- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ 24 - رەتكى بەيرەسمي ماجىلىسىنە قاتىناستىءارى ماڭىزدى ءسوز سويلەدى
بولاشاقتى بەتكە الىپ، ءورىس اشا العا ىلگەرىلەپ، ازيا - تىنىق مۇحيت سەلبەستىگىنىڭ ساۋلەتتى كورىنىسىن بىرگە سالايىق
2016.11.22 14:59 كەلۋ قاينارى : شينجياڭ گازەتى
شينحۋا اگەنتتىگىنىڭ 20 - قاراشادا ليمادان بەرگەن حابارى. ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ 24 - رەتكى بەيرەسمي ءماجىلىسى 20 - قاراشا كۇنى پەرۋدىڭ ليما قالاسىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «بولاشاقتى بەتكە الىپ، ءورىس اشا العا ىلگەرىلەپ، ازيا - تىنىق مۇحيت ءوڭىرىنىڭ گۇلدەنۋىن جەبەيىك» دەگەن تاقىرىپتا ماڭىزدى ءسوز سويلەپ، مىنالاردى باسا دارىپتەدى: ازيا - تىنىق مۇحيت سەرىكتەستىك قاتىناسىن تەرەڭدەتىپ، ەسىك اشۋ ارقىلى ورتاق تيىمدىلىكتى كوزدەپ، توعىسۋ ارقىلى گۇلدەنۋدى جەبەپ، ۇزبەي ءورىس اشا العا ىلگەرىلەپ، ازيا - تىنىق مۇحيت ءوڭىرىنىڭ كوركەم بولاشاعىن بىرگە تۇلعالاۋى كەرەك.
ءماجىلىس باستالۋدان ىلگەرى، شي جينپيڭ مەن باسقا باسشىلار رەتىمەن زالعا كەلدى، ولاردى پەرۋدىڭ زۇڭتۇڭى كۋچينسكي قىزۋ قارسى الدى.
ءماجىلىس جەرگىلىكتى ۋاقىت تۇستەن بۇرىن ساعات 10نان 15 مينۋت وتكەندە باستالدى. ءماجىلىستى كۋچينسكي باسقاردى. ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ كەزەكتى بەيرەسمي ءماجىلىسىنىڭ تاقىرىبى − «جوعارى ساپالى ءوسىم جانە ادامزات دامۋى». ماجىلىسكە قاتىسقان ەكونوميكالىق تۇلعالاردىڭ باسشىلارى «قازىرگى عالامدىق جاعدايدا ەركىن ساۋدا مەن قارجى قوسۋ ءدوپ كەلگەن سايىستار»، «استىق حاۋىپسىزدىگى، كليمات وزگەرىسىنە ۇيلەسۋ جانە سۋ بايلىعىنا قول جەتكىزۋ» جانە «ازيا - تىنىق مۇحيت ءوڭىرىنىڭ توعىسۋى: ناقتى، ءونىمدى وڭىرلىك تۇتاستىقتى ىسكە اسىرۋ» سياقتى كەلەلى تاقىرىپتار بويىنشا ىشكەرىلەي پىكىرلەستى.
شي جينپيڭ سوزىندە مىنالاردى اتاپ كورسەتتى: 20 ەل توبى باسشىلارىنىڭ بيىل قىركۇيەكتە حاڭجوۋدا وتكەن باس قوسۋىندا ەكپىندى، باياندى، تەپە - تەڭ جانە سيىسىمدى الەمدىك ەكونوميكالىق ءوسۋدىڭ جوباسى نۇسقالانىپ، سايىستارعا تەڭ توتەپ بەرەتىن سەرىكتەستىك قاتىناس رۋحى كورسەتىلىپ، ورتاق دامۋعا بەل بايلاعان بەكىم ايگىلەندى. ازيا - تىنىق مۇحيت ءوڭىرى − الەمدىك ەكونوميكانىڭ كەلەلى شەبى. ازيا - تىنىق مۇحيت ەكونوميكالىق سەلبەستىك ۇيىمى − ازيا - تىنىق مۇحيت جانە عالامدىق ەكونوميكالىق سەلبەستىكتىڭ سەركەسى، كوشباسشىسى، تۇرەن سالۋشىسى، ازيا - تىنىق مۇحيت ءوڭىرى مەن عالام ەكونوميكاسىنىڭ دامۋىندا ماڭىزدى رولعا يە. جاڭا جاعداي، جاڭا سايىستارعا سايكەس، ءبىز پارمەندى شارا قولدانىپ، ازيا - تىنىق مۇحيت ءوڭىرىنىڭ جەتەكشىلىك رولىن ساۋلەلەندىرىپ، جاڭاشىل، ومىرشەڭ، ىقپالداس، سيىسىمدى الەمدىك ەكونوميكانىڭ دامۋىن ىلگەرىلەتۋىمىز كەرەك.
شي جينپيڭ مىنالاردى باسا دارىپتەدى: ءبىز ەكونوميكانىڭ جاھاندانۋ ۇدەرىسىنە تاباندى تۇردە نۇسقاۋشىلىق جاساپ، ەكونوميكالىق جاھاندانۋدىڭ باۋىرمال، جالپىعا پايدالى باعىتپەن دامۋىنا جەتەكشىلىك ەتىپ، قورعانىمپازدىق اتاۋلىنىڭ كەز كەلگەن تۇرىنە قارسى تۇرۋعا ءتيىسپىز. ءبىز ازيا - تىنىق مۇحيت ەكونوميكاسىنىڭ اشىقتىق دەڭگەيىن تاباندى تۇردە كوتەرىپ، كوپ جاقتى ساۋدا تۇزىلىسىنە قولداۋ كورسەتىپ، ازيا - تىنىق مۇحيت ەركىن ساۋدا ءوڭىرىن ەرتەرەك قۇرىپ شىعۋىمىز كەرەك. ءبىز وڭىرلىك تۇتاستىققا بوگەت بولعان تۇيتكىلدەردى تاباندى تۇردە شەشىپ، بەيجيڭ ماجىلىسىندە ماقۇلدانعان 10 جىلدىق ءوزارا تۇتاستىق جوباسىن ىشكەرىلەي تياناقتاندىرىپ، نەگىزدىك قۇرىلعىلاردىڭ، ەرەجە - تارتىپتەردىڭ، كادرلار اۋىس - كۇيىسىنىڭ ءوزارا تۇتاسۋىن جەبەپ، جان - جاقتى، قۇراما ءوزارا تۇتاستىق جەلىسىن قالىپتاستىرىپ، «ءبىر بەلدەۋ، ءبىر جول» قۋاتتاماسىنىڭ قاتىستى جاقتاردىڭ دامۋ ستراتەگياسىمەن جانە سەلبەستىك قۋاتتامالارىمەن ۇشتاسۋىن كۇشەيتۋىمىز كەرەك. ءبىز رەفورما جاساۋدىڭ، جاڭالىق اشۋدىڭ جاڭا جاعدايىن تاباندى تۇردە قالىپتاستىرىپ، ەكونوميكالىق قۇرىلىم رەفورماسىن جەدەلدەتىپ، ازيا - تىنىق مۇحيت ەكونوميكاسىنىڭ الەمدىك ەكونوميكاعا جەتەكشى بولۋىنا قوزعاۋشى كۇش ازىرلەۋىمىز كەرەك.
شي جينپيڭ مىنالاردى باسا دارىپتەدى: جۇڭگو ازيا - تىنىق مۇحيت ەكونوميكالىق سەلبەستىك ۇيىمىنا مۇشە بولعان 25 جىلدان بەرى، ازيا - تىنىق مۇحيت ءوڭىرىن ەسىك اشۋدىڭ باسىم باعىتى رەتىندە قاراستىرۋعا تاباندى بولىپ كەلەدى. 2020 - جىلعا دەيىنگى بوگور نىساناسىنىڭ ماۋلەتى تاياۋىنا بايلانىستى، ءبىز سەلبەستىكتىڭ ونان دا ۇزاعىراق بولاشاعى ۇستىندە جەدەل جوبا ازىرلەۋگە ءتيىسپىز. جۇڭگو ءار جاقپەن بىرگە، دامۋدى نەگىزگى تاقىرىپ ەتىپ، ەسىكتى ايقارا اشىپ، وڭىرلىك ەكونوميكانىڭ بىرىگۋى مەن ءوزارا تۇتاسۋىن جەدەلدەتىپ، ازيا - تىنىق مۇحيت سەلبەستىگىنىڭ ساۋلەتتى كورىنىسىن سالۋدى قالايدى. سول كۇنى تۇستەن كەيىن ءماجىلىس تاعى جالعاستى. شي جينپيڭ باياندى دامۋدى ىلگەرىلەتۋ جونىندە ءسوز سويلەدى. شي جينپيڭ مىنالاردى اتاپ كورسەتتى: بيىل − 2030 - جىلعا دەيىنگى باياندى دامۋ باعدارلاماسى تياناقتانا باستايتىن تۇڭعىش جىل. ازيا - تىنىق مۇحيت ەكونوميكالىق سەلبەستىك ۇيىمى ءىس - شارا قولدانىپ، باياندى دامۋدى قاتار ىلگەرىلەتۋ كەرەك. ءبىز سيىسىمدى دامۋدى ىلگەرىلەتىپ، حالىقتى دامۋدىڭ جەتىستىكتەرىنەن يگىلىكتەندىرۋىمىز كەرەك. جاسىل دامۋدى ىلگەرىلەتىپ، دامۋدىڭ ساپاسى مەن تيىمدىلىگىن كوتەرۋىمىز كەرەك. ءوزارا تۇتاستىق قۇرىلىسىن جەدەلدەتىپ، ىقپالداس دامۋدى جەبەۋىمىز كەرەك. جۇڭگو 2030 - جىلعا دەيىنگى باياندى دامۋ باعدارلاماسىن تياناقتاندىرۋدىڭ مەملەكەتتىك جوباسىن الدىمەن جاريالادى. ءبىز جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ يدەياسىن دايەكتىلەندىرىپ، باعدارلامانى تياناقتاندىرۋ قىزمەتىن جاپپاي ىلگەرىلەتىپ، دۇنيە ءجۇزىنىڭ جانە ازيا - تىنىق مۇحيت ءوڭىرىنىڭ دامۋىنا بەلسەندى ۇلەس قوسا بەرەمىز.
ەكونوميكالىق تۇلعالاردىڭ باسشىلارى مىنالاردى ءبىلدىردى: ازيا - تىنىق مۇحيت ءوڭىرى − عالامدىق ەكونوميكالىق ءوسۋدىڭ ماڭىزدى قوزعالتقىشى. قازىرگىدەي جاعدايدا، ازيا - تىنىق مۇحيت وڭىرىندە اشىق ەكونوميكا ورناتىپ، ساۋدا قورعانىمپازدىعىنا قارسى تۇرىپ، ازيا - تىنىق مۇحيت ەركىن ساۋدا ءوڭىرىنىڭ ۇدەرىسىن ىشكەرىلەي ىلگەرىلەتىپ، جان - جاقتى ءوزارا تۇتاستىقتى ۇزدىكسىز ىلگەرىلەتىپ، ازيا - تىنىق مۇحيت ءوڭىرىنىڭ جانە عالامدىق ەكونوميكانىڭ وسۋىنە تىڭ قوزعاۋشى كۇش ۇستەۋ كەرەك. ۇيىمعا مۇشە ەكونوميكالىق تۇلعالار ازيا - تىنىق مۇحيت ەكونوميكالىق سەلبەستىك ۇيىمىنىڭ رولىن ۇزدىكسىز ويداعىداي ساۋلەلەندىرىپ، وتكەندەگى ماجىلىستەردىڭ جەتىستىكتەرىن ويداعىداي تياناقتاندىرىپ، ازيا - تىنىق مۇحيت سەلبەستىگىنىڭ بولاشاعىن ويداعىداي جوبالاپ، ازيا - تىنىق مۇحيت ەكونوميكاسىنىڭ تۇراقتى گۇلدەنۋىن جەبەۋ كەرەك.
ماجىلىستە «ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 24 - رەتكى بەيرەسمي ءماجىلىسىنىڭ مالىمدەمەسى» جاريالاندى.
سول كۇنى تۇستەن بۇرىن شي جينپيڭ ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەكونوميكالىق تۇلعالاردىڭ باسشىلارىمەن بىرگە عالامدىق ەكونوميكالىق جاعداي تۋرالى بەيرەسمي سۇحباتقا قاتىسىپ، حالىقارالىق ۆاليۋتا قورىنىڭ باسقارما ديرەكتورى لاگاردتىڭ الەمدىك ەكونوميكالىق جاعداي تۋرالى تانىستىرۋىن تىڭدادى ءارى جۇڭگونىڭ الەمدىك ەكونوميكا جونىندەگى كوزقاراسىن بايىمداپ، جۇڭگونىڭ رەفورمانى ىلگەرىلەتۋ بەكىمىنىڭ مىزعىمايتىنىن، رەفورما مەن دامۋدىڭ بولاشاعىنا نىق سەنىمدى ەكەندىگىن باسا دارىپتەدى.
ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ 24 - رەتكى بەيرەسمي ءماجىلىسى 20 - قاراشا كۇنى پەرۋدىڭ ليما قالاسىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «بولاشاقتى بەتكە الىپ، ءورىس اشا العا ىلگەرىلەپ، ازيا - تىنىق مۇحيت ءوڭىرىنىڭ گۇلدەنۋىن جەبەيىك» دەگەن تاقىرىپتا ماڭىزدى ءسوز سويلەدى. (شينحۋا اگەنتتىگى)
ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ 24 - رەتكى بەيرەسمي ءماجىلىسى 20 - قاراشا كۇنى پەرۋدىڭ ليما قالاسىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى .ءماجىلىس ارەدىگىندە مەملەكەت ءتوراعاسى شي جينپيڭ ازيا - تىنىق مۇحيت ەكونوميكالىق سەلبەستىك ۇيىمىنا مۇشە باسقا ەكونوميكالىق تۇلعالاردىڭ باسشىلارىمەن، وكىلدەرىمەن ەستەلىك سۋرەتكە ءتۇستى.
(شينحۋا اگەنتتىگى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
