لي كىچياڭ: جاڭا دامۋ تانىمىن تياناقتاندىرىپ، كونە – جاڭا قوزعاۋشى كۇشتەردىڭ الماسۋىن جەدەلدەتەيىك
2017.04.19 15:48 كەلۋ قاينارى : حالىق تورابى
«شينحۋا اگەنتتىگى»، 18 – ءساۋىر، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ «جاڭا دامۋ تانىمىن دايەكتىلەندىرىپ، جاڭا قوزعاۋشى كۇشتەردى تاربيەلەپ دامىتايىق» اتىنداعى اڭگىمە ءماجىلىسىن باسقارىپ اشقاندا، مەملەكەتتىك اكىمشىلىك ينستيتۋتىنىڭ وسى ارناۋلى تالقى كلاسىندا ۇيرەنىپ جاتقان بارلىق كۋرسانتتارمەن، قاتىستى تاراۋ، ءىشىنارا كاسىپورىن جانە فينانس قۇرىلىمدارىنىڭ جاۋاپتىلارىمەن پىكىر الماستىردى.
ماجىلىستە مەملەكەتتىك دامۋ جانە رەفورما كوميتەتىنىڭ جاۋاپتىسى، تالقى كلاسى كۋرسانتتارىنىڭ ۋاكىلى، بەيجيڭ دۇڭفاڭ عىلىم – تەحنيكا سەرىكتىگىنىڭ ۋاكىلى ىلگەرىندى – كەيىندى ءسوز سويلەدى جانە ۇسىنىستارىن ورتاعا قويدى. لي كىچياڭ بىلاي دەدى: تاياۋ جىلداردان بەرى الەمدىك ەكونوميكانىڭ قالپىنا كەلۋى مۇشكىل بولىپ، ورنىقسىزدىق، تۇراقسىزدىق فاكتورى كورنەكتىلەنۋدە. ەل ءىشى ەكونوميكاسىنىڭ دامۋى جاڭا جاعدايعا ءوتتى، ەكونوميكانىڭ ارتۋ قوزعاۋشى كۇشى، بايلىق فاكتورىنىڭ نەگىزگى شارت – جاعدايلارى سياقتىلاردا ءبىرشاما زور وزگەرىستەر تۋىلىپ، ۇزاقتان بەرى جيناقتالعان قۇرىلىمدىق قايشىلىقتار كورنەكتىلەنە ءتۇستى، وسىلايشا ەكونوميكانىڭ باسەڭدەۋ قىسىمى ءبىرشاما زور بولدى. كۇردەلى دە قىم – قۋىت جاعداي الدىندا دامۋدىڭ كۇنە سۇردەگىمەن شابا بەرۋ، شىنىندا، قيىن بولىپ وتىر. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ تاباندى باسشىلىعىندا، بۇكىل ەل بويىنشا جوعارىدان تومەنگە دەيىن ورنىقتىلىق بارىسىندا ىلگەرىلەۋدە تاباندى بولۋ سىندى قىزمەتتىڭ نەگىزگى جەلىسىنەن جازباي، جاڭاشىل، سايكەستى، جاسىل، اشىق بولۋ، ورتاق يگىلىكتەنۋ سىندى جاڭاشا دامۋ تانىمىن ىشكەرىلەي دايەكتىلەندىرىپ، قامداۋ جاعىنداعى قۇرىلىمدىق رەفورمانى ىلگەرىلەتىپ، ەكونوميكانىڭ قۇرىلىمدىق وزگەرىسى مەن دارەجەسىنىڭ جوعارىلاۋىنا زور قادام تاستاۋعا قۇلشىنۋ كەرەك. ماكرولىق جاقتا ءبىز ساياساتتىق باعىتتى ءدال يگەرىپ، قول جەتپەسكە قول سوزۋدان ساقتانىپ، قارجى قوسۋ مەن ەكسپورتتىڭ سۇيرەلەۋىنە اسىرە يەك سۇيەۋدى وزگەرتىپ، رەتتەۋ - تەجەۋ فورماسىنا ۇزدىكسىز جاڭالىق ەنگىزىپ، رايون ارالىق رەتتەۋ - تەجەۋدى ءداپ باسىپ ءبىر تۇتاس اتقارىپ، باعىتتامالى رەتتەۋ - تەجەۋ، ىڭعايىنا قاراپ رەتتەۋ – تەجەۋ ارقىلى رەفورمالاۋ، جاڭالىق اشۋ جانە قۇرىلىمدىق رەتتەۋگە سۇيەنىپ، دامۋدىڭ ىشكى قوزعاشى كۇشىن ارتتىرۋىمىز كەرەك. سونىمەن بىرگە، ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ جانە باجىنى كەمەيتۋدى ىلگەرىلەتۋ ارقىلى جاڭالىق جاراتۋمەن دامۋدى جەبەۋ ستراتەگياسىن جۇرگىزىپ، الەۋمەتتىڭ يگىلىك، جاڭالىق جاراتۋىن جەبەپ، بازاردىڭ تۇلعالىق قۋاتى مەن جاسامپازدىق كۇشىنىڭ تاماشا ورتا جاراتۋىنا شابىت بەرىپ، حالىق بۇقاراسىنىڭ يگىلىگىن كورۋ سەزىمىن كۇشەيتۋىمىز كەرەك. ەكونوميكادا كەرى شەگىنۋ بەتالىسى بايقالماي، كەرىسىنشە، ورنىقتىلىق بارىسىندا ارتۋداي جاقسى بەينە جارىققا شىقتى، قۇرىلىم ساپالىلاندى، كاسىپتەنۋ ارناسى كەڭەيدى، بيىلعى العاشقى توقسانداعى وسىنداي تاماشا بەينە اناعۇرلىم بەكەمدەلۋى كەرەك. اماليات وزگەرىس ەنگىزىپ دارەجەسىن جوعارىلاتۋدى باياندى ىلگەرىلەتكەندە عانا ەلىمىزدىڭ ستراتەگيالىق دامۋ نىسانالارىن جۇزەگە اسىرۋعا بولاتىنىن دالەلدەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
