قازاقستان مامانى: ا ق ش پەن جۇڭگونىڭ ساۋدا داۋ - شارى ا ق ش پەن جۇڭگونىڭ جانە دۇنيە ءجۇزىنىڭ ەكونوميكاسىنا اۋىر سوققى بولدى
2019.08.28 15:39 كەلۋ قاينارى : حالىق تورابى
حالىق تورابى، 8 – ايدىڭ 28 – كۇنى، بەيجيڭ. حالىق تورابىنىڭ 8 – ايدىڭ 26 – كۇنى نۇر - سۇلتاننان بەرگەن حابارى. جۋىردا، ا ق ش جاق جۇڭگونىڭ ا ق ش – قا ەكسپورت ەتەتىن شامامەن 550 ميلليارد ا ق ش دوللارىنا تاياۋ تاۋارىنان الاتىن ۇستەمە كەدەن باجىسىن جوعارىلاتاتىندىعىن جاريالادى ءارى «ا ق ش كاسىپورىندارىنىڭ جۇڭگودان كەتۋىن تالاپ ەتەمىز» دەدى. قازاقستاننىڭ جۇڭگو ماسەلەسىن زەرتتەۋ ورتالىعىنىڭ مەڭگەرۋشىسى گۇلنار شايمەرگەنوۆا بىلاي دەپ قارادى: ا ق ش - نىڭ بۇل ارەكەتى ا ق ش - نىڭ جۇڭگو ساۋدا داۋ ـ شارىن ونان ارى ۋشىقتىرادى، ەكى ەلدىڭ، ءتىپتى، دۇنيە ءجۇزىنىڭ ەكونوميكاسىنا اۋىر سوققى بولادى.
شايمەرگەنوۆا تىلشىگە بىلاي دەدى: ا ق ش پرەزيدەنتى ترامپتىڭ ٶزىنىڭ قوعامدىق قارىم – قاتىناس قۇرالىندا جاريالاعان «ا ق ش كاسىپورىندارىنان جۇڭگودان قول ءۇزۋدى تالاپ ەتۋ» جونىندەگى سوزدەرىنىڭ ۇگىت ەرەكشەلىگى ا ق ش حالقىنا ايتقانىنداي بولدى. بالكىم، ول وسىنداي ءتاسىل ارقىلى بۇقارانىڭ نازارىن اۋدارىپ، باستالۋ الدىندا تۇرعان پرەزيدەنت سايلاۋىنا ىقپال جاساۋدى ءارى ەڭ سوڭىندا جالعاستى مىندەت وتەۋدى ءۇمىت ەتكەن بولۋى مۇمكىن.
«ا ق ش پرەزيدەنتىنىڭ جەكەشە كاسىپورىنداردىڭ تيجارات قيمىلىنا بۇيرىق ءتۇسىرۋ ۇقىعى جوق سياقتى». شايمەرگەنوۆا مىنانى اتاپ كورسەتتى: ونىڭ ۇستىنە ەگەر بۇل كاسىپورىندار قازىر پايدا تابۋ كۇيىندە بولسا. جۇڭگو مەن ا ق ش كاسىپورىندارىنىڭ ىشكەرىلەي سەلبەسۋىنىڭ نەشە ون جىلدىق تاريحى بار، كوپتەگەن كاسىپورىندار قىسقا ۋاقىت ىشىندە جۇڭگوداي سەلبەستىك سەرىكتەرىنىڭ ورنىن باساتىنداردى ىزدەستىرۋى شىندىققا جاناسپايدى . ا ق ش كاسىپورىندارى بەلگىلى دارەجەدە ءوز ەل باسشىلارىنىڭ ساياسي قارا نيەتتىلىكتى جۇزەگە اسىرۋ جولىنداعى «قۇرباندىعىنا» اينالدى. حالىقارالىق قوعام ا ق ش كاسىپورىندارىنىڭ قانداي اڭىس قايتاراتىندىعىنا ەرەكشە نازار اۋدارادى.
جۇڭگو مەن ا ق ش – نىڭ ساۋدا داۋ – شارىنىڭ ۇزدىكسىز اسقىنۋى الەم ەكونوميكاسىنا ەرەكشە ۇلكەن سوققى بولىپ وتىر. شايمەرگەنوۆا مىنانى باسا دارىپتەدى: ا ق ش ماماندارىنىڭ مەجەلەۋىنشە، ەگەر ا ق ش پەن جۇڭگونىڭ ەكونوميكا - ساۋدا قاتىناسى ۇزدىكسىز شيەلەنىسە بەرسە، 2021 - جىلعا بارعاندا، دۇنيە ءجۇزى ەكونوميكاسىنىڭ وسى سەبەپتەن ءبىر تريلليون 200 ميلليارد دوللار زيان تارتۋى مۇمكىن.» مىنە بۇل ءبىزدىڭ بەرۋگە ءتيىستى اۋىر بوداۋىمىز.
ءىس جۇزىندە، ا ق ش - جۇڭگو ساۋدا داۋ - شارى ا ق ش بۇقاراسىنىڭ تۇرمىسىنا ىقپال جاسادى. شايمەرگەنوۆا مىنانى اتاپ كورسەتتى: ساناققا قاراعاندا، كەدەن باجىسىن ۇستەمەلەپ الۋدان ا ق ش - ندىق ءاربىر وتباسى جىلىنا ورتا ەسەپپەن 800 - 1000 ا ق ش دوللارى ارتىق جۇمساۋعا تۋرا كەلەدى.» وتباسىلىق اۋىرتپالىقتىڭ ارتۋى 2020 - جىلعى پرەزيدەنت سايلاۋىنىڭ ناتيجەسىنە ىقپال جاسايتىن ماڭىزدى فاكتورعا اينالۋى مۇمكىن.
دۇنيەدەگى ەڭ ءىرى ەكى ەكونوميكالىق تۇلعا اراسىنداعى ساۋدا داۋ - شارىن تەك كەلىسسوز ارقىلى كەڭەسىپ شەشۋگە بولادى. شايمەرگەنوۆا بىلاي دەدى: ساۋدا سوعىسىندا جۇڭگو مەن ا ق ش - نىڭ وزىندىك باسىمدىلىعى بار، ەگەر جاعداي ۇلعايسا، ەكى جاق تا وراسان زور بوداۋ بەرۋى كەرەك. جۇڭگونىڭ بەينەلەيتىنى اقىلدىلىق، ماسەلەنى پىكىرلەسۋ ارقىلى شەشۋدى ءتىپتى دە قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
