- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىتپاي دايەكتى تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ جولىندا ىنتىماقتاسا كۇرەس جاسايىق
جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - قۇرىلتايى سالتاناتپەن اشىلدى
چىن چۋانگو ج ك پ شينجياڭ ۇيعۇر اۆتونوميالى رايوندىق 8 - كەزەكتى كوميتەتى اتىنان قۇرىلتايدا بايانداما جاسادى، قۇرىلتايدى شوكىرات زاكىر باسقاردى
2016.11.01 10:33 كەلۋ قاينارى : شينجياڭ گازەتى
 |
| چىن چۋانگو ج ك پ شينجياڭ ۇيعۇر اۆتونوميالى رايوندىق 8 - كەزەكتى كوميتەتى اتىنان قۇرىلتايدا بايانداما جاسادى. |
ج ك پ اۆتونوميالى رايوندىق 9 - قۇرىلتايىنىڭ نەگىزگى تاقىرىبى: جۇڭگوشا سوتسياليزمنىڭ ۇلى تۋىن بيىك ۇستاپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي دايەكتى تياناقتاندىرۋ، تۇتاس شينجياڭداعى قالىڭ پارتيا مۇشەلەرىن ۇيىمداستىرىپ، بۇكىل شينجياڭداعى ءار ۇلت حالقىن جۇمىلدىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىتپاي دايەكتى تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ، جاپپاي دوڭگەلەك داۋلەتتى قوعام قۇرۋ جولىندا ىنتىماقتاسا كۇرەس جاساۋ
ءتىلشىمىز ياۋ تۇڭ 29 - قازاندا ۇرىمجىدەن حابارلايدى. قوعام ورنىقتىلىعى مەن باياندى تىنىشتىق باس نىساناسى العا ۇمتىلۋعا ىنتالاندىرىپ، شينجياڭدى كوركەيتۋ، وتان ارمانىن ىسكە اسىرۋ قاسيەتتى بورىشى جانعا شابىت بەرەدى. بۇكىل رايونىمىزداعى قالىڭ پارتيالى كادرلار مەن ءار ۇلت حالقى ءتورت كوزبەن كۇتكەن جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - قۇرىلتايى بۇگىن ءتۇستىڭ الدىندا شينجياڭ حالىق سارايىندا سالتاناتپەن اشىلدى.
چىن چۋانگو ج ك پ شينجياڭ ۇيعۇر اۆتونوميالى رايوندىق 8 - كەزەكتى كوميتەتى اتىنان قۇرىلتايدا «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىتپاي دايەكتى تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ جولىندا ىنتىماقتاسا كۇرەس جاسايىق» دەگەن تاقىرىپتا بايانداما جاسادى. چىن چۋانگو بىلاي دەپ اتاپ كورسەتتى: ج ك پ اۆتونوميالى رايوندىق 9 - قۇرىلتايىنىڭ نەگىزگى تاقىرىبى: جۇڭگوشا سوتسياليزم ۇلى تۋىن بيىك ۇستاپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي دايەكتى تياناقتاندىرۋ، رايونىمىزداعى قالىڭ پارتيا مۇشەلەرىن ۇيىمداستىرىپ، رايونىمىزداعى ءار ۇلت حالقىن جۇمىلدىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىتپاي دايەكتى تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ، جاپپاي دوڭگەلەك داۋلەتتى قوعام قۇرۋ جولىندا ىنتىماقتاسا كۇرەس جاساۋ.
شينجياڭ حالىق سارايىندا شامدار جارقىراپ، جينالىس زالى ايبىندى، دۋماندى بەينەگە شومدى. ءتوراعالار مىنبەسىنىڭ ۇستىڭگى جاعىنا ۇيعۇر، حانزۋ تىلدەرىندە «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - قۇرىلتايى» دەگەن جازۋ جازىلعان قۇرىلتاي بەلگىسى، ارت جاقتاعى پەردەنىڭ ءدال ورتاسىنا سارى ءتۇستى پارتيا گەربى ءىلىنىپ، ونىڭ ەكى جاعىنا بەستەن قىزىل تۋ قويىلىپتى. زالدىڭ 2 - قاباتىنداعى ماڭدايشالىققا «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازايىق» دەگەن جازۋ جازىلعان كەرمە تۋ ءىلىنىپتى.
قۇرىلتاي ءتوراعالار القاسىنىڭ تۇراقتى كوميتەتىنىڭ مۇشەلەرى چىن چۋانگو، شوكىرات زاكىر، سۇن جينلۇڭ، جۋ حايلۇن، لي پىڭشين، لي ۋي، شاۋكەت يمىن، ەركىنجان تۇراحۇن، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي ءتوراعالار مىنبەسىنىڭ الدىڭعى قاتارىنان ورىن الدى. قۇرىلتاي ءتوراعالار القاسىنىڭ مۇشەلەرى ءتوراعالار مىنبەسىنە جايعاستى.
شينجياڭدا قىزمەت ىستەگەن ءارى پارتيا مەن مەملەكەتتىڭ باسشىلىق مىندەتىن وتەگەن ساقا باسشىلار وسى جولعى پارتيا قۇرىلتايىنا ەرەكشە ءمان بەردى، ۋاڭ لىچۋان جولداس ارنايى قۇتتىقتاۋ حاتىن جولدادى، مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەۋالدى، مەملەكەتتىك ساياسي كەڭەستىڭ بۇرىنعى ورىنباسار ءتوراعاسى ابىلەت ابدىرەشيت قۇرىلتايدىڭ اشىلۋ سالتىنا قاتىناستى.
قۇرىلتايدى شوكىرات زاكىر باسقاردى. قۇرىلتاي تۇستەن بۇرىن ساعات 10نان 30 مينۋت وتكەندە باستالدى. بۇكىل زالداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن ورىندادى.
بۇگىنگى ماجىلىسكە قاتىناسۋعا ءتيىستى ۋاكىل 721 ادام، ۇسىنىس ەتىلگەن ۋاكىل 4 ادام، ناقتى قاتىناسقان ۋاكىل 718 ادام، بەلگىلەمەدەگى ادام سانىنا ۇيلەسەدى.
چىن چۋانگونىڭ قۇرىلتايدا جاساعان بايانداماسى 12 بولىكتەن تۇرادى: 1. پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ جەتەكشىلىگىندە، شينجياڭنىڭ ءتۇرلى ىستەرى جاپپاي العا ىلگەرىلەپ، تىڭ تاريحي باستاماعا اياق باستى؛ 2. قوعام ورنىقتىلىعى مەن باياندى تىنىشتىق باس نىساناسىن ءدال كوزدەپ، اۋەلگى ماقساتتى ۇمىتپاي، ۇدەرە العا تارتىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالىق الاڭسىز تىرشىلىك ەتەتىن سوتسياليستىك شينجياڭ قۇرۋعا كۇش سالۋ؛ 3. قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ۇزاق ءونىم بەرەتىن مەحانيزمىن ورناتۋ؛ 4. قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ەكونوميكانىڭ اناعۇرلىم جاقسى، اناعۇرلىم تەز دامۋىن ىلگەرىلەتۋ؛ 5. قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، حالىق تۇرمىسىن بارىنشا قامتاماسىز ەتۋ جانە جاقسارتۋ؛ 6. قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ۇلتتار ىنتىماعىن بەكەمدەۋ جانە دامىتۋ؛ 7. قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ءدىننىڭ بەرەكەلى جاراسىمدىلىعىن جەبەۋ؛ 8. قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، يدەولوگيا سالاسىنداعى حاۋىپسىزدىكتى قورعاۋ؛ 9. قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، دەموكراتيالى، زاڭمەن جونگە سالۋ قۇرىلىسىن كۇشەيتۋ؛ 10. قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، بيڭتۋاننىڭ ەرەكشە رولىن تولىق ساۋلەلەندىرۋ؛ 11. قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ەكولوگيالىق ورتانى قورعاۋ قۇرىلىسىن كۇشەيتۋ؛ 12. قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، پارتيا قۇرىلىسىن كۇشەيتۋ جانە جاقسارتۋ.
چىن چۋانگو ەڭ الدىمەن ج ك پ اۆتونوميالى رايوندىق 8 - قۇرىلتايىنان بەرگى قىزمەتتەردى ەسكە الىپ ءوتتى. ول بىلاي دەپ اتاپ كورسەتتى: 5 جىلدان بەرى پارتيا ورتالىق كوميتەتىنىڭ پارمەندى باسشىلىعىندا، ءبىز بۇكىل رايونىمىزداعى قالىڭ پارتيالى كادرلار مەن ءار ۇلت حالقىن ىنتىماقتاستىرىپ، باستاپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتتىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي دايەكتى تياناقتاندىرىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، وتە - موتە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن دايەكتى تياناقتاندىرىپ، ج ك پ اۆتونوميالى رايوندىق 8 - قۇرىلتايىندا بەلگىلەنگەن نىسانا - مىندەتتەردى جەڭىسپەن ورىنداپ، ءتۇرلى ىستەردە جاڭا دا كەلەلى ناتيجەلەرگە قول جەتكىزدىك.
چىن چۋانگو بىلاي دەپ اتاپ كورسەتتى: 5 جىلدان بەرگى تابىستى امالياتتى قورىتىندىلاساق، مىنانى تەرەڭ سەزىنەمىز: شينجياڭ قىزمەتىن جاقسى ىستەۋدە، ءسوزسىز، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى ۇزاق ۋاقىت كوركەيتۋگە تاباندى بولىپ، باياندى تىنىشتىقتى جۇزەگە اسىرۋدى كوزدەپ، جۇڭگوشا سوتسياليزمگە تاباندى بولۋعا جانە ونى دامىتۋعا، ءار ۇلت حالقىنىڭ ارالاسۋىن، ىشتەسۋىن، توعىسۋىن جەبەۋگە، ءدىندى سوتسياليستىك قوعامعا سايكەسۋگە جەتەكتەۋگە، شينجياڭ مەن ىشكى ولكەلەردىڭ توعىسا دامۋىن ىلگەرىلەتۋگە، ءار ۇلت بۇقاراسىن پارتيا مەن ۇكىمەتتىڭ توڭىرەگىنە ىنتىماقتاستىرۋعا ءتيىمدى بولۋدى قىزمەت ونىمدىلىگىن ولشەيتىن ماڭىزدى ولشەم ەتۋ كەرەك. ساياسي بەتالىسقا، جالپى جاعدايدى كوزدەۋگە باستان - اياق تاباندى بولۋ، جۇڭگو كوممۋنيستىك پارتياسىنىڭ باسشىلىعىنا، سوتسياليستىك تۇزىمگە، ۇلتتىق تەرريتوريالىق اۆتونوميا تۇزىمىنە باستان - اياق تاباندى بولىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتۋ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك، تۋدى بيىك ۇستاۋعا، نىسانانى ءدال كوزدەۋگە باستان - اياق تاباندى بولىپ، تۇتاس رايونىمىزدا جوعارىدان تومەنگە دەيىن قوعام ورنىقتىلىعى مەن باياندى تىنىشتىق باس نىساناسى تۋىن بيىك ۇستاپ، شينجياڭنىڭ ءتۇرلى قىزمەتتەرىنە باس نىسانامەن ءبىر تۇتاس باسشىلىق ەتۋ كەرەك. جۇرت تىلەگىن توعىستىرۋعا، قورعاندى بەكەمدەۋگە باستان - اياق تاباندى بولىپ، ءار ۇلت بۇقاراسىنا شىنايى سەنىپ، ءار ۇلت بۇقاراسىنا تىعىز ارقا سۇيەپ، ءار ۇلت بۇقاراسىمەن بايلانىس ورناتىپ، ولارعا قىزمەت كورسەتىپ، ءار ۇلت بۇقاراسىمەن تىعىز ىنتىماقتاسىپ، ءار ۇلت بۇقاراسىن كەڭىنەن جۇمىلدىرىپ، ۇلتتار ىنتىماعىن ەڭ زور بۇقارالىق قىزمەت ەتىپ، قوعام ورنىقتىلىعى مەن باياندى تىنىشتىقتىڭ بۇقارالىق نەگىزىن بەرىك قالاۋ كەرەك. زاڭمەن جونگە سالۋ وي جەلىسىنە، شينجياڭدى زاڭمەن جونگە سالۋعا باستان - اياق تاباندى بولىپ، سوتسياليستىك زاڭمەن جونگە سالۋ تۋىن باستان - اياق بيىك ۇستاپ، نەگىزگى زاڭ مەن زاڭدار تۋىن بيىك ۇستاپ، قوعام ورنىقتىلىعى مەن باياندى تىنىشتىقتىڭ زاڭمەن جونگە سالۋ نەگىزىن بەكەمدەۋ كەرەك. ۇستىنەن وڭاۋ مەن تۇبىرىنەن وڭاۋعا، جالپىلىق شارا قولدانۋعا باستان - اياق تاباندى بولىپ، كەزەكتەگى كورنەكتى ماسەلەلەردى كۇش سالا شەشۋمەن بىرگە، نەگىزدى كۇشەيتىپ، تاعاندى بەرىكتەۋ شاراسىن جاساۋ كەرەك. سالماقتىلىقپەن ورنىقتى ىلگەرىلەتۋگە، ۇزاق ۋاقىت ۇلەس قوسۋعا باستان - اياق تاباندى بولىپ، بارلىعىن دا بولاشاق تۇرعىسىنان كەڭەسىپ، ستراتەگيالىق كۇشتى ساقتاۋ، ۇزاق بولاشاققا پايدالى قىزمەتتەردى تىڭعىلىقتى جاقسى ىستەپ، كىشكەنە جەڭىستەر ارقىلى ۇلكەن جەڭىسكە جەتىپ، قوعام ورنىقتىلىعى مەن باياندى تىنىشتىقتىڭ بەرىك نەگىزىن قالاۋ كەرەك.
چىن چۋانگو بىلاي دەپ باسا دارىپتەدى: الداعى 5 جىل − شينجياڭ قوعام ورنىقتىلىعى مەن باياندى تىنىشتىققا بەرىك نەگىز قالايتىن شەشۋشى مەزگىل، كەدەيلىكتەن قۇتىلدىرۋدان قامال الۋ شايقاسىن جەڭىسپەن جۇرگىزۋدىڭ، جاپپاي دوڭگەلەك داۋلەتتى قوعام قۇرۋدىڭ شەشۋشى شايقاسىندا شەشۋشى جەڭىسكە قول جەتكىزەتىن كەزەڭى. ءبىز ءدوپ كەلەتىن جاعداي اۋەلگىدەي قاتاڭ دا كۇردەلى بولادى، ەرەكشە تاپتىرماس ورايعا دا ءدوپ كەلەمىز. الداعى 5 جىلداعى شينجياڭ قىزمەتىنىڭ جەتەكشى يدەياسى: جۇڭگوشا سوتسياليزم ۇلى تۋىن باستان - اياق بيىك ۇستاپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي دايەكتى تياناقتاندىرۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى ءىرى باعىت - ساياساتتارىن باتىل دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، «بەس ءىرى دامۋ يدەياسىن» بەرىك ورناتىپ جانە دايەكتىلەندىرىپ، شينجياڭدى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدى جەتەكشى، ەكونوميكالىق دامۋ مەن حالىق تۇرمىسىن جاقسارتۋدى نەگىز، وتاننىڭ تۇتاستىعىن قورعاپ، ۇلتتار ىنتىماعىن جەبەپ، ءدىني ۇشقارى يدەيانىڭ ءورشۋىن اۋىزدىقتاۋ سياقتىلاردى ءتۇيىن ەتىپ، شينجياڭدى زاڭ بويىنشا جونگە سالۋعا، شينجياڭدى ىنتىماقتاستىرا ورنىقتىرۋعا، شينجياڭدى ۇزاق ۋاقىت كوركەيتۋگە تاباندى بولىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن سوتسياليستىك شينجياڭ قۇرۋعا كۇش سالۋ. الداعى 5 جىلدا شينجياڭ قىزمەتىنە قويىلاتىن نەگىزگى تالاپ: پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىتپاي دايەكتى تياناقتاندىرىپ، «ءبىر باس نىسانانى»، ياعني قوعام ورنىقتىلىعى مەن باياندى تىنىشتىق باس نىساناسىن بەرىك ورناتىپ، باس نىسانانى شينجياڭ قىزمەتىنە ءبىر تۇتاس باسشىلىق ەتەتىن جالپى باعدارلاما ەتۋگە تاباندى بولۋ؛ «جان تامىردى» ارقاۋ، ۇلتتار ىنتىماعىن ءار ۇلت حالقىنىڭ جان تامىرى ەتىپ، ۇلتتاردىڭ تاتۋ - ءتاتتى ءوتۋىن، ءبىر جاعادان باس، ءبىر جەڭنەن قول شىعارۋىن، جاراسىمدى دامۋىن جەبەۋ كەرەك؛ «ەكى شەشۋشى ءتۇيىندى» يگەرۋ كەرەك، ورنىقتىلىق ءبارىن باسىپ تۇسەدى دەگەنگە تاباندى بولىپ، ورنىقتىلىق پەن دامۋدىڭ قاتىناسىن دۇرىس ءبىر جاقتى ەتىپ، ورنىقتىلىق پەن دامۋ سىندى ەكى شەشۋشى ءتۇيىندى شىنايى جاقسى يگەرۋ، ەكى قىزمەت القاسىن ۇيىمداستىرىپ، ءبىر قىزمەت القاسى بار كۇشىن سالىپ ورنىقتىلىقتى قورعاۋى، ەندى ءبىر قىزمەت القاسى زەيىن - زەردەنى شوعىرلاندىرىپ دامۋدى يگەرۋى كەرەك، ءسويتىپ ءبىر دارەجە ەندى ءبىر دارەجەنى يگەرىپ، ساتىلار بويىنشا تياناقتاندىرۋدى يگەرەتىن جاۋاپكەرلىك جۇيەسىن قالىپتاستىرۋ كەرەك؛ «مەحانيزمدى» اقاۋسىزداندىرۋ كەرەك، ءبىر جاعىنان، زورلىقتى كۇش لاڭكەستەرىنە زاڭ بويىنشا قاتاڭ سوققى بەرۋدى، ەندى ءبىر جاعىنان، مۇمكىندىكتىڭ بارىنشا جۇرت تىلەگىن توعىستىرۋدى يگەرۋگە تاباندى بولۋ، پارتيا، ۇكىمەت، ارميا، ساقشى، بيڭتۋان، حالىق بۇقاراسى بىرلەسىپ سايكەسە ارەكەتكە كەلەتىن مەحانيزم ورناتۋ جانە ونى اقاۋسىزداندىرۋ كەرەك؛ «ءتورتتى كۇش سالا جۇزەگە اسىرۋ» قىزمەتىن ورىنداپ، قوعام ورنىقتىلىعىن جۇزەگە اسىرىپ، باياندى تىنىشتىقتى جەبەۋگە قۇلشىنىپ، جاپپاي دوڭگەلەك داۋلەتتى قوعام قۇرۋ كۇرەس نىساناسىن، كەدەيلەردىڭ كوزەۋلى مەزگىلدە كەدەيلىكتەن قۇتىلۋىن، ەكولوگيالىق ورتانىڭ جاقسارۋىن قۇلشىنا جۇزەگە اسىرۋ كەرەك؛ «تاماشا جاعداي» جاراتىپ، شينجياڭدا قوعام ورنىقتىلىعى مەن باياندى تىنىشتىق ورناعان تاماشا جاعداي اشۋ كەرەك.
چىن چۋانگو بىلاي دەپ اتاپ كورسەتتى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ۇزاق ءونىم بەرەتىن مەحانيزمىن ورناتۋ كەرەك. لاڭكەستىككە قارسى تۇرىپ، قوعام ورنىقتىلىعىن قورعاۋدى باستان - اياق بارلىعىن باسىپ تۇسەتىن ساياسي مىندەتكە، تايشان تاۋىنان قادىرلى ساياسي جاۋاپكەرلىككە بالاپ، ەرتە باستان، كىشكەنتايىنان، تەز، ويداعىداي يگەرىپ، قاتاڭ سوققى بەرۋدىڭ ارناۋلى كۇرەسىن ۇزدىكسىز ورىستەتۋ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ىشكەرىلەي ورىستەتۋ، مەشىتتەر مەن ءدىني قيمىلدارعا قاراتىلعان تاربيەنى، باسقارۋدى، قىزمەت وتەۋدى كۇشەيتۋ جانە وندا جاڭالىق اشۋ، قالا - قالاشىقتاردى تور كوزدەندىرە باسقارۋدى ىلگەرىلەتۋ، ءتۇيىندى وڭىرلەردىڭ ساقتىعىن كۇشەيتۋ، شەكارا ءوڭىردى باقىلاۋدى كۇشەيتۋ، ينتەرنەت حاۋىپسىزدىگىن باسقارۋدى كۇشەيتۋ، قوعامدىق ساقتىق جۇيەسىن كەمەلدەندىرۋ، لاڭكەستىككە قارسى تۇرىپ، ورنىقتىلىقتى قورعاۋ قىزمەت مەحانيزمىن اقاۋسىزداندىرۋ، لاڭكەستىككە قارسى تۇرۋ كۇرەسىنىڭ ىرىقتىلىعىن مىقتى يگەرۋ كەرەك.
چىن چۋانگو بىلاي دەپ اتاپ كورسەتتى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ەكونوميكانىڭ اناعۇرلىم جاقسى، اناعۇرلىم تەز دامۋىن ىلگەرىلەتۋ كەرەك. ورنىقتىلىق پەن دامۋدىڭ قاتىناسىن دۇرىس ءبىر جاقتى ەتۋ، «بەس ءىرى دامۋ يدەياسىن» ورناتۋ، ەكونوميكالىق دامۋدىڭ جاڭا قالىبىنا ۇيلەسۋ، ەرەكشە، ابزال كاسىپتەردى زورايتۋ، رەفورما جاساۋ، ەسىك اشۋدى جاپپاي تەرەڭدەتۋ، نەگىزدىك قۇرىلعىلار قۇرىلىسىن كۇشەيتۋ، بايلىقتى ۇيلەسىمدى اشىپ پايدالانۋ، جاڭالىق اشۋ ارقىلى دەم بەرۋدى جەدەل اتقارۋ، قالا مەن اۋىلدىڭ دامۋىن ءبىر تۇتاس جوسپارلاپ ىلگەرىلەتۋ، دامۋدى حالىق تۇرمىسىن جاقسارتۋ، جەرگىلىكتى ورىنعا تيىمدىلىك جاساۋ، ىنتىماقتى كۇشەيتۋ جاقتارىندا شىنايى تياناقتاندىرۋ كەرەك.
چىن چۋانگو بىلاي دەپ باسا دارىپتەدى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، حالىق تۇرمىسىن بارىنشا قامتاماسىز ەتۋ جانە جاقسارتۋ كەرەك. حالىق تۇرمىسىن الدىمەن ەسكەرۋگە، حالىق تۇرمىسىنا الدىمەن كىرىسۋگە تاباندى بولىپ، دارەجەلەس قازىنالىق شىعىستىڭ جانە شينجياڭعا باعىتتامالى كومەكتەسۋ قارجىسىنىڭ %70تەن استامىن حالىق تۇرمىسىن قامتاماسىز ەتۋ مەن جاقسارتۋعا جۇمساۋدان جازباي، حالىققا تيىمدىلىك جاساۋ ينجەنەرياسىن جالعاستى ىلگەرىلەتىپ، كاسىپتەندىرۋ ارقىلى حالىققا تيىمدىلىك جەتكىزۋگە تاباندى بولىپ، كاسىپتەندىرۋ، شارۋاشىلىق قۇرۋدى كوپ ارنالارمەن جەبەۋ؛ وقۋ - اعارتۋدا حالىققا تيىمدىلىك جاساۋعا تاباندى بولىپ، وقۋ - اعارتۋ ىستەرىنىڭ دامۋىن تەزدەتۋ؛ ەمدەۋ جاعىندا حالىققا تيىمدىلىك جاساۋعا تاباندى بولىپ، جالپى حالىقتىڭ دەنساۋلىق دەڭگەيىن جوعارىلاتۋ؛ قوعامدىق قامتاماسىزداندىرۋ ارقىلى حالىققا تيىمدىلىك جاساۋعا تاباندى بولىپ، قوعامدىق قامتاماسىزداندىرۋ جۇيەسىن كەمەلدەندىرۋ؛ كەدەيلەردى سۇيەمەلدەۋ ارقىلى حالىققا تيىمدىلىك جاساۋعا تاباندى بولىپ، كەدەيلىكتەن قۇتىلدىرۋدان قامال الۋ شايقاسىن دەر كەزىندە جەڭىستى جۇرگىزۋ؛ بەيقۇت ءۇي سالۋ ارقىلى حالىققا تيىمدىلىك جاساۋعا تاباندى بولىپ، الاڭسىز تىرشىلىك ەتۋ ورتاسىنىڭ جاقسارۋىن بەلسەنە ىلگەرىلەتۋ؛ جۇرت جۇرەگىن جىلىتۋ ارقىلى حالىققا تيىمدىلىك جاساۋعا تاباندى بولىپ، ءوندىرىس - تۇرمىس شارت - جاعدايىن جاقسارتۋ؛ شەكارانى گۇلدەندىرۋ ارقىلى حالىققا تيىمدىلىك جاساۋعا تاباندى بولىپ، شەكارانى ورنىقتىرۋدى، شەكارانى بەكەمدەۋدى پارمەندى تۇردە جەبەۋ؛ حاۋىپسىزدىك جاعىنان حالىققا تيىمدىلىك جاساۋعا تاباندى بولىپ، ءار ۇلت بۇقاراسىنىڭ حاۋىپسىزدىك سەزىمىن جوعارىلاتۋ كەرەك.
چىن چۋانگو بىلاي دەپ اتاپ كورسەتتى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ۇلتتار ىنتىماعىن بەكەمدەۋ جانە دامىتۋ كەرەك. ۇلتتار ىنتىماعى تۋىن باستان - اياق بيىك ۇستاپ، پارتيانىڭ ۇلت ساياساتىن جاپپاي دايەكتىلەندىرۋ، از ۇلت كادرلارىن جۇرەكتىلىكپەن باۋلۋ جانە ىستەتۋ، ۇلتتار ىنتىماعى ۇگىت - تاربيەسىن ىشكەرىلەي ورىستەتۋ، ۇلتتار ىنتىماعى، العاباسارلىعىندا وزات ورىن قۇرۋ قيمىلىن كەڭىنەن ورىستەتۋ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ، ۇلتتىق بولشەكتەۋشىلىك ارەكەتىنە قاتاڭ سوققى بەرۋ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەپ، ۇلتتار ىنتىماعىنىڭ بايشەشەگىن تيانشاننىڭ تۇستىگى مەن تەرىستىگىندە قۇلپىرتۋ كەرەك.
چىن چۋانگو بىلاي دەپ باسا دارىپتەدى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ءدىننىڭ بەرەكەلى، جاراسىمدىلىعىن جەبەۋ كەرەك. زاڭدىلارىن قورعاۋ، زاڭسىزدارىن تەجەۋ، ۇشقارىلىقتى تيۋ، كەۋلەپ كىرۋدى شەكتەۋ، قىلمىسقا سوققى بەرۋ نەگىزگى پرينسيبىنە تاباندى بولىپ، پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرۋ، زاڭدى ءدىني قيمىلداردى قورعاۋ، جاراسىمدى مەشىت جانە وزات وتانشىل ءدىني قايراتكەرلەردى باعالاۋ - تاڭداۋ قيمىلىن كەڭىنەن ورىستەتۋ، وتانشىل ءدىني قايراتكەرلەردى شىنايى باۋلىپ جانە قورعاپ، ايالاپ، وتانشىل ءدىني قايراتكەرلەردىڭ بەلسەندى رولىن ساۋلەلەندىرۋ، مەشىتتەر مەن ءدىني قيمىلدارعا الەۋمەتتىك قىزمەت وتەۋدى كەمەلدەندىرىپ جانە كۇشەيتىپ، زاڭسىز ءدىني قيمىلداردى زاڭ بويىنشا جونگە سالۋ، ءدىننىڭ جاراسىمدىلىعىن قۇلشىنا جۇزەگە اسىرۋ كەرەك.
چىن چۋانگو بىلاي دەپ اتاپ كورسەتتى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، يدەولوگيا سالاسىنداعى حاۋىپسىزدىكتى قورعاۋ كەرەك. ماركسيزمنىڭ جەتەكشىلىك ورنىنا باستان - اياق تاباندى بولىپ، سوتسياليستىك وزىق مادەنيەتتىڭ العا باسۋ بەتالىسىنان جازباي، ۇگىت، يدەيا، مادەنيەت شەبىن بەرىك يەلەپ، سوتسياليستىك وزەكتى قۇن كوزقاراسىنىڭ جەتەكشىلىك قۋاتىن ارتتىرۋ، يدەولوگيا سالاسىنىڭ ىقپال كۇشىن ارتتىرۋ، نەگىزگى جاماعات پىكىرىنىڭ، اقپارات قۇرالدارىنىڭ تاراتۋ قۋاتىن جوعارىلاتۋ، الەۋمەتتىك مادەنيەتكە قىزمەت وتەۋدىڭ ىقپال كۇشىن جوعارىلاتۋ، ەرەكشە مادەنيەت كاسىبىنىڭ باسەكەلىك قۋاتىن جوعارىلاتۋ، سوتسياليستىك رۋحاني مادەنيەت ونىمدەرىنىڭ قامداۋ قۋاتىن ارتتىرۋ، يدەولوگيا سالاسىنداعى حاۋىپسىزدىككە كەپىلدىك ەتۋ كەرەك.
چىن چۋانگو بىلاي دەپ باسا دارىپتەدى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، دەموكراتيالى، زاڭمەن جونگە سالۋ قۇرىلىسىن كۇشەيتۋ كەرەك. پارتيانىڭ باسشىلىعىنداعى سوتسياليستىك دەموكراتيالىق ساياسيدى دامىتۋعا تاباندى بولىپ، مەملەكەتتى زاڭمەن جونگە سالۋدى تياناقتاندىرىپ، شينجياڭدى زاڭمەن جونگە سالۋدى ىلگەرىلەتىپ، ءار ۇلت حالقىنىڭ دەموكراتيالىق ۇقىعىن تولىق قامتاماسىز ەتىپ، شينجياڭدى زاڭمەن جونگە سالۋ قۇرىلىسىن ىشكەرىلەي ىلگەرىلەتۋ، حالىق قۇرىلتايى قىزمەتىن كۇشەيتۋ، كەڭەستىك دەموكراتيا ءتۇزىمىن كەمەلدەندىرۋ، پارتيانىڭ بۇقارالىق ۇيىمدارعا بولعان قىزمەتىن كۇشەيتۋ، وتانشىل بىرلىكساپ شەبىن زورايتۋ، مەملەكەت قورعانىسى، اسكەري قوسىن قۇرىلىسىن قولداۋ، ءار ۇلت، ءار سالا نيەتتەس، جۇرەكتەس، قادامداس بولعان مىعىم بىرىككەن كۇش قالىپتاستىرۋ كەرەك.
چىن چۋانگو بىلاي دەپ اتاپ كورسەتتى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، بيڭتۋاننىڭ ەرەكشە رولىن تولىق ساۋلەلەندىرۋ كەرەك. بيڭتۋان قىزمەتىنە باسشىلىقتى كۇشەيتۋ، بيڭتۋاننىڭ ورنىقتىلىقتى، شەكارانى قورعاۋ قابىلەتى قۇرىلىسىن كۇشەيتۋ، بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتۋ، بيڭتۋاننىڭ رەفورمانى تەرەڭدەتۋىن قولداۋ، بيڭتۋاننىڭ دامۋىن، زورايۋىن قولداۋ، بيڭتۋاننىڭ وڭتۇستىك شينجياڭعا قاراي دامۋىن قولداۋ، بيڭتۋاننىڭ ورنىقتىرعىش، دومنا پەش جانە ۇلگى كورسەتۋ رايونى بولۋ ەرەكشە رولىن شىنايى ساۋلەلەندىرۋ كەرەك.
چىن چۋانگو بىلاي دەپ باسا دارىپتەدى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ەكولوگيالىق ورتانى قورعاۋ قۇرىلىسىن كۇشەيتۋ كەرەك. ەكولوگيالىق ورتانى قورعاۋدى باستان - اياق ماڭداي الدى ورىنعا قويۋدان جازباي، دامۋدى ەكولوگيا حاۋىپسىزدىگى نەگىزىندە جۇرگىزىپ، ەكولوگيالىق ورتا يدەياسىن كۇشەيتۋ، ەكولوگيانى قورعاۋدىڭ تومەنگى شەگىن قاتاڭ ساقتاۋ، ەكولوگيانى قورعاۋ قۇرىلىسىن كۇشەيتۋ، لاستانۋدىڭ الدىن الۋ جانە ونى وڭاۋ تەبىنىن ارتتىرۋ، سۋ بايلىعىن باسقارۋدى قاتايتۋ، ەكولوگيالىق ورتانى قورعاۋ جاۋاپكەرلىگىن تياناقتاندىرۋ، شينجياڭنىڭ ءبىر تال ءشوپ، ءبىر ءتۇپ اعاشىن، تاۋ - سۋىن شىنايى قورعاپ، شينجياڭنىڭ تاۋى جاسىل، سۋى تۇنىق بولا بەرۋىنە مۇمكىندىك جاساۋ كەرەك.
چىن چۋانگو بىلاي دەپ باسا دارىپتەدى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، پارتيا قۇرىلىسىن كۇشەيتۋ جانە جاقسارتۋ كەرەك. پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، پارتيانىڭ ىشكى ساياسي تۇرمىسىن شىن مانىندە قاتايتۋ، بولشەكتەۋشىلىككە قارسى تۇرۋ كۇرەسىنىڭ ءتارتىبىن شىنايى قاتايتۋ، باسشىلىق القاسى مەن كادرلار قوسىنى قۇرىلىسىن شىن مانىندە كۇشەيتۋ، نەگىزگى ساتى ۇيىمدارى مەن نەگىزگى ساتىنىڭ بيلىك قۇرىلىسىن شىنايى كۇشەيتۋ، پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسىن شىن مانىندە كۇشەيتۋ، ستيل قۇرىلىسىن شىن مانىندە كۇشەيتۋ، پارتيا ىشىندەگى باقىلاۋدى شىنايى كۇشەيتۋ، پارتيانىڭ شينجياڭداعى بيلىك نەگىزىن بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعىنا قۋاتتى ساياسي كەپىل ازىرلەۋ كەرەك.
چىن چۋانگو بىلاي دەپ اتاپ كورسەتتى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، وڭتۇستىك شينجياڭ قىزمەتىن كۇشەيتۋگە اناعۇرلىم ءمان بەرۋ كەرەك. وڭتۇستىك شينجياڭنىڭ ورنىقتىلىعىن شىن مانىندە قورعاۋ، ەرەكشە ساياساتتى جاپپاي تياناقتاندىرۋ، حالىق تۇرمىسىنداعى قيىن ماسەلەلەردى شوعىرلى شەشۋ، ەكونوميكا مەن قوعامنىڭ دامۋىن جەدەلدەتۋ كەرەك.
چىن چۋانگو بىلاي دەپ باسا دارىپتەدى: قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شينجياڭعا باعىتتامالى كومەكتەسۋ قىزمەتىن جاقسى ىستەۋگە اناعۇرلىم ءمان بەرۋ كەرەك. حالىق تۇرمىسىن جاقسارتىپ، جەرگىلىكتى ورىندى باقىتقا كەنەلتۋ جاعىنا كوپ كۇش جۇمساۋ، ىنتىماقتى كۇشەيتىپ، ورنىقتىلىقتى قورعاۋ جاعىندا ۇلگى ورناتۋ، كوڭىل ءبولۋ، قامقورلىق جاساۋ، رولىن ساۋلەلەندىرۋ جاعىنا تاعى دا كۇش ۇستەۋ، شينجياڭعا باعىتتامالى كومەكتەسۋدە ەكونوميكا، كادر، دارىندى، وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ جاقتارىنان باعىتتامالى كومەكتەسۋ ۇشتاسقان قىزمەت جۇلگەسىن ۇزدىكسىز كەمەلدەندىرۋ كەرەك.
چىن چۋانگو ەڭ سوڭىندا مىنالاردى ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى دە تىعىز توپتاسىپ، جۇڭگوشا سوتسياليزم ۇلى تۋىن بيىك ۇستاپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي دايەكتى تياناقتاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، بورىشتى كوكەيدە بەرىك ساقتاپ، ماڭىزدى تاپسىرمانى ورىنداپ، ءبىر نيەت، ءبىر تىلەكتە بولىپ، ىنتىماقتاسا العا ۇمتىلىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن سوتسياليستىك شينجياڭ قۇرۋ جولىندا ارىماي - تالماي كۇرەس جۇرگىزەيىك!
چىن چۋانگو بايانداما جاساعاندا، زالدا كوپ رەت قىزۋ قول شاپالاق سوعىلدى.
قۇرىلتاي اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، اۆتونوميالى رايوندىق ساياسي كەڭەستىڭ ورىنباسار ءتوراعاسى بولىپ مىندەت وتەيتىن پارتيا سىرتىنداعى قايراتكەرلەردى؛ اۆتونوميالى رايوندا ورىنباسار ولكە دارەجەلىدەن جوعارى باسشىلىق مىندەتتە بولعان ساقا پارتيا مۇشەلەرىن؛ شينجياڭ اسكەري رايونىندا سىليڭيۋان، ساياسي كوميسسار بولىپ مىندەت وتەگەن ساقا پارتيا مۇشەلەرىن جانە قۇرىلتايعا ۋاكىل ەمەس شينجياڭ اسكەري رايونىنىڭ ورىنباسار سىليڭيۋاندارىن، ورىنباسار ساياسي كوميسسارلارىن، ءتارتىپ تەكسەرۋ كوميتەتىنىڭ شۋجيىن؛ شينجياڭ ءوندىرىس - قۇرىلىس بيڭتۋانىندا سىليڭيۋان، ساياسي كوميسسار بولىپ مىندەت وتەگەن ساقا پارتيا مۇشەلەرىن؛ اۆتونوميالى رايونداعى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ جاۋاپتىلارىن جانە پارتيادا، توپتا جوق قايراتكەرلەردىڭ ۋاكىلدەرىن قۇرىلتايدىڭ اشىلۋ ماجىلىسىنە قاتىناسۋعا ۇسىنىس ەتتى.
وسى رەتكى قۇرىلتايعا ج ك پ اۆتونوميالى رايوندىق 8 - كەزەكتى كوميتەتىنىڭ ۋاكىل ەمەس مۇشەلەرى، ۋاكىل ەمەس كانديدات مۇشەلەرى، ءتارتىپ تەكسەرۋ كوميتەتىنىڭ ۋاكىل ەمەس مۇشەلەرى؛ ايماقتىق، وبلىستىق، قالالىق ءتارتىپ تەكسەرۋ كوميتەتىنىڭ ۋاكىل ەمەس شۋجيلەرى؛ اۆتونوميالى رايوندىق پارتكومنىڭ ۋاكىل ەمەس ورىنباسار باس حاتشىلارى، حالىق قۇرىلتايى تۇراقتى كوميتەتىنىڭ ۋاكىل ەمەس ورىنباسار باس حاتشىلارى، ۇكىمەتتىڭ پارتيالى ۋاكىل ەمەس ورىنباسار باس حاتشىلارى، ساياسي كەڭەستىڭ پارتيالى ۋاكىل ەمەس ورىنباسار باس حاتشىلارى؛ اۆتونوميالى رايونداعى مەڭگەرمە، مەكەمە دارەجەلى ورىنداردىڭ، باسشى كادرلارىنا ۋاكىل سانى بەرىلمەگەن ورتالىقتىڭ شينجياڭداعى ورىندارىنىڭ ۋاكىل ەمەس نەگىزگى جاۋاپتى جولداستارى؛ شينجياڭ ءوندىرىس - قۇرىلىس بيڭتۋانىنىڭ كوميتەت، كەڭسە، مەكەمەلەرىنىڭ، ديۆيزيا دارەجەلى توتە قاراستى ورىنداردىڭ ۋاكىل ەمەس جاۋاپتى جولداستارى؛ اۆتونوميالى رايونداعى مەڭگەرمە، مەكەمەلەردىڭ 2 - دارەجەلى ورىندارىنىڭ، مەملەكەتتىك ساناتتاعى اشۋ رايوندارىنىڭ (باقشا رايونى) ۋاكىل ەمەس جاۋاپتى جولداستارى قۇرىلتايدىڭ اشىلۋ سالتىنا سىرتتاي قاتىناستى.
ج ك پ شينجياڭ ۇيعۇر اۆتونوميالى رايوندىق 9 - قۇرىلتايى 29 - قازان كۇنى ءتۇستىڭ الدىندا شينجياڭ حالىق سارايىندا سالتاناتپەن اشىلدى. چىن چۋانگو ج ك پ شينجياڭ ۇيعۇر اۆتونوميالى رايوندىق 8 - كەزەكتى كوميتەتى اتىنان قۇرىلتايدا بايانداما جاسادى.
سۋرەتتى ءتىلشىمىز لۋ مين - ي تۇسىرگەن
ج ك پ شينجياڭ ۇيعۇر اۆتونوميالى رايوندىق 9 - قۇرىلتايى 29 - قازان كۇنى ءتۇستىڭ الدىندا شينجياڭ حالىق سارايىندا سالتاناتپەن اشىلدى. سۋرەتتە: قۇرىلتاي زالى.
سۋرەتتى ءتىلشىمىز لۋ مين - ي تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
