- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ اۆتونوميالى رايوندىق 9 - كەزەكتى كوميتەتىنىڭ تۇراقتى كوميتەتى 1 - ءماجىلىسىن اشتى
2016.11.04 14:37 كەلۋ قاينارى : شينجياڭ گازەتى
2 - قاراشا تۇستەن كەيىن ج ك پ اۆتونوميالى رايوندىق 9 - كەزەكتى كوميتەتىنىڭ تۇراقتى كوميتەتى 1 - ءماجىلىسىن اشىپ، وزىندىك قۇرىلىس قىزمەتىن كۇشەيتۋدى اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى ءارى ءسوز سويلەدى.
ءماجىلىس مىنانى اتاپ كورسەتتى: سوم تەمىر سوعۋ ءۇشىن قۇرىش بىلەك قاجەت. جاڭا كەزەكتى اۆتونوميالى رايوندىق پارتكومنىڭ ارقالاعان مىندەتى اۋىر، جاۋاپكەرشىلىگى ماڭىزدى، سوندىقتان قوعام ورنىقتىلىعى مەن باياندى تىنىشتىق باس نىساناسىن، ءسوز جوق، ءداپ باسىپ كوزدەپ، جاۋاپكەرشىلىك سەزىمدى، بورىشتىلىق سەزىمدى، كوكەي تەستىلىك سەزىمدى كۇشەيتىپ، ءوزى ونەگە بولىپ، باستاماشىلدىقپەن ۇلگى كورسەتىپ، اۆتونوميالى رايوندىق پارتكوم تۇراقتى كوميتەتى باسشىلىق القاسى قۇرىلىسىنىڭ تىڭ ناتيجەلەرى ارقىلى سان سالالى ىستەردە تىڭ تابىستارعا قول جەتكىزىپ، ءتۇرلى قىزمەتتە ۇزدىكسىز جاڭا جاعداي جاراتۋ كەرەك.
ءبىرىنشى، ادال، تاباندى بولۋدان، ءبىر اۋىزدىلىقتى ساقتاۋدان جازباۋ كەرەك. مۇرات - سەنىمدە قاشاندا بەرىك بولىپ، ماركستىك سەنىمدى، سوتسياليزم جانە كوممۋنيزم سەنىمىن، جۇڭگوشا سوتسياليزم جولى سەنىمىن، نازاريالىق سەنىمدى، ءتۇزىم سەنىمىن، مادەنيەت سەنىمىن بەكەمدەۋ كەرەك. دۇرىس ساياسي تۇرعى مەن ساياسي بەتالىستى بەكەمدەپ، ساياسي ءتارتىپ پەن ساياسي قاعيداعا قاتاڭ بويسۇنىپ، «4 تانىمدى»، اسىرەسە، ۇيتقى تانىمىن، ساپ تۇزەۋ تانىمىن مىقتاپ ورناتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، بارلىعىندا پارتيا ورتالىق كوميتەتىنىڭ ۇنىنە قۇلاق اسۋ كەرەك.
ەكىنشى، تۋى ايقىن بولۋدان، بولشەكتەۋشىلىككە قارسى تۇرۋدان جازباۋ كەرەك. بولشەكتەۋشىلىككە قارسى تۇرۋ سىندى وتاننىڭ تۇتاستىعىنا، ۇلتتار ىنتىماعىنا، مەملەكەتتىڭ حاۋىپسىزدىگىنە، قوعام ورنىقتىلىعىنا ساياتىن ماڭىزدى پرينسيپتىك ماسەلەدە تۋ ايقىن، مايدان بەرىك بولۋ، تانىمدى بىرلىككە كەلتىرۋ، ءىشى - سىرتى بىردەي بولۋ، پوزيتسيادا باتىل بولۋ، اياق الىس بىركەلكى بولۋ، نەمقۇرايلىلىق ىستەۋگە، جول بەرۋگە استە بولمايدى. قىراعىلىقتى ارتتىرىپ، ساقتىق دابىلىن ۇنەمى سوعۋ، جالپىلىق شارا قولدانىپ، ۇستىنەن وڭاۋ مەن تۇبىرىنەن وڭاۋعا بىردەي ءمان بەرۋ، ەرتە يگەرۋ، ۇساق ىستەردەن باستاپ يگەرۋ، تەز يگەرۋ، تىڭعىلىقتى يگەرۋ، العاشقى قادامدى نىق باسىپ، جان - جاقتى شارالار قولدانىپ، بولشەكتەۋشىلىككە قارسى تۇرۋ كۇرەسىندە ىرىقتى ۇقىقتى مىقتاپ يگەرىپ، قوعام ورنىقتىلىعى مەن باياندى تىنىشتىقتى قۇلشىنا ىلگەرىلەتۋ كەرەك.
ءۇشىنشى، ۇيرەنۋدى كۇشەيتىپ، قابىلەتتى جوعارىلاتۋ كەرەك. پارتكومنىڭ نازاريا ۇيرەنۋ وزەكتى گرۋپپاسى سىندى ماڭىزدى تۇتقادان ويداعىداي پايدالانىپ، ماركسيزمدى، لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، اسىرەسە، باس شۋجي شي جينپيڭنىڭ ماڭىزدى سوزدەرى سىندى ماركسيزمنىڭ جۇڭگولانعان ەڭ جاڭا جەتىستىكتەرىن ۇيرەنۋدى ماڭىزدى ساياسي مىندەت ەتىپ، شىنايى ۇيرەنىپ، شىنايى ۇعىنىپ، شىنايى سەنىپ، شىنايى پايدالانىپ، ماركسيزمدىك يدەيالىق سانا مەن نازاريالىق ورەنى ۇزدىكسىز جوعارىلاتۋ؛ ەكونوميكا، ساياسي، مادەنيەت، قوعام، ەكولوگيا، ۇلت، ءدىن جانە فيلوسوفيا، تاريح، زاڭ، عىلىم - تەحنيكا، مەملەكەت قورعانىسى، حالىقارا سياقتى جاقتارداعى بىلىمدەردى كەڭ كولەمدە ۇيرەنىپ، ارقالاعان مىندەتتىڭ تالابىنا اناعۇرلىم ۇيلەسۋ كەرەك.
ءتورتىنشى، جالپى جاعدايدى ءبىر تۇتاس جوبالاپ، دەموكراتيالىق ورتالىقتاندىرۋدان جازباۋ كەرەك. پارتكومنىڭ جالپى جاعدايدى جوبالاۋ، ءار جاقتى سايكەستىرۋدەي باسشىلىق ۇيتقىلىق رولىن تولىق ساۋلەلەندىرىپ، ەلەۋلى ىستەردى يگەرۋدەن، جالپى جاعدايدى كوزدە ۇستاۋدان، بەتالىستى باسقارۋدان جازباي، تۇتاس رايوننىڭ ورنىقتىلىق، دامۋ ىستەرىنە ۇيىمدىق جاقتان شىن مانىندە ءونىمدى باسشىلىق ەتۋ كەرەك. دەموكراتيالىق ورتالىقتاندىرۋ ءتۇزىمىن مۇقيات اتقارىپ، كوللەكتيۆ باسشىلىعى، دەموكراتيالىق ورتالىقتاندىرۋ، ءىشىنارالىق اقىلداسۋ، ماجىلىستە ماقۇلداۋ پرينسيبىنەن جازباي، ورتالىقتانعان ءارى دەموكراتيالى، ءتارتىپتى ءارى ەركىن، جىگەر بىرلىگى بار، ءارى جەكە ادامداردىڭ كوڭىلى كوتەرىڭكى بولۋ سىندى جاندى دا وبرازدى ساياسي جاعدايدى قۇلشىنا قالىپتاستىرۋ كەرەك. سىن جانە ءوز - وزىنە سىن بەرۋ قارۋىنان ويداعىداي پايدالانىپ، پارتيانىڭ ىشكى ساياسي تۇرمىسىنىڭ ساياسي، داۋىرلىك، پرينسيپتىك، جاۋىنگەرلىك سيپاتىن شىن مانىندە كۇشەيتۋ كەرەك.
بەسىنشى، ءبىر نيەت، ءبىر تىلەكتە بولىپ، ۇلتتار ىنتىماعىن قورعاۋدان جازباۋ كەرەك. پارتيا مەن حالىق ىستەرىن ءار دايىم ماڭىزدى ساناپ، پارتكوم تۇراقتى كوميتەتى باسشىلىق القاسىنىڭ ىنتىماعىن سانالىلىقپەن قورعاۋ، پارتكوم، حالىق قۇرىلتايى، حالىق ۇكىمەتى، ساياسي كەڭەس، اسكەري رايون، بيڭتۋان باسشىلىق القالارىنىڭ ىنتىماعىن سانالىلىقپەن قورعاپ، ءبىر نيەت، ءبىر تىلەكتە بولىپ، تىزە قوسا كۇش سالىپ، ىنتىماقتى، جاراسىمدى، جۇمىستى سەلبەسىپ بىرگە ىستەيتىن تاماشا ورتا قالىپتاستىرۋ كەرەك. ەندى ءبىر جاعىنان، ۇلتتار ىنتىماعىن سانالىلىقپەن قورعاۋ، تۇراقتى كوميتەتتەگى جولداستار ونەگەلىك رولدارىن ساۋلەلەندىرىپ، ۇلتتار ىنتىماعى جاعىندا باستاماشىلدىقپەن ۇلگى بولىپ، ءار ۇلت حالقىنىڭ اۋىس - كۇيىس، قارىم - قاتىناس جاساۋىن، توعىسۋىن، جاراسىمدى بىرگە ءوتۋىن، ءبىر جاعادان باس، ءبىر جەڭنەن قول شىعارىپ، جاراسىمدى دامۋىن شىن مانىندە جەبەۋ كەرەك.
التىنشى، باستى ماقساتتى ەستە بەرىك ساقتاپ، حالىق ءۇشىن قىزمەت وتەۋدەن جازباۋ كەرەك. حالىقتى ءسۇيۋ، حالىق ءۇشىن قىزمەت ەتۋ، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىن قاي - قاشان دا ەستە بەرىك ساقتاپ، بۇقارانى قوجايىن ساناپ، بۇقارانى تۋعان تۋىسىنداي كورىپ، ءار ۇلت بۇقاراسىنىڭ ويلاعان ويى مەن ارمان - تىلەكتەرى توڭىرەگىندە، حالىقتىڭ تىلەگىنە ساي كەلەتىن، حالىققا تيىمدىلىك جەتكىزەتىن ناقتى ىستەردى، جاقسى ىستەردى كوبىرەك ىستەۋ كەرەك. بۇقارامەن جاناسىپ، بۇقاراعا تيىمدىلىك جاساپ، نەگىزگى ساتىلارعا بارىپ، بۇقارامەن ىشكەرىلەي ارالاسىپ، بۇقارامەن تىكە بايلانىس جاساپ قىزمەت وتەۋ ءتۇزىمىن باستاماشىلدىقپەن تياناقتاندىرۋ، «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتۋمەن ۇشتاستىرىپ، تۇراقتى كوميتەتتەگى ءاربىر جولداس ءبىر ءتۇيىندى اۋداندى، ءبىر ءتۇيىندى مەشىتتى، ءبىر كەدەي قىستاقتى، ءبىر كەدەي وتباسىن بايلانىس جاساۋ ءتۇيىنى ەتىپ، ءار ۇلت بۇقاراسىمەن ەتەنە بايلانىس ورناتۋى كەرەك.
جەتىنشى، شىندىققا جۇگىنىپ، ناقتى ءىس ىستەۋدەن، شىنايى يگەرىپ، ناقتى ىستەۋدەن جازباۋ كەرەك. شىندىققا جۇگىنىپ، ناقتى ءىس ىستەۋ ستيلىن بارىنشا جانداندىرىپ، ناقتى جاعدايدى انىقتاۋ، شىن سويلەۋ، ءونىمدى شارا قولدانۋ، ناقتى جۇمىس تىندىرۋ، شىنايى ءونىمدى بولۋعا ءمان بەرۋ، كوز بوياۋشىلىقتان، قۇر بەينە كورسەتۋدەن اۋلاق بولۋ؛ باسى ارتىق قيمىلداردى شىن مانىندە ازايتىپ، ورتالىقتىڭ «8 ءتۇرلى بەلگىلەمەسىن» قاتاڭ تياناقتاندىرۋ، باسىم كوپ زەيىن - زەردەنى ورنىقتىلىق، دامۋ جالپى جاعدايىنا ساياتىن كەلەلى ىستەرگە شوعىرلاندىرۋ، قىزمەتتەردى تياناقتاندىرۋدى مىقتى يگەرىپ، از سويلەپ، كوپ ىستەۋگە، ايتقانىن ىستەۋگە، ىستەگەنىنەن ناتيجە جاراتۋعا، ىستەگەنىن جاقسى ىستەۋگە تاباندى بولىپ، تىڭعىلىقتى ىستەۋدەن جازباي، پارمەندى يگەرىپ، ناقتاپ تياناقتاندىرۋ مەن ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك.
سەگىزىنشى، قىزمەت مىندەتىنە تاباندى بولۋدان، جاۋاپكەرشىلىكتى باتىلدىقپەن ارقالاۋدان جازباۋ كەرەك. قىزمەت جاۋاپكەرشىلىگىن ادا ەتىپ، اقتىق دەمىنە دەيىن حالىق ءۇشىن قىزمەت ەتۋ، پارتيا مەن حالىق ىستەرىنە وسكەلەڭ تۇرعىدان تاباندى بولىپ، پارتكومنىڭ تاپسىرعان، وزىنە تيەسىلى قىزمەتتەردى بارىنشا تىڭعىلىقتى ىستەۋ كەرەك. جاۋاپكەرشىلىكتى باتىلدىقپەن ارقالاۋ، قالتقىسىز بولۋ، قايشىلىققا بەتپە - بەت كەلەتىن باتىلدىق بولۋ، مەن ىستەمەسەم كىم ىستەيدى دەيتىن جىگەر بولۋ، شەشۋشى ساتتە اتويلاپ العا شىعاتىن، جەڭىسكە قول جەتكىزەتىن جىگەر - قايرات بولۋ، اركىم ءوز جاۋاپكەرشىلىگىن ءبىلۋ، اركىم ءوز جاۋاپكەرشىلىگىن ۇستىنە الۋ، اركىم ءوز جاۋاپكەرشىلىگىن ادا ەتۋ كەرەك.
توعىزىنشى، قاجىرلىلىقپەن كۇرەس جۇرگىزۋدەن، ۇكىمەت ىسىندە ەلگەزەك، پاك بولۋدان جازباۋ كەرەك. ورتالىقتىڭ «8 ءتۇرلى بەلگىلەمەسىن» باستاماشىلدىقپەن قاتاڭ اتقارۋ، قاجىرلى، قايراتتى بولۋ، قارا تالاسۋعا، بايلىقپەن باسەكەلەسۋگە، استا - توك ىسىراپشىلدىققا باتىل قارسى تۇرۋ، اقشا قۇمارلىقتان، راقاتقۇمارلىقتان، ىسىراپشىلدىقتان اۋلاق بولۋ كەرەك. ەرەكشەلەنبەيتىن يدەيانى باستاماشىلدىقپەن مىقتاپ ورناتىپ، «2 جاۋاپكەرشىلىكتى» قاتاڭ تياناقتاندىرىپ، بولشەكتەۋشىلىككە قارسى تۇرۋدى مىقتى يگەرۋدەن جازباۋمەن بىرگە، پارتيا ستيلى، پاكتىك قۇرىلىسى مەن بولشەكتەۋشىلىككە قارسى تۇرۋ كۇرەسىن دە مىقتى يگەرۋ؛ «ءبىر قىزمەت ورنىنداعى قوس جاۋاپكەرشىلىكتى» قاتاڭ تياناقتاندىرىپ، قىزمەت بولىسىندەگى جۇيە مەن تاراۋلاردىڭ پارتيا ستيلى، پاكتىك قۇرىلىسىن ويداعىداي باسقارۋ كەرەك. باستاماشىلدىقپەن پاك، تارتىپشەڭ بولىپ، پارتيا ۋستاۆى مەن پارتيا ەرەجەسىنە، پارتيا ءتارتىبى مەن مەملەكەت زاڭىنا قاتاڭ بويسۇنۋ، باسشى كادرلاردى ماڭىزدى جۇمىستاردان مالىمەت بەرۋ ءتۇزىمىن قاتاڭ تياناقتاندىرىپ، ورتالىق پەن اۆتونوميالى رايوننىڭ قاتىستى بەلگىلەمەلەرىن قاتاڭ اتقارۋ، ءمورال جاعىنان شىڭالۋدى سانالىلىقپەن كۇشەيتىپ، تاماشا وتباسى ستيلىن ساقتاۋ، ءوزىن، تۋىس - تۋعاندارىن، پەرزەنتتەرىن جانە جانىنداعى قىزمەتتەستەرىن باسقارا ءبىلۋ كەرەك. ءار جاقتىڭ باقىلاۋىن سانالىلىقپەن قابىل الىپ، جۇمىستا، مىندەتتە پاك، كىرشىكسىز، شىنايى ادام بولۋ كەرەك.
ونىنشى، حۇجاتتاردى ىقشامداپ، ماجىلىستەردى ازايتىپ، ستيلدى جاڭالاۋدان جازباۋ كەرەك. ءماجىلىس ستيلىن بارىنشا جاڭالاپ، ءماجىلىستى از اشۋدان، قىسقا اشۋدان جازباۋ، از سويلەۋدەن، قىسقا سويلەۋدەن جازباۋ، حۇجاتتى از شىعارۋدان، قىسقا شىعارۋدان جازباۋ، بوس ءسوزدى از سويلەپ، جۇمىستى كوپ ىستەۋدەن جازباۋ، «قاپتاعان حۇجات، قالىڭ ماجىلىستەن» قۇتىلۋ، زەيىن - زەردەنى شوعىرلاندىرىپ، ورنىقتىلىقتى قورعاۋ، جاراسىمدىلىقتى جەبەۋ، دامۋدى يگەرۋ، حالىق تۇرمىسىنا تيىمدىلىك جاساۋ، ءىس جۇزىندىك ارەكەت ارقىلى اۆتونوميالى رايوندىق جاڭا كەزەكتى پارتكوم تۇراقتى كوميتەتى باسشىلىق القاسىنىڭ ءۇن - ءتۇنسىز، شىنايى ىستەيتىن، حالىق ءۇشىن قىزمەت ەتەتىن پاك وبرازىن قالىپتاستىرۋ كەرەك.
اۆتونوميالى رايوننىڭ باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين، لي ۋي، شاۋكەت يمىن، ەركىنجان تۇراحۇن، شۇي حايرۇڭ، لي شۋەجۇن، ەركىن تۇنياز، ما شۋەجۇن، پىڭ جيارۇي، تيان ۋىن، سارقىت اقان ۇلى ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
