مەملەكەتتىك ساياسي ءماسليحات كەڭەسى قوس اپتالىق كەڭەس اڭگىمە ءماجىلىسىن اشتى
2017.07.07 14:16 كەلۋ قاينارى : حالىق تورابى
«ءوندىرىس قۋاتىن ىرىكتەۋ بارىسىندا جۇمىسشى – قىزمەتكەرلەردىڭ كاسىپتەنۋ جانە قايتا كاسىپتەنۋ ماسەلەلەرىنە ءمان بەرۋدى» توڭىرەكتەپ اقىل – كەڭەس بەردى، ءماجىلىستى يۇي جىڭشىڭ باسقاردى.
شينحۋا اگەنتتىگى، 6 – شىلدە، بەيجيڭ. مەملەكەتتىك ساياسي ءماسليحات كەڭەسى 6 – شىلدە تۇستەن كەيىن بەيجيڭدە 70 – رەتكى قوس اپتالىق اڭگىمە ءماجىلىسىن وتكىزىپ، «اسىپ قالعان ءوندىرىس قۋاتىن ازايتۋ بارىسىندا جۇمىسشى – قىزمەتكەرلەردىڭ كاسىپتەنۋ جانە قايتا كاسىپتەنۋ ماسەلەلەرىنە ءمان بەرۋدى» توڭىرەكتەپ اقىل – كەڭەس بەردى. ءماجىلىستى مەملەكەتتىك ساياسي ءماسليحات كەڭەسىنىڭ ءتوراعاسى يۇي جىڭشىڭ ءماجىلىستى باسقاردى ءارى ءسوز سويلەدى.
مۇشەلەر بىلاي دەپ قارادى: جۇمىسشى – قىزمەتكەرلەردى ورنالاستىرۋ اسىپ قالعان ءوندىرىس قۋاتىن ازايتۋ قىزمەتىندەگى ءتۇيىننىڭ ءتۇيىنى. پارتيا ورتالىق كوميتەتىنىڭ، مەملەكەتتىك كەڭەستىڭ ايرىقشا ءمان بەرۋىندە جانە ءارقايسى جاقتىڭ ورتاق قۇلشىنۋىندا اسىپ قالعان ءوندىرىس قۋاتىن ازايتۋ بارىسىندا جۇمىسشى – قىزمەتكەرلەردى ورنالاستىرۋ قىزمەتى ورنىقتى، ءتارتىپتى ورىستەتىلدى، دەسە دە، ءىشىنارا رايونداردا جۇمىس ورنىن تاۋىپ بەرۋ قيىن بولۋ، ءىشىنارا ەڭبەككۇشتەردىڭ كاسىپتەنۋى ويداعىداي بولماۋ، كەيبىر كاسىپورىندار بايلانىستى ورنالاستىرۋدا، قىزمەتتى ىشكەرىلەي ىلگەرىلەتۋدە قيىنشىلىقتارعا جانە ماسەلەلەرگە ءدۇپ كەلۋ جايتتەرى تۋىلۋدا.
كەيبىر مۇشەلەر ۇسىنىس بەرىپ بىلاي دەدى: اسىپ قالعان ءوندىرىس قۋاتىن ازايتۋ بارىسىندا جۇمىسشى – قىزمەتكەرلەردىڭ كاسىپتەنۋ، قايتا كاسىپتەنۋ قىزمەتىن جاقسى ىستەۋدە، الدىمەن كاسىپورىندار نەگىزگى تۇلعالىق ورنىندا تاباندى بولۋى، جەرگىلىكتى ورىن ۇيىمداستىرۋى، زاڭ – ەرەجە بويىنشا جۇمىس ىستەۋى كەرەك. اسىپ قالعان ءوندىرىس قۋاتىن ازايتىپ كاسىپورىنداردىڭ ومىرشەڭدىك قۋاتىن نىعايتۋ ارقىلى كاسىپورىنداردىڭ پايداسىن جوعارىلاتىپ، جۇمىسشى – قىزمەتكەرلەردىڭ ورنالاسۋىنا قارجىلاي نەگىز سالۋى كەرەك. ءار دارەجەلى ۇكىمەت، اسىرەسە، جەرگىلىكتى ورىنداعى ۇكىمەت اسىپ قالعان ءوندىرىس قۋاتىن ازايتۋ بارىسىندا جۇمىسشى – قىزمەتكەرلەردى ورنالاستىرۋ ماسەلەسىنە ايرىقشا ءمان بەرىپ، جەرگىلىكتى ورىنداعى ۇكىمەتتىڭ جاۋاپكەرلىگىن ايقىنداۋى، كاسىپورىنداردىڭ بارلىعى زەرتتەۋى، ناقتى ماسەلەلەردى زاڭ – ەرەجە بويىنشا شەشۋى كەرەك. ەكىنشى، كاسىپتەنۋ، قايتا كاسىپتەنۋ ارناسىن كەڭەيتۋ كەرەك. ۇكىمەت، كاسىپورىن، جەكەلەردىڭ قايتا كاسىپتەنۋ تەكشەلەرىن بەلسەنە قۇرىپ، باياندى مەحانيزم قالىپتاستىرۋ كەرەك. كاسىپورىندارداعى جۇمىسشى – قىزمەتكەرلەردىڭ كوزقاراسىنا، يكەمدى كاسىپتەنۋىنە جەتەكشىلىك ەتۋ كەرەك. قايتا كاسىپتەنۋگە تاربيەلەۋ كۋرستارىنىڭ قولداپ – قۋاتتاۋ سالماعىن ارتتىرىپ، ورتا، شاعىن كاسىپورىندار، جاڭاشا قىزمەت وتەۋ، الەۋمەتتىك يگىلىك قىزمەت ورنىن قايتا كاسىپتەنۋدىڭ ماڭىزدى ارناسى ەتۋ كەرەك. بايلىق قاينارى سارقىلعان قالالار، دەربەس زاۆود – كەن رايونى سىندى ءتۇيىندى وڭىرلەرگە قاراتا ەرەكشە ساياسات شىعارۋ كەرەك. ءۇشىنشى، جۇمىسشى – قىزمەتكەرلەردى ورنالاستىرۋ قارجىسىن ويداعىداي جۇمساۋ كەرەك. قارجى ورنالاستىرىلاتىن جۇمىسشى – قىزمەتكەرلەردىڭ سۇرانىسىن الدىمەن قاناعاتتاندىرۋ، ءادىليالىق مۇزداتۋ شاراسىن قولدانباۋ كەرەك. اسىپ قالعان ءوندىرىس قۋاتى ازايتىلعان حالىقتىق كاسىپورىندارعا كومەك بەرۋ دە قاعىس قالدىرىلماۋى كەرەك. ءتورتىنشى، قوعامدىق قامسىزداندىرۋ ساياساتىنا وزگەرىس ەنگىزىلۋى كەرەك. ناۋقاستانىپ، جارالانىپ مۇگەدەك بولعان جۇمىسشى – قىزمەتكەرلەردى ورنالاستىرۋ قىزمەتىنە باسا ءمان بەرىپ، قاتىستى قوعامدىق قامسىزداندىرۋ ساياساتتارىن كەمەلدەندىرۋ كەرەك. قايتا كاسىپتەنۋ قىزمەتىن جاقسى ىستەۋدە، اسىرەسە، باسقا جەرلەردە قايتا كاسىپتەنگەننەن كەيىنگى قامسىزداندىرۋعا قاتىناسۋ، قامسىزداندىرۋ قاراجاتىن تاپسىرۋ، قوعامدىق قامسىزداندىرۋ بايلانىسىن جوتكەۋ، قابىلداۋ سياقتى قىزمەت جاقسى ىستەلۋى كەرەك. بەسىنشى، جۇمىسشى – قىزمەتكەرلەردىڭ دەموكراتيالىق ۇقىق – مۇددەسى قامتاماسىزداندىرىلۋى كەرەك. كاسىپورىنداردىڭ اسىپ قالعان ءوندىرىس قۋاتىن ازايتۋ بارىسىندا دەموكراتيالىق ءتارتىپتىڭ زاڭ بويىنشا اتقارىلۋىنا باقىلاۋ جۇرگىزىپ، جۇمىسشى – قىزمەتكەر ۋاكىلدەرىنىڭ قۇرىلتاي كەڭەستەرى ارقىلى جۇمىسشى – قىزمەتكەرلەردى ورنالاستىرۋ جوبا – جوسپارى تالقىلانىپ، جۇمىسشى – قىزمەتكەرلەردىڭ جاعدايدان حابارلى بولۋ ۇقىعى، قاتىناسۋ ۇقىعى، كوزقاراس ءبىلدىرۋ ۇقىعى، باقىلاۋ – قۋزاۋ ۇقىعى شىنايى قورعالۋى كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
