- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى تەلەگرامما جولداپ قۇتتىقتادى
2016.11.04 14:39 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - قاراشادا بەيجيڭنەن بەرگەن حابارى. ج ك پ ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ ۇزاق جورىق − 5 تاسىمال راكەتاسىن تۇڭعىش ۇشىرۋ مىندەتىن تابىسپەن ورىنداعاندىعىنا جولداعان قۇتتىقتاۋ تەلەگرامماسى
اي شارىن بارلاۋ ينجەنەرياسى 3 - مەرزىمىنىڭ جانە ۇزاق جورىق − 5 تاسىمال راكەتاسى ينجەنەرياسىنىڭ مىندەتىنە قولباسشىلىق ەتۋ شتابىنا ءارى ۇزاق جورىق − 5 تاسىمال راكەتاسىن تۇڭعىش ۇشىرۋ مىندەتىنە قاتىناسقان زەرتتەۋ، سىناق ەتۋ ورىندارى مەن جالپى جولداستارعا:
جۇڭگو اۆياتسيا ىستەرى قۇرىلعاندىعىنىڭ 60 جىلدىعى بايلانىسىمەن «ۇزاق جورىق − 5» تاسىمال راكەتاسىن تۇڭعىش ۇشىرۋ مىندەتى تابىستى ورىندالدى. ج ك پ ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى وسى رەتكى مىندەتتى ورىنداۋعا قاتىناسقان جالپى عىلىم - تەحنيكا قىزمەتكەرلەرىن، كادر - جۇمىسشىلارىن، ازاتتىق ارمياسىنىڭ قولباسشىلارى مەن جاۋىنگەرلەرىن قىزۋ قۇتتىقتايدى ءارى ولاردان ىقىلاستى حال سۇرايدى!
ۇزاق جورىق − 5 تاسىمال راكەتاسى − ەلىمىزدىڭ تاسىمال راكەتاسىنىڭ دارەجەسىن جوعارىلاتىپ، ءتۇرىن جاڭالاعان ينجەنەرياسى، جاڭالىق اشۋدا قيىن تۇيىندەر كوپ، تەحنيكالىق اتتامالىلىعى زور، كۇردەلىلىك دەڭگەيى جوعارى، ول ەلىمىز تاسىمال راكەتاسىنىڭ عىلىم - تەحنيكادا جاڭالىق اشۋىنىڭ ەڭ جوعارى دەڭگەيىنە ۋاكىلدىك ەتەدى. مۇنان قالسا، تۇڭعىش ۇشىرۋ مىندەتىنىڭ ءساتتى ورىندالۋى ەلىمىزدىڭ ۋسىز، بىلعانىشسىز سۇيىق جانار زاتتى راكەتاسىن بارىنشا ىلگەرىلەتۋدەگى اقتاڭداقتى تولتىرىپ، ەلىمىز تاسىمال راكەتاسىنىڭ حالىقارالىق وزىق دەڭگەيگە جەتۋىنە مۇمكىندىك جاسادى. وسى كەلەلى جەتىستىك − ەلىمىزدىڭ اۆياتسيادا ءىرى ەل قاتارىنان اۆياتسيادا قۇدىرەتتى ەل قاتارىنا وتۋىندەگى ماڭىزدى كورسەتكىش، ەلىمىزدىڭ جاڭا بۋىن تاسىمال راكەتاسىنىڭ جۇيەلىلەنىپ، جەلىلەنىپ دامۋىن مىعىم تەحنيكالىق نەگىزبەن قامدادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆياتسيا شەبى ۇدەرە العا تارتىپ، قاجىرلىلىقپەن كۇرەس جاساپ، دەربەس ءبىلىم مەنشىك ۇقىعىنا يە ءبىر توپ ءتۇيىندى، وزەكتى تەحنيكالاردان قامال الىپ، ءىس جۇزىندىك ارەكەتتەرىمەن جاڭالىق اشۋ ارقىلى دامۋدى جەبەۋ ستراتەگياسىن جانە ارميا مەن حالىقتى توعىستىرا دامىتۋ ستراتەگياسىن امالياتتا ايگىلەدى، بۇل مەملەكەتتىڭ ەكونوميكالىق قۋاتىن، عىلىم - تەحنيكالىق قۋاتىن، مەملەكەت قورعانىسى قۋاتىن، ۇلتتىڭ ۇيىسۋ كۇشىن ارتتىرۋدا اسا ماڭىزدى مانگە يە. وتان مەن حالىق سىزدەرگە راقىمەت ايتادى!
ۇشى - قيىرسىز عارىشتى شارلاۋ، اۆياتسيا ىستەرىن دامىتۋ، اۆياتسيادا قۇدىرەتتى ەل قۇرۋ − ءبىزدىڭ تىنباي تالپىناتىن اۆياتسيا ارمانىمىز. سىزدەردىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، جۇڭگوشا سوتسياليزم ۇلى تۋىن بيىك ۇستاپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتى تياناقتاندىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن كۇشەيتىپ، «اتوم بومبىسى، سۋتەگى بومبىسى، جاساندى سەرىك» جانە عارىشقا ادام الىپ ۇشۋ رۋحىن بارىنشا ساۋلەلەندىرىپ، اۋەلگى ماقساتتى ۇمىتپاي، ۇزدىكسىز العا باسىپ، اۆياتسيا ىستەرىنىڭ تىڭ شۇعىلاسىن ۇزبەي جاراتىپ، «قوس 100 جىلدىق» كۇرەس نىساناسىن ىسكە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋعا ءتىپتى دە زور، تىڭ ۇلەستەر قوسۋلارىڭىزدى ءۇمىت ەتەمىز!
ج ك پ ورتالىق كوميتەتى
مەملەكەتتىك كەڭەس
ورتالىق اسكەري ىستەر كوميتەتى
2016 - جىلى 3 - قاراشا
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
