- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
باس نىسانا تۋىن بيىك جەلبىرەتىپ، اۋەلگى ماقساتتى ەستەن شىعارماي، ۇزدىكسىز العا باسايىق
− ج ك پ اۆتونوميالى رايوندىق 9 - قۇرىلتايىنىڭ اشىلۋى تۋرالى ەستەلىك
2016.11.01 10:38 كەلۋ قاينارى : شينجياڭ گازەتى
التىن كۇز، اسپان اشىق، بۇلت سيرەك.
ج ك پ اۆتونوميالى رايوندىق 9 - قۇرىلتايى 29 - قازان كۇنى سالتاناتپەن اشىلدى.
بۇكىل شينجياڭداعى ءبىر ميلليون 480 مىڭنان اسا كوممۋنيستىڭ تاپسىرماسى مەن 23 ميلليوننان استام ءار ۇلت جۇرتشىلىعىنىڭ ءۇمىتىن ارقالاپ، تيانشاننىڭ تۇستىگى مەن تەرىستىگىنەن، ءار شەپتەن كەلگەن پارتيا قۇرىلتايىنىڭ ۋاكىلدەرى شينجياڭ حالىق سارايىندا باس قوسىپ، وتكەن 5 جىلداعى ىنتىماقتى كۇرەس ارقىلى قول جەتكەن تابىستىڭ قۋانىشىن ءبولىسىپ، بۇرىنعىعا مۇراگەر، كەيىنگىگە بۇيداگەر بولىپ، شينجياڭنىڭ الداعى 5 جىلداعى دامۋ جوباسىن جاسايدى.
ساعات 10دا قۇرىلتايعا قاتىساتىن 700دەن اسا ۋاكىل جيىن زالىنا جينالا باستادى. «ءبىز، ءسوز جوق، باياندامانى مۇقيات تىڭداپ، قۇنتتاپ قاراپ، ويداعىداي دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋ جولىندا ىنتىماقتاسا كۇرەس جۇرگىزەمىز»، - دەستى پارتيا قۇرىلتايىنىڭ ۋاكىلدەرى.
ساعات 10نان 30 مينۋت وتكەندە، ايبىندى دا اسقاق مەملەكەت ءانى زالدى كەرنەدى، ىزىنشە، چىن چۋانگو جولداس قۇرىلتايدا بايانداما جاسادى.
سۇلۋ ءسوز، قۇرعاق ۇراننان اۋلاق، باياندامانىڭ تۇس - تۇسىنان مىعىم قايرات پەن بەرىك سەنىم بايقالادى: «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ جەتەكشىلىگىندە، شينجياڭنىڭ ءتۇرلى ىستەرى جاپپاي العا ىلگەرىلەپ، تىڭ تاريحي باستاماعا كوتەرىلدى − قوعامدىق جالپى جاعدايدىڭ ورنىقتىلىعى ساقتالدى، رەفورمادا، دامۋدا جاڭا جاعداي اشىلدى، حالىق تۇرمىسى كورنەكتى تۇردە جاقساردى، ۇلت، ءدىن بەرەكەلى، جاراسىمدى بولدى، ەكولوگيالىق ورتا كورنەكتى تۇردە جاقساردى، دەموكراتيالى بولۋ، زاڭمەن جونگە سالۋ اقاۋسىزداندىرىلدى جانە كەمەلدەندىرىلدى، مادەنيەت قۇرىلىسىنىڭ ناتيجەسى كورنەكتى بولدى، بيڭتۋاننىڭ قىزمەتى تىڭعىلىقتى جەبەلدى، پارتيا قۇرىلىسى ۇزدىكسىز كۇشەيدى...».
باياندامانىڭ ءار جول، ءار سويلەمى شينجياڭنىڭ رەفورما جاساۋ، دامۋ ۇدەرىسى جونىندەگى مۇقيات قورىتىندىلاۋ مەن وبيەكتيۆ بايىمداۋعا تولى؛ كوڭىلگە ماقتانىش ۇيالاتاتىن سان - سيفرلار ءار ۇلت جۇرتشىلىعىنىڭ باقىتتى تۇرمىسىنا كۋا بولىپ، جۇرەككە مول جىلۋ بەرەدى.
الداعى 5 جىل − شينجياڭنىڭ قوعام ورنىقتىلىعى مەن باياندى تىنىشتىعىنىڭ بەرىك نەگىزىن بەكەمدەي تۇسەتىن شەشۋشى مەزگىل، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزەتىن كەزەڭ. قوعام ورنىقتىلىعى مەن باياندى تىنىشتىق باس نىساناسىن بەرىك ارقاۋ ەتكەن باياندامادا لاڭكەستىككە قارسى تۇرىپ، ورنىقتىلىقتى قورعاۋدىڭ باياندى مەحانيزمىن ورناتۋدان ەكونوميكانىڭ ءارى جاقسى، ءارى تەز دامۋىن ىلگەرىلەتۋگە، حالىق تۇرمىسىن كۇش سالا قامتاماسىز ەتۋ مەن جاقسارتۋدان ۇلتتار ىنتىماعىن بەكەمدەۋ، دامىتۋعا، ءدىني بەرەكەلىك پەن جاراسىمدىلىقتى جەبەۋدەن يدەولوگيا سالاسىنداعى حاۋىپسىزدىكتى قورعاۋعا، دەموكراتيا جانە زاڭمەن جونگە سالۋ قۇرىلىسىن كۇشەيتۋدەن بيڭتۋاننىڭ ەرەكشە رولىن ساۋلەلەندىرۋگە، ەكولوگيالىق ورتانى قورعاۋ قۇرىلىسىن كۇشەيتۋدەن پارتيا قۇرىلىسىن نىعايتۋ، جاقسارتۋعا دەيىن تاپتىشتەي باياندالىپ، جاڭا تاريحي باستامادان جارقىن بولاشاققا كوش تۇزەۋدىڭ دابىلى قاعىلدى.
بويىمىزدى اسەرلى سەزىم بيلەپ، قايراتتى كۇش كەرنەدى!
«8 - قۇرىلتايدان بەرى شينجياڭنىڭ ەكونوميكالىق، قوعامدىق دامۋىندا قول جەتكەن تابىستار جان - جاقتى ەسكە الىنىپ، الداعى 5 جىلدىڭ كوركەم جوباسى تايعا تاڭبا باسقانداي كورسەتىلگەن بايانداما جۇرەككە شابىت بەرىپ، ادامدى العا باسۋعا شابىتتاندىردى! بايانداما جاڭا جاعدايدا ءتۇرلى قىزمەتتى ويداعىداي جاقسى ىستەۋىمىزگە ارەكەت قىبلاناماسى جانە باعدارلامالىق حۇجات بولادى»، - دەدى قاشقار ايماقتىق پارتكومنىڭ شۋجيى، بيڭتۋان 3 - ديۆيزياسى پارتكومىنىڭ ءبىرىنشى شۋجيى، بيڭتۋان 3 - ديۆيزياسىنىڭ ءبىرىنشى ساياسي كوميسسارى، ۋاكىل زىڭ سۇن.
قۇتىبي اۋداندىق 2 - باستاۋىش مەكتەپتىڭ ورىنباسار باستىعى، ۋاكىل رىزۋانگۇل امۇت بىلاي دەدى: «باياندامادا وقۋ - اعارتۋ ىستەرىنىڭ الداعى 5 جىلداعى دامۋىنا ايقىن نىسانا بەلگىلەنىپ، تالاپتار ورتاعا قويىلدى. مەن جۇمىستىڭ ناقتى جاعدايىنا ۇشتاستىرىپ، قۇرىلتايدىڭ رۋحىن ءاربىر وقىتۋشى - قىزمەتكەرگە، اۋدان كولەمىندەگى ءاربىر مەكتەپكە دەر كەزىندە جەتكىزىپ، قۇرىلتاي رۋحىن ناقتى ارەكەتكە اينالدىرامىن».
«باياندامانى تىڭداپ، كوڭىلىم ەرەكشە تولقىدى. پارتيا قۇرىلتايىنىڭ ۋاكىلى رەتىندە، قول جەتكەن تابىستاردى ماقتان تۇتىپ، بولاشاققا كوتەرىڭكى سەنىممەن قارايمىن. ءبىز باياندامانىڭ رۋحىن جەدەل جەتكىزىپ جانە تياناقتاندىرىپ، پارتيا قۇرىلتايىندا ورتاعا قويىلعان ءتۇرلى نىسانا - مىندەتتەردىڭ تامىر تارتىپ، جەمىس بەرۋىنە كەپىلدىك ەتەمىز»، - دەدى اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ ورىنباسار شۋجيى، كوميتەت مەڭگەرۋشىسى، ۋاكىل جاڭ چۇنلين.
قوعام ورنىقتىلىعى مەن باياندى تىنىشتىق باس نىساناسى ءبىزدى العا ىنتالاندىرىپ، كورىكتى شينجياڭ قۇرۋ، وتان ارمانىنا بىرگە قانات قاعۋ قاسيەتتى بورىشى بىزگە شابىت بەرىپ، حالىق جۇرتشىلىعىنىڭ جاپپاي دوڭگەلەك داۋلەتتى قوعامعا دەگەن كوركەم ارمانى بىزگە ۇندەۋ سالۋدا − جاڭا تاريحي باستامادا، تىڭ ورايدى مىقتى يگەرىپ، پارتيا قۇرىلتايىنىڭ ۋاكىلدەرى اۋەلگى ماقساتتى ەستەن شىعارماي، ۇزدىكسىز العا باسادى!
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
