لي كىچياڭ قازاقستان پرەزيدەنتى توقايەۆپەن جانە جاپونيانىڭ ەكونوميكا سالاسىنداعى ۋاكىلدەر ۇيىرمەسىمەن جەكە – جەكە كەزدەستى
2019.09.12 14:33 كەلۋ قاينارى : حالىق تورابى
حالىق گازەتى، 9 – ايدىڭ 11 – كۇنى، بەيجيڭ (ءتىلشى: ۋاڭ دي) مەملەكەتتىك كەڭەس زۇڭليى لي كىچياڭ 9 – ايدىڭ 11 – كۇنى دياۋيۇيتاي مەملەكەتتىك قوناق ۇيىندە جۇڭگوعا مەملەكەت ىسىمەن ساپارلاي كەلگەن قازاقستان پرەزيدەنتى توقايەۆپەن كەزدەستى.
لي كىچياڭ مىنانى ءبىلدىردى: قازاقستان جۇڭگونىڭ تاتۋ كورشىسى جانە جالپى بەتتىك ستراتەگيالىق سەرىگى. ەكى ەل ساياسي جاقتا ءوزارا بەرىك سەنىم ورناتقان،ەكى ەلدىڭ ناقتى سەلبەستىك ناتيجەلەرى مول، ەكى ەل حالقىنىڭ دوستىعى ارىدان باستاۋ الادى. ءتوراعا شي جينپيڭ مەن پرەزيدەنت مىرزا كەڭەس وتكىزىپ، ەكى ەل قارىم – قاتىناسىن بولاشاقتا قالاي دامىتۋدى بىرگە جوسپارلادى. جۇڭگو جاق «ءبىر بەلدەۋ، ءبىر جول» دارىپتەمەسى مەن قازاقستاننىڭ دامۋ ستراتەگياسىن اناعۇرلىم ويداعىداي ۇشتاستىرىپ، كەڭەسىپ، بىرگە كوركەيتىپ، ورتاق يگىلىكتەنىپ، جان – جاقتى سەلبەستىكتەردى تەرەڭدەتىپ، ءوڭىردىڭ بەيبىتشىلىگى مەن ورنىقتىلىعىن بىرگە قورعاۋدى، ەكى ەل حالقىنا اناعۇرلىم ويداعىداي باقىت جاراتۋدى قالايدى.
لي كىچياڭ مىنانى اتاپ كورسەتتى: جۇڭگو مەن قازاقستان سەلبەستىگى ءوزارا سەنىمدىلىك نەگىزىنە يە، كورشىلەستىك ابزالدىققا يە، زور كومەسكى قۋاتى مەن كەڭ ءورىسى بار. جۇڭگو جاق قازاقستان جاقپەن ەنەرگيا، ءوندىرىس قۋاتى، يادرولىق ەلەكتر، فينانس، عىلىم – تەحنيكا قاتارلى سالالارداعى سەلبەستىكتەردىڭ ءورىسىن كەڭەيتىپ، شەكارا اتتاعان ەلەكتروندىق ساۋدا تەكشەلەرىنەن ويداعىداي پايدالانىپ، ەكى جاقتى ساۋدانىڭ كولەمىن كەڭەيتىپ، دامۋ ورايىنان بىرگە يگىلىكتەنىپ، ءوزارا تيىمدىلىك جەتكىزۋ، ورتاق يگىلىكتەنۋدى ىسكە اسىرۋدى قالايدى.
توقايەۆ جاڭا جۇڭگو قۇرىلعاندىعىنىڭ 70 جىلدىعىن قۇتتىقتادى. ول مىنانى ءبىلدىردى: جۇڭگو مەن قازاقستان ماڭىزدى ستراتەگيالىق سەرىك ەلدەر، قازاقستان جاق قازاقستان مەن جۇڭگو قارىم – قاتىناسىنىڭ قازىرگى جاعدايىنا توتەنشە ريزا، «ءبىر بەلدەۋ، ءبىر جولدى» بىرگە كوركەيتۋگە بەلسەندى قاتىناسىپ، ءتۇرلى سالالارداعى سەلبەستىكتەردى تەرەڭدەتىپ، قازاقستاننىڭ جۇڭگوعا ەكسپورت ەتەتىن ونىمدەرىنىڭ كولەمىن ارتتىرۋدى، ەكى ەل جاستارى، ساياحات سىندى جاقتارداعى گۋمانيتارلىق اۋىس – كۇيىستى ءجيى ورىستەتىپ، ەكى ەل قارىم – قاتىناسىن ۇزدىكسىز اقاۋسىز دا ورنىقتى دامىتۋدى قالايدى. جۇڭگو كاسىپورىندارىنىڭ قازاقستانعا قارجى قوسىپ، كاسىپتەرىن گۇلدەندىرۋىن قارسى الامىز.
حى ليفىڭ كەزدەسۋگە قاتىناستى.
حالىق گازەتى، 9 – ايدىڭ 11 – كۇنى، بەيجيڭ (ءتىلشى: ۋاڭ دي) مەملەكەتتىك كەڭەس زۇڭليى لي كىچياڭ 9 – ايدىڭ 11 – كۇنى تۇستەن كەيىن دياۋيۇيتاي مەملەكەتتىك قوناق ۇيىندە جاپونيا – جۇڭگو ەكونوميكالىق بىرلەستىگىنىڭ ءتوراعاسى شوجي مۋنەوكا، جاپونيا ساۋدا – ونەركاسىپ كەڭەس ورنىنىڭ ءتوراعاسى اكيو ميمۋرا، جاپونيا ەكونوميكالىق توپتار بىرلەستىگى ساراپتاۋشىلار ءماجىلىسىنىڭ باستىعى نوبۋيۋكي كوكا باستاعان جاپونيانىڭ ەكونوميكا سالاسىنداعى ۋاكىلدەر ۇيىرمەسىمەن كەزدەستى ءارى ولارمەن اڭگىمە ءماجىلىسىن وتكىزدى. جاپونيانىڭ نەگىزگى كاسىپورىندارىنىڭ جاۋاپتىلارىنان 200 نەشە ادام قاتىناستى.
لي كىچياڭ مىنانى ءبىلدىردى: ەكى جاقتىڭ بىرگە قۇلشىنۋىنىڭ ارقاسىندا، جۇڭگو – جاپونيا قارىم – قاتىناسى بىلتىردان بەرى قالىپتى ارناعا قايتادان ءتۇستى، ەكى ەلدىڭ ەكونوميكا جانە ساۋدا سالاسىنداعى سەلبەستىگى ورنىقتى العا ىلگەرىلەۋدە، جاپونيانىڭ جۇڭگوعا قارجى قوسۋ مولشەرى ەكى ورىندى سانمەن ارتۋدا، ەكى جاقتىڭ سەلبەستىگىنىڭ بولاشاقتاعى ءورىسى كەڭ. جۇڭگو مەن جاپونيانىڭ قارىم – قاتىناسى قيىن جاعدايعا ۇشىراعان كەزدە، جاپونيانىڭ ەكونوميكا سالاسىنداعىلار ەكى ەلدىڭ قارىم – قاتىناسىنىڭ اقاۋسىز دامۋىن قورعاپ، ناقتى سەلبەستىكتەردى تەرەڭدەتۋدە ماڭىزدى قۇلشىنىستار جاسادى ءارى ۇلەس قوستى. قازىر دۇنيە ءجۇزى ەكونوميكاسىندا تۇراقسىز، ورنىقسىز فاكتورلار ارتىپ، قۇلدىراۋدىڭ جاڭا قىسىمىنا ءدوپ كەلدى، جۇڭگو مەن جاپونيا سىندى دۇنيە جۇزىندەگى ماڭىزدى ەكونوميكالىق تۇلعالار ءوز باسىمدىلىقتارى ارقىلى ءبىر – ءبىرىن تولىقتاپ، سەلبەستىكتى تىزە قوسا كۇشەيتۋى كەرەك، بۇل تەك ەكى ەلگە عانا ءتيىمدى بولىپ قالماستان، وسى ءوڭىردىڭ، ءتىپتى دۇنيە ءجۇزىنىڭ ەكونوميكاسىنىڭ ورنىقتى جاقسارۋىنا ءتيىمدى، دۇنيە ءجۇزىنىڭ كوركەيىپ – گۇلدەنۋى مەن ورنىقتىلىعىنا ءتيىمدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
