- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ گاۋلي مەن قازاقستان پرەمەر – مينيسترىنىڭ ءبىرىنشى ورىنباسارى اسقار ءمامين جۇڭگو – قازاقستان سەلبەستىك كوميتەتىنىڭ ەكى جاق ءتوراعالارى كەڭەسىن وتكىزدى
2016.11.29 14:14 كەلۋ قاينارى : حالىق تورابى
حالىق گازەتى، 28 – قاراشا، بەيجيڭ. (ياڭ شۇن) ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گاۋلي 28 – قاراشادا بەيجيڭدە قازاقستان پرەمەر – مينيسترىنىڭ ءبىرىنشى ورىنباسارى اسقار مامينمەن بىرگە جۇڭگو – قازاقستان سەلبەستىك كوميتەتىنىڭ ەكى جاق ءتوراعالارى كەڭەسىن وتكىزدى.
جاڭ گاۋلي بىلاي دەدى: جۋىرداعى جىلداردان بەرى، ءتوراعا شي جينپيڭ مەن پرەزيدەنت نازاربايەۆتىڭ تىكەلەي قوزعاۋشىلىق ەتۋىمەن، جۇڭگو مەن قازاقستاننىڭ جان - جاقتىلى ستراتەگيالىق سەرىكتەستىك قارىم – قاتىناسى بۇرىن بولماعان جاڭا دەڭگەيگە كوتەرىلدى. جۇڭگو مەن قازاقستان ەكونوميكالىق سەلبەستىك جاعىندا ءوزارا سەرىكتەستىك قاتىناستى ماڭىزدى ورىنعا قويادى، ەكى ەل سەلبەستىك ورىستەتۋگە ىقىلاستى، ەكى ەلدىڭ سەلبەستىك تابىسى مول، سەلبەستىك بولاشاعى زور. جۇڭگو جاق قازاقستان جاقپەن بىرگە ەكى ەلدىڭ مەملەكەت باسشىلارى مەن ۇكىمەت باسشىلارى قول جەتكىزگەن ورتاق تانىمدى تياناقتاندىرىپ، سەلبەستىكتى كۇشەيتۋگە تاماشا ساياساتتىق ورتا جاراتۋعا، ءوندىرىس قۋاتى سەلبەستىگىن تياناقتى ىلگەرىلەتۋگە، ەنەرگاتيكا سالاسىنداعى سەلبەستىك نەگىزىن بەكەمدەۋگە، اۋىل شارۋاشىلىعى، ورتاشا – شاعىن كاسىپورىندار، ءوزارا بايلانىس جاساۋ، ساياحات، كورشىلەس وڭىرلەردەگى سەلبەستىك قاتارلى جاقتاردا سەلبەستىكتى تەرەڭدەتۋدى، ەكى جاق قارىم – قاتىناسى مەن ءار سالاداعى سەلبەستىك بارىسىندا اناعۇرلىم كوپ شىنايى ناتيجەلەرگە قول جەتكىزۋدى ىلگەرىلەتۋدى قالايدى.
اسقار ءمامين بىلاي دەدى: قازاقستان جاق جۇڭگو جاقتى ديپلوماتيالىق قارىم – قاتىناستاعى ماڭىزدى ورىنعا قويادى، جۇڭگو جاقپەن ساياساتتى سايكەستىرۋدى اناعۇرلىم كۇشەيتىپ، ءتۇرلى سالالارداعى سەلبەستىكتى تەرەڭدەتىپ، ءوزارا پايدا جەتكىزىپ، بىرگە يگىلىككە كەنەلۋ، بىرگە دامۋدى قالايدى.
ەكى جاق جۇڭگو – قازاقستان سەلبەستىك كوميتەتىنىڭ جۋىردان بەرگى قىزمەت احۋالىنا تالداۋ جاساپ، ەكى ەلدىڭ ساۋدا – ەكونوميكا، ءوندىرىس قۋاتى، اۋىل شارۋاشىلىعى، ەنەرگەتيكا، ساياحات سالالارىنداعى سەلبەستىك ىستەرىن ىشكەرىلەي تالقىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
