جۇڭگو – وزبەكستان ۇكىمەت ارالىق سەلبەستىك كوميتەتىنىڭ 5 – ءماجىلىسى بەيجيڭدە وتكىزىلدى
گو شىڭكۇن مەن وزبەكستان پرەمەر مينيسترى اريپوۆ بىرگە باسقاردى
2019.08.28 15:44 كەلۋ قاينارى : حالىق تورابى
شينحۋا اگەنتتىگى، 8 – ايدىڭ 27 – كۇنى، بەيجيڭ (ءتىلشى: ۋىن شيڭ) جۇڭگو مەن وزبەكستاننىڭ ۇكىمەت ارالىق سەلبەستىك كوميتەتىنىڭ 5 – رەتكى ءماجىلىسى 8 – ايدىڭ 27 – كۇنى بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسي – زاڭ كوميتەتىنىڭ شۋجيى، سەلبەستىك كوميتەتىنىڭ جۇڭگو جاق ءتوراعاسى گو شىڭكۇن مەن وزبەكستاننىڭ پرەمەر مينيسترى، سەلبەستىك كوميتەتىنىڭ وزبەكستان جاق ءتوراعاسى اريپوۆ ءماجىلىستى بىرگە باسقاردى.
گو شىڭكۇن بىلاي دەدى: جۇڭگو مەن وزبەكستان تاتۋ كورشىلەر ءارى جالپى بەتتىك ستراتەگيالىق سەرىكتەر، ءتوراعا شي جينپيڭ مەن پرەزيدەنت ميرزيويەۆ جۋىرداعى جىلداردان بەرى كوپ رەت كەڭەس وتكىزىپ، جۇڭگو مەن وزبەكستان قارىم – قاتىناسىن دامىتۋ جونىندە جاڭا جوسپارلار مەن جاڭا ورنالاستىرۋلار جاساپ، ەكى ەل قارىم – قاتىناسىنىڭ بولاشاقتاعى دامۋىنا باعىت – باعدار نۇسقادى. ەكى جاقتىڭ بىرگە قۇلشىنۋىنىڭ ارقاسىندا، جۇڭگو مەن وزبەكستان قارىم – قاتىناسى تولقىن جارا العا ىلگەرىلەپ، جەدەل دامىدى، ەكى ەل اراسىنداعى ساياسي سەنىمدىلىك ۇزدىكسىز كۇشەيدى، ءار دارەجەلىلەر اراسىنداعى بارىس – كەلىس كۇن سايىن جيىلەي ءتۇستى، جۇڭگو مەن وزبەكستان ۇكىمەت ارالىق سەلبەستىك كوميتەتى تىعىز سەلبەسىپ جانە سايكەسىپ، ەكى ەلدىڭ ەكونوميكا – ساۋدا، ەنەرگيا، قاتىناس، عىلىم – تەحنيكا، گۋمانيتارلىق، حاۋىپسىزدىك، اۋىل شارۋاشىلىعى قاتارلى سالالاردا ءبىرقىدىرۋ تىڭ جەتىستىكتەرگە، تىڭ ناتيجەلەرگە قول جەتكىزۋىن ىلگەرىلەتتى، ەكى ەل «ءبىر بەلدەۋ، ءبىر جولدى» بىرگە كوركەيتۋ جاعىنداعى سەلبەستىكتە مول ناتيجەلەرگە قول جەتكىزدى.
گو شىڭكۇن مىنانى ءبىلدىردى: جۇڭگو جاق وزبەكستان جاقپەن بىرگە ەكى ەل باسشىلارى بىرلىككە كەلگەن ءتۇرلى ورتاق تانىمداردى مۇقيات تياناقتاندىرىپ، جۇڭگو مەن وزبەكستاننىڭ ۇكىمەت ارالىق سەلبەستىك كوميتەتىنىڭ ءبىرتۇتاس جوسپارلاۋ، جەتەكشىلىك ەتۋ جانە سايكەستىرۋ رولىن اناعۇرلىم ساۋلەلەندىرىپ، ءوزارا سايكەسۋدى كۇشەيتىپ، «ءبىر بەلدەۋ، ءبىر جولدى» بىرگە كوركەيتۋدى نەگىزگى ارقاۋ ەتە وتىرىپ، ءتۇرلى سالالارداعى سەلبەستىكتەردى كۇشەيتىپ، ەكى ەل حالقىنا اناعۇرلىم مول شىنايى تيىمدىلىكتەر جەتكىزۋدى قالايدى.
اريپوۆ مىنانى ءبىلدىردى: وزبەكستان مەن جۇڭگو جاقىن دوستار ءارى سەنىمدى سەرىكتەر، جۇڭگومەن قارىم – قاتىناستى دامىتۋ — وزبەكستان ديپلوماتياسىنىڭ باسىم باعىتى. وزبەكستان جاق جۇڭگو جاقپەن جۇڭگو – وزبەكستان ۇكىمەت ارالىق سەلبەستىك كوميتەتىن تەكشە ەتە وتىرىپ، جان – جاقتى سەلبەستىكتەردى كۇشەيتۋدى، «ءبىر بەلدەۋ، ءبىر جولدى» بىرگە كوركەيتۋ جاعىنداعى سەلبەستىكتە اناعۇرلىم مول جەتىستىكتەرگە قول جەتكىزىپ، وزبەكستان مەن جۇڭگونىڭ جالپى بەتتىك ستراتەگيالىق سەرىكتەستىك قارىم – قاتىناسىنىڭ مازمۇنى ۇزدىكسىز بايىتا ءتۇسۋدى قالايدى.
ماجىلىستەن كەيىن، گو شىڭكۇن مەن اريپوۆ ءماجىلىس حاتتاماسىنا قول قويدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
