- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ورتالىق اسكەري ىستەر كوميتەتىنىڭ ارتقى شەپ قىزمەتى ماجىلىسىندە
سوعىستا جەڭىسكە جەتۋدى قامتاماسىز ەتۋگە نازار اۋدارىپ، تيپىن وزگەرتىپ قايتا قالىپتاۋدى تەزدەتىپ، وسىزاماندانعان قۇدىرەتتى ارتقى شەپ قۇرىپ شىعۋعا قۇلشىنۋدى باسا دارىپتەدى
2016.11.14 13:40 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - قاراشادا بەيجيڭنەن بەرگەن حابارى. ورتالىق اسكەري ىستەر كوميتەتىنىڭ ارتقى شەپ قىزمەتى ءماجىلىسى 9 - ، 10 - قاراشا كۇندەرى بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىستە ماڭىزدى ءسوز سويلەدى. ول بىلاي دەپ باسا دارىپتەدى: پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن باسشىلىققا الىپ، ارميانى ساياسي ارقىلى قۇرۋعا، رەفورما ارقىلى قۇدىرەتتەندىرۋگە، ارميانى زاڭ بويىنشا جونگە سالۋعا تاباندى بولىپ، سوعىستا جەڭىسكە جەتۋدى قامتاماسىز ەتۋگە نازار اۋدارىپ، تيپىن وزگەرتىپ قايتا قالىپتاۋدى تەزدەتىپ، ارتقى شەپتىڭ داڭقتى ءداستۇرى مەن تاڭداۋلى ستيلىن ساۋلەلەندىرىپ، قۇدىرەتتى وسى زامانعى ارتقى شەپتى قۇلشىنا قۇرىپ شىعىپ، جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋدى پارمەندى قامتاماسىز ەتۋ كەرەك.
پارتيانىڭ 18 - قۇرىلتايىنان بەرى شي جينپيڭ ارميانىڭ ارتقى شەپ قىزمەتىنە بارىنشا ءمان بەردى. 2013 - جىلى قاراشادا ارميانىڭ اسكەري سوعىس ارتقى شەپ دايىندىق قىزمەتى ءماجىلىسىنىڭ ۋاكىلدەرىن قابىلدادى. بيىل 13 - قىركۇيەكتە ورتالىق اسكەري ىستەر كوميتەتى بىرىككەن قامداۋ اسكەري قوسىندارىنىڭ قۇرىلۋ جينالىسىنا قاتىناسىپ، ۋحان بىرىككەن قامداۋ بازاسىنا جانە 5 بىرىككەن قامداۋ ورتالىقتارىنا اسكەري تۋ تاپسىردى جانە نۇسقاۋ بەردى. شي جينپيڭ نەگىزگى ساتىداعى كوماندير - جاۋىنگەرلەردىڭ كيەر كيىم، ىشەر اسىن، تۇرمىستىق قاجەتىن باستان - اياق ەستەن شىعارماي، ءار جولى اسكەري بولىمدەرگە تەكسەرۋ - زەرتتەۋ جۇرگىزە بارعان كەزدەردە، روتا - اترەتتەردىڭ جاتاقتارىن، اسحانالارىن، قاراۋىلداردى ارالاپ جاعداي ۇعىسىپ، ءتۇرلى ءادىس - امالدار ارقىلى نەگىزگى ساتىنىڭ ماسەلەلەرىن شەشىپ، جۇرت جۇرەگىن جىلىتىپ، اسكەريلەردىڭ كوڭىلىن ورنىقتىراتىن ىستەردى كوبىرەك ىستەۋدى باسا دارىپتەدى.
9 - قاراشا كۇنى تۇستەن بۇرىن ساعات 9دان 30 مينۋت وتكەندە، شي جينپيڭ جيڭشي قوناق ۇيىنە كەلدى. ءىلتيپاتتى شاپالاق سوعىلىپ، شي جينپيڭ اسكەري كوميتەتتىڭ ارتقى شەپ قىزمەتى ءماجىلىسىنىڭ ۋاكىلدەرىن ىقىلاسپەن قابىلداپ، ولارمەن ەستەلىك سۋرەتكە ءتۇستى. پارتيا 18 - قۇرىلتايىنان بەرگى ارتقى شەپ قۇرىلىسىنىڭ جەتىستىكتەرى جونىندەگى ارناۋلى فيلمدى كوردى، ىلە - شالا شي جينپيڭ ماجىلىسكە قاتىناستى ءارى ماڭىزدى ءسوز سويلەدى. شي جينپيڭ سوزىندە ارميامىزدىڭ ارتقى شەپ قىزمەتىنىڭ دامۋ بارىسىن ەسكە ءتۇسىرىپ، ارميامىزدىڭ ارتقى شەپ قىزمەتىنىڭ جۇڭگونىڭ توڭكەرىس، قۇرىلىس، رەفورما سياقتى ءاربىر تاريحي مەزگىلدە قوسقان ماڭىزدى ۇلەستەرىن تولىق تۇراقتاندىردى. ول بىلاي دەپ اتاپ كورسەتتى: مەملەكەتتى، ارميانى قۇدىرەتتەندىرۋ ءۇشىن، ءسوز جوق، ارتقى شەپتى قۇدىرەتتەندىرۋ كەرەك. حالىقاراداعى اسكەري باسەكە جاعدايىندا تەرەڭ وزگەرىستەر جارىققا شىعىپ، مەملەكەت مۇددەسى مەن ارميانىڭ بورىش، مىندەتتەرىنىڭ ۇزدىكسىز كەڭەيە تۇسۋىنە بايلانىستى، ارتقى شەپ قۇرىلىسى سوعىستاعى جەڭىس پەن جەڭىلىسكە اسەر ەتەتىن ماڭىزدى فاكتورعا، ستراتەگيالىق باسەكەدە ىرىقتى ورىنعا يە بولۋداعى ماڭىزدى كۇشكە اينالا تۇسۋدە، مەملەكەتتى قۇدىرەتتەندىرۋ، ارميانى قۇدىرەتتەندىرۋ بارىسىندا كەلەلى بورىش ارقالاپ وتىر، پارتيا، مەملەكەت، ارميا ىستەرىنىڭ دامۋىندا ماڭىزدى ورنى بار. دۇنيە ءجۇزى بويىنشا بىرەگەي ارميا قۇرۋ ءۇشىن، ارتقى شەپ قۇرىلىسى، ءسوز جوق، سوعان جەتىسۋى كەرەك، قارىشتاپ دامۋدى، ءسوز جوق، جۇزەگە اسىرۋ كەرەك. ارتقى شەپتەگى بارلىق جولداستار، ءسوز جوق، يدەيالىق تانىمدى ءوسىرۋى، بورىشتى ارقالاۋدى كۇشەيتۋى كەرەك. شي جينپيڭ بىلاي دەپ باسا دارىپتەدى: ارتقى شەپ قۇرىلىسىن ستراتەگيالىق جوبالاۋدى جانە جەتەكشىلىك ەتۋدى كۇشەيتۋ كەرەك. بارلىعىندا سوعىس ءۇشىن قىزمەت ەتەتىن ارتقى شەپتى كۇش سالا قۇرىپ، سوعىس جۇرگىزۋدى قامتاماسىز ەتۋدىڭ ءتۇبىرلى بەتالىسىنا تاباندى بولىپ، ارتقى شەپ قامداۋ مەحانيزمىن زەرتتەپ، ارتقى شەپ نازارياسىندا جاڭالىق اشۋدى ىلگەرىلەتىپ، ارتقى شەپتى دامىتۋ ستراتەگياسىن جانە بىرىككەن ارتقى شەپ قامداۋ جوباسى جوسپارىن جاساپ، ارتقى شەپ قامداۋ كۇشتەرىنىڭ ءوسۋىن تەجەيتىن ءتۇيىندى، قيىن ماسەلەلەردى شەشۋدى مىقتى ۇستاۋ كەرەك. ءار دارەجەلى پارتكوم مەن ءار دارەجەلى كومانديرلار ارتقى شەپ قىزمەتىنە بارىنشا ءمان بەرىپ، سوعىس جۇرگىزۋ تالابىنا ساي ارتقى شەپ قۇرۋ، ارتقى شەپتەن پايدالانۋ كەرەك. ارتقى شەپ رەفورماسىن تەرەڭدەتۋگە كۇش سالىپ، بىرىككەن ارتقى شەپ قامداۋ مەحانيزمىن كەمەلدەندىرىپ، ارتقى شەپ كۇشتەرىنىڭ قۇرىلىمدىق ورنالاسۋىن ساپالىلاندىرىپ، ارتقى شەپ ساياساتى ءتۇزىم رەفورماسىن ىلگەرىلەتىپ، ارميامىزدىڭ ەرەكشەلىگىنە يە، وسى زامانعى ارميا قۇرىلىسىنىڭ زاڭدىلىعىنا ۇيلەسەتىن ارتقى شەپ ۇيىمدىق ۇلگىسىن، تۇزىمدىك ورنالاسۋىن، جۇمىس ءتاسىلىن جەدەل جارىققا شىعارۋ كەرەك. ارتقى شەپتى عىلمي باسقارۋدى بارىنشا كۇشەيتىپ، ارميانى شوگەلدىلىكپەن گۇلدەندىرۋگە تاباندى بولىپ، قازىنا بايلىعىن شوعىرلى تۇردە ءبىر تۇتاس باسقارۋدى كۇشەيتىپ، ارميانىڭ مال - مۇلكىن ءبىر تۇتاس رەتتەپ پايدالانۋدى كۇشەيتىپ، عىلمي ولشەم جۇيەسىن كەمەلدەندىرىپ، باسقارۋ توڭكەرىسىن ىلگەرىلەتۋ كەرەك. ارتقى شەپكە قاتىستى ارميا مەن حالىقتىڭ توعىسۋىن كۇش سالا ىلگەرىلەتىپ، مەملەكەتتىڭ نەگىزگى ارناسىنا سۇيەنىپ، جەرگىلىكتى ۇكىمەتتەردەن پايدالانىپ، قوعامدىق كۇشتەردى توعىستىرىپ، ارميا مەن حالىقتىڭ توعىسا وتىرىپ شارۋاشىلىق قۇرۋدان ۇلگى كورسەتەتىن ءبىر توپ ينجەنەريانى قۇرىپ، مەملەكەتتىڭ قۋاتىن قۇدىرەتتى قامتاماسىز ەتۋ كۇشىنە اينالدىرۋ كەرەك.
شي جينپيڭ مىنانى اتاپ كورسەتتى: پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن بۇكىل ارميادا ۇيرەنۋدى، دايەكتىلەندىرۋدى مىقتى يگەرىپ، ارتقى شەپ قىزمەتىندە پارتيانى جاپپاي، قاتاڭ جونگە سالۋدى دايەكتى تياناقتاندىرۋ، جەبەۋ كەرەك. ءتۇپ تياناقتى يگەرىپ، ارميا رۋحىن سومداپ، يدەيالىق - ساياسي قۇرىلىستى ماڭداي الدى ورىنعا قويۋدان جازباي، گو بوشيۇڭنىڭ، شۇي سايحۋدىڭ ءزارلى ىقپالىن جان - جاقتى تۇبەگەيلى تازارتىپ، قالىڭ پارتيا مۇشەلەرىن، كادرلاردى ساياسي ءتارتىپ پەن ساياسي قاعيداعا قاتاڭ بويسۇنىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتىپ، پارتيا ورتالىق كوميتەتىنىڭ بەدەلىن باتىل قورعاپ، پارتيا ورتالىق كوميتەتى مەن ورتالىق اسكەري ىستەر كوميتەتىنىڭ قولباسشىلىعىنا باتىل قۇلاق اسۋعا تاربيەلەۋ كەرەك. ۇيىمدى مىقتى ۇستاپ، ءتۇزىمدى قاتايتىپ، پارتيانىڭ ىشكى ساياسي تۇرمىسىن قاتاڭ ورىستەتىپ، ارتقى شەپ قىزمەتىنىڭ ەرەكشەلىگىنە نەگىزدەلە وتىرىپ پارتيا ىشىندەگى باقىلاۋدى كۇشەيتىپ، ءار دارەجەلى پارتيا ۇيىمدارىن اناعۇرلىم پارمەندى، اناعۇرلىم مىقتى ەتىپ قۇرىپ شىعۋ كەرەك. ستيلدى مىقتى ۇستاپ، پاراقورلاردى، جەمقورلاردى جازالاپ، پارتيا ستيلى، پاكتىك قۇرىلىسىن جانە جەمقورلىققا قارسى كۇرەستى سوڭىنا دەيىن جۇرگىزىپ، قالىڭ ارتقى شەپ قىزمەتكەرلەرىن، وتە - موتە، باسشى كادرلاردى جالپى مەن جەكەنى انىق پارىقتاپ، احىلاقتى، ءمورالدى، كىرشىكسىز بولىپ، ءار ءىستى تازا ىستەۋگە تاربيەلەۋ كەرەك. قوسىندى مىقتى ۇستاپ، ساپانى كۇشەيتىپ، كادرلاردى ءداپ باسىپ تاڭداپ، ويداعىداي پايدالانىپ، جوعارى ساپالى، جاڭاشا ارتقى شەپ دارىندىلارى قوسىنىن جەدەل قۇرىپ، ارتقى شەپتى گۇلدەندىرۋگە، ارتقى شەپتى قۇدىرەتتەندىرۋگە دارىندىلار جاعىنان قولداۋ كورسەتىپ، اقىل - پاراسات جاعىنان سۇيەۋ كەرەك.
شي جينپيڭ ءسوزىنىڭ سوڭىندا مەملەكەتتى قۇدىرەتتەندىرۋ، ارميانى قۇدىرەتتەندىرۋدىڭ تاريحي بارىسىندا، ارتقى شەپتەگى بارلىق جولداستىڭ، ءسوز جوق، ۇزدىكسىز كۇرەس جۇرگىزىپ، بۇرىنعىعا مۇراگەر، كەيىنگىگە بۇيداگەر بولىپ، ارميامىزدىڭ ارتقى شەپ قىزمەتىنىڭ جاڭا پاراعىن اشۋ كەرەكتىگىن باسا دارىپتەدى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى فان چاڭلۇڭ ءماجىلىستى باسقارعاندا بىلاي دەپ اتاپ كورسەتتى: ءتوراعا شي جينپيڭ ماڭىزدى سوزىندە ارتقى شەپ سالاسىنداعى ءبىر قاتار كەلەلى نازاريالىق جانە امالياتتىق ماسەلەلەردى پايىمداپ، ارتقى شەپ قۇرىلىسىنىڭ قارىشتاپ دامۋىن ىلگەرىلەتۋگە ءتۇبىرلى ولشەم ازىرلەدى. بۇكىل ارميا ۇيتقىنى قورعاۋ، پارتيانىڭ قولباسشىلىعىنا قۇلاق اسۋ تۇرعىسىنان، ءتوراعا شي جينپيڭنىڭ ماڭىزدى شەشىم - نۇسقاۋلارىن مۇقيات ۇيرەنىپ، دايەكتى تياناقتاندىرىپ، سوعىستى قامتاماسىز ەتۋدىڭ ءتۇبىرلى باعىتىن مىقتاپ ورناتىپ، قىزمەت ەتۋ تانىمىن كۇشەيتىپ، قامتاماسىز ەتۋ ءتاسىلىن جاڭالاپ، قامتاماسىز ەتۋ قابىلەتىن جوعارىلاتىپ، ارتقى شەپتىڭ جاڭا بەينەسىن، جاڭا وبرازىن سومداۋى كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ سوزىندە بىلاي دەپ اتاپ كورسەتتى: ءتوراعا شي جينپيڭ ماڭىزدى سوزىندە ارتقى شەپ قۇرىلىسىنىڭ دامۋىنداعى ءبىر قاتار ءتۇبىرلى باعىت، جالپى جاعداي سيپاتىنداعى كەلەلى ماسەلەلەردى تۇبەگەيلى پايىمداپ، ارميامىزدىڭ ارتقى شەپ قۇرىلىسىنىڭ جاڭا پاراعىن اشتى. بۇكىل ارميا ۇيتقىنى باتىل قورعاپ، ۇيتقىعا ىلەسىپ، قۇدىرەتتى وسىزاماندانعان ارتقى شەپتى قۇرۋ جونىندەگى ساياسي سانالىلىقتى كۇشەيتىپ، رەفورما سىندى نەگىزگى جەلىنى مىقتى ارقاۋ ەتە وتىرىپ ارتقى شەپتىڭ تيپىن وزگەرتىپ قايتا قالىپتاۋدى جەدەلدەتىپ، پارتيانى جاپپاي، قاتاڭ جونگە سالۋدى كورنەكتىلەندىرىپ، جاڭا باستامادا ارميامىزدىڭ ارتقى شەپ قۇرىلىسىنىڭ دامۋىنىڭ جاڭا جاعدايىن اشۋى كەرەك.
ورتالىق اسكەري ىستەر كوميتەتىنىڭ مۇشەلەرى چاڭ ۋانچۋان، فاڭ فىڭحۇي، جاڭ ياڭ، جاۋ كىشى، جاڭ يۋشيا، ۋ شىڭلي، ما شياۋتيان، ۋي فىڭحى قاتىستى قيمىلدارعا قاتىناستى.
اسكەري ىستەر كوميتەتى ورگانىنداعى قاتىستى تاراۋلاردىڭ، ۇلكەن ورىنداردىڭ، سونداي - اق بىرلەسكەن قامتاماسىز ەتۋ اسكەري قوسىندارىنىڭ، اسكەري ىستەر كوميتەتى ارتقى شەپ قامتاماسىز ەتۋ بولىمىنە توتە قاراستى ورىندار مەن قاتىستى مەكتەپتەردىڭ باسشىلارى ماجىلىسكە قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
