لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2018.08.31 16:23 كەلۋ قاينارى : حالىق تورابى
شينحۋا اگەنتتىگى، 30 – تامىز، بەيجيڭ. مەملەكەتتىك كەڭەستىڭ زۇڭليى لي كىچياڭ 30 - تامىزدا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە بيىلعى باجىنى ازايتىپ، اقىنى تومەندەتۋ ساياساتتىق شارالارىن تياناقتاندىرۋ جاعدايى جونىندەگى مالىمەت تىڭدالىپ، تاعى دا جاڭا شارا قولدانىپ ناقتى ەكونوميكانىڭ دامۋىن قولداۋ ۇيعارىلدى؛ مەملەكەتتىڭ نەگىزگى ءدارى – دارمەك ءتۇزىمىن كەمەلدەندىرىپ، بۇقارانىڭ نەگىزگى ءدارى – دارمەك قاجەتىن قامتاماسىزداندىرىپ، ءدارى اقىسى اۋىرتپالىعىن جەڭىلدەتۋ ورنالاستىرىلدى.
ماجىلىستە مىنالار اتاپ كورسەتىلدى: باجىنى ازايتىپ، اقىنى تومەندەتۋ ــ بەلسەندى قازىنا ساياساتىن اتقارىپ، ماكرولىق ەكونوميكانى ورنىقتىلىق بارىسىندا جاقسارتا بەرۋدىڭ ماڭىزدى شاراسى. بيىلدان بەرى قاتىستى تاراۋلار ءبىرقىدىرۋ باجىنى ازايتىپ، اقىنى تومەندەتۋ شاراسىن شىعاردى، ۇساق كاسىپورىنداردىڭ دامۋىن قولداۋ، يگىلىك، جاڭالىق جاراتۋدى ىلگەرىلەتۋ سياقتىلاردىڭ وڭ ىقپالى ۇزدىكسىز بايقالدى. ماجىلىستە مىنالار تۇراقتاندىرىلدى: بۇرىن شىعارىلعان شارالاردى ويداعىداي اتقارۋمەن بىرگە، تاعى دا جاڭا شارا قولدانىپ ناقتى ەكونوميكانىڭ دامۋىن قولداۋ كەرەك. بىرىنشىدەن، اسىپ قالعان ءوندىرىس قۋاتىن ازايتۋ جانە قۇرىلىمدى رەتتەۋ سياقتى ساياساتتىق سەبەپتەن وندىرىستەن توقتاتىلعان كاسىپورىنداردىڭ قورا – جاي باجىسى مەن قالا – قالاشىقتا جەردەن پايدالانۋ باجىسىن ازايتۋ، كەشىرۋ، قوعامدىق قامسىزداندىرۋ قورى مەن نەگىزگى زەينەتكەرلىك قامسىزداندىرۋ قورىنا قاتىستى قارجىلاندىرۋ كاسىبىنە قاراتا باجىنى ازايتۋ ، كەشىرۋ، اۋىل شارۋاشىلىعىنا ساياتىن قارىزدى كوپ بەرەتىن پوچتا امانات بانكەلەرىنىڭ اۋىل شارۋاشىلىعىنا ساياتىن قارىز ءوسىم كىرىسىنە قاراتا ارتقان قۇن باجىسىندا %3 تىك جەڭىلدىك بەرۋ كەرەك. ەكىنشىدەن، ۇساق كاسىپورىندارعا بەرىلەتىن قارىزدى كوبەيتۋگە شابىت بەرۋ ءۇشىن، بيىل 1 – قىركۇيەكتەن 2020 – جىلدىڭ سوڭىنا دەيىن، شارتقا ۇيلەسەتىن ۇساق كاسىپورىندار مەن جەكە ساۋداگەرلەردىڭ، ونەركاسىپشىلەردىڭ قارىز ءوسىمى كىرىسىندە ارتقان قۇن باجىسىن كەشىرۋ جەكە ەسەبات سەنىمدىلىك نورما شەگىن جوعارىلاتىپ، وسىنىڭ الدىنداعى 5 ميلليون يۋاننان 10 ميلليون يۋانعا جوعارىلاتۋ كەرەك. ۇشىنشىدەن، ءتىپتى دە جوعارى ورەدەگى ەسىك اشۋدى ىلگەرىلەتىپ، شەكارا سىرتىنداعى كاپيتالدىڭ ەل ءىشى ەكونوميكاسىنىڭ دامۋىنا قاتىناسۋىنا شابىت بەرۋ ءۇشىن، شەكارا سىرتىنداعى قۇرىلىمداردىڭ شەكارا ىشىندەگى زايوم بازارىنا قارجى قوسۋدان تاپقان زايوم ءوسىم كىرىسىنە قاراتا ۋاقىتشا كاسىپورىنداردىڭ تابىس باجىسى مەن ارتقان قۇن باجىسىن الماۋ كەرەك، ساياساتتىق ۋاقىت شەگى قازىرشە 3 جىل بولادى، ءىشىنارا ونىمدەردىڭ ەكسپورتتان قايتقان باجى شاماسىن كەمەلدەندىرۋ نەگىزىندە جوعارىلاتۋ كەرەك. جوعارىداعى شارالار قولدانىلعاندا، بيىل تۇتاس جىلدا كاسىپورىنداردىڭ باجى اۋىرتپالىعى مەجەمەن 45 ميلليارد يۋاننان استام جەڭىلدەيدى. ماجىلىستە مىناۋ تالاپ ەتىلدى: بۇرىن بەلگىلەنگەن جانە جاڭا بەلگىلەنگەن باجىنى ازايتىپ، اقىنى تومەندەتۋدەگى ءتۇرلى ساياساتتى جەدەل تياناقتاندىرۋ كەرەك، مەملەكەتتىك كەڭەستىڭ باقىلاۋ – تەكسەرۋ گرۋپپاسى مەن قازىنالىق باقىلاۋ مەكەمەسى تەكسەرۋ نەگىزىندە ىلگەرىلەتۋدى كۇشەيتۋى، تاراۋلار بازار تۇلعاسىنىڭ اۋىرتپالىعىن جەڭىلدەتۋ شارالارىن ىرىقتىلىقپەن بەلگىلەۋى، كاسىپورىندار مەن بۇقاراعا شىنايى تابىس سەزىمىن سيلاۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
