مەملەكەتتىك ساياسي كەڭەس جاڭا جىل شاي ءماجىلىسىن وتكىزدى
شي جينپيڭ ماڭىزدى ءسوز سويلەدى
2021.01.04 14:16 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 31 - كۇنى، بەيجيڭ. جۇڭگو حالىق ساياسي ءماسليحات كەڭەسى مەملەكەتتىك كوميتەتى 12 - ايدىڭ 31 - كۇنى تۇستەن بۇرىن مەملەكەتتىك ساياسي كەڭەس زالىندا جاڭا جىل شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءارقايسى دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن، ورتالىق پەن مەملەكەت ورگاندارىنىڭ قاتىستى جاقتارىنداعى جاۋاپتىلارىمەن، سونداي - اق استاناداعى ءار ۇلت، ءار سالا قايراتكەرلەرىنىڭ ۋاكىلدەرىمەن ءبىر ارادا باس قوسىپ، 2021 - جىلعى جاڭا جىلدى قۋانىشپەن قارسى الدى.
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاي ماجىلىسىندە ماڭىزدى ءسوز سويلەدى. ول بىلاي دەپ دارىپتەدى: كەلە جاتقان 2021 - جىلدا ءبىز جۇڭگو كوممۋنيستىك پارتياسى قۇرىلعانىنىڭ 100 جىلدىعىن سالتاناتپەن قۇتتىقتايمىز، «14 - بەسجىلدىق» جوسپاردى جاسايمىز جانە اتقارامىز، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايمىز. ءبىز جۇڭگو حالقى مەن جۇڭحۋا ۇلتىنىڭ ۇلت تاۋەلسىزدىگىن جۇزەگە اسىرۋ، حالىق ازاتتىعى مەن مەملەكەتتىڭ باي - قۇدىرەتتى بولۋى، حالىقتى باقىتقا كەنەلتۋ جولىندا كۇرەس جۇرگىزگەن 100 جىلدىق جاپالى بارىسىن مىقتاپ ەستە ساقتاپ، حالىق ءۇشىن قىزمەت ىستەيتىن كومپىستىك، جاڭالىق اشا داميتىن ەگەيلىك، قاجىرلىلىقپەن كۇرەس جۇرگىزەتىن مويىماستىق رۋحىن اسقاقتاتىپ، باستان - اياق ىجداعاتتىلىقپەن تاباندى بولاتىن، داندايسۋدان، ۇشقالاقتىقتان ساقتاناتىن سەرگەك وي - سانانى ماڭگى ساقتاپ، جاپادان، قاتەردەن تايسالمايتىن، قاجىرلىلىقپەن ۇمتىلاتىن كۇرەسكەرلىك ارىندى ماڭگى ساقتاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ەرلىكپەن ىلگەرىلەپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن ۇزدىك ناتيجەلەرىمىزبەن قارسى الۋىمىز كەرەك.
شي جينپيڭ ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى اتىنان ءارقايسى دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، ءارقايسى حالىقتىق ۇيىمدارعا، بۇكىل ەلدەگى قالىڭ جۇمىسشىلارعا، شارۋالارعا، زيالىلارعا، كادرلارعا جانە ءار سالاداعى قايراتكەرلەرگە، حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى وفيتسەر - جاۋىنگەرلەرىنە، قوعام حاۋىپسىزدىگى كادر - ساقشىلارىنا جانە ءورت ءسوندىرۋ، ورتتەن ساقتانۋ، قۇتقارۋ قوسىنىنىڭ كوماندير - جاۋىنگەرلەرىنە، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەردەگى مۇھاجىرلارعا، جۇڭگونىڭ وسىزامانداندىرۋ قۇرىلىسىنا كوڭىل بولگەن، قولداۋ كورسەتكەن ءار ەلدەگى دوستارعا مەرەكەلىك سالەم جولداپ جانە شىنايى تىلەك ءبىلدىرىپ، كوپشىلىكتىڭ جاڭا جىلىن قۇتتىقتادى.
شي جينپيڭ بىلاي دەپ اتاپ كورسەتتى: 2020 - جىل قىم - قۋىت، كۇردەلى حالىقارا، ەل ءىشى جاعدايى الدىندا ءبىز جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايىن جانە دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ باستاپ، تار جول، تايعاق كەشۋلەردەن ءوتىپ، قيىندىقتى جەڭىپ، قامال الىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدە كەلەلى ستراتەگيالىق جەتىستىككە قول جەتكىزدىك، اۋىر تاسقىن اپاتىن جەڭدىك، ەكونوميكالىق ارتۋدىڭ وڭ ارتۋعا ويىسۋىن جۇزەگە اسىردىق، جاڭا داۋىردەگى كەدەيلىكتەن ارىلتۋدان قامال الۋ نىسانالارى مەن مىندەتتەرىن، «13 - بەسجىلدىق» مەزگىلىندەگى نىسانالار مەن مىندەتتەردى ورىندادىق، كەلەلى عىلىم - تەحنيكا نىساندارىندا، كەلەلى ينجەنەريا قۇرىلىستارىندا قۋانىشتى حابارلار ارت - ارتىنان تارالىپ، جاپپاي دوڭگەلەك داۋلەتتى قوعام ورناتۋدا ۇلى تاريحي جەتىستىككە قول جەتكىزىپ، جۇڭحۋا ۇلتىنىڭ ۇلى گۇلدەنۋى العا قاراي جاڭا ارشىندى قادام تاستادى.
شي جينپيڭ بىلاي دەپ دارىپتەدى: 2020 - جىل ءبىز رەفورما جاساۋدى، ەسىك اشۋدى ۇزدىكسىز بۇلجىماي ىلگەرىلەتىپ، ورتالىق رەفورمانى جاپپاي تەرەڭدەتۋ كوميتەتى ورنالاستىرعان 50 ءتۇيىندى رەفورما مىندەتى مەن باسقا دا 75 رەفورما مىندەتىن نەگىزىنەن ورىندادىق، ورتالىق پەن مەملەكەت ورگاندارىنىڭ قاتىستى تاراۋلارى 143 رەفورما مىندەتىن ورىندادى، ءار جاق 268 رەفورما جوباسىن العا قويدى. ج ك پ 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى اشىلعان 7 جىلدان استام ۋاقىتتان بەرى ءار جاق جالپى 2 مىڭ 485 رەفورما جوباسىن شىعاردى، ج ك پ 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى العا قويعان رەفورما نىسانالارى مەن مىندەتتەرى جالپى جاقتان دەر كەزىندە ورىندالدى.
شي جينپيڭ بىلاي دەپ اتاپ كورسەتتى: 2020 - جىلى ءبىز «ءبىر ەل، ەكى ءتۇزىم» باعىتىندا تاباندى بولىپ، شياڭگاڭنىڭ، اۋمىننىڭ ەكونوميكالىق دامۋى مەن قوعامدىق ورنىقتىلىعىن جەبەدىك. ءبىز ءبىر جۇڭگو پرينسيبى مەن «92 - جىلعى ورتاق تانىمدا» تاباندى بولىپ، تايۋان بۇعازىنىڭ بەيبىتشىلىگى مەن ورنىقتىلىعىن باتىل قورعادىق. ءبىز ادامزات تاعدىرلاس ورتاق تۇلعا ۇستانىمىنان جازباي، سىڭارجاقتىلىقتىڭ، قورعانىمپازدىقتىڭ، زورەكەرلىكتىڭ كەرى اعىنىنا توتەپ بەرىپ، جۇڭگوشا ءىرى ەل ديپلوماتياسىن ىلگەرىلەتىپ، حالىقارالىق ىندەتكە قارسى اتتانۋ سەلبەستىگىن ىلگەرىلەتىپ جانە وعان ات سالىسىپ، بۇكىل دۇنيە ءجۇزىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا، بەيبىتشىلىك پەن دامۋدى جەبەۋگە بەلسەنە ۇلەس قوستىق.
شي جينپيڭ بىلاي دەپ دارىپتەدى: 2020 - جىلعا قايىرىلا قاراساق، ساپارىمىز ماشاقاتقا تولى، كۇرەس جۇرگىزۋ جەتىستىگىمىز كورنەكتى بولدى. بۇل − جۇڭگو كوممۋنيستىك پارتياسىنىڭ پارمەندى باسشىلىعىنىڭ جەمىسى، جۇڭگو حالقى مەن جۇڭحۋا ۇلتىنىڭ ءبىر نيەتپەن جۇدىرىقتاي جۇمىلۋىنىڭ، جان قيارلىقپەن شايقاسۋىنىڭ جەمىسى، جۇڭگو رۋحىنىڭ، جۇڭگو كۇشىنىڭ تولىق ايگىلەنۋى. فاكت جۇڭگو حالقىنىڭ ۇلى حالىق، قاھارمان حالىق ەكەنىن، ءسوز جوق، جان سۇيىندىرەرلىك كەرەمەتتەردى ۇزدىكسىز جاراتا الاتىنىن تاعى دا دالەلدەدى.
شي جينپيڭ بىلاي دەپ اتاپ كورسەتتى: ءبىر جىلدان بەرى حالىق ساياسي كەڭەسى جۇڭگو كوممۋنيستىك پارتياسىنىڭ ساياسي كەڭەس قىزمەتىنە جاپپاي باسشىلىق ەتۋىندە تاباندى بولىپ، ىنتىماق پەن دەموكراتيا سىندى ەكى ۇلكەن نەگىزگى تاقىرىپتا تاباندى بولىپ، مىندەتىن وتەپ، جاۋاپكەرلىگىن ادا ەتىپ، زەيىن - زەردە مەن كۇش - قۋاتتى ۇيىستىرىپ، پارتيا مەن مەملەكەت ىستەرىنىڭ دامۋىنا ماڭىزدى ۇلەس قوستى. جاڭا ءبىر جىلدا حالىق ساياسي كەڭەسى كۇش ۇستىنە كۇش قوسىپ، ىنتىماقتاسا ەكپىندەي ىلگەرىلەپ، ارناۋلى كەڭەستىك قۇرىلىمى قۇرىلىسىن كۇشەيتىپ، حالىق ساياسي كەڭەسىنىڭ ءتۇزىم ابزالدىعىن مەملەكەتتى جونگە سالۋ رولىنا اينالدىرىپ، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، ەل ءىشى - سىرتىنداعى جۇڭحۋا ۇلاندارىنىڭ ويى ءبىر اراعا شوعىرلانعان، كۇشى ءبىر ورىنعا جۇمسالعان قۋاتتى بىرىككەن كۇشىن قالىپتاستىرىپ، ۇلى ىنتىماق، ۇلى بىرلەستىك جاعدايىن ۇزدىكسىز بەكەمدەۋى جانە دامىتۋى كەرەك.شاي ءماجىلىسىن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ باسقاردى. ول بىلاي دەپ اتاپ كورسەتتى: ءبىز، ءسوز جوق، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جۇڭگوشا سوتسياليزم ۇلى تۋىن بيىك ۇستاپ، ءبىر نيەت، ءبىر تىلەكتە بولىپ، جان قيارلىقپەن شايقاسىپ، بىرلىكساپ پەن حالىق ساياسي كەڭەسىنىڭ ءتۇرلى قىزمەتتەرىن تىڭعىلىقتى ويداعىداي ىستەپ، ىنتىماقتاسۋعا بولاتىن بارلىق كۇشپەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، «14 - بەسجىلدىق» جوبانى جاساۋمەن، اتقارۋمەن تىعىز بايلانىستىرىپ، كەڭەسۋدى، ۇكىمەت ىستەرىن اقىلداسۋدى تەرەڭدەتىپ، دەموكراتيالىق باقىلاۋ ورىستەتىپ، سىندارلى اقىل - كەڭەس بەرۋ مەن ورتاق تانىمدى ۇيىستىرۋ دەڭگەيىن جوعارىلاتىپ، حالىق ساياسي كەڭەسىنىڭ ارناۋلى كەڭەستىك قۇرىلىمىنىڭ مەملەكەتتى جونگە سالۋ جۇيەسىندەگى ابزالدىق رولىن اناعۇرلىم ويداعىداي ساۋلەلەندىرىپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن ءىس جۇزىندىك ارەكەتىمىزبەن جانە ۇزدىك ناتيجەمىزبەن قۇتتىقتاۋىمىز كەرەك.
تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەپ، شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «14 - بەسجىلدىققا» باستاما اشۋ، قادام تاستاۋ جىلىن تياناق ەتىپ، جاڭا ساپاردا نيەتتەس، باعىتتاس بولا وتىرىپ كۇش شىعارىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جاسايتىندارىن ءبىلدىردى.
شاي ماجىلىسىندە ءبىر ءبولىم مەملەكەتتىك ساياسي كەڭەس مۇشەلەرى جانە ادەبيەت - كوركەمونەر قىزمەتكەرلەرى تارتىمدى كونسەرت قويدى، ءماجىلىس الاڭىندا قۋانىشتى، بەرەكەلى مەرەكەلىك لەپ ەستى.
بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى ءبىر ءبولىم باسشى جولداستار، مەملەكەتتىك ساياسي كەڭەستەگى باسشى جولداستار جانە ىلگەرتىندە مەملەكەتتىك ساياسي كەڭەس ءتوراعاسىنىڭ ورىنباسارى مىندەتىن اتقارعان بەيجيڭدە تۇراتىن قارت جولداستار شاي ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
