ىشكى موڭعۇل مەملەكەتتىك 13 - كەزەكتى حالىق قۇرىلتايىنىڭ ۋاكىلدەرىن سايلاپ شىقتى، شي جينپيڭ تولىق داۋىسپەن سايلاندى
2018.01.31 14:55 كەلۋ قاينارى : حالىق تورابى
شينحۋا اگەنتتىگى، 30 – قاڭتار، كوكحوت. 30 - قاڭتار تۇستەن كەيىن اشىلىپ جاتقان ىشكى موڭعۇل اۆتونوميالى رايوندىق 13 - كەزەكتى حالىق قۇرىلتايىنىڭ 1 - ماجىلىسىندە جۇرت جۇرەگىن تەبىرەنتەتىن ءسات كەلىپ جەتتى: ءماجىلىس ورتالىق كورسەتكەن ۋاكىل كانديداتى شي جينپيڭ جولداستىڭ تولىق داۋىسپەن مەملەكەتتىك 13 - كەزەكتى حالىق قۇرىلتايىنىڭ ۋاكىلى بولىپ سايلانعانىن جاريالادى.
ىشكى موڭعۇل اۆتونوميالى رايوندىق 13 - كەزەكتى حالىق قۇرىلتايىنىڭ 1 - ءماجىلىسى سول كۇنى تۇستەن كەيىن ءتورتىنشى جالپى جيىنىن وتكىزدى، جيىندا ىشكى موڭعۇل اۆتونوميالى رايونىنان مەملەكەتتىك 13 - كەزەكتى حالىق قۇرىلتايىنىڭ 58 ۋاكىلىن سايلاپ شىقتى. ءماجىلىس شي جينپيڭ جولداستىڭ تولىق داۋىسپەن سايلانعانىن جاريالاعاندا، زالدى شاتىرلاعان شاپالاق ءۇنى كەرنەدى.
«حالىق ۋاكىلىن حالىق سايلايدى، حالىقتىڭ كوسەمى حالىقتى سۇيەدى». ۋاكىلدەر ءبىر اۋىزدان مىنالاردى ءبىلدىردى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ىشكى موڭعۇل اۆتونوميالى رايونى ەكونوميكالىق، قوعامدىق دامۋدا تاريحي تابىسقا قول جەتكىزدى، بۇكىل ەل حالقىمەن بىرگە بايۋدان قۇدىرەتتەنۋگە دەيىنگى ۇلى تاريحي ءۇردىستى باستان وتكەرۋدە. باس شۋجي شي جينپيڭنىڭ تولىق داۋىسپەن مەملەكەتتىك حالىق قۇرىلتايىنىڭ ۋاكىلى بولىپ سايلانۋى ــ ىشكى موڭعۇل اۆتونوميالى رايوندىق حالىق قۇرىلتايىنىڭ 500 دەن استام ۋاكىلىنىڭ ورتاق تىلەگى، 25 ميلليوننان استام ساحارا پەرزەنتىنىڭ شىنايى جۇرەك ءۇنى، اسىرەسە، ءبىر ميلليارد 300 ميلليوننان استام ءار ۇلت حالقىنىڭ پارتيانىڭ ۇيىتقىسىنا ادالدىعىنىڭ، حالىقتىڭ كوسەمىن قولداپ، قاستەرلەۋىنىڭ جاندى بەينەسى.
«باس شۋجيدىڭ ىشكى موڭعۇلدان حالىق قۇرىلتايى ۋاكىلدىگىنە سايلانعانى جونىندەگى حاباردى ەستىگەندە ەرەكشە شاتتانىپ، تەبىرەندىك. بۇل ــ ىشكى موڭعۇلداعى ءار ۇلت بۇقاراسى ءۇشىن شەكسىز داڭق، پارتيا ورتالىق كوميتەتىنىڭ ىشكى موڭعۇلداعى كادرلار مەن بۇقاراعا دەگەن ەرەكشە سەنىمى ءارى شەكاراداعى كەڭ - بايتاق از ۇلت رايونىنا دەگەن شىنايى قامقورلىعى مەن زور دەمەۋى». ۋاكىلدەر مىنالاردى ءبىلدىرىستى: باس شۋجي شي جينپيڭنىڭ وسى جولى شەكاراداعى از ۇلت رايونىنان قۇرىلتايعا ۋاكىل بولىپ سايلانۋى پارتيا ورتالىق كوميتەتىنىڭ جاڭا ستيلىن، وبرازىن ايگىلەدى، حالىق بۇقاراسىمەن تىعىز بايلانىس ورناتىپ، پارتيانىڭ ىشكى ساياسي تۇرمىسىن كۇشەيتۋ جانە جاقسارتۋدا، تاماشا ساياسي ەكولوگيا قالىپتاستىرۋدا، كەدەيلىكتەن ارىلتۋدان قامال الۋ، «ءبىر بەلدەۋ، ءبىر جول» قۇرىلىسى سياقتى مەملەكەتتىڭ كەلەلى ستراتەگيالارىن ىلگەرىلەتۋدە كەلەلى ماڭىزعا يە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
