارتيا ورتالىق كوميتەتىنە رازى بولاتىن جاۋاپ بەرۋ كەرەك. تاماشا ورتا قالىپتاستىرۋ ءتيىس. ءار دارەجەلى، ءارقايسى تاراۋلار، اسىرەسە، نەگىزگى جاۋاپتى جولداستار ءوز مىندەتتەرىن تولىق اتقارىپ، قىزمەتتەردى جاقسى ىستەپ، ءبىر جاعىنان، قۇرىلتاي كەزىندەگى حاۋىپسىزدىك، ورنىقتىلىق جاۋاپكەرشىلىگىن ارقالاۋى، ەندى ءبىر جاعىنان، ءوز جەرىنىڭ، ءوز قىزمەت ورنىنىڭ ورنىقتىلىعىن قورعاۋ قىزمەت جاۋاپكەرشىلىگىن دە تولىق ادا ەتۋى، شينجياڭنىڭ قوعامدىق جالپى جاعدايىنىڭ جاراسىمدىلىعىن، ورنىقتىلىعىن بار كۇشپەن قورعاپ، پارتيا قۇرىلتايىنىڭ جەڭىسپەن اشىلۋىنا تاماشا ورتا ازىرلەۋى كەرەك.
ءتىلشىمىز ياۋ تۇڭ 28 - قازاندا ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - قۇرىلتايىنىڭ ءتوراعالار القاسى 28 - قازان تۇستەن كەيىن 1 - رەتكى جيىنىن وتكىزدى.
چىن چۋانگو جولداس جيىندى باسقاردى.
جيىن قول كوتەرىپ داۋىسقا سالۋ تاسىلىمەن ءتوراعالار القاسىنىڭ چىن چۋانگو قاتارلى 14 ادامنان قۇرالعان تۇراقتى القالارىنىڭ ەسىمدىگىن ماقۇلدادى.
ونان سوڭ، جيىن ما شۋەجۇننىڭ، پىڭ جيارۇيدىڭ، ما گو - ۋيدىڭ قۇرىلتايدىڭ ورىنباسار باس حاتشىلارى بولۋىن ماقۇلدادى؛ ج ك پ اۆتونوميالى رايوندىق 9 - قۇرىلتايىنا ۇسىنىسپەن قاتىناساتىن ۋاكىلدەردىڭ ەسىمدىگىن ماقۇلدادى؛ اۆتونوميالى رايوننىڭ پارتيا جارناسىن جيناۋ، ىستەتۋ، باسقارۋ جونىندەگى باياندامانى ماقۇلدادى؛ قۇرىلتاي حاتشىلار باسقارماسىنىڭ قىزمەت قۇرىلىمى مەن مىندەتىن جانە قۇرىلتايدىڭ كۇن ءتارتىبىن ماقۇلدادى. بۇل كۇن تارتىپكە ساي، ج ك پ اۆتونوميالى رايوندىق 9 - قۇرىلتايى 29 - قازان تۇستەن بۇرىن اشىلىپ، 2 - قاراشا تۇستەن بۇرىن جابىلادى.
جيىن قۇرىلتايعا سىرتتاي قاتىناساتىندار مەن قۇرىلتايعا قاتىناسۋعا شاقىرىلعاندارعا قاتىستى ىستەردى دە ماقۇلدادى. ج ك پ اۆتونوميالى رايوندىق 9 - قۇرىلتايىنا 400 ادام سىرتتاي قاتىناسادى، ج ك پ اۆتونوميالى رايوندىق 9 - قۇرىلتايىنىڭ اشىلۋ جينالىسىنا، جابىلۋ جينالىسىنا قاتىسۋعا 257 ادام شاقىرىلدى.
جيىن تاعى ج ك پ اۆتونوميالى رايوندىق 9 - قۇرىلتايىنىڭ ۋاكىلدەردىڭ تولىمدىلىعىن تەكسەرۋ القاسىنىڭ ۋاكىلدەردىڭ تولىمدىلىعىن تەكسەرۋ جونىندەگى بايانداماسىن ماقۇلدادى. باياندامادا مىنالار اتاپ كورسەتىلدى: اۆتونوميالى رايوندىق پارتكوم ۋاكىلدەردىڭ تولىمدىلىعىن تەكسەرۋ القاسىنىڭ تەكسەرۋىنە ۇسىنعان 721 ۋاكىل ەسىمدىگىنە ەكونوميكا، عىلىم - تەحنيكا، ساياسي - زاڭ، وقۋ - اعارۋ، ۇگىت، مادەنيەت، دەنساۋلىق ساقتاۋ سياقتى سالالار، جەرگىلىكتى ورىن، بيڭتۋان، شينجياڭدا تۇراتىن اسكەري بولىمدەر سياقتى جىكتەر، جۇمىسشى، شارۋا، كادر، تەحنيكالىق قىزمەتكەر جانە شينجياڭعا كومەككە كەلگەن كادرلار سياقتى ءار جاق قامتىلدى، سايلاۋ ءتارتىبى «جۇڭگو كوممۋنيستىك پارتياسىنىڭ جەرگىلىكتى ۇيىمدارىنىڭ سايلاۋ قىزمەتى ەرەجەسىندەگى» بەلگىلەمەلەرگە ۇيلەسەدى، ۋاكىلدەردىڭ ساپاسى پارتيا ورتالىق كوميتەتىنىڭ رۋحىنا جانە اۆتونوميالى رايوندىق پارتكومنىڭ تالابىنا ۇيلەسەدى. باسشى كادر ۋاكىلدەر جالپى ۋاكىلدەردىڭ ％65.58ىن ۇستاپ، %27.6 تومەندەدى؛ نەگىزگى ساتىنىڭ بىرىنشى شەبىندەگى ۋاكىلدەر ％63.38تى ۇستاپ، %17.6 جوعارىلادى؛ ازاتتىق ارميا، قارۋلى ساقشى قوسىندارىنىڭ ۋاكىلدەرى ％72.2تى ۇستاپ، %1.0 جوعارىلادى. جۇمىسشى جانە شارۋا ۋاكىلدەرىنىڭ سالىستىرماسى جەكە - جەكە %94.1 جانە %43.1 جوعارىلادى. ايەل ۋاكىلدەر ％33.30تى ۇستاپ، بۇكىل رايونداعى ايەل پارتيا مۇشەلەرىنىڭ سالىستىرماسىنان %12.0 جوعارى بولدى؛ از ۇلت ۋاكىلدەرى ％77.38تى ۇستاپ، از ۇلت پارتيا مۇشەلەرىنىڭ سالىستىرماسىنان %17.1 جوعارى بولدى. 50 جاستان تومەنگى ۋاكىلدەر ％51.56تى قۇرادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
