شي جينپيڭ ەكونوميكا، قوعام سالاسىنداعى مامانداردىڭ اڭگىمە ءماجىلىسىن باسقارىپ اشقاندا مىنانى دارىپتەدى
ۇزاق بولاشاقتى كوزدەپ، جالپى جاعدايدى يگەرىپ، كوپشىلىكتىڭ اقىل - پاراساتىن شوعىرلاندىرىپ، جاڭا جاعدايدى زەرتتەپ، جاڭا جوبا جاساۋ كەرەك
ۋاڭ حۋنيڭ، حان جىڭ ماجىلىسكە قاتىناستى
2020.08.25 16:15 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 24 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 8 - ايدىڭ 24 - كۇنى تۇستەن كەيىن جۇڭنانحايدا ەكونوميكا، قوعام سالاسىنداعى مامانداردىڭ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى دارىپتەدى: «14 - بەس جىلدىق» جوسپار مەزگىلى ەلىمىز جاپپاي دوڭگەلەك داۋلەتتى قوعام قۇرىپ، ءبىرىنشى 100 جىلدىق كۇرەس نىساناسىن جۇزەگە اسىرعاننان كەيىن، ورايدان پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاپ، ەكىنشى 100 جىلدىق كۇرەس نىساناسىنا جورىق جاسايتىن العاشقى 5 جىل، ەلىمىز جاڭا دامۋ كەزەڭىنە ءوتۋ الدىندا تۇر. ءارقانداي ءىستى الدىن الا جوبالاپ ىستەۋ كەرەك، جوباسىز ءىس قۇر دالباسا. ءبىز ۇزاق بولاشاقتى كوزدەپ، جالپى جاعدايدى يگەرىپ، كوپشىلىكتىڭ اقىل - پاراساتىن شوعىرلاندىرىپ، جاڭا جاعدايدى زەرتتەپ، جاڭا جوبا جاساۋىمىز كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ اڭگىمە ماجىلىسىنە قاتىناستى.
اڭگىمە ماجىلىسىندە بەيجيڭ داشۋەسى مەملەكەت دامۋىن زەرتتەۋ ورنىنىڭ قۇرمەتتى باستىعى لين ي - فۋ، جۇڭگو ەكونوميكالىق ءتۇزىلىس رەفورماسىن زەرتتەۋ قوعامى باستىعىنىڭ ورىنباسارى فان گاڭ، چيڭحۋا داشۋەسى الەۋمەتتىك باسقارۋ شۋەيۋانىنىڭ باستىعى جياڭ شياۋجۋان، جۇڭگو قوعامدىق عىلىمدار اكادەمياسى باستىعىنىڭ ورىنباسارى ساي فاڭ، مەملەكەتتىك دامۋ جانە رەفورما كوميتەتى ماكرولىق ەكونوميكانى زەرتتەۋ ورنىنىڭ باستىعى ۋاڭ چاڭلين، چيڭحۋا داشۋەسى مەملەكەت فينانسىن زەرتتەۋ ورنىنىڭ باستىعى جۋ مين، شاڭحاي قاتىناس داشۋەسى انتاي ەكونوميكا جانە باسقارۋ شۋەيۋانىنىڭ ۇسىنىس ەتىلگەن پروفەسسورى لۋ ميڭ، جۇڭگو قوعامدىق عىلىمدار اكادەمياسى دۇنيە جۇزىلىك ەكونوميكا جانە ساياسي زەرتتەۋ ورنىنىڭ باستىعى جاڭ يۇييان، شياڭگاڭ جۇڭۋىن داشۋەسى (شىنجىن) دۇنيە ءجۇزى جانە وسى زامانعى جۇڭگو جوعارى دارەجەلى وقىتۋدى زەرتتەۋ ورنىنىڭ باستىعى جىڭ يۇڭنيان قاتارلى مامانداردىڭ 9 ۋاكىلى ىلگەرىندى - كەيىندى ءسوز سويلەپ، «14 - بەس جىلدىق» جوسپاردى جاساۋ جونىندەگى پىكىر جانە ۇسىنىستارىن ورتاعا قويدى.
كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول مىنانى ءبىلدىردى: ماماندار مەن وقىمىستىلار تاماشا ءسوز سويلەدى، وزدەرىنىڭ كاسىپ سالاسىن شىعار ءتۇيىن ەتىپ، «14 - بەس جىلدىق» مەزگىلىندەگى دامۋ ورتاسى، وي جەلىسى، مىندەتى، شارالارى جونىندە اسا قۇندى پىكىرلەر مەن ۇسىنىستار قويدى، ماجىلىسكە قاتىناسقان باسقا ماماندار جازباشا ءسوز تاپسىردى، مۇنى قاتىستى جاقتار زەرتتەپ، قاجەتتىسىن قابىلداۋى كەرەك.
شي جينپيڭ بىلاي دەپ اتاپ كورسەتتى: جاڭا دامۋ ساتىسىنداعى جاڭا وراي، جاڭا سايىسقا ديالەكتيكالىق تۇرعىدان وي جۇگىرتۋ كەرەك. قازىرگى دۇنيە عاسىردا بولماعان ۇلكەن وزگەرىستەردى باستان كەشىرۋدە، جاڭا تيپتى ايدارشا ۆيرۋس وكپە قابىنۋىنىڭ بۇكىل دۇنيە جۇزىندە كەڭ تارالۋى وسى ۇلكەن وزگەرىستى تەزدەتىپ، حالىقارالىق ەكونوميكا، عىلىم - تەحنيكا، مادەنيەت، حاۋىپسىزدىك، ساياسي سياقتى جۇيەلەردىڭ بارىندە تەرەڭ رەتتەۋلەر جارىققا شىقتى. ەلىمىزدىڭ دامۋ ورتاسى دا تەرەڭ وزگەرىستەردى باستان كەشىرۋدە، ەلىمىز ساپالى دامۋ ساتىسىنا قادام تاستادى، قوعامنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا اينالدى، حالىقتىڭ تاماشا تۇرمىسقا دەگەن تالابى ۇزدىكسىز جوعارىلادى. جۇڭحۋا ۇلتىنىڭ ۇلى گۇلدەنۋى ستراتەگياسىنىڭ جالپى جاعدايى مەن دۇنيە جۇزىندە عاسىردا بولماعان زور وزگەرىستەردى ءبىر تۇتاس جوسپارلاپ، ەلىمىز قوعامىنداعى باستى قايشىلىقتىڭ دامۋى مەن وزگەرىسىنەن تۋىنداعان جاڭا ەرەكشەلىكتى، جاڭا تالاپتى جەتە تانىپ، حالىقارالىق ورتا الا كەلگەن جاڭا قايشىلىق، جاڭا سىن - سايىستى تەرەڭ تانىپ، وراي تانىمى مەن حاۋىپ - قاتەر تانىمىن كۇشەيتىپ، وزگەرىستى دۇرىس تانىپ، عىلمي جولمەن شەشىپ، ىرىقتىلىقپەن وزگەرىسكە تالپىنىپ، باتىلدىقپەن داۋىلعا قارسى اتتانىپ، حاۋىپ - قاتەردى ورايعا اينالدىرۋعا شەبەر بولىپ، اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋعا قۇلشىنۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
