پارتيا ورتالىق كوميتەتىنىڭ ۇگىت ءبولىمى قاتارلى ون بەس تاراۋ
بيىل مادەنيەت، عىلىم – تەحنيكا، دەنساۋلىق ساقتاۋ سىندى «ءۇشتى اۋىل – قىستاققا جەتكىزۋ» قيمىلىن ورىستەتۋ جونىندە ورنالاستىرۋ جاسادى
2021.01.04 14:58 كەلۋ قاينارى : حالىق تورابى
شينحۋا اگەنتتىگىنىڭ 1 – ايدىڭ 2 – كۇنى بەيجيڭنەن بەرگەن حابارى. پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ، قوعامنىڭ ءار سالاسىنداعى كۇشتەردى جاڭا داۋىردەگى اۋىل شارۋاشىلىعى، اۋىل – قىستاق، ديقاندار قىزمەتىنە بەلسەندى اتسالىسۋعا ىشكەرىلەي اتتانىسقا كەلتىرۋ ءۇشىن، پارتيا ورتالىق كوميتەتىنىڭ ۇگىت ءبولىمى ورتالىق كوميتەتتىڭ وركەنيەت كەڭسەسى، مەملەكەتتىك دامىتۋ – رەفورمالاۋ كوميتەتى، وقۋ – اعارتۋ مينيسترلىگى، عىلىم – تەحنيكا مينيسترلىگى، ءادىليا مينيسترلىگى، اۋىل شارۋاشىلىعى جانە اۋىل – قىستاق مينيسترلىگى، مادەنيەت جانە ساياحات مينيسترلىگى، مەملەكەتتىك دەنساۋلىق ساقتاۋ جانە سالاماتتىق كوميتەتى، مەملەكەتتىك راديو – تەلەۆيزيا باس مەكەمەسى، مەملەكەتتىك كەدەيلەردى سۇيەمەلدەۋ كەڭسەسى، كوممۋنيستىك جاستار وداعى ورتالىق كوميتەتى، مەملەكەتتىك ايەلدەر بىرلەستىگى، جۇڭگو جازۋشىلار وداعى، جۇڭگو عىلىم – تەحنيكا بىرلەستىگى قاتارلى ورىندارمەن بىرگە ۇقتىرۋ باسىپ تاراتىپ، 2021 – جىلى مادەنيەت، عىلىم – تەحنيكا، دەنساۋلىق ساقتاۋ سىندى «ءۇشتى اۋىل – قىستاققا جەتكىزۋ» قيمىلىن ورىستەتۋ جونىندە ورنالاستىرۋ جاسادى.
ۇقتىرۋدا مىنالار اتاپ كورسەتىلگەن: «ءۇشتى اۋىل – قىستاققا جەتكىزۋ» قيمىلى ورىستەتىلگەن 25 جىلدان بەرى، مازمۇنى كۇننەن – كۇنگە بايىتىلىپ، ارناسى ۇزدىكسىز كەڭەيتىلىپ، فورماسىندا ۇزدىكسىز جاڭالىق جاراتىلدى، ديقانداردىڭ يدەيالىق ءمورال جانە عىلىم – تەحنيكا، مادەنيەت ساپاسىن جوعارىلاتۋ، كەدەيلىكتەن ارىلتۋدان قامال الۋعا دەم بەرۋ جاعىنداعى عاسىر اتتاعان، حالىق تىلەگىنەن شىققان بۇل ينجەنەريانى ديقاندار شىن ىقىلاسىمەن قابىلدادى. 2021 – جىلى ەلىمىزدىڭ وسىزامانداندىرۋ قۇرىلىسىنىڭ ۇردىسىندەگى ەرەكشە ماڭىزدى ءبىر جىل. «ءۇشتى اۋىل – قىستاققا جەتكىزۋ» قيمىلىن ۇيىمداستىرۋ، ورىستەتۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى، سوتسياليستىك وزەكتى قۇن كوزقاراسىن باستاماشى ەتىپ، اۋىل شارۋاشىلىعى مەن اۋىل – قىستاقتى الدىمەن دامىتۋعا تاباندى بولىپ، ونەركاسىپ ارقىلى اۋىل شارۋاشىلىعىن تولىقتاپ، قالا ارقىلى اۋىل – قىستاقتى جەبەپ، جاڭا داۋىردەگى وركەنيەت امالياتى ورتالىعىنا سۇيەنىپ، اۋىل – قىستاقتارعا باعىتتاي وتىرىپ، نازاريا جەتكىزۋ، وركەنيەتتى جەتكىزۋ، قىزمەت وتەۋدى جەتكىزۋ، دارىندى جەتكىزۋ قيمىلىن بەلسەندى ورىستەتىپ، «ءۇشتى اۋىل – قىستاققا جەتكىزۋ» قيمىلىن ۇدايىلاندىرۋدى، تۇزىمدەندىرۋدى ىلگەرىلەتىپ، ديقانداردىڭ يدەيالىق ءمورال ساپاسىن، عىلىم – مادەنيەت ساپاسىن، فيزولوگيالىق – پسيحولوگيالىق سالاماتتىق ساپاسىن جانە اۋىل – قىستاقتىڭ وركەنيەت ورەسىن ۇزدىكسىز جوعارىلاتىپ، حالىقتىڭ قاجەتىن قاناعاتتاندىرۋ مەن حالىقتىڭ رۋحاني جاقتاعى كۇش – قۋاتىن ارتتىرۋدى ءوزارا ۇشتاستىرۋدى ىلگەرىلەتىپ، اۋىل – قىستاقتى جاپپاي كوركەيتىپ، ونەركاسىپ پەن اۋىل شارۋاشىلىعىنىڭ، قالا مەن اۋىل – قىستاقتىڭ جاڭا تيپتەگى قارىم – قاتىناسىن قالىپتاستىرۋعا قۋاتتى رۋحاني – كۇش قۋات ازىرلەۋ كەرەك.
ۇقتىرۋدا مىنالار باسا دارىپتەلدى: نازاريانى اۋىل – قىستاققا جەتكىزۋدە شي جينپيڭ جاڭا ءداۋىر جۇڭگوشا سوتسياليزم يدەياسى مەن پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنۋ، ۇگىتتەۋ، قالىڭ ديقانداردىڭ يدەياسى مەن ارەكەتىن ورتالىق كوميتەتتىڭ رۋحىمەن اناعۇرلىم ويداعىداي بىرلىككە كەلتىرۋ كەرەك. وركەنيەتتى اۋىل – قىستاققا جەتكىزۋدە جاڭا ءداۋىر وركەنيەت امالياتى ورتالىعى قۇرىلىسىن كەڭەيتىپ، ورتالىق قۇرىلىسى مەن «ءۇشتى اۋىل – قىستاققا جەتكىزۋ» قيمىلىن تىعىز ۇشتاستىرىپ، اۋىل – قىستاقتاردا ءمورالدىق ورە مەن وركەنيەت ورەسىن ۇزدىكسىز جوعارىلاتۋ كەرەك. قىزمەت وتەۋدى اۋىل – قىستاققا جەتكىزۋدە مادەنيەت جاعىندا حالىققا تيىمدىلىك جەتكىزۋ ينجەنەرياسىندا جاڭالىق اشىپ، بۇقارالىق سياپتتاعى مادەنيەت قيمىلدارىن، اۋىل – قىستاقتى كوركەيتۋ، ديقانداردىڭ عىلىمي ورەسىن جوعارىلاتۋ ارەكەتىن جانە سالاماتتىقتى كۇشەيتۋ قيمىلىن كەڭىنەن ورىستەتىپ، بۇقاراعا قىزمەت وتەۋ بارىسىندا بۇقاراعا اناعۇرلىم ويداعىداي جەتەكشىلىك ەتىپ، بۇقارانى اناعۇرلىم ويداعىداي ۇيىستىرۋ كەرەك. دارىندىلاردى اۋىل – قىستاققا جەتكىزۋدە «ءۇشتى اۋىل – قىستاققا جەتكىزۋ» جاعىندا ەرىكتى قىزمەت وتەۋدى ۇدايىلاندىرعان، تۇزىمدەندىرگەن قىزمەت وتەۋ مەحانيزمىن قۇرىپ، ديقاندارعا باعىتتالعان ءبىلىم، ونەر ۇيرەتۋ كۋرستارىن ۇنەمى اشىپ، اۋىل – قىستاققا ىرگە تەپپكەن قىزمەت قوسىنىن دايىنداۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
