- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ج ك پ ورتالىق كوميتەتى ساياسي بيۋروسىنىڭ ءماجىلىسىن باسقارىپ اشتى
ءماجىلىس قازىرگى ەكونوميكالىق جاعدايعا جانە ەكونوميكالىق قىزمەتكە تالداۋ جاسادى، زەرتتەۋ جۇرگىزدى
2016.11.01 10:26 كەلۋ قاينارى : شينجياڭ گازەتى
شينحۋا اگەنتتىگىنىڭ 28 - قازاندا بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 28 - قازاندا ءماجىلىس اشىپ، قازىرگى ەكونوميكالىق جاعدايعا جانە ەكونوميكالىق قىزمەتكە تالداۋ جاسادى، زەرتتەۋ جۇرگىزدى. ءماجىلىستى ج ك پ ورتالىق كوميتەتىنىڭ باس شۋجيى شي جينپيڭ باسقاردى.
ءماجىلىس بىلاي دەپ قارادى: بيىل كۇردەلى دە قىم - قۋىت ىشكى - سىرتقى جاعدايدا، جەر - جەر، تاراۋلار پارتيا ورتالىق كوميتەتىنىڭ شەشىمىنە، ورنالاستىرۋىنا ساي، ەكونوميكالىق دامۋدىڭ جاڭا قالىبىنا ىرىقتىلىقپەن ۇيلەسىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى جۇلگەسىنە تاباندى بولىپ، جالپى قاجەتتى لايىقتى ارتتىرۋمەن بىرگە، قامداۋ جاعىنداعى قۇرىلىمدىق رەفورمانى كۇش سالا ىلگەرىلەتىپ، حالىق تۇرمىسىن جاقسارتۋدى جەبەپ، مەجە بويىنشا جەتەكتەۋگە بارىنشا دەن قويىپ، ەكونوميكالىق، قوعامدىق دامۋدى ىلگەرىلەتۋدە وڭاي - وسپاق كەلە قويمايتىن ناتيجەلەرگە قول جەتكىزدى.
ءماجىلىس بىلاي دەپ اتاپ كورسەتتى: الدىڭعى 3 توقساندا، ەلىمىزدىڭ ەكونوميكالىق اينالىمى، تۇلعالىق جاقتان، ورنىقتى بولدى، قۇرىلىمدى رەتتەۋدە بەلسەندى ىلگەرىلەۋشىلىكتەرگە قول جەتتى، جوعارى، جاڭا تەحنيكالىق شارۋاشىلىق جەدەل دامىپ، قىزمەت وتەۋ كاسىبى ۇزدىكسىز، نەداۋىر تەز وركەندەدى، فينانس بازارىنىڭ اينالىمى ورنىقتى بولدى، رەفورما جاساۋ، ەسىك اشۋ تىنباي تەرەڭدەدى، جاسىل دامۋدىڭ ونىمدىلىگى كورنەكتى بولدى، قالا - قالاشىقتارداعى كاسىپتەنۋشىلەردىڭ تىڭنان ارتۋ جاعدايى مەجەدەگىدەن جاقسى بولدى، قالا مەن اۋىل تۇرعىندارىنىڭ كىرىسى مەن ەكونوميكالىق ارتۋ سايكەستىلىكتى ساقتادى، قوعامدىق جالپى جاعداي ورنىقتى بولدى. وتە - موتە، جەر - جەر، تاراۋلار قامداۋ جاعىنداعى قۇرىلىمدىق رەفورمانى ىلگەرىلەتۋدەگى ىرىقتىلىقتى كۇشەيتىپ، قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى ازايتۋ، وزىندىك قۇندى تومەندەتۋ، ولقىلىقتاردى تولتىرۋ سياقتى جاقتاردا ىلگەرىلەۋشىلىكتەرگە قول جەتكىزىپ، سۇيمەندى ازايتۋدىڭ تىڭ شارالارىن اتقارا باستادى، ەكونوميكالىق دامۋدىڭ جاڭا قوزعاۋشى قۋاتتارى جەدەل جەتىلدى. سونىمەن بىرگە، ەكونوميكالىق بەتالىس ۇزدىكسىز جىكتەلدى، وڭىرلەردىڭ، كاسىپ سالالارىنىڭ، كاسىپورىنداردىڭ ەكونوميكالىق ارتۋ جاعىنداعى پارىقتارى نەداۋىر زورايدى، ەكونوميكالىق اينالىمداعى قايشىلىقتار مەن ماسەلەلەر ءالى نەداۋىر كوپ بولىپ وتىر. ءبىز قايشىلىقتار مەن ماسەلەلەرگە دۇرىس قاراپ، ستراتەگيالىق تۇراقتىلىقتى ساقتاپ، ەكونوميكالىق زاڭدىلىققا ساي ءىس تىندىرىپ، ءتۇرلى قىزمەتتەردى تىڭعىلىقتى ىستەۋىمىز كەرەك.
ءماجىلىس مىنانى باسا دارىپتەدى: قازىرگى ەكونوميكالىق دامۋدىڭ جاڭا قالىبىنىڭ ەرەكشەلىگى بارىنشا ايقىندالعان ءىس جۇزىندىك جاعدايعا مەڭزەس، جالپى قاجەتتى لايىقتى ارتتىرۋعا ۇزدىكسىز تاباندى بولىپ، قامداۋ جاعىنداعى قۇرىلىمدىق رەفورمانى ىلگەرىلەتۋدى ارقاۋ ەتىپ، مەجە بويىنشا جەتەكتەۋگە دەن قويىپ، ساياساتتاردى سايكەستىرۋدى تەرەڭدەتىپ، جىنتىكتەي اشالاپ، ناقتىلاندىرىپ، قىزمەتتى تياناقتاندىرۋ سەرپىنىن كۇشەيتىپ، بيىلعى ەكونوميكالىق، قوعامدىق دامۋدىڭ مەجەلى نىساناسىن جۇزەگە اسىرۋعا، «13 - بەسجىلدىق» جوبانى اتقارۋدا تاماشا باستاما اشۋعا شىنايى كەپىلدىك ەتۋ كەرەك.
ءماجىلىس مىنانى اتاپ كورسەتتى: بەلسەندى قازىنالىق ساياساتتى ۇتىمدى اتقارىپ، قازىنالىق لايىقتى شىعىسقا كەپىلدىك ەتىپ، قيىنشىلىعى ەرەكشە اۋىر وڭىرلەر مەن قيىنشىلىعى بار ولكەلەردى سۇيەمەلدەۋ سەرپىنىن ارتتىرۋ كەرەك. ورنىقتى اقشا ساياساتىنا تاباندى بولىپ، اينالىمداعى اقشانىڭ لايىقتى، جەتكىلىكتى بولۋىن ساقتاۋمەن بىرگە، مال - مۇلىك كوپىرشىگىن تەجەۋگە جانە ەكونوميكالىق، فينانستىق حاۋىپ - قاتەردەن ساقتانۋعا دەن قويۋ كەرەك. قامداۋ جاعىنداعى قۇرىلىمدىق رەفورمانىڭ مىندەتتەرىن تياناقتاندىرىپ، جىلدىق ءتۇيىندى رەفورما مىندەتتەرىن ورىنداۋدى مىقتى يگەرۋ كەرەك. تاماشا دامۋ مەجەسىن جاساپ، مۇلىك ۇقىعىن قورعاۋدى كۇشەيتىپ، بازارمەن بايلانىستىرۋ قىزمەتىن تىڭعىلىقتى ىستەۋ كەرەك. قارجى قوسۋدىڭ ورنىعۋ جاعدايىن بەكەمدەپ، تۇتىنۋدىڭ ورنىقتى ارتۋىن ىلگەرىلەتىپ، سىرتقى ساۋدانىڭ جاقسارۋىن جەبەۋ كەرەك. قيىنشىلىعى بار جۇرتشىلىقتىڭ وندىرىستە، تۇرمىستا كەز بولعان ماسەلەلەردى شەشۋىنە كومەكتەسىپ، قوعامدىق قايشىلىقتى دەر كەزىندە شەشىپ، قوعامدىق جالپى جاعدايدىڭ ورنىقتىلىعىن قورعاۋ كەرەك. ءوندىرىس حاۋىپسىزدىگى قىزمەتىن تىڭعىلىقتى ىستەپ، جاۋاپكەرشىلىك تانىمىن كۇشەيتىپ، قىزمەتتى تياناقتاندىرۋدى مىقتى يگەرىپ، حاۋىپسىزدىكتىڭ كومەسكى قاتەرىن الاستاۋ ءتيىس.
ءماجىلىس باسقا دا ىستەردى اقىلداستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
